|
13-07-2012, 03:12 AM | #316 |
عضو مجلس اداره سابق
|
ربي يخليك اخويا الطائر هدشي غي لعقلت عليه
الى عقلت البقية راه نجي نكتبها هنا حوايج كثار بزااااااف و بزاف خصوصا مؤخرا لكن ربي لطف و فرجها عليا الحمد لله على كل حال واخا كنمرض ماشي بحال الاول دابا كنصبر و نقدر نسيطر على الووضع محدك انت في بداية المرض ديالك دير جميع الاسباب دير الرقية شرب العسل مرقي الحجامة داكشي ديال الاعشاب لحقاش الدواء النفسي غي مهدئ اخويا ماشي شيحاجة |
|
13-07-2012, 03:22 AM | #317 |
عضـو مُـبـدع
لا يأس مع الحياة
|
بارك الله فيك اخي المشتاق الى الجنة
انا مشكلتي الحقيقية هي الخوف انا من نهار عقلت على راسي و انا كانخاف من الامراض بصفة عامة و لاكن لي فجر هادشي لي فيا دابا هو اول نوبة هلع تعرضت ليه هادي شي 6 شهر دابا هي لي خلاتني نزيد نتوسوس او نخاف خاصني نعاون راسي نفسيا الى بغيت نبرا المهم الله عز وجل كبير او هاد القصة ديالك غادي تعطيني دفعة الى الامام بارك الله فيك اخي او انا غادي نمشي نعس دابا تصبح على خير اخي الكريم |
|
15-07-2012, 11:08 PM | #319 |
عضو مجلس اداره سابق
|
الطائر الحر
اختي الوردة المغربية تهلاو في ريوسكوم و خليكوم الى جانب الله عز وجل و غتبراو غنبقا ندعي معاكم ان شاء الله متنساونيش |
|
15-07-2012, 11:41 PM | #322 |
عضـو مُـبـدع
لا يأس مع الحياة
|
شفت واحد الموضوع بعنوان اريد اقاف عضويتي لا لا لا يا اخي ماتقولهاش
و الله حتى غادي يبقى فيا الحال ولفتك اخويا لا اله الا الله |
|
16-07-2012, 12:49 PM | #324 |
عضـو مُـبـدع
لا يأس مع الحياة
|
واش صافي مابقيناش غادي نتواصلو يا اخي
المهم شكرا اخي بزااااف على كل حاجة درتيها معايا و الله يجازيك بيخير اخويا |
|
16-07-2012, 09:04 PM | #325 |
عضـو مُـبـدع
لا يأس مع الحياة
|
اختي وردة فينك هادي مدة ما شفتكش ياربي تكوني بخير او على خير
الى دخلتي كتبي شي حاجة |
|
17-07-2012, 01:13 AM | #326 |
عضومجلس إدارة في نفساني
الله اكبر
|
علااااااااااااااش اخي ابو يوسف يا ربي خير ان شاء الله
يا رب يكون معاك ماعرفت شنو هو السبب الي خلاك ترحل على منتدانا العزيز ولكن هده هي سنة الحياة انا هنبقا ندعي ليك الطائر الحر انا معاك دائما كيف راك دبا يا رب تكون حسن وحسن اما انا المرض نفسي اتر على الكبدة ديالي |
|
17-07-2012, 01:36 AM | #327 |
عضـو مُـبـدع
لا يأس مع الحياة
|
انا ماعرفتش راسي واش حسن او لا لا الحمد لله على كل حال
المهم هو نتي اختي عاودي ليا اشنو واقع ليك،كيفاش اثر ليك هادشي على الكبدة اختي؟ واش مشيتي لطبيب؟؟ |
|
17-07-2012, 07:32 PM | #328 |
عضومجلس إدارة في نفساني
الله اكبر
|
لا يا اخي ما مشيتش لطبيب
ولكن وليت صفراء بزاااف ولا لون ديالي شاحب والملامح ديالي ما تقدر تشوف فيا والعيا بزااف بزاااااف ما كنقدر نتحرك حتى خطوة يعني جاني بوصفير ما كتقدرش تمشي بزاف وخاصك تبقا غير جالس والدوخة وكتشدني الخلعة فيساع وحتى الى ماكان والو والقلق والاكتئاب نمشي لاي بلاصا والو وقالوليلي فيا بوصفير والكبدة ديالي تاترات بزاف بالحالة نفسية ديالي ومن بعد خديت العلاج ديال بوصفير هو الكويان ومن بعد وليت لاباس وتاخدت بان الكبدة هي الي وقع ليها هتشي يعني بوصفير والان انا الحمد الله بزاااف ما بقاش فيا العيا والدوخة بزااف وخاك باقي القلق ةالاكتئاب الا الحمد الله عاودلي انتا كيفاش ماعرفتيش واش لاباس ولا لا مافهمتش |
|
17-07-2012, 07:48 PM | #329 |
عضـو مُـبـدع
لا يأس مع الحياة
|
انا بخير وليت مكتأب ههههههههه مابقيتش عارف راسي اش باغي نهائيا حاس براسي غير زايد فهاد الدنيا او صافي مابقيت حاس بوالو او مابقيت باغي والو ههههههههههه المهم الحمد لله
نتي اختي هي الاهم دابا انا لبارح بقيت كانفكر فيك بزاااااف او ليوم عاوتاني كل شوية كاندخل نشوفك واش كتبتي شي حاجة او لا لا او كندعي معاك فينما تفكرتك ياربي تبراي اختي بنسبة لبوصفير اختي انا ما عرفش ان هادشي كايتعالج بالكويان خاصك اختي طبيب المهم نتي لي عارفة راسك دابا كي بقيتي او كانتمى تكوني بخير اختي و اقسم لك بالله الى كاكنتب ليك او كانحس براسي اني ماكرهتش نقدم ليك شي حاجة ماكرهتش نعونك كانحس براسي فحال شي طائر مقطوعين ليه لجناوح ديالو و الله وخا نكتب ليك حتى نعيا ماغاديش نوصف لمكانة ديالك نتي او خويا المشتاق الى الجنة فقلبي و خا هو مشا و لاكن غادي يبقى فقلبي دائما،برغم اننا كانتعرفو غير كتابيا الى انني كانحس بيكم فحالة كانعرفكم من شحال هادي لا اله الا الله او صافي |
|
17-07-2012, 10:47 PM | #330 |
عـضو أسـاسـي
|
اختي وردة مخصكيش تهملي راسك سيري لطبيب واخا غير عام المهم داوي راسك باش ميزيدش داك بوصفير واعديني انكي تمشي .. او واحد الحاجة المرض النفسي معندوش علاقة مع العضوي يعني مكيسببش العضوي فهمتيني ....ايوا عافاك ديري لي قلت لك .. اخي الطائر الحر كنتمنى تكون مزيان بالنسبة للاعراض ديالك راه هادا اكتئاب و حسب التجربة ديالي ان الاكتئاب كيجي مور الهلع حيت انا مين جاتني نوبة الهلع مشات و لكن بقيت حزينة بعدها فهمتيني ؟ يمكن كتهبط شي مادة في المخ داكشي علاش كيديونا دوك الافكار اننا غير زايدين فالدنيا و كلشي زايد ناقص وماباغيين والو .. المهم ننصحكم باش تغتانمو الفرصة فرمضان و ان شاء الله يكون فرصة للشفاء ديالنا دعيو الله بزااف قيمو الليل و صليو التراويح و استغفرو وصليو على النبي و دعيو بزاااف باش نتهناو خلاص راه هادي شحال و حنا مراض ..خاصنا نغتانمو هاد الفرصة و منفلتو حتى نهار
|
|
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|