أحاديث لا تقال ولكن خلقت لتكتب ..

تعرفون شعور الطفش من كل شئ حولك ..
والزعل على كثير أشياء ..
و رفضك لواقعك ..
تحس لو أنك بمكان ثاني أو زمان .. !
بتتغير أمور كثير ..
لو أنك مع ناس ثانية ..
بتحل مشاكل كثير ..
تلقى لعزلتك ألف سبب .. وتخاف منها !
تعيش وسط الناس وحيد ..
و ودك تحتمي ببطن الأرض ..
ما هو شعور حزين .. قد ما يكون غريب ..

المنوال ,سكون النفس معجبون بهذا

ودي أتوظف ..
ودي استقل بحياتي ..
ودي أعيش أيامي لنفسي ..
ودي أتعب لمستقبلي وألقى نتيجة تعبي ..
ودي أقضي أيامي في كد وروحه وجيه لسعادتي ..
ودي أنام نومة التعب بعد ما أنجزت لحياتي ..
ودي أعيش ولّا أنتهي ..

بس

ماعندي طاقة أعيش فيها ..
وكل تفاؤلي راااح .
ما عندي حب للحياة ..
ولا شغف .
ماعندي ثقة بأني بأحصل نتيجة ..
ولا ضمان لمستقبلي .

المنوال ,سكون النفس معجبون بهذا

أكككره شئ لمّا أشتككي لأحد من شئ
وتجيني ذيك العبرة ..
مهب وقته قسم ..😮‍💨

المنوال ,سكون النفس معجبون بهذا

المشاركة الأصلية كتبت بواسطة بخير رغم كل شيء

هههههههههههههههههههه
الله يجعل صباحاتك ومسائاتك على ما تحبين وأجمل 🩷🩷🩷🩷
وصباح الخير لك و لأختي سكون النفس وجميع الحاضرين والغايبين 🌹🌹🌹🌹
والله سؤالك خطير محتاج تفكير 🙃🙃

مجرررد التفكير في هذي التساؤلات يملئ الفؤاد فرحا وشوقا
للجنه 🥺🩷

خليها قعدة أحسسن دام فيها فنجان قهوة 🤣🤣

صباحِك رحمات وبركات ياغاليه ... يامرحبابك وبروائع ماتكتبين يا رائعة .

بخير رغم كل شيء معجب بهذا

المشاركة الأصلية كتبت بواسطة سكون النفس

صباحِك رحمات وبركات ياغاليه ... يامرحبابك وبروائع ماتكتبين يا رائعة .

حييياك الله 😘😘😘
وجودك الأروع والأجمممل 🌹🌹🩷

وحيا الله أختنا المنوال أنيقة الطلة 😘🌹🩷

أنا عدو الحزن وأنا عدو الفراق

آحس براحه كبيرة لما بديت أعطي كل شخص
حجمه في داخل نفسي ..
خصوصا المؤذيين كنت أشوفهم جببل ..
واليوم ما أشوفهم شئ ..

من بعد ما كنت أغّلط نفسي عشان ما أشوف أحد غلطان ..
وأقول معليش الخطأ خطاي .. أولا وأخيرا .

صرت أوقف كل شخص يأذيني عند حده بأسلوب .

والغريب قالوا وش غيرك كنا نغلط وترضين ..!

حتى ما يدرون أني ما كنت راضية !! بس لكبر قدرهم اسكت .

وفي النهاية حطوا الغلط علي .. أني من أول عطيتهم مساحة للغلط .. !!

تعلمت أن في فرق بين أننا نعز إنسان وبين إننا نسمح له يتجاوز حدوده معنا .

ما اعتبر هذا الإكتشاف المتأخر إنجاز لأني كنت أعشم في الناس🥺 .. وتجاوزت مرحلة الصدمه .. لمرحلة تصحيح الأمور .

عموما ما في علاقات مثالية .. ولا بشر كاملين .

لكن الأولوية والمعزه والمحبه الأبدية دائما لنفسي .. هذا اللي تعلمته أخيرا .

كلن يعود لأصل جده ومرباه ..*
لا تتحمس وتزرع في حديقة ماهيب لك ..
لأنك بعدين بتاكل أصابعك ندم وقت ما ياكل غيرك ثمر جهدك .
ولا تحط جميلك في اللي ما يقدّره ولا يقدّرك ..
ولا تنسى .. حتى لو سامحت ..
وإذا قالوا لك تراك طيب .. اعرف أنك ملعوب عليك ..
وحب من تحب بلا منّه .. لأن المحبه تسعدك قبل تسعد من تحبه ..
وترى في ناس خلقت بدون مشاعر .. لا تتعب نفسك معها ..

غلطة عمر !!
أنك تعيش اليوم بنفس شخص الأمس !!

الدنيا تغير .. والناس .. كلنا تغيرنا ..!
ليش ما تتغير معنا ..؟
ماكفتك صكات الدنيا و دروس الحياة ..

كانوا يخوفوننا وحنا صغار من العوافي ..
كبرنا وصارت أكبر أمانينا نلقى العافية !!

كان الغريب أكثر شخص يحذرونا منه ..
كبرنا ولقينا الظلم من القريب !!

علمونا على التسامح والعفو ..
وماقالوا لنا أنه عند المقدرة .. !

كبرنا بالعمرر .. ولازلنا بمشاعرنا وتفكيرنا صغار ..
واللي ما تعلمناه في البيت ..تعلمنا إياه الأيام ..!!

صار عندي حساسية من نوع آخر ..
أي شخص سلبي ..!
تلقائي أصد عنه وأبعد بعييد ..
أعامله معاملة الفيروس الخطير 🤣

أكبر عدو .. اللي يسرق طاقتك بحلطمته الدائمه ..!

الكرة الأرضية فيها اللي يكفيها .. لا تفجر فيها براكين لها سنين ساكنه ..!
إما تسعدني ولا يسعدني فرقاك ..

كلنا ممكن نكون على حق في أحيان وأحيان لأ ..
المشكلة تدرون وين ..؟
لمّا يشوفونك على خطأ في كل شئ ..
وكل كلامك مردود عليك .. !
والمشكلة الأعظم إذا كانوا يحاربون إختياراتك في مستقبلك .. ! لأنك منتب ثقة .! على حد فهمهم ..!
وبعد ما تضيع عليك الفرص وعمرك ويضيع مستقبلك فعليا .. !
يقنعونك في إختياراتك اللي فات و ولّى زمانها .. وبعد ما تجاوزتها و عافها الخاطر .!

الآن حتى حرية الإختيار ما أبيها .. !
لأني ما عاد أبي شئ .. !

الخوف مزروع داخلي ..
وكأنه ظلي ..
من زمان كنت أواجهه بأني أعيش مخاوفي .. !
لكنها مهيب الطريقة المثلى ..
لأن في مخاوف ما ينفع تعيشها .!
صار التفكير فيها يشكل هاجس ..
يطير النوم عن عيني كثير أوقات ..
أتجاهلها ..؟! أتشاغل عنها .!؟
ترجع مع أي كلمه أو موقف أو حدث يوتر ..!
أطردها وأظل أطردها .. حتى أنساها ..
هل ارتحت ؟؟!
لأ. اطرد الخوف من الباب يرجع من الشباك .. !
مشكلتي الحقيقة
كيف أتجاوز شعور الخوف نفسه .. !
وليه أفقد شعور الأمان .. ؟

الرحمه تعذّب ..
المشكله أرحم كل الناس إلا نفسي ..
أضيق إذا أحد ضاق .. وأزعل من نفسي لو زعلت أحد .

أبي أعيش مشاعري لنفسي فقط .. كيف؟؟!

مابي أفكر في حياة أحد غيري ..!

ما ني أم لهم أشيل همهم !!

ولا فيه أحد بيشكرني على مشاركتي له في حزنه .!!

ولا بتحاسب عن خلق الله ليه أكدر خاطري عشانهم !!

أبي أصحصح من الغباء الشعوري هذا .. !

آحس أني مبسوطه .. مواعيدي القادمه كلها عن بعد
ارتحت من مشاوير الصباح الممله ..
اليوم سألني الطبيب عندك مشكله مع الأدوية ؟!
قلت لا مرتاحه معها 🤣
قال أجل نستمر عليها بنفس الجرعات ..
قلت أي طبعا .😜
قال أكيد مليتي من الأدوية بس استمري عليها فترة بسيطة وبنشوف .. 🤭 أي تمام ..