سيبرالكس

المشاركة الأصلية كتبت بواسطة منتضر الفرحه

الدواء ممتاز بنسبه للحبه هل تاخذها قبل النوم ام الضهر وكيف نومك هل تحس انه عادي او زاد

وفعلا كلامك صح انك تبي دواء لان الي اشوفه انا ان الكلام الي يقوله الدكتور او الي يسمونه السلوكي اي احد يقدر يقوله لك اصلا انت تعرفه بدون ماحد يقولك بس المشكله بالنفسيه لما تقلب ويجي الاكتئاب والرهاب هي الي تخرب كل شي

الحبه اخذها الصبح بعد الاكل ,, سيبرالكس يسبب ارق في البداية بس انا الدكتور وصف لي لكستانيل اخذه بالليل وقت الحاجة ,, انا خذت لكسوتانيل اول اسبوع وثم قطعته والحين نومي عادي انام بشكل طبيعي ومن غير ارق بس لما تجيني الوساوس والاكتئاب يطير النوم ههه ,, بس الدوا الاحظ اعراضه الجانبية تلاشت تماما في الاسبوع الثالث , لا غثيان ولا ارق ولا نوبات انتحارية ولله الحمد .

الحين انتظر الدوا يبتدي مفعوله واحس بالسعادة او على الاقل ما احس بشي هههه لانه الاكتئاب والتفكير والقلق مرهق جدا جدا .

لين الحين ما شفت نتيجة واليومين اللي فاتوا حالتي سيئة ,, صار لي 25 يوم على السيبرالكس ما شفت نتيجة , متى بشوف نتيجة عطوني امل .

الله كريم .

كيف استرجع الثقه في نفسي واعيش غير مبالي للافكار اللي في راسي ,, اريد اعيش حياه طبيعية .

كملت أكثر من شهر وما لاحظت تحسن .. الاكتئاب ملازمني 24 ساعة حتى باحلامي كوابيس ,, صحيح الاكتئاب تختلف شدته يعني ايام اكتئاب قوي ما اقدر اطلع من غرفتي وايام اكتئاب متوسط اشل عمري شل عشان اخلص اشغالي .


اليوم كانت عندي مقابلة لوظيفة ,, كنت مرتبك وخايف اليوم اللي قبله , الحمد لله المقابلة عدت على خير لكن كنت اتئتئ بالكلام , وكلامي فيه نبرة خوف وحزن ... الله المستعان لا يرفضوني بس .


صار لي متخرج من 4 شهور وما فكرت اقدم على شغل الا قبل اسبوعين من شدة حزني وعدم اهتمامي بأي شيء .

ما لاحظت تحسن مع السيبرالكس ,, بالعكس أحس حالتي زادت سوء .

شسوي يا اخوان , عندي موعد بتاريخ 10-10 ,, أقول حق الدكتور يبدلي الدوا ؟؟

إن الله مع الصابرين .

أيها القوم أما من أحد يواسينا في كربنا

الحمدلله بخير

وينكم يا جماعة ... السيبرالكس زاد حالتي سوووء ما شوف اي تحسن ..

كيف زادها سوء كم الجرعه الي تاخذها؟ ياليت تفصل وضعك بالضبط اخوي كيف الحال

المشاركة الأصلية كتبت بواسطة منتضر الفرحه

كيف زادها سوء كم الجرعه الي تاخذها؟ ياليت تفصل وضعك بالضبط اخوي كيف الحال

انا اخذ 10 ملجم يوميا ..

صار وضعي من سيء الى اسوء ... زاد اكتئابي وصرت عصبي ومتنرفز اكثر واكثر ,, والقلق ملازمني وخوف من مجهول وقهر وندم .. ياخي ماعرف كيف اشرح احس فكري مشوش مادري شاللي حصل بالضبط ... الاهم اني ما لاحظت تحسن !!

الدكتور قالي بلاحظ تحسن خلال ثلاث اسابيع والحين صار لي اكثر من شهر وما لاحظت تحسن !!


مادري المشكلة فيني ولا من الدوا ,, مرات اقول يمكن لاني قبل الدوا حاط أمل باني لو تعالجت واخذت دوا بتتحسن حالتي , والحين لما بديت اخذ دوا وما لاحظت تحسن زاد اكتئابي ؟؟


أتمنى حد يفيدني ,, انا احاول كثر ما اقدر اني اطلع والله اني يوم اطلع كاني ميت حزين من داخلي لكن اطلع لمجرد المحاولة لعل وعسى اتحسن ,, لكن ما في فايدة .

الله المستعان

طيب ياحبيبي هل هذا اول دوا تاخذه ؟

ثانيا من مشاكل الادويه النفسيه ان مفعولها يتاخر وانا الان اعاني والله مثلك مع دوا زولفت والي زاد علي خوف شديد رهاب اجتماعي قوي ماقدر اخرج ولا اقابل احد هذا الي عاد ماعرفت شسببه

انا من رايي تستمر على العلاج وترا الجرعه الي تاخذها متوسطه لان اعلى جرعه للسبراليكس 20 واذا جا موعدك مع الدكتور قوله يمكن يزيد الجرعه او يضيفلك دواء اضافي

يالله الخيره

هذا اول دوا اخذه ,,

أتمنى يكون كلامك صح .

اليوم حسيت باكتئاب شديد ,, الله المستعان خلاص مب قادر ,, الظاهر بوقف الدوا .


كله من الدوا احس اني مهموم بزيادة , ودي بشي يريحني , ودي بعلاج يخليني ما افكر ويرتاح عقلي .


شكلي بقوم اخذ الحين لكسوتانيل وحبتين بندول نايت عشان انام وارتاح اذا قدرت .

وينكم يا اخوان ,, أريد نصيحتكم , اوقف سيبرالكس ولا شسوي بالضبط ؟؟؟؟؟


ما في تحسن ابد الحالة سيئة جدا .

حياك الله اخي الكريم واهلا وسهلا بك .. أسال الله بمنه وكرمه وعطفه ان يشفيك وان يديم عليك الصحه والعافيه .. ذهابك الي الطبيب النفسي خطوه ناجحه جدا وليساعدك في الاكتئاب الذي استمر معك سنين طويله .. دواء السبرالكس من الادويه الفعاله جدا والادويه الجيده جدا , الحاله التي تمر بها اخي الكريمه من اكتئاب شديد وقلق وخوف وهذا العرض يحدث لقله من الناس ,, والتفسير العلمي هو يحدث افراز حاد وشديد جدا للمواد الكيميائية في الدماغ ومنها مادة السيروتونين هذا الإفراز الحاد الذي يصل لدرجة الإغماء ناتج من فعالية الدواء الشديدة وبعد فترة سوف تهدأ الأمور وتقل حالة القلق والتوتر , ان ما حدث لك متوقع جدا ويحدث في مجمل الحالات في الكثير من الناس , مراجعتك القادمه بعد مرور 14 يوما ربما يقوم بتوجيهك علي الاستمرار علي الدواء البقاء عليه , او يتم تغيير الدواء الي احد الادويه التي تنتمي الي مجموعة السابرالكس ,, كمثال ( الزولفت , زيروكسات , اللستورال ) وهذه بدائل جيده جدا ولها فعاليتها , اما من ناحية تركك لدواء اللكستانيل فهذا الدواء دواء مهدي نفسي ولو استشرت الطبيب في تركه .. او استبداله باالادويه المعروفه في قائمة المهدئات .. أعلم اخي الكريم ان حالتك بأذن الله تعالي سوف تكون من الاحسن الي الاحسن ولكن يجب عليك الصبر واتباع ارشادات الطبيب النفسي . أسال الله لك الشفاء

مشكور يا دكتور يحيى على ردك في موضوعي جزاك الله خير , ردك أتشرف به .


يارب تتحسن حالتي مع اني اشوف العكس وحالتي بانحدار , مريت بلحظات عصيبة قبل في حياتي لكن مثل اللي امر به حاليا ما قد مريت به في حياتي ..


أتمنى الدوا يجيب نتيجة , صار لي شهر واسبوع على الدوا وانا قلت بصبر عليه شهرين ان ما نفع بوقفه وماعرف الخطوة التالية .


الله المستعان يا رب يا مشافي يا معافي اشفني واشف مرضى المسلمين , اللهم امين .