ساعدوني لو سمحتوا .. أرجو الرد سريعاً

شكراً حبيبتي المشاكسه مشكلتي الهلع بكل عوارضه
من خوف و قلق و اختلال انيه و صعوبة التنفس و البلع
والدوخه و الرجفه و برودة الأطراف و تخيلات و افكار غبيه
يارب عافينا و عافي كل مريض انا خايفه جداً :(

المشاركة الأصلية كتبت بواسطة ساره دبي

شكراً حبيبتي المشاكسه مشكلتي الهلع بكل عوارضه
من خوف و قلق و اختلال انيه و صعوبة التنفس و البلع
والدوخه و الرجفه و برودة الأطراف و تخيلات و افكار غبيه
يارب عافينا و عافي كل مريض انا خايفه جداً :(

هل اخذت دواء او ذهبت لطبيب شخص حالتك

نعم اخذت سيبرالكس صار لي أسبوعين ....اكاد افقد عقلي ...
كنت اقود السياره ولا اخاف والآن اصبحت اخاف اركب السياره
هل انا مجنونه :(

المشاركة الأصلية كتبت بواسطة ساره دبي

احس هالشي ليس بيدي ... انا بديت استخدم سيبرالكس صارلي 10 ايام و احس النوبات زادت

ساره علاجك مو سيبرالكس الصح هو لوسترال تبدي بجرعة خمسين لمدة اسبوعين ثم ترفعي الجرعة الى 100 وهي الجرعة العلاجية الى ثلاثة شهور ماقلت لك الا انا حاس فيك وعن تجربة السيبرالكس جربته زفت متعب جداً يهد الحيل ويجيب ارق وماينفع لحالتك اللوسترال المادة الكيميائية حقته خفيفه ماتحسين فيه زي السيبرالكس وانتي حره

استخدمي سيبرالكس 20مل انا نفس حالتج ما نفعتني 10 مل يوم خليتها 20مل اموري تحسنت اروح مسافات بعيده ولا عندي مشكله ،، اخنفى اختلال الانيه والدخوه والنوبات الحمدالله ،، ارفعي الجرعه ويوم تراجعين الدكتوره هنادي بتخليج تتركين الدواء بتدريج .

اخوي منصور يعني انت مريت بنفس حالتي انك ما تقدر تسوق ؟؟؟
اليوم كلمت طبيبي قالي ارفعي الجرعة ل 20 والله كريم

نعم اختي ساره ، كنت بفقد وظيفتي بسبب الخوف من السواقه ،، كل ما اذكر الاوضاع الي كنت عليها اصاب بقشعريره، الحمدالله بفضل من الله اختفت كل الاعراض الخوف من السواقه ونوبات الهلع والدوخه ، زين ان الطبيب رفع الجرعه وهذي هي الجرعه العلاجيه حسب الدراسات ، باذن الله تحسين بتحسن من شهر الى شهر ونص ، عليج بتحمل اول اسبوعين وان شاءالله تتغير حياتج للافضل ،، اختي ساره اثناء استخدامج للعلاج اذهبي للدكتوره لكي ترتفع نسبه الشفاء ،، عند دمج العلاج الدوائي والعلاج السلوكي ياتي بافضل النتائج باذن الله ، نصيحه استخدمي الدواء بنفس الوقت يعني مثلا الساعه الثانيه مساء اليوم الثاني الثانيه مساء الله يوفقج.

ان شاءالله اخوي منصور ..بسوي اللي قلت لي عليه .. ان شاء الله بحاول
اسير لها عالاسبوع الياي .. أسأل الله العظيم ان يشفيك و يعافيك و يجعله
في ميزان حسناتك ... شكراً :)

عفوا يا اخت ساره ، الله يشفينا اجمعين.

تخيل اخوي منصور اليوم كنسلت طلعة يخت و يا ربعي و عشا في مكان جميل
بسبب حالتي :( والله مقهوره و مضايجه

صح قولي الحمدالله على كل حال ، انا كنت حابس عمري في البيت مبايلي على طول مغلق لا طلعات ولا زيارات ولا دوام حياتي كانت اصعب بكثيير مما تتصورين ،، هذا الشي مريت فيه وكل اصحاب الهلع مرت عليهم ،، لكن ان شاءالله كلها تزول بتدريج وتطلعين وتستانسين ويه ربعج،، اصبري اختي العزيزه كلها شده وتزول وكلنا مبتلين بهذا الشي ونحمد الله ونشكره على كل حال ،، لا تقطعين العلاج استمري عليه بشكل يومي لين تقابلين الدكتوره وان شاءالله تحصلين الفايده عندها ، الله يشفيج ويعافيج تستاهلين السلامه.

الحمدلله على كل حال صابرة و محتسبه الحمد لله أحسن عن غيرنا
الله كريم هذا ابتلاء و ان شاءالله انها شده و تزول ... شكراً اخوي منصور
على الدعم ... قليل مافيه اماراتيبن في هالمنتدى صح ؟

صح مثل ما قلتي الي شفتهم انتي وبنت الظبي و بوخليفه بس.

أسأل الله العظيم رب العرش العظيم ان يشفيكم و يشفيني
و يشفي كل مريض ... انه على كل شيء قدير ♥

اخوي منصور انت ماعندك مواضيع في المنتدى ؟