قصيده مريض رهـــابيــ رائعه فعلاً المعاناه تولد ابداع

قصيدة رائعة وعلى الافل استاع ان يعبر عن مافية

لا للتشاؤم....

قصيده رائعه .. فيها الكثير من الجرووح والالم
احسنت ابداعا

صح لسانك ..

قصيده معبره ..:)

المشاركة الأصلية كتبت بواسطة مخاوي الوحده

وش تبا فيني انا والله انتهيت
.............. ما بقى من نار روحي الا الرماد
وليش تسألني هويت او ماهويت
................. لا افدت العشق ولا مني استفاد
مافي حد يمسح دموعي لا بكيت
............... ومافي حد يشتاق لي وقت البعاد
دامني لنفسي انا لا ما لقيت
............... كيف بالقى خل يبادلني الوداد
انا تايه لا عرفت ولا دريت
............... من انا او وين انا بايه بلاد
ومافي حد سمع كلامي لا حكيت
................... ولافي حد يفهم منه وشهو المراد
انا عارف لا زرعت ولاسقيت
.................. وكيف جاي اطلب نصيبي من الحصاد
اصلا انا لا انزرعت و لا ارتويت
................... ولا استفاد الطير مني والجراد
انا من يومي على الدنيا وعيت
................. ادمي في شرب ماي واكل زاد
اما باقي الدنيا منها ما حويت
................ يمكن الدنيا تحسبني جماد
اشتكت روحي عليها انا اعتديت
..................... واشتكى من حيرتي نبض الفؤاد
كيف بابني بيت وانا ما انبنيت
................... كيف اصلح نفسي وانا اصل الفساد
اصلا انا ماني محتاج اي بيت
................... مااحس بحر ولا حس البراد
وانت ياللي تسال اش فيك اختفيت
.................. انت ياللي لا بس ثوب السواد
ليش ما داويتني حتى شفيت
................... والا انصفني على عدل وحياد
انا ماني شاعر ولا قلت بيت
................. بس هذا الهرج لجروحي ضماد
ماني شاعر لا مدحت ولا هجيت
............... بس ذا مثل الشريط اللي يعاد
من بقايا انسان حي مستميت
................ لا نقص عمره يحسب العمر زاد
بس يا حروفي انا منك اكتفيت
.................. اسكتي يا حروف يالله بس عاد
.............

مشكور وهذي القصيده قالها شاب لدكتوره النفسي عندما طفش من الدكتور واتهمه بأن حالتك مستعصيه ...00``00`

ابدااااااااااااااااااااااااااااااااااع

سلمت اناملك الذهبية والله ان هذة القصيدة لامست مشاعري بقدر ما آلمتني حروفها الصادقة المعبرة التي رسمت صورة واضحة لهذة المعاناة القاسية
نسأل من الله العلي العظيم ان يبعد عنك الضر وعنا جميعا انه على شئ قدير وان يعوضك كلما تتمناه في القريب العاجل ان شاء الله ،لايؤخرك من شئ إلا لخير ولا يحرمك من شئ إلا لخير فلا تجزع اخي انت مأجور لك كل الود مني ومن الجميع ...

سلمت اناملك وفرج الله كربك وانار لك دربك وانسك وحشتك دنيا وآخرة اللهم آميييين.
صراحة حروف اثرت فينا جميعا لصدق مشاعرها النابعة من الوجدان ومن هنا ياتي الابداع دع حروفك تبوح بما تكنن في جوارحك لانك انسان قوي تملك احساس ومشاعر فياضة ، نتمنى لك الشفاء ولنا جميعا يارب .

قصيده رأااااااائعه جدا

ومؤثره

من قراتها وانا دموعي علي خدي

احس نفس مشاعري


الله يشفينا

وتتحسن نظرتنا للحياه

ياررررب

لاحول ولاقوة الا بالله
ابدعت اخوي والله يشفيك