يوميات المكتئبين تعال نسولف

المشاركة الأصلية كتبت بواسطة عيون متفائلة

أبو نجلا الله يوفق اخوانك و أخواتك و يوفق جميع المسلمين

بعدين الزواج مو كل شي

أهم شي الصحة و راحة البال و قبلها رضا الرحمن

بعدين ما كل باب انقفل على إثنين معناه عايشين الرومنسية و الانسجام ، يا كثر الأزواج اللي متحملين بعضعم عشان عدم شتات الأطفال

الزواج زي القلعة كل اللي دخلها قال ليتني ما دخلتها و اللي خارجها يقولون متى ندخلها

طبعا مو كل من دخلها تمنى عدم دخولها ، لكن قلة القلة الموفق و السعيد و الراضي بشريك حياته

يمكن عشان ما تزوجت تفكر إنه سعادة ، أنا كذلك قبل ما اطيح على خشتي كنت أحسبه كذا ، لين طاح حظي و هربت

عندي أقعد بدون زواج و لا أعيش التعاسة أعوذ بالله ، و لو فكرت و لقيت المناسب تكون العصمة بيدي ، ما ودي اتمرمط بالمحاكم مثل ما تمرمطت من قبل حتى استخرج صك الحرية ، على قول أخواننا المصريين : موت و خراب بيوت

ترى التوفيق و التوافق أهم شي ، الغربة بين الزوجين قاتلة ، لدرجة تخاف تتكلم و يفهمك غلط و تصير مشاكل تصدع رأسك أنت في غنى عنها ، و أن تكلمت يتم تفسير كلامك بمليون طريقة و تظل طوال الوقت متهم و طوال الوقت تبرر و تدافع عن نفسك .

أبوها عيشة اللي زي كذا ..

لذلك الوحدة خير من شريك السوء



قبل فترة قصيرة برمضان ، يوم كنت أراجع بالقط اللي دمر السباك كلاويه عامله الله بعدله و أنا اتكلم مع الطبيبة الفلبينية ، تقلي خلاص يا بسمة زاد عليك الحمل و زاد عدد القطط قلت مو بيدي ما أقدر أشوف حالة ما تنتظر و ما اسعفها ، قالت أنت زي خالد ، قلت مين خالد ، قالت خالد أمير طوال ما هو مار بسيارته يظل يجمع القطط و يعالجها و يجي عندهم العيادة ، تقول لدرجة ممكن يدفع خمسة آلاف إلى عشرة آلاف في زيارة وحدة ، و تقول متبني آلاف القطط و الكلاب المشردة الله يجزاه خير في مزرعته ، قلت ماشاء الله تبارك الله معقول فيه ناس خيرين كذا ، و أضافت قائلة و هو غير متزوج و عمره في الاربعينات .

سبحان الله شوف يا خوي أبو نجلا ، وش ينقصه حتى ما يتزوج غير النصيب و التوفيق

آخر مرة جلست مع الوالد بالغلط و فضفضت له قاللي تدري يا عالي جوني ناس و قالوا كيف حال عالي هو يبي العرس حنا ودنا به قال و الله ما أدري عن حال الولد قالوا حنا ننشدك عنه قالوا لا تنشدوني عنه إنشدوه هو ..

أقسم بالله بط مرارتي ليتني ما جلست معه هو ساس كل بلاويّ طلبته بتزويجي أيام الثانويه ثم في الجامعه ثم بعدها طلبني واحد قال كلم أبوك و نزوجك كلمت الوالد قال دراهمك ما تكفي !! الله أكبر باني ست عماير غير العماير اللي يبنيها و يبيعها و آخر شي يقول دراهمك ما تكفي و تزوج الثانيه و خلف أربع فعلا ذا الآدمي أناني ما همه إلا نفسه

أخواني كلهم ساكنين في عماره من عمايره و عايشين الرومانسيه لما يجون البيت يضحكون و يلعبون و بشوشين و عيالهم يسرّون العين الله يخليهم لأهاليهم

الرجال اللي تقولين عنه ما عانى مثل معاناتي و معاناتي بدأت منذ البلوغ بسبب شيء ما أريد أقوله لأنه هو اللي بهذلني و بهذل حياتي و أصلا حياتي مبهذلة من يوم كنت طفل مع هذا الوالد ليتني مت قبل لا أشوف الحياة إللي فيها ذا الوالد الجلف الصلف

لا و بعض المرات يرد علي يقول وش فيك منطوي تعال إلتم معنا تغد معنا تعش معنا ترانا نحبك ربعك يحبونك . صحيح أهلي يحبوني بس أنت نصاب ما همك إلا روحك و العمارات اللي تبنيها و مستانس مع زوجتك الثانيه و عيالها

كنت أيام الجامعه كنت أسولف مع واحد قاللي تراني متزوج قلت من وين لك دراهم قال أبوي زوجني و سكني في الملحق . هذا الأبو اللي يخاف على ولده و يحب لولده ما يحب لنفسه مو مثل أبوي همه نفسه خلاص أنا طابت نفسي من الزواج لكن تجيني أوقات أغص غصه قويه من الدمار اللي خلفه لي أبوي الجلف

وش قال قال يحبني إيه هين كلام من دون فعل

عن الصحة و الله يا بنت الحلال صحتي كل مالها تنقص بطاريتي كان بيشحنها الزواج لكن مافي زواج يعني الشحن كل ما له ينقص و البال هذا هو البال أساس البلا كله كآبه و حزن و وحدة موحشة مظلمة قبيحة خبيثة

لا و يا كم احتقرني حقران كرهت الحياة من بعده و مسوي فيها طبيب بيعالجني هههههههه بعد إيش يقول لا تستحقر نفسك خلك واثق .. أنت خليت فيني وثوق أنت هديت برج كان بيكون لك سند و عون لكن الشكوى لله بس و حسبي الله و نعم الوكيل

طفاج القدر يا شمعتي

https://

و بالنسبة لعفراء الآن انتبهت لردك أبو نجلا

أنا ما قلت أنها ما تشوف ، قلت لأن كل عين من عويناتها لون ربي يسلمها هذا النوع بالذات يجي أصم يعني ما يسمع ، و قبل كذا قرأت هذي المعلومة حتى قبل اتبنى فلة

عندي قطة نفس الوضع كل عين لون صماء ، سميتها فلة لأنها بيضاء

أبد عفرا أكتشفت انها تسمع تحرك أذانيها بكل الإتجاهات و تسمع ماطور الخزان لما يفصل و يشتغل و تخاف منه تحسبه جني بيطلع من الخزان

المشاركة الأصلية كتبت بواسطة قطرات الندا

الله يشد منك ماضعف يابو نجلا ويفرج لك من حيث لاتحتسب قل امين .

و إياك الله يجزاك خير يالغاليه قطرات الندا

المشاركة الأصلية كتبت بواسطة مستكفّة

إللهم آمين 🌹

المشاركة الأصلية كتبت بواسطة مستكفّة

سلامتك والله يارب تشفيه و تعافيه يارحيم .

و إياك يالغاليه خلود و يسلمك من كل شر

الله لا يوريكم مكروه و يسعدكم دووووم

لأمهاتنا جميعا

https://

المزاج طايح و الحيل منهد

على إذنكم لازم أنسدح

حبيبي ابو نجلاء انت لازم تتزوج عاجلا غير اجل
لاتطلع اعذار انت عزم وتتسهل امورك

أنا كل الي بعمري الأقارب والأصدقاء متزوجين الا انا حاسس فيك وفالغبنه شي مؤلم

طبعا أنا لو مو مصاب بالي مايتسمى كان من زمن اعرست لان صعب الرجال يعيش بدون حرمه اعطيك اياها من الاخر

سلامة مزاجك و خاطرك ابو نجلا

تدري ابو نجلا الزواج قسمة و نصيب ، و لو ربي أراد انك تتزوج تبي تتزوج قبل اخوانك كلهم ، انا قعدت انخطب من ثاني متوسط لدرجة خالاتي و بنات عمي اكبر مني بعدة سنوات ذيك الفترة كانوا يقولن شكل بسمة راح تتزوج قبلنا ، و الحين ماشاء الله تبارك الله عيالهن مراهقين ، فيه مثل يقول من كثر خطابها بارت ، و أنا كذلك مافي وحدة تقدموا لها في العايلة كثري ، و حتى يوم تزوجت بعد تخرجي من الجامعة ما توفقت ، كلها عدة أشهر مشحونة بالانكاد لين هربت ، و بعدها تقدموا لي كثير و إلى الآن و لكن أيضا ما توفقت بالمناسب و الحمدلله على كل حال


ماهي جديدة علي الانكاد ..... تعودت أضحك و الدمع اذرفه

و صايرة أحسب حساب كل خطوة و خاصة مسؤولية أهلي و البسوس



هو صحيح ليل العزاب طويل و لكن انا صرت اخذها من زاوية عزوبية مريحة افضل من زواجة جيفة ، او لا قدر الله ابتلى بطفل معلول حتى لو كنت سعيدة مع زوجي وش الفايدة و أنا أتألم لعذاب أحد من عيالي لا قدر الله

بعدين أبو نجلا أنت رجل المفروض ما تنتظر ، أنت اللي تبادر ، المرأة هي من تنتظر نصيبها ، جرب حظك أكيد تبي تلقى عايلة مستورة ما يتشرطون و الوالد الله يطول بعمره يشوف لك سكن ،و حتى لو أنت غير موظف ما أنتم ميتين من الجوع و اللقمة تبي تنقسم على اثنين لين ربي يفرجها ، و كل طفل رزقه معه لا تشيل هم ، أهم شي يزين خاطرك ، أنت فقط أعزم و توكل على الله

بعدين من أراد الستر و الحلال ربه يبي يعينه ، ياما ناس ما كان معهم ريال و ربي وفقهم لمجرد النية و الإقدام


و لو فات على تحقيق حلمك سنين وش المشكلة ، أن تصل متأخرا خير من أن لا تصل ابدا


و أسأل الله الكريم أن يوفقك و يوفقك جميع المسلمين لما يحب و يرضى

المشاركة الأصلية كتبت بواسطة عيون متفائلة

و الله اذا كان صاحب الموضوع و المجلس راضي أجل وش دخل القاضي

هذا شي




الشي الثاني


ابفهم وين الثمرة في موضوعاتكم انت وياه ؟


واحد شغال مظلومية و اعتراض و لطم و حسد في خلق الله و يعلنها صريحة يقول انتم ليش فرحانين ليش ما انتم مثلي حزانى


بالغصب نحزن و نبكي




و الثاني ما عنده موضوع غير كرشه و العجز الجنسي


في كل رد و موضوع يحشر هذي الحاجتين بدون أدنى حياء او غيرة ،

لدرجة يقول حتى زوجتي مو معجبها الوضع ،

وش على الناس من تصريحاتك عن زوجتك يعجبها الوضع و الا ما يعجبها


و معاها حق يعني ما يكفي متحملتك و صابرة عليك و فوقها تبون تصيرون اخوان في الله



بعدين يوم أدعي الله عز و جل على الظالم

اطمئن الله عز و جل ليس بظلام للعبيد و إجابة الدعاء على قدر المضرة



و الله شي مضحك صار انقاذ الرضع و اسعاف المصابين المرميين في الطرقات حرام ؟

و الله عز و جل يقول : من أحياها فكأنما أحيا الناس جميعا

اي نفس تعالجها تنقذها تساهم في إعادتها للحياة ما حدد



هزلت و الله ، واحد مناع للخير مو متعود على فعل الخير غصب تقول كذا

و يوم يقول إطعام البشر أولى

اذا الرسول صلى الله عليه و سلم قال في كل كبد رطبة أجر

في كل كبد ، ما حدد هي كبد إنسان او حيوان

تجي انت تحدد الأولوية ؟

بعدي مين قال لك ان اللي يتصدق على الحيوان ما يتصدق على الإنسان

النفس اللي تعودت على البذل و العطاء ما تفرق بين انسان و حيوان

ايش فهمك انت ؟

انت تعرف فقط تعلف الحيوان اللي تستفيد من انتاجه ؟ يعني عشان نفسك

و الا ما اعتبرت اطعام الحيوانات الجائعة المشردة في الشوارع خسارة


بعذرك منفقعة مرارتك جاي مسرع و مطفي النور

وضعك النفسي مزري

لو اني منك ادفن نفسي

صلح شؤونك الداخلية و اترك الناس في حالها




اللهم لا شماتة

الى الان مااثبتي متى ذكرت اهلي بأي موضوع اتحداك وقدام كامل الاعضاء تثبتين كلامك ولا انتي كذابه تتبلين اعراض الناس ويوم اكتب عن السمنه والجنس هالامر يعانوه كل اعضاء المنتدى اما وضعك انتي وبساسك الله يشفيك ويرفع عنك واكرر اثبتي كلامك لهدرجه اعراض الناس عادي عندك وياليت الاداره اذا ماتحذف ردي لانه رد ع كلامك ألي كاتبته والله حسيبك

أيها المدعو لحظة حلوة سبق رديت بهذا الخصوص و تم حذفه من قبل الإدارة ، و الحين لو أرجع أرد راح يشغلون مكنستهم ، أجل وش الفايدة من اللت و العجن ،

و بدال مسوي تنصحني أنصح نفسك ، ما لك دخل في بنات الحمايل

و لو أهلك يسوون مليون ما وصفتهم بالجمال قدام الغرباء لدرجة أن أحد الأعضاء هنا الله يذكره بالخير انتقدك ، وين الغيرة و الشهامة دام يسوون مليون

إلا الله يعينهم على ما ابتلاهم

بعدين عيب استرجل وش اللي يا اعضاء خليكم شاهدين كأنك وحدة سارقين شنطتها في عرس

قال حيلة العاجز الكذب

مين تكون أصلا حتى اكذب عليك او اصلا احطك في بالي يا نكرة

دام أنهم يبون يشفطون هذا الرد بالمكنسة تعال اطقطق عليك شوي ، فاضية و ما عندي شي ، كان عندنا ضيوف و راحوا

تعال يا أبو موضوعين لا ثالث لهما ، و قال كل الأعضاء يعانون قال

يكذب على نفسه حتى يرتاح لذلك يفكر كل الناس كذابين

المشاركة الأصلية كتبت بواسطة عيون متفائلة

قال حيلة العاجز الكذب

مين تكون أصلا حتى اكذب عليك او اصلا احطك في بالي يا نكرة

دام أنهم يبون يشفطون هذا الرد بالمكنسة تعال اطقطق عليك شوي ، فاضية و ما عندي شي ، كان عندنا ضيوف و راحوا

تعال يا أبو موضوعين لا ثالث لهما ، و قال كل الأعضاء يعانون قال

يكذب على نفسه حتى يرتاح لذلك يفكر كل الناس كذابين

شفتي ماعندك سالفه عموما يابت الناس مثل ماقلت لك جيبي الموضوع الي تقولينه لكن للاسف الله يرفع عنك ومثلك خَر كلامه مايضر ومابضيع وقتي معك ولا يبلى مسلم ببلواك باااااي بخليك مع بساسك ✋

و الله مدري مين اللي هرب من نصف المعركة

ماشي مع قولة الهروب نصف المرجلة

يلا نصف المرجلة و لا عدمها

و ثاني مرة لا تعودها