يوميات المكتئبين تعال نسولف

[كحيلان *]

يسعد مساك الغاليه بسمه و كل لحظه من لحظاتك

و يا هلا بك و بالجميع ربي يطرح في قلوبكم السرور دايم الدوم

و تسلمين ع الدعوات و الله يتقبل منك و من الجميع

[كحيلان *]

بعد ما كنت أسجد على ركبي و جبهتي تلامس الأرض الحين ما عاد أقدر الا بالجلوس ع الكرسي .. الله أيام أيام صدق الدنيا ما تنومن لكن في رجا اللي ما يخيب عبده يشفي صوابي و يجبر كسري و الجميع يا رب

أهم ركائز العيش و الجريش و المرقوق هو التتبيله اللي على كيفك ..
قصدي أهم ركيزة للعيش في هذي الدنيا ( المزاج ) حتى لو انك بلا أطراف أو مشوه أو أو و مزاجك أوك راح تبحر في المحيط العاتي المتلاطم أمواجه و أنت مبتسم المحيا و إرادتك أصلب من الحجر .. ترم ترم طيب لو مزاجك ليس على ما يرام و أصبت بمصيبة ما .. و الله ان تقوم الأرض و لا تقعدها و هذا حالنا الله يلطف بنا

عبد الحميد غريب ,ظلام اليأس معجبون بهذا

[كحيلان *]

فاقدينك يا بعدهم أبو حميد 🤕

[كحيلان *]

هلا صبري قطراات أبو عمار و الجميع

[كحيلان *]

كيف مزاجك اليوم يا قطرات الندا عسى زين

[كحيلان *]

فاقدين بقوة للأخ بدر هذال العنزي

[قطرات الندا]

هلا وسهلا ابو نجلا
الله يكتب لك مزاج اروق منه مافيه .. صادق المزاج هو كل شي يارفع يومك يايخليك مشلول الاراده .
والله توي صاحيه مابعد اكتشف وش المزاج اليوم بس هدوء والليله الحبه السادسه والله يكتب لنا ولك الخير يارب

[كحيلان *]

صح النوم و الله يجزاك خير ع الدعوة الطيبه و لك بالمثل يا غاليه

اللهم إنك أمرتنا بدعائك و وعدتنا إجابتك و قد دعوناك كما أمرتنا فاستجب لنا كما وعدتنا يا أكرم الأكرمين يا أرحم الراحمين

و مسا الخير عليك و على الجميع

[كحيلان *]

لا تنشدين الغصن وش فيه ذاوي
مليت أجاوب كل من صاح نشّاد

هذي مواري علّتي و البلاوي
و هذي مواري دمعتي حزن و حداد

هذي جروحٍ مبطيه يا مضاوي
دايم عليها تنزف جروحٍ جداد

جرح الزمن أصبح لقلبي مخاوي
مثل الرفيق اللي عن الدرب ما حاد

أسير قلبي في همومه شقاوي
كنه سجينٍ سيق للموت منقاد

لا عاد له ضحكٍ و لا له غناوي
و لا له مع العالم تباشير و أعياد

بين الضلوع يجر صوته خلاوي
يغني جروحه شقى هم و اسهاد

[الله معاي]

بلا ميعاد عانقت الظلام بخاطرٍ مكسور.. وعلى متنه لقيت أيام عمري تكتم أنفاسي
لقيت أيامي الحلوة غريبة بعضها منثور.. على كف الزمن تصرخ وتشكي حظها القاسي

[قطرات الندا]

صح بدنك ابو نجلا الله يسعدك .
نور الأمل متى بتغير اسمك هههههههه

[كحيلان *]

يا ربي ما أدري وش أسوي بهالحظ
من وين ما صدّيت حظي متردي

كل ما وصلت الشمس تجذبني الأرض
و كل ما بنيت أحلام حظي يهدِّي

الحزن في عمري مشى الطول و العرض
و أنا بمكاني أرسم الحلم وردي

ظلام اليأس معجب بهذا

[قطرات الندا]

ظلام وابو نجلا مسوين محاوره شعريه 😀😀😀

[كحيلان *]

صح بدنك و قلبك الطيب قطرات الندا

صح بوحك ظلام الياس الله يبدل حالنا أشوف العالم تزن عليك تغير إسمك هههههههه خلوه في حاله أنت مرتاح ع الإسم خلاص :) و الله العظيم عالم ملقوفه خخخ من ظلام و ياس إلى نور اممم ما ودي أقول و أمل لأن ذا الإسم الأمل يذكرني بالمستشفى الله يلعنه بذا الليل و لا يستحق لمسمى الأمل و الله مقهور منهم قهر لا يعلمه الا فاطر الأرض و السما ، طيب بقولك غير إسمك إلى نور و رجاء :) عاشت الأسامي

ظلام اليأس معجب بهذا

[كحيلان *]

أنتي تشوفين قطرات الندا

منيف بن منقره مع منيف نفسه ههههههههههه الله يسعدكم