قصص عن نوبات الهلع التي مرت بنا *_^

مساء الخير ياغالي الاثمان اللي اقصد انه لما عمل لي الطبيب تخطيط مخ قال زيادة كهربا بس مارضي يعطيني دوا قال مااحتاج وطلب مني مراجعه بعد اسبوعين بس من الخوف رحت لطبيب ثاني يعني مو نقص بقدرة الطبيب الاول بس الخوف اللي انا فيه من اللي حصل لي كل شي تغير بثواني وبعدين ظهرت اشياء تحصل لي مثل الارتجاف الخوف من الموت الخوف من النوم وحدي ياه اشياء كثيره

وعليكم السلام ورحمة الله وبركاته

اهلين فيك ابو سعيد وحيــآك الله ومشكور على طرح قصتك ..

الي معك يا ابو سعيد مر علينا واكيد من معه نوبة الهلع عنده وسواس يطفشه

مثل الي صار لي يوم اقول لكم اذا بطلع برى احس اني بموت ؟

واطلع وارجع وانا سليم مافيني ولا شي الحمد لله بس الي نبيه منك يا ابو سعيد

ماتجلس لحالك روح اطلع وتعال قاوم المخاوف الي تجيك مثلا لو جاك احساس

انك اذا طلعت تبي تموت اطلع وعاند نفسك راح تحصل انه ما يسير لك شي

وراح الشي ذ1 يزيد فيك الطمآنينه اقول لك انا كنت طالع بسياره عند اصحابي

فجاني احساس انو لو تركب والسياره وتمشي تبي تموت في حادث

ركبت السياره وشغلتها وقلت توكلت على الله انا عارف ما يبي يصيبني إلآ شي مكتوب

ودام كل شي مقدر حمد لله .. وشغلت السياره ومشيت وحمد لله وصلت بسلامه ورجعت بسلآمه

يعني لو جاني الاحساس ذ1 مره ثانيه اقول ذ1 قلق نفسي ولا هلع حاول تحقر الاشياء

اما عن عذ1ب القبور اكيد هذي حقيقه بس ليه ماقلت لنفسك ان القبور روض من رياض الجنــه

نعمل صحيح في دنيانا وتسير قبورنا ان شاء الله روض من رياض الجنه يارب للجميع

اما عن الاشياء الي تجيك مرت على كل واحد يعاني من الهلع واكثر شي التفكير في الموت

بس اسمح لي كل الاعراض الي معك معنا والدكتور الي رحت له غريبه قال لك مالي حل لمشكلتك

روح شوف دكتور غيره حمد لله نحنا ماشين على حبوب وكل شي حمد لله في تحسن يارب لك الحمد

فكر زين اعرف ان الموت والحياه بيد الله لو جاك قلق وخوف استرخي وسوي تمارين الاسترخاء صدقني راح تنفعك شي كثير

واخيرا اسال الله ان يشفيك يالغالي وان شاء الله نشوفك بصحه وسلامه يارب

.. بعدين الايميل مو طالع ..

مساء النور اختي ام الهنوف ..

يعني انتي اول شي طلع عندك زيادة في الكهرباء وبعدين جاتك الافكار في الموت

زياده في الكهرباء دام الدكتور ما اعطاك علاج لها فعرفي انها ربما زياده قليله بعد فتره تروح

لان المعروف عن زيادة الكهرباء لو كانت قويه ان الواحد يتشنج وذ1 الي حاصل مع اخوي الصغير زمان

بس حمد لله انتي بصحه وسلامه يارب وابي اطمنك لا تخافي دام زياده قليله فما راح تضرك في شي ابدا ..

بس انتي روحي لدكتور وشوفي وش الي يقوله لك بس اذا كانت قليله اطمنك انتي بخير فديت روحك

بعدين اعراض الهلع حدث ولا حرج وربي شي يهد الحيل بس وش نسوي نصبر اذا تبي الشفاء وان شاء الله ربي يشفينآ ..

مساء الخير غالي الاثمان اخوك الصغير وشلونه وبعدين هل زيادة الكهرباء تخوف الله يخليك قولي الحقيقه ازعجتك

اخي غالي الاثمان مساء او صباح الخير ارجو منك ان لاتنزعج مني انا دائما ابحث عن اي شي يدلني ويفسر لي ماحدث لي اتعلم انني شعرت بالموت بل اوشكت عليه اعراض ماحدث معي مخيفه مرعبه حتى عندما اتذكرها اخاف لقد كنت ابكي عند الطبيب واطلب منه ان يعطيني اي مهدئ لكي انام اسفه ان كنت ازعجتك ان كنت لاتريد ان تجاوبني فلن اغضب لانني اطلت عليك بالاسئله الى اللقاء

وعليكم السلام ورحمة الله وبركاته

اختي الغاليه ( ام الهنوف ) اول شي ياغاليه اخوي وصفوا له علاج يالغاليه اما الشي الثاني يا اختي ترى مافيها لا تعب ولا كلافه اسالي قد ماتقدري يا غلاي وخذي راحتــك ياختي شوفي لك دواء عند الطبيب ولا روحي لدكتور معروف ولا ثقه واستشيريه قولي له عندي كهرباء .. وشوفي وش يقول لك .. وطمنينا عليك يالغاليه

مساء الخير انا فعلا من اول رحت لطبيبة مخ واعصاب بس انت ماجوبتني عن سؤالي عن اخوك انا اسال عن صحته كيف حاله هوبخير وبصحه تمام وبعدين اليوم الصباح صارلي خوف مدري من ايش حسيت اني بموت اخذت بنادول وحاولت انام هذا الكلام الساعه 9 شويه الا اروح اصحي زوجي من الخوف بس مسكت نفسي ماادري شعور غريب اني بموت واني خلاص هاذي نهايتي نمت وانا خايفه حسيت بشي داخل جسمي مدري مثل لما يكون الشخص ينتظر شي وخايف يكون عكس اللي يبيه حتى اني اتنهد وبقوه احاول اخذ نفس وحسيت برعشه بسيطه بجسمي المهم نمت كنت اتمنى في تلك اللحظه لو احد عندي بس يكلمني انا خايفه جدا بس مدري من ايش انا رحت لشيخ وقرا علي بس مارحت مره ثانيه لاني لما اروح اجلس يومين وانا تعبانه نفسيا

مساء النور ، ام هنوف

اي والله اخوي بخير وبصحه وسلامه واذكر علاجه استمر سته اشهر بس اللحين حمد لله بخير وفي تمآم العافيه

اللحين جالس اكتب الرد ع الموضوع واحس باشياء الي هي :

1- حاس تسارع دقات القلب بس على خفيف

2 - رعشه في جسمي خفيفه

3 - احس بجفاف ريقي

4- احس بخمول وتعب

وش ذ1 الي ساير فيني : (

سلامتك يالغالي ماتشوف شر ياخوي كل اللي تحس فيه حسيت فيه بس اكثر والله احس ان راسي من كثر الحراره كانه بركان يبي ينفجر وبعدين قبل كنت احس بدقات قلبي لدرجة اني مااقدر اوقف وابسط مجهود ابذله اتعب حتى لما كنت افرش اسناني اتكي على الجدار بس اعطتني الدكتوره فيتامين وخف كثير عني يعني احسن من الاول وانا كان يجيني الم تحت صدري يعني بفوهة المعده يضغط علي بقوه ماخليت طبيب ماشكيتله حتى طب شعبي رحت كان شي يدخل بين اضلوعي واحس رقبتي ثقيله جدا وريقي دايم ناشف ومن غير الرجفه كانت جدا شديده لدرجة اسناني تصك ببعض وكل مافيني يرتجف كاني مغطسه بماء بارد وبشدة البرد والله ياغالي اني حتى مااشوف زين قدامي دائما نقط سواء مثل السراب سلامتك ياغالي الاثمان واسمك على مسمى

الله يعطيك العافيه اخوي غالي

مجهود رائع

اخوي غالي طمني عنك ضروري اختك نور

المشاركة الأصلية كتبت بواسطة أمورة نفساني

الله يعطيك العافيه اخوي غالي
مجهود رائع

يعافيك ربي يالغاليه ..

ام هنوف .. حمد لله احس اني بخير بس كان معي رجفه في الجسم واحس بدوار خفيف لا وقفت او صليت بس حمد لله كلش تمآم < قلب جنوبي ههههه

لا ابشرك بخير وبصحه وسلآمه بس ذي الحالات لآزم تمر فينآ

السلام عليكم ورحمة الله وبركاته

شبآب مر علي شي غريب خلال يومين

الي هو احس بتعب وضيق في التنفس وغثيآن

واحس راسي فيه صداع خفيف احد مر عليه مثلي :(

صباح الخير الصداع معي على طول الاجهاد الجسمي نفس الشي اقولك بصراحه انا 4 ايام زينه والباقي لا جسمانيا ونفسيا والله العظيم اني ماني قادره ارد عليك احس اني متضايقه