يوميات الفضفضه ........

المشاركة الأصلية كتبت بواسطة شوية تفاؤل

يسعد مساءكم


أخبار الجميع إن شاء الله بخير 🌷'
اليوم صحيت من النوم وأحس اني بحلم والواقعية ومو قادرة اركز

نصحني دكتوري اعمل تحليل لفيتامين B وفعلا طلع ناقص عن معدله الطبيعي وهو سبب الدوخه وعدم التركيز والكتمه
وببدى اخذ الحقن كل اسبوع

الحمدلله ❤

كم الفيتامين لاني انا مو ناقص معدله طبيعي ومع ذالك معاي دوخه مستمره واعراض ثانيه وانتي دوختك كيف اوصفيها وهل هي مستمره والتركيز طبيعي يقل بسبب اعراضنا والله ان شاء الله نتجاوز الاعراض ربي معانا

المشاركة الأصلية كتبت بواسطة ذكررى

أنا فاهمة شعور داعية جلست فترة طويلة ماني مقتنعة انه شيء نفسي
كيف نفسي ويسوي كل ذا بالجسم يهد الحيل.
بس فعلاً اقتنعت انه نفسي.

عن نفسي قدرت اتغلب على كل الاعراض المتعلقة بالآلام والدوخة خلاص اذا جتني معد تخوفني واتناساها لين تخف مع ان بين فترة وفترة اضعف قدامها
لكن مشكلتي مع الخوف من الموت مرة مأزمني احس اني بموت وما احب اتكلم بمواضيع مستقبلية اخاف اموت قبل لا الحق عليها
وقبل كل طلعة افكر اني مارح ارجع البيت بيصير لي شيء وهكذا
احاول اتجنب الفكرة واقنع نفسي انه وهم لكن مو قادرة اقتنع كل شوي اقول معقول يعني المرض النفسي سيطر علي لدرجة ما اقدر افكر واتنبأ زي اي انسان طبيعي ويكون هالمرة تبنؤي صح لأنهم يقولون الشخص يحس بقرب اجله.
وبس من فكرة لفكرة صرت انسى كثير وما اركز وما يعجبني او يبسطني شيء

نورتي ذكرى بالنسبه انو مو مقتنعه لانو مستمره اعراض الدوخه والله ماتفك ابدا كأني في سفينه شراعيه طول الوقت اهتزاز مو طبيعي تسبب لي ضيقه ورعب واحس اني مو متوازنه بس الان بديت اقنع نفسي انو نفسي عشان اقدر اتخطاها بسألك كيف قدرتي تتخطين الدوخه ياليت تذكرين الطريقه وربي يشافيك ويشافينا انه قادر على كل شي سبحانه

المشاركة الأصلية كتبت بواسطة بن دايم

أقولك كلها وأكثر

طيب اخوي بن دايم تنصنحي اسوي اشعه مقطعيه على الصدر والمعده ولا اسوي منظار
ودي اسويهم وخايف لاني ذبحت عمري بالاشعات
عملت سونار على المعده والبطن مافيه شئ لله الحمد سليم
بس اتعبني الشعور بنبضات القلب تقول مركب بطاريه تنبض لثواني وتختفي ومرات يصير قوي النبض ومعاه الم ضاغط على الصدر والقلب والظهر
بن دايم ابي نصيحتك

المشاركة الأصلية كتبت بواسطة اوهاااااااااام

طيب اخوي بن دايم تنصنحي اسوي اشعه مقطعيه على الصدر والمعده ولا اسوي منظار
ودي اسويهم وخايف لاني ذبحت عمري بالاشعات
عملت سونار على المعده والبطن مافيه شئ لله الحمد سليم
بس اتعبني الشعور بنبضات القلب تقول مركب بطاريه تنبض لثواني وتختفي ومرات يصير قوي النبض ومعاه الم ضاغط على الصدر والقلب والظهر
بن دايم ابي نصيحتك

راح يقولك الدكتور كل شي سليم
نصيحتي لك دكتور نفسي وعلاج و6 شهور وانت طيب باْذن الله
ابيك تحول تركيزك من الأعراض الى العافيه
حول تفكيرك الى كيف العافيه

ترا انا يااوهام تمر علي أعراض وحالات وضيقه
لكن انا لازم احارب واقاوم
مثال اليوم دخلت البيت جلست عالارض
وحاس ان راسي وعيوني فيهم ضغط قاعد يزيد
الوساوس اشتغلت كيف تصرفت ؟
غيرت جلستي وقلت للوسواس مع نفسك
التحقير لاازم

المشاركة الأصلية كتبت بواسطة بن دايم

راح يقولك الدكتور كل شي سليم
نصيحتي لك دكتور نفسي وعلاج و6 شهور وانت طيب باْذن الله
ابيك تحول تركيزك من الأعراض الى العافيه
حول تفكيرك الى كيف العافيه

ايه اوهام حول تفكيرك الى عافيه مثل ما قال الاخ بن دايل فعلا جربت نصيحته حسيت بنشراح وخفت اعراضي شي بسيط وعقبال ماتتلاشي طبق كلامه ورح الدكتور

مساء الخير

بالنسبه لفيتامينات B مهممممممه جدا جدا جدا
وهي المسؤله عن التركيز والاعراض النفسيه
لأن نقصها يسبب عدم تركيز وكتمه و دوخه وتنميل الاطراف
انا ناقص عندي B12 ومسبب لي فقر دم
عشان كذا ما اركز كثير والاستيعاب لك عليه
ويمكن بسببه تزيد اللاواقعيه الزفته 😭
وطبعا انا ما استمر على الادويه
انساهم مرات و ترجع لي الاعراض

المشاركة الأصلية كتبت بواسطة داعيه ربها

نورتي ذكرى بالنسبه انو مو مقتنعه لانو مستمره اعراض الدوخه والله ماتفك ابدا كأني في سفينه شراعيه طول الوقت اهتزاز مو طبيعي تسبب لي ضيقه ورعب واحس اني مو متوازنه بس الان بديت اقنع نفسي انو نفسي عشان اقدر اتخطاها بسألك كيف قدرتي تتخطين الدوخه ياليت تذكرين الطريقه وربي يشافيك ويشافينا انه قادر على كل شي سبحانه

كيف مستمرة ! اذا بين فترة وفترة تجي ماتنقطع فهذا شيء عادي نوبة هي تجي وتروح
وبما انها نوبة مضطرة اذا جت الدوخة انشغل عنها لين تروح وما احس فيها
أنتِ كل ما اعطيتي الموضوع اهتمام زاد وطول معاك
المهم انك ماتقطعين العمل اللي كنتي تسوينه قبل تجيك النوبة استمري فيه وحاولي تركزين فيه

المشاركة الأصلية كتبت بواسطة ذكررى

كيف مستمرة ! اذا بين فترة وفترة تجي ماتنقطع فهذا شيء عادي نوبة هي تجي وتروح
وبما انها نوبة مضطرة اذا جت الدوخة انشغل عنها لين تروح وما احس فيها
أنتِ كل ما اعطيتي الموضوع اهتمام زاد وطول معاك
المهم انك ماتقطعين العمل اللي كنتي تسوينه قبل تجيك النوبة استمري فيه وحاولي تركزين فيه

لا دوختي مستمره ماتفك ابد مو نوبه لو نوبه ارحم ارتاح ع الاقل بعدها

المشاركة الأصلية كتبت بواسطة بن دايم

طبعا انا دائما أقول الآلام اللي في الصدر القلب بريء منها
انت تحب النهار انا أكرهه جدا
الموضوع واضح قدامنا فيه خلل في مخنا ويبيله علاج
نصيحه أبدا بالعلاج وانا اخوك

ان شاءالله ربي ييسرها

المشاركة الأصلية كتبت بواسطة انعكاسات

داعية ربها اخذت ادويه وما استمريت عليها ( سيروكسات / انتابرو )
بعدين اتجهت للعلاج السلوكي المعرفي

انت حسبي يارب انا مثلك اخاف من الشتا و البرد و المطر
وكمان كنت استمتع بشبة النار و ريحة الحطب الحين مدري وش تغير
ودي ارجع انعكاسات القديمه اشتقت لنفسي كثير 💔

شكلك زيي اول ماجاتني النوبه بالشتاء يمكن عشان كذا صرنا نخاف منه
ان شاءالله ربي يشفينا ونرجع اقوى واحسن من الاول يارب

بسألكم فيه احد جرب العلاج السلوكي وجاب نتيجه معه
نفسي اجربه احس احسن من الادويه النفسيه

السلام عليكم .. انا بعد ماتنتهي مني النوبه وتروح شعور الظيقه واليأس من الحياة مايفارقني واستغفر الله كل ماسوي لنفسي حاجه او اجيب شي جديد اجلس اقول ف نفسي وشوله يمكن مارجع البسه يمكن يتذكروني فيه وهاذا سوء ظن بالله استغفر الله بس غصب عني حتى لو نوبة الخوف مو موجوده هالشعور ملازمني 😢

مع العلم اني ولامره رحت طبيب نفسي لان النوبه تجيني فتره وتروح مو مستمره واهلي ماحبو فكرة طبيب نفسي وانا ماشرحت لهم حالتي بوضوح وبالتفصيل استحي لو سالوني وش فيك وش اقول اخاف اموت !!! يعني احس سبب بايخ في نظر الناس اللي ماتحس بشعوري

المشاركة الأصلية كتبت بواسطة عبير سعد

السلام عليكم .. انا بعد ماتنتهي مني النوبه وتروح شعور الظيقه واليأس من الحياة مايفارقني واستغفر الله كل ماسوي لنفسي حاجه او اجيب شي جديد اجلس اقول ف نفسي وشوله يمكن مارجع البسه يمكن يتذكروني فيه وهاذا سوء ظن بالله استغفر الله بس غصب عني حتى لو نوبة الخوف مو موجوده هالشعور ملازمني 😢

انا حاس فيك وافهم شعورك
لكن من اهم الأشياء تحويل الفكره السلبيه الى ايجابيه
يعني لما تبدى الأفكار اعكسيها انا بخير. بكره اجمل
لاتسمحين للاسترسال مع الوسواس
حقري الفكره راح تشوفينها تصغر
لازم تتعبين في المحاوله
انتبهي من الاستسلام

المشاركة الأصلية كتبت بواسطة انت حسبي يارب

بسألكم فيه احد جرب العلاج السلوكي وجاب نتيجه معه
نفسي اجربه احس احسن من الادويه النفسيه

أنا ياقلبي جربته لمده شهرين ومره فادني
أنصحك فيه وبقوة بس لازم تقتنعين من جوى أنه راح

يغير تفكيرك ونظرتك للحياة🌷

تمنيت أني اعتمدت بعلاجي عليه
وماكليت حبوب بس مايندرى وش الخيره فيه الحمدلله اولا واخيرا..