يوميات المكتئبين تعال نسولف

[كحيلان *]

غرفتي يبغالها طاولة و كرسي و مصباح ليلي و دفتر و قلم

ظل امرأة معجب بهذا

[كحيلان *]

إهداء لكم جميع

https://www.youtube.com/watch?v=ATsub0E6IQY

انثى الجدي ,ظل امرأة معجبون بهذا

[كحيلان *]

اللهم آمين حمال الأذية

الله يشفي الجميع يا رب في القريب العاجل

تسلمين هديل و الله أفرح لا شفتك بربري على كيفك حوسي و لخبطي و حطي سر خلطتك بإنتظارك :)

[كحيلان *]

على إذنكم شوي بشوف لي فلم و أرجع لكم

[غيمة فرح]

‎ابو نجلاء يا اخوي العزيز اولا طلبتك لا تفكر وتسترجع المااااضي انساااه
‎لاتصير حبيس لذكريات الماضي. هالشي اكبر غلط

وحط ببالك ‎ لو يتخلون كل الناس عنك
ثق ثقة تامه ان ربي سبحانه اللي بيده كل شي .. معك
وبيدبر امرك احسن من اي احد
‎وبيعوضك عن كل شي .. لا تفقد الامل والثقه بالله
‎بس فيه اشياء ربي يأخرها لحكمه.
‎واختيار ربي هو الانسب حط ببالك هالشي ‎ بس حنا جاهلين
‎يمكن وقتها لو ابوك مزوجك كان ماترتاح او تفشل او تتعذب بأمور ماتطيقها
‎ليه ضامن ومتاكد ان الاشياء اللي فاتتك. كانت بتسبب لك السعاده ؟ ؟
‎عسى ان تكرهوا شيء وهو خير لكم

‎وابوك الله يهديه يظل ابوك لازم تتخلص من هالمشاعر تجاهه
عشان نفسك عشان ترتاح انت بس
واحتسب الاجر عند الله استشعر هالشي

‎وكل شيء له حل لاتفكر ان فيه شي خلاص ضاع او فات عليك
‎ زي الزواج والذريه والوظيفه.
‎لا تقلق وتشغل بالك ابدا
‎الارزاق هذي مكتوبه فوض امرك لربك مع بذل الاسباب

‎وشخصيتك ما انهزت ليه تقول كذا
هذي نظرتك انت فقط ا حنا مانشوفها كذا
حنا نشوف العكس تماما
‎ وليه تستحقر نفسك
وشخصيتك من احسن مايكون اشوفك ذكي وشجاع ومبدع
وراعي فزعه وغير اناني.. وتحب الخير لغيرك وقلبك ابيض
وعندك اصرار وعزيمه.. وقوه داخليه.. ما تتصورها
لو اتكلم ما اخلص عشان اذكر مميزاتك فلا تحتقر روحك
والله ماعرفت قدر نفسك ابد

ينطبق عليك لقب اسد آل نفساني هههه
هذا وانت ابوك قاسي عليك اجل قسوته طلعت هالشخصيه الحلوه الفريده والمميزه

دائما اذا حصلت لك امور سيئة بحياتك شف الايجابيات من وراها
ولو مافيه ايجابيات ظاهره صدقني راح تكتشفها بعدين
لان اي شي ربي يكتبه فيه خير بس حنا نجهل هالشي
عود نفسك تشوف نصف الكوب الممتلىء
وتجاهل النصف الفارغ. وتجاهل السلبيات في كل امورك

أبو نجلا معجب بهذا

[كحيلان *]

على إذنكم بنسدح تعبت ألقاكم على خير بإذن الله

[كحيلان *]

راجع لك هديل يا بعد راسي تسلمين الله يوفقك

حاليا بنسدح ألقاك على خير يا بعد راسي

[غيمة فرح]

عن اذنكم مانمت من امس
جدي الحكيم ابو علي لاتنسى ابو نجلاء لاغنى عن نصايحك

[* لـولـيـتـا *]

المشاركة الأصلية كتبت بواسطة غيـمة فرح

طيب عشانك بس يا اختي الصغيره 😑

المشاركة الأصلية كتبت بواسطة غيـمة فرح

لولو
وش الحل نصير اراجوزات انا وانتي ههههه
عشان تفك الضيقه على هالمنتدى

فديتك يااختي الكبيره هههههه
انا معك في كل شي اتشكل واتراقوزت على كيفك
بس انتي اشري هههههه

[* لـولـيـتـا *]

المشاركة الأصلية كتبت بواسطة أبو نجلا

آسف إني كدرت خطركم و ضيقت بالكم

الغوالي هديل لولو عبدو عمر صالح

صباحكم جنة يا رب

المشكلة هي بالحزن يا هديل و هدة الحيل

و تذكرت ماضيّ و مآسيّ القديمة و الحاضرة و الطرف الكبير فيها أبوي العنيف القاسي المتجبر علي و على تصرفاتي و إستحقاره لي و آخرتها يقول لا تستحقر نفسك يالهذي الوقاحة بس
تربيني بعنف و قسوة و إستقصاء و إستحقار بعدين تقولي لا تستحقر نفسك

طلبته يزوجني أول مرة كانت بسبب الشهوة الجامحة و قال توك صغير و إنكبت فيني الشعور و إنفجر
طلبته مرة ثانيه و ثالثة حبا في الضنا و قال فلوسك ما تكفيك و الحين أعاني الأمرين لما أشوف الأطفال و أمهاتهم و آبائهم يجيني قصف من القهر وش يفرقني عنهم سوى إني بلا مال
أعوذ بالله من القهر و الفقر

المفروض أبوي و مو المفروض الا أكيد أبوي كان يعرف إني حالة خاصة بين أولاده لكن مهمّلني و راح أحاكمه عند ربي على ما صرت عليه بسببه
إهماله في إكتئابي الغير نمطي في سن المراهقة كان يشوفني مريض و لا عالجني حتى ضاعت علي فرص الحياة التي أعاني منها الآن و لا كونت نفسي زين و إهتزت شخصيتي حتى فقدت الثقة
بل كان الفرعون المتجبر الذي قتل مشاعري و أحوالي و أيامي التي كان المفروض أن أعيشها في سلام و ليس في صراع

مالقيت الحضن الدافي لا منه و لا من أمي المريضة المكتئبة الله يشافيها و يعافيها و عشت في جفاء أيما جفاء و فقدت روح العاطفة منهم حتى عشت في عذاب

الله يشفينا جميع و يقوينا و ينصرنا و يسعدنا

عبدو عمر هذا العيد ماني معيد أبد خلهم في حريقة

معليش ياعااالي هذاك ابوك والله انا اتمنى يكون لي اب حتى لو قاسي ويضربني المهم اقول كلمه ابويه
المثل يقول تجري الرياح بما لاتشتهي السفن
يمكن ربي حط ابوك السبب في انك ماتتزوج لسبب مايعلمه الا الله يمكن ربي منعك منه وقتها لان زواجك ذيك الفتره مافيه خير لك زي ماقالت غيمه ايش دراك انك بتكون مبسوط وقتها وفرحان
لاتخاف بيجي يوم وتتزوج بنت حلال وربي بيرزقك المال والعيال بس انت اصبر وانتظر فرج ربي
انا مثلك احيانا افكر بزمان وكل شي صار واتحسر وازعل بس ارجع اقول استغفر الله حكمة ربي هذا شي ربي كاتبه لي وفيه اشياء حصلت لي زمان وانقهرت عليها بس دحين صرت لما افتكرها اقول الحمدلله انها ماتحققت وان ربي انقذني منها
الله مايعجزه شي وقادر يكشف الضر بس يبغالنا شويه صبر واقتناع بحالنا
ارجع ابو نجلاء الله نعرفه ولاتفكر باللي راح خلاااااص راح
انظر دايما لقدام زي العساكر لما يمشون سيده ?1

[عمر عبدالله]

السلام عليكم
صباحكم سكينه يارب

كمية حقد على أبوي

حسبي الله و نعم الوكيل الله يسامحك بس

اتق الله يا عالي الاحسان بالوالدين امر مقضي من الله سبحانه وتعالى
اعرض عن هذي الافكار لانها تكبر مع الوقت

[قطرات الندا]

ابو نجلا لاتيأس حتى لو نزل مزاجك شوي عادي انا حصلت معاي وطنشت وش بسوي ماني اقوى من الله .
بقولك شي ابيك تشوف فيديد لشخص اسمه واين داير وشوف كيف تغيرت حياته ١٨٠ درجه بقولك نبذه عنه هو توفى بعمر التسعين لكن انولد من اب سكير صايع وام ضعيفه جدا بامريكا وامه ماقدرت تزفر له سبل العيش قاما حطته في ملجأ ولك ان تتخيل عيشة الملجأ من ٩٠ سنه جوع وت٩رش وحاله كسيفه المهم كبير الولد ودرس وصار يسافر من ولايه لولايه يدور رزقه وكان يكره ابوه كره العمى لأنه يتذكر وهو صغير كيف يضرب امه ويرمي الولد بالشارع بعز البرد وصار يشوف ابوه انه سبب شقاءه بالحياه وكان يائس من النجاح وعانى من اكتئاب حاد .. مابي احرق عليك قصته ابيك تشوف محاضراته وكيف نجح نجاح باهر وصار من اغنى اغنياء امريكا بعد سن الاربعين وكيف تزوج وانجب وكيف جاه مرض السرطان ..... الخ المهم شي عجيب حياة هالانسان نجاح وسعاده رهيبه لدرجة انه عنده تسعه اطفال مدري ٨ مو متأكده والطفل الاخير انجبه بعمر ٨٠ .. تكفى شوفه ابو نجلا وقول لي رأيك .
اللي ابيك تفهمه ان طول مافيك روح وتتنفس وعرق ينبض لاتيأس ابدا . اسمعه واين داير تلقى محاضراته على اليوتيوب .

[قطرات الندا]

صح ابو نجلا انا دخلت ظورات كثير في قانون الحذب والتأمل وتطوير الذات لكن طلعت بعدة نتايج منها : ان كل ماترسله يعود اليك وان حياتك عباره عن مرايه مثل ما انت تشوف نفسك بالمرايه هو اللي راح يكون واقعك .
وهذا طبعا كله يرجع الى حسن الظن بالله ان ظنيت خير لقيته وان ظنيت شر لقيته .. معادله جدا سهله وصعبه بنفس الوقت نقدر نقولها بالكلام بس الشعور احيانا يتخلف ويكون صعب .
وصلت لطريقه بعد حيره وتفكير اني اول ما ايأس او احزن على كول اقطع افكاري السلبيه واتذكر رب العزه والجلال اللي بيدي حياتي ومماتي و رزقي وسعادتي واموري كلها واقعد اقول اذا كان كاتب لي الخير بشوفه وان كان كاتب لي الاسى بشوفه ولكن ما يأتي من الله الا الخير واقفل الموضوع بمخي ولاحظت اني افكاري تهدأ لأني حقيقة وثقت بربي ولأني اضعف من اني اقدر اغير قدري .. سلمت امري لله هو المولى ونعم النصير .
لقيت حياتي صارت اسهل وصار فيها رضى اكثر وراحة بال الحمدلله .
طبعا ماقولك تغير بيوم وليله الانسان والمخ من اعجب مخلوقات الله وافضل علماء العالم واطباء العالم مافهمو الا ربع طريقة عمل المخ بس انا دربت نفسي على اني اسلم كل شي لرب هالمخ هو اللي يدبر امري وكان تدبيره سبحانه اجمل التدابير .
انت يابو نجلا الحزن مسيطر عليك وساكن بقلبك و روحك وهذا اللي مخلي اليأس يسري بمشاعرك وعقلك لكن ثق وتأكد انه سبحانه قادر يغير الحال بكلمة كن فيكون بغمضة عين .
ابيك كل مادخل اليأس لقلبك قول سلمت امري لك يارب ووقف الافكار غير مكانك اطلع كل اكله تحبها جيب ورقه وقلم واكتب كل مشاعرك بس لاتقعد تستسلم دايم اقطع حبل افكارك السلبيه في البدايه راح تتشوش لكن في النهايه مخك راح يرتب نفسه ويميل لخلق الافكار الايجابيه حتى لو طبق عليك الحزن قول عادي انا امر بنوبة حزن مقرفه وبطلع منها و طز مثل ماتجي تجي .
مدري عرفت اوصل لك الفكره والا لا لكن اعرف انك تفهمني صح .
الله يكتب لك اجمل الاقدار ويوفقك

[قطرات الندا]

لوليتا حبيبتي الله يعوضك خير وسعاده يارب

* لـولـيـتـا * معجب بهذا

[ظل امرأة]

اسم الله عليكم وحواليكم شو صاير معكم
قل اعوذ برب الفلق
ما كنتوا حلوين ومستأنسين اعوذ بالله من الشيطان الرجيم
عين وصابتكم 😔

سوف أهبكم هذا الدعاء..

يارب لي أحباب لايـسكـنون قـربـي ولكن يسكنون قلبي.
فيارب أنت أعلم بنفسي منى وأنت أعلم بمكناتهم عندي.
اللهم اكتب لهم من خير الدنيا والآخرة مالا يخطر لهم على بال.
وأنزل عليهم لطفك أينما ذهبوا .. ويسر لهم الخير كلما طلبوا..
اللهم اجعلهم من أسعد السعداء .. وأتمم عليهم النعمه والهناء .. والصحة والشفاء ..
واغفر لهم ولوالديهم . وكل عزيز لديهم واحفظهم من كل سوء ومكروه ..
وارزقهم من خير الدنيا والآخرة .. وارضى عنهم رضا ليس بعده إلا الجنه
آمين يارب العالمين

صباحكم شفاء وعافية حبايبي 💗🌷