|
20-07-2010, 06:13 PM | #260 |
عضو نشط
|
قصتي طويله فيها شبه كبير من القصص الي قراءتها محتاجه تسمعووني
انا في السنه الماضيه في شهر سته كنت متعشيه مع وماعندي اي مشكله لاكن فجاْه حسيت بااختناق وضيق نفس شديد وتنميل بااطرافي يدي اليمين ورجلي ووجهي ومااقدر اوقف كنت منهاره جدآ وابكي بصوت علي واصرخ وحسيت اني بمووت امي خافت وصحت ابوي ورحنا للمستشفى وكنت اطلب منه بسرعه لانه وربي مااقدر ارد انفس نهائيآ يعنيفيه شهيق بدون زفير دخلت على الطوارئ واغمي علي لمدة دقايق بس وحطولي كل الاجهزه تخطيط قلب وضغط واكسجين قالو مافيها شي يمكن نقص املاح بعده بساعتين هديت شوي لاكن مازال فيني صعوبة التنفس وطول هالمده وكان تفكير الموت مسيطر علي رجعت البيت وكنت تعبانه ودايخه نمت وصحيت من بكرا وكان جسمي تعبان وبس افكر بالموت ومااكلت شي وسبحان الله بنفس الوقت بالليل رجعت لي النوبه وتعبت منها وتكررت الماساة وروحة المستشفى المهم قريت على نفسي وهديت شوي وحاولت اشغل تفكيري بااي شي المهم جلست كم شهر ومااحس بشي الحمد لله وبعد عيد ذي الحجه رجع لي التعب اكثر من قبل وانهرت مررره حسيت اني فيني شي خطير رحت للمستشفى وسويت تحاليل دم شامله وتخطيط قلب واشعة مقطعيه للراس وكهربا للدماغ وكل شي سليم الحمد لله لاكن دكتور مخ واعصاب احتار بحالتي وعطاني علاج وقال تاكلينه لمدة سنتين وانا لما رحت البيت تفاجات انه علاج لصرع بصراحه بكيت مره انا قلت بجرب واكله اكلت نصف حبه وربي احس تعبت منها وتركيزي ضعف ومعدتي تالمني وماطولت يمكن 3 او 4 ايام وقررت اغير الطبيب فعلا غيرته وشاف الطبيب التقارير وسوالي كم تمرين للتركيز قال انتي تركيزك ميه بالميه مشاءالله وحرام الدكتور ظلمك وقالي انت ماعندك مشكله الا مشكله نفسيه لانك انسانه كتومه يتبع ..... |
|
20-07-2010, 06:19 PM | #261 |
عضو نشط
|
ومن بعد النوبه الاخيره تعبت مرره حسيت جسمي تعبان والامراض تتنقل من عضو لعضو فيني والوسواس واللتفكير بالموت والاحلام المزعجه وربي حتى الضحكه اقول ليش اضحك وانا بموت وربي وزني نقص 13 كيلو وصرت انسانه ثانيه اهلي مو مقتنعين اني اروح لطبيب نفسي يقولون مافيك شي كلها وسواس من الشيطان ياربي انا تعبت مرره كرهت اليل والنهار تكفون ساعدوني مع العلم الدكتور الي قلت لكم صرفلي علاج للاكتاب اكلته لمدة شهر وقالي وقفيه خلاص
تكفون ابي ارتاح |
|
20-07-2010, 06:21 PM | #262 |
عضو نشط
|
المشكله كل القصص الي قراتها مافي تشنج مثل الي صارلي وتنميل
لاكن اغلب الي ذكرتوه موجود فيني بسرعه ردو علي احس بديت انهار |
|
20-07-2010, 06:24 PM | #263 |
مراقب عام
|
اولاً مرحباً بك في نفساني
اختي العزيزة مشكلتك صغيرة جداً في ناس عندهم نوبات هلع اقوى من اللي انتي تحسيها والله اعلم المهم اطلب منك بعض الاسئله من متى وانتي تعاني بالظبط من هذه الحاله ثانياً هل سويتي فحوصات شامله لا عضاء جسمك بالكامل |
|
20-07-2010, 06:29 PM | #264 |
عضو نشط
|
سنه وكم شهر اعاني منها
وسويت تحاليل دم شامله وسويت اشعة مقطعيه على الراس وسويت اشعه تلفزيونيه للبطن وسويت كهربا للدماغ ومكان عندي شي كله سليم الحمد لله وتخطيط القلب سليم بس لما تجيني النوبه يكون ضغطي مرتفع الشاكر فيني شي |
|
20-07-2010, 06:37 PM | #265 |
عضـو مُـبـدع
|
أختي ما فيك شئ
قصتك مطابقه لقصصنا، فتطمني اللي تعاني منه قلق ونوبات هلع............ومرحباً فيك إنضميتي لملتقانا.......كلنا هنا نعاني.....وفي حال مايعلم فيها إلا الله...........تجولي أختي عذوب في المنتدى وحتشوفي إنك مو بس أنتي الوحيدة أختي أنصحك أنك تبادري نفسك بالرقية وطبقي البرنامج اللي ذكرته للأخ رائد أتمنى لك الشفاء والعافية قريباً |
|
20-07-2010, 06:46 PM | #267 |
مراقب عام
|
ثانياً دام انك سويتي فحوصات المفروض تكوني مبسوطه لانه لا وجود اي مرض عضوي
المرض اللي فينا هو الهلع واعراضه كثيرة فوق ما تتصوري ومتنقله من مكان الى مكان الحاله النفسية تلعب دور كبير علاج الهلع من الضروري زيارة اخصائي نفساني كي يوصف لك بعض العلاجات وبعد كم يوم راح تشوفين الفارق وراح تقولين الله يستر عليك يا اخي الشاكر وان شاء انا سوف اكون متواجد في المنتدي غداً صباحاً من الساعة السابعه الى الخامسة عصراً وتابعي المواضيع اللي في نفساني في نفس القسم حق نوبات الهلع وراح تقرائيها وترتاحي وفي ناس كثير نفس حالتك توكلي على الله وقومي صلي علشان ربنا يشفيك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|