هلع من النوم والروتين والدوام

ياحبي لقلوبكم . كلامكم جداً ريحني ، حسيت ان فيه احد حاس بمعاناتي ، الله يكفينا شر الامراض بالنسبه لاذكار الصباح والمساء احيانا ً انساها خاصة أذكار المساء، والحمدلله على كل حال ويعمر قلوبنا بالايمان والصبر والله يثبت السكينه في قلوبنا جميعاً ويجزا كل من رد علي خير الجزاء

لازم نعمل على مواجهة المخاوف لأنها فعلا اقعدتناعن السعي في الحياة
الكف عن التفكير في الوسواس وتجاهل أعراضه كفيل بتخفيف كثير من المعاناة

اللهم صل وسلم على الحبيب

يعني انتي معك فقط قلق وخوف

طيب معك اعراض جسدية

ترا اللي معك شي بسيط صدقيني بس انتي شايفة انه شي كبير

يعني بسطي الامور قولي لنفسك عادي واذا مانمت فيه ناس تروح للدوام مواصلة واذا جاء وقت النوم لاتفكرييين بالنوم قولي لنفسك عادي مو لازم اليوم انام واشتري لك كتاب مثلا او التزمي بحفظ جزء من القرآن وخصصيه لوقت النوم


وصدقيني كلها كم يوم ويروووح قلق النوم


بس عندي سؤال مهم اذا ماداومتي تحسين براحة وتنامين زين
بالاجازات يجيك هذا الخوف بين فترة واخرى

اذا هالموضوع مرتبط فقط بالوظيفة وبدون اسباب واضحة اقصد انتي قبل ماكنتي تخافين او تقلقين من الدوام
فانا اقوووول ارقي نفسك

بالنسبه لي القلق و التوتر بالاجازه و وقت الدوام
بس أساسا ضغط الدوام يسبب قلق
وفكرة ان النوبه او الخوف او القلق يجي وقت الدوام بحد ذاتها تخليك تفكرين وتقلقين
يكون كل تفكيرك هل بتجيني نوبة ؟ كيف اتصرف ؟ بقدر اهرب ؟ اتخبى ؟ هل بطيح قدام الناس ؟
لكن في البيت تكون اهون شوي من الدوام
ولازم الواحد يحافظ على اذكاره عشان يتحصن

بشري عنك جمان كيف النفسيه ورجعتي دوامك؟؟

مشكوره ياقلبي على سؤالك ،بالنسبه للدوام داومت والحمدلله اللحين اعراضي لاتقتصر على الدوام ، صرت إنكتم في اي اجتماع وضيقه وحراره بجسمي غير الام المعده ، احس بحزن لايعلمه الا الله ، وودي اعيش مثل الناس اضحك من قلب اضحك وانا فعلا سعيده ، والحمدلله مستمره على الرقيه ،،، ويارب يفرجها علي وعليك ، وإنشاء الله فتره وتعدي املي بالله كبير

كانت تصير لي وانا بالمراهقه كيف انام وداوم وحالة نفس اسئلتك بالضبط الي ذكرتيها بردك استغربت يوم شفت احد نفسي .. اذكر كنت اكل مسكن كل ليلة واهلي مايدرون وشفيني متخيلين ؟ مافيني مرض ولا حاجه بس اخااااف من دون سبب كيف انام واذا مانمت اخاف يستمر فيني الحال كذا ف كنت اكل المسكن .. عموما باعتقادي التفكير هذا وسواااس
اذكر جت ليله قلت خلااااص بترك المسكنات حتى لو ماجاني نوم .. صرت استرخي لما اجي انام وقبلها بساعتين ثلاث مااسوي اي نشاط اقعد مسترخيه مااتحرك بقوه او كثير .. ولما اجي انام انسدح وانا مسترخيه وافكر باشياء ايجابيه وارخي جسمي واعصابي مااشدهم ولا افكر متى رح انام شلون انام .. وسلامتك الله يشفيك ويعافيك داومي حتى لو مانمتي ترا غصب غصب الانسان ينام موب بارادته.. صعب بس تقدرين واهم شي قبل كل ذا ادكري الله واقري الاذكار الصباح والمسا ..

اختي غيمة مطر تقولين اعراضي نفس اعراضك بالمراهقة والآن وش وضعك هل استخدمتي علاج ومااسلوبك في مواجهته

اختي الكريمة ... أعتقد من أهم الأسباب الملل !! جددي حياتك بعبادات مقصرة فيها .. صلة رحم ، زيارات ، طلعات، مطاعم ، ترفيه ، استعيدي مع زوجك ذكريات الزواج .... والأهم أن تعرفي أنكم بحال هي أحسن من غيركم ستجدين لذلك سعادة وطمأنينة بإذن الله. والله يشفيك وويعافيك .

انا صايره معاي من زمان من ايام المتوسط .. ماكنت عارفه وش الي فيني ماكان بيدي نت ذاك الوقت عموما كنت اخاف من هالشي وارجف لا جا وقت النوم كلهم ينامون الا انا
لين حطيت ببالي انو عادي واذا مانمت ؟ مو لازم انام فعلا
وكنت استعين بالصلاه والسنن القى فيها راحتي الحمدلله
وبالنهار كنت اشتغل كثيرر واستهلك طاقتي ولا اشرب لا قهوه ولا شاهي وقبل النوم بكم ساعه استرخي ولا اتعب نفسي او اسوي نشاط
على كل ذا كنت ماانام بسرعه بس قلت معليه
مع الايام تعودت الحمدلله الحين اكثر وحده تنام بالعايله انا 😹
الخلاصه حبيبتي لاتقلقين نفسك كثير زيك عادي حاولي تسوين هالاشياء الي فوق وشغلي القران بصوت واطي لا جيتي تنامين ولا تشدين اعصابك وتفكرين الله يطمن بالك ويشرح صدرك يارب تاكدي انها فتره وتعدي ❤️
اقري عن البابونج بالنت مفيد بعد

على فكره ظليت شهور على هالحاله لين تخلصت من فكرة عدم النوم طنشت قلت لا جاني النوم نمت لو ماجاني عااااادي

المشاركة الأصلية كتبت بواسطة جماان

مشكوره ياقلبي على سؤالك ،بالنسبه للدوام داومت والحمدلله اللحين اعراضي لاتقتصر على الدوام ، صرت إنكتم في اي اجتماع وضيقه وحراره بجسمي غير الام المعده ، احس بحزن لايعلمه الا الله ، وودي اعيش مثل الناس اضحك من قلب اضحك وانا فعلا سعيده ، والحمدلله مستمره على الرقيه ،،، ويارب يفرجها علي وعليك ، وإنشاء الله فتره وتعدي املي بالله كبير

نفس حالتي اول مابدا عندي المرض الروحي واستمرت سنين
كنت ماادري وش فيني اقعد متعذبه ولا احد حولي لا امي ولا ابوي يسألون
ومرت 13 سنه الين ربي هداني للقران والحمد لله الحين ارقي نفسي والله يفرجها قريبا علي وعليك
تصدقين كنت اتمنى لو اني عرفت من زماااان ان اللي فيني يروح مع الرقيه شي سهل مايحتاج لا تكاليف ولا مجهود
ضاعت فترة العشرينات كلها وانا تعبانه اتألم الحمد لله الله يعوضني ويعوض الجميع

اختي ندى الزهر : آيات الرقيه تسمعينها والا تقرأين على نفسك وماهي ايات الرقيه بالضبط وكم قعدتي ترقين نفسك ؟

قولي لي طريقتك بحذافيرها خلينا كلنا نستفيد

ابشري اختي


انا ارقي نفسي بسورة البقره واحافظ على اذكار الصبح والمساء واذكار النوم
واحافظ على الخشوع بالصلاة وبعد كل صلاة اقرا اللي اقدر عليه من القران وبالنسبه لي اقرا من السور اللي احبها
والحمد لله احاول اني احافظ على صلاة الوتر والضحى لان التقرب لله بالاعمال الصالحه توجب نزول الرحمه من الله للعبد
وبعد احوال اني التزم بالاستغفار مرات مااشاء الله مااقصر فيه ومرات اتكاسل شوي
بس الصراحه يوم التزم فيه ماشاء الله القى خير بعده والحمد لله
والدعاء يااختي ثم الدعاء والله انه نعمه عظيمه
الدعاء بقلب حاضر ومنكسر والبكاء بين يدين الله والثقه التامه فيه ولو انك تخصصين ركعتين لها يكون افضل
بالنسبه لسماع الرقيه من النت او من اي مكان ماافضله ابد
لاني قبل فتره كنت ابحث في النت وابي احدد وش المرض الروحي اللي فيني
ومن قرائتي لبعض الاعراض في المس لقيت ان بعضها فيني
وفكرت لو اني اسمع رقيه خاصه بالمس وسمعتها وبعد عدة ايام
جتني عصبيه والام في جسمي وعروقي مخيفه ونفور من سورة البقره
فتركتها.. لذلك انا اعتقد ان الرقيه بسورة البقره احسن شي واخف على المريض الروحي
لان سماع الرقيات الخاصه احسها تهيج الشياطين وتتعب جدا يعني يبيلها واحد يقدر يجابهم بقوه

ومن الامور المهمه جدا ومن بديت الرقيه وانا مكنسله شي اسمه تلفزيون
مرات اشاهد بعض القنوات الدينيه
اللي ما يجيبون فيها حريم ولا يكون فيها مويسقى
وانا عموما الحمد لله تركت هالامور من قبل الرقيه
وحتى تصفحي بالنت بعدت عن كثير من المواقع بسبب وجود صور النساء فيها
وبالنسبه لتويتر ركبت عندي برنامج يحجب الصور والحمد لله ارتحت عليه
لاني حجبت جميع الصور الموجوده فيه يعني مايطلع لي الا الكتابه بس
ممكن غيري يشوف اللي اسويه صعب ومستحيل
بس انا اشدد على نفسي فيها حتى باذن الله اتشافى ومااطول بالرقيه
لاني اعرف ان اي محظور ارتكبه راح يخل بتحصيني وكانك ياابو زيد ماغزيت

قبل فتره كنت بديت برقيه استمريت فيها تقريبا شهر ونص او زياده
لاكنها كانت افضل بنتايجها من رقيتي الحاليه
كنت اعتزلت كل شي حتى اهلي يعني مثل الاعتكاف في الغرفه
فقط بس وقت الصبح اطلع منها شوي اسوي بعض الاشغال الخاصه في البيت وارجع لغرفتي
كنت طول وقتي قرائة قران وتسبيح واستغفار وصلاة
الصدق اني لقيت العافيه فيها اسرع من الحين
بشهر ونص بس تشافيت من معظم اللي فيني
لاكن للاسف اهملت الرقيه يوم شفت العافيه وهذا اكبر خطأ
المفروض مانترك الرقيه الا اذا تاكدنا مليون بالميه ان العين او الحسد او السحر اللي فينا راح
وماعاد بيرجع
ومن بعدها جتني متاعب زياده عن الاولى واصعب


معليش طولت بالكلام بس حابه افيدك وانتي خذي اللي يريحك
واذا تبين الصراحه
اللي لاحظته ان البعد عن الذنوب هو الشفاء الحقيقي للامراض
ثانيا الخشوع في الصلاة اسهل طريق للخروج من سجن الهم والضيق والمشاكل
+الدعاء +الاستغفار
ذولي الاربع من التزم فيهم يثق تمام الثقه ان كل اموره راح تتيسر وتتسهل بشكل مايتصوره

والحمد لله ان ربي هدانا والحمد لله على نعمة الاسلام والقران
والله يشفي الجميع ويهدينا ويصلح امور ديننا ودنيتنا يا حي ياقيوم ياالله