يوميات المكتئبين تعال نسولف

الله يصبرك و يعوضك أخت عيون متفائلة ، أنا أيضا يوم ماتوا لنا عصفورين حزنت عليهم كثير خاصة واحد حممناه و ما استحمل جاه برد ، كثير زعلت عليه ، و لما كنت صغيرة كنت بحب القطط لكن أهلي بيكرهوهم و يستغربو لما اعطف عليهم ، بدي أنصحك مادام البياطرة بيقتلوهم لا عاد توديهم إلهم ، خليهم يموتوا بسلام أفضل من تعذيبهم...

صادق اخوي الشاكر ما كل ام ام و لا كل اب اب ، زاد اهمال الرعية و الضعوف من تالي و الله المستعان

انا و الضعوف مع انهم مو من صلبي او احشائي و لا جربت كيف شكل الامومة تلقاني اضبط المنبه على موعد علاجهم و احيان ما اصدق اغمض و نفسي الامارة بالسوء تحدثني ارقد ربع ساعة زيادة و لكني اقوم و انا انتفض خايفة يفوت موعد المضاد الحيوي ، لانهم مثلنا في مسألة المضاد الحيوي يضبط بالساعة و بعدد المرات و بالكمية سبحان الله و الا تبي تزيد حالتهم

و في الغرفة الخشب الصغيرة اللي أقيل فيها بالحوش لو بس أحد منهم كح او عطس طفيت المكيف و عفته و الحر قتلني ، لان هم ضعوف ما يصدقون متى ادخلها و يسبقوني ينسدحون قبلي و حولي لدرجة يترصصون فوقي و اصحى و ذيل احدهم بين خشمي و فمي

دلوخ ربي يحفظهم

كيف أجل بالله الامهات و الاباء الله يصلحهم يوم ربي يرزقهم بنعم ناطقة ذات عقول ماشاء الله تبارك الله ربي يحفظهم

ربي ينصرك اختي امل و بنتك و يوسع عليكم و يعوضكم خير

فعلا اختي معاك حق

تدرين وش مشكلتي ؟

انا اصلا اخاف من كل البياطرة و دارية معظمهم ما عنده شهادة ، و حتى اللي عنده شهادة يبي يكون بلا ضمير مرتزق يتكسب من وراء اللي لا ينطقون و لا يتكلمون و لا يشكون

لذلك اجتهدت و حاولت كذا يوم اسقيها غذاء سائل و اعطيتها من الفيتامينات المتوفرة و لكن بلا نتيجة

و فوقها تكبيل رهاب الخروج اللي يحبسني بالشهور

تدرين بيتنا ما عاد فيه تموينات الا الشي البسيط كله لاجل ما اخرج ، و لكن عشانها خرجت لان الاحساس بالذنب يقتلني ، اخاف لو ماتت عندي اقول لو وديتها ما صار فيها كذا

و هذا اللي يدفعني أركض بهم ، وش يفكني من الاحساس بالذنب اللي يبي يقضي علي لانه اشبه بالوسواس القهري اذا تسلط علي ما يفكني

تدرين وش المشكلة ؟

انها ليتها ماتت موتة طبيعية ، و ربي ما تألمت كل ذا الألم ، لان الموت حق و كل نفس تبي تذوقه ، لكن الميتة اللي ماتتها بشعة خلع و نزف و الم و بنج

بالعكس الموت فكة و راحة من الدنيا الكريهة و شقاها

مين ما يرجو الموت و يتمناه ، الموت راحة للمؤمن

يكفي انه يبي يلقى ربه

الله يحسن خواتيمنا جميعا و خواتيم المسلمين

آمين

ابو نجلا ذولا الصغار اللي شفت للحين جرحهم بقلبي ما برا ، و اللي صار لهم فوق الاحتمال ، للحين ما غابوا عن بالي

تعذبوا عذاب ما هو طبيعي ، واحد قعد يحتضر اثناعشر ساعة يصارخ و يتقلب من الالم غير الاستفراغ المتواصل لين صار يستفرغ دم ، و كذلك اخوه قعد يتعذب ست ايام بلياليها بنفس اعراض التسمم الدوائي اللي صارت لاخوه ، السباك مدعي البيطرة حقنهم بجرعة دواء زايدة ، تدري بايش كان يحقنهم الله ينتقم منه بادوية حقت مواشي ، تخيل جمال و ابقار و اغنام اوزانها من مية و فوق يقوم يحقن بها ضعوف ما يتجاوز الواحد فيهم ثلاث اربع كيلو بالنسبة للبالغين ، اما ذولي الصغار ما تجاوز الواحد ثلاثمية جرام

و فوق ذا خرب كلاوي واحد ثالث كبير صار ما يتبول و الكرامة لكم غير بعد يومين او ثلاثة ايام

أسأل الله ان يحقنه و أمثاله من الخونة بسم يقتلهم القتل البطيء على سنين طويلة لدرجة يتمنون الموت و لا يجدوه يارب خذ حقهم عندك حقهم

البارحة انتكاسة و اليوم مزاج عالي و حيوية و قوة ههههههه!!! خايفة يكون إضطراب ثنائي القطب ! لطفك يا رب

صباااااااااااااااح الخيرات والبركات

اخبااااركم علومكم

مدري وش الحل مع النوم المتقطع انوم 3 ساعات ثم اصحى مثل المجنون مدري وش الى مصحيني

مع اني عندي موعد في البنك ولازم اروح له الساعة 10 الصبح وما ابي اواصل ودي بنومه بس الامر مستعصى

يشهد الله كم احبكم يا غااااااالين

أبو نجلا معجب بهذا

صباح النور و السرور يا مخاوي الليل

الله يعينك و يقويك مالك إلا تواصل لا يطوفك الموعد

حبيبي أنت يا بو حميد ما يحتاج تقولها يالغالي

أنا صحيت من النوم الساعة 1 الليل و لقيت معجنات محطوطه ع الطاولة في المطبخ و كانت شهيتي مفتوحه معجنات صراحة لذيذه بسأل أخوي من وين جابها

هلاااااااااا وغلااااااااااااااااا بالغاااااالي ابونجلاء

الله يسعدك ويوفقك ويشرح صدرك قل امين

عليك بالف عاااافية وصحة

والله يا ابونجلاء ما ودي بالمواصل اتعب جدا جدا مع المواصل اول قبل المرض عاادي الحين تقول شايب كل شي يتعبني

لذلك بحاول اناااام

الموعد مهم جدا لذلك ما ابي اطوفه

امس قلت للوالدة تصحيني وان شاء الله ما تنسى بس


والله عشاي كان عبارة عن رز بخاري ومضغوط ومرقة خضار وقرصان

انا و واحد من الربع عزمني ولا رديت عزيمته

محمد الدوسري

هلاااااااااا وغلااااااااااااااااا بالغاااااالي ابونجلاء

البقا يالعشير

الله يسعدك ويوفقك ويشرح صدرك قل امين

و إياك يالغالي و جميع آل نفساني

عليك بالف عاااافية وصحة

الله يعافيك

والله يا ابونجلاء ما ودي بالمواصل اتعب جدا جدا مع المواصل اول قبل المرض عاادي الحين تقول شايب كل شي يتعبني

لذلك بحاول اناااام


الموعد مهم جدا لذلك ما ابي اطوفه

امس قلت للوالدة تصحيني وان شاء الله ما تنسى بس

حاول تحط راسك و زكّن على أمك الله يخليكم لبعض إذا هي صاحيه عشان تصحيك و نوم العوافي

والله عشاي كان عبارة عن رز بخاري ومضغوط ومرقة خضار وقرصان

انا و واحد من الربع عزمني ولا رديت عزيمته

هني و عافيه و الله يسمح دربك دوووم يا أبو حميد

السلام عليكم

أسعد الله صباحاتكم جميعا بكل خير


بالعافية على قلوبكم أخواني

تدري اخوي البدراني أمس ما مداني أغمض الا جاتني النوبة ، خفقان و خوف و تعرق ، أول على الأقل بعد ساعتين من الدخول بالنوم

و فكرت ب لاميكتال من زمان من يوم علمتني لكن من يوم طروا الحكة اجفلت ، الواحد مو ناقص فوق المعنويات الهابطة يتحكحك و يتألم

و أحيان مثل ما قلت أختي أمل بالنسبة لثنائية القطب أشك بنفسي ، بس اني ما اوصل ان يرتفع مزاجي لحد الهوس و الا كان من زمان زرقت و جبت تموينات البيت ، لكن هو نوع من الاطمئنان ما يطول للأسف و الحمدلله على كل حال

حياك أمل حياة الغاليه زين الحمدلله زان مزاجك اليوم عساه دوووم يا رب و الله يسلمك و يسلمنا من الإنتكاسات ما في أشين منها الإنتكاسه بس الحمدلله دام الواحد بين فترة و فترة يقوم من مطيحه هذا بحد ذاته رحمه و لطف من الله الرحمن الرحيم

حياك بسمه الغاليه حاولي ما تجهدين نفسك و تألمينها بزيادة أنا مع حبي للحيوانات و الطيور لكن مجرد ما يموت ما أوجع راسي الحمدلله هذا قدرهم

البياطرة حاولي تحطين سؤال في القروب عن أفضل البياطرة و أسوء البياطرة عشان تجين للمهرة و تتجنبين الغشامى

الله يحفظك و يحفظ أمك و أخوانك و بسوسك

https://

ابو نجلا لو شفت الامهم قبل الموت ما راح تقول كذا ، تدري مرة تواصلت مع بروفيسور كبير في البيطرة عن طريق النت و صاحب موقع بيطرة يعتبر مرجع يقول آلام القطط تفوق الام البشر بمراحل كبيرة لأن مستقبلات الالم عندهم اكثر بحكم ان جهازهم العصبي المسؤول عن الإحساس بالألم أنشط منا كثير

لذلك فقط اللي يعاشرهم هو اللي يدرك حجم ألمهم ، عشان كذا انا عندي لا قدر الله يموتون و لا يتالمون

اما بالنسبة للبياطرة و مهارتهم و امانتهم ، تدري ان ثلاث ارباع بياطرة جدة سباكين و رعاة غنم و بويهجية ،

و الربع اللي عنده شهادة يتدرب عليهم بحكم ان ما فيه معامل تحاليل و أشعة غير في عيادة عيادتين و عشان تسوي تحليل فيها تدفع فوق الخمسمية غير تكاليف الاشعة اللي اغلى من التحاليل و غير مبلغ الكشف و التشخيص و الادوية ،

و عشانهم بهائم لا تنطق و لا تشكو و لا أحد يحاسب يقعدون يعالجونهم بطريقة الصواب و الخطأ شختك بختك و يحصدون في ارواحهم بلا حسيب او رقيب

تدري حتى العيادة المكلفة و اللي تبي تقول شوي فاهمين من شدة الزحمة يشخصون مرات خطأ و تظل تعطي علاج ما فادهم و يتفاقم مرضهم

يعني وضع زبالة بزبالة و الجميع بكرامة

إذا شغالين حصد في ارواح البشر عشان عطوه ابرة في الطوارئ ما ناسبته بدال يسوون له قبلها تحليل و هذي تحصل كثير ، اخرهم بنت جيراننا الله يرحمها صغيرة ما كملت سطعش عشان الآلام الشهرية تجي قوية لدرجة تطرحها راحت طوارئ عشان ابرة مسكن اللي متعودة تاخذها كل مرة ، و يغزونها ذيك الابرة الخطأ قضوا عليها ما خرجت من عندهم غير جثة هامدة ، مع ان عندها ملف و عارفين نوع الابرة اللي تاخذ لكن الاستهتار مشكلة و هذا اللي دهور المرأة اللي خلدت بالنار يوم استهترت بقطة ضعيفة و حبستها الى ان ماتت ، مع انها ما كانت مترصدة للقطة و لا هي مستفيدة اصلا من موتها ، بس لانها استهترت و قالت قطة وش يعني ، زي يوم قالوا ابرة وش يعني و حطوا لها محلول آخر ، هم ما هم مترصدين و لا كان فيه ثأر قديم لكنه استهتار و الاستهتار دليل على انعدام الامانة و انعدام الخوف من المطلع على الغيب و الشهادة

اما بالنسبة للسواقة ابو نجلا ، و الله ودي لكن انت خابر الطواري اللي طرت علي من تالي و قيدتني اعوذ بالله منها ، رهاب الخروج اللي منعني حتى من تأمين التموينات للبيت ، من قبل رمضان ما ظهرت للسوبرماكت ، و الا الوالدة تلح علي يوميا ، غثيتهم بالبانكيك ، كل ما قالوا نبي خبز ، رحت خبزت لهم في دقايق سائل البانكيك و صبيته في الصاج ، حتى صرت اسويه لهم بدون سكر حتى يستسيغون اكله مع الجبن ، الحمدلله ان فيه اجبان طويلة الأجل و تقعد بالاشهر و الا كان امداني رصيت لي بقرة جنب غرفتي الخشب احلبها ، شي فظيع اعوذ بالله مقيدني ، حتى الوالدة قطعت قلبي لقيتها فاتحة مقطع على اليوتيوب تبي تتعلم صنع الجبن عن طريق الحليب تقلي مافي شاش جيبي لي شاش

قلت لو اقدر اجيب شاش كان رحت وفرت الخبز