يوميات المكتئبين تعال نسولف

المشاركة الأصلية كتبت بواسطة عيون متفائلة

على فكرة الغوريلا في المنام يقول الشيخ ثامر العامر المفسر الكويتي اللي أثق في تفسيراته انها سحر
هو ما قالها صريح لكن يقول اهتموا بقراءة سورة البقرة
و معروف سورة البقرة انها تخص السحر لان لا تستطيعها البطلة اي السحرة

حسبنا الله و نعم الوكيل في كل مؤذ و مؤذية ما يخافونه

بالنسبة للويليبترون كأنها قالت قطرات ان وحدة تعرفها تتناوله لو ظني في مكانه ليتها تخبرنا عن تجربتها و ربي يعافي عباده

بصراحة تعبت ماني قادرة اصبر اكثر ، احس اني مخنوقة طوال الوقت ، مو حزن لا ، خنقة و ضيق ودي انفجر غير القلق و الخوف اللي ملازمني و الحمدلله على كل حال

هلا بسومه الغاليه لازم تفكين هالقيد اللي مقيدك و بإذن الله الويلبوترين بعد الله الأغلال حلقة حلقة تنفك عنك

المشاركة الأصلية كتبت بواسطة عبق الذكريات

يمكن عشاني احمق وتافهه وليس لي قيمه

لا لا تقولها إنسى هالأمر ممكن أبوك على ما قالت هديل عارف وضعك النفسي و ما يبي يزود عليك الحمل و لا يكدر خاطرك بهالخبر و الله يخليه لكم و يشفيه شفاءا لا يغادر سقما

المشاركة الأصلية كتبت بواسطة عيون متفائلة

لا تقول كذا خالد مثل ما قال أبو نجلا عشان المرض في بدايته و لا يبي يفجعكم

الف سلامة عليه و ربي يعافيه و يتمم شفاءه

الله على كل شئ قدير سبحانه ، كثير تعافوا ماشاء الله و عاشوا بعده عشرات السنين

وحدة من جماعتنا توفى زوجها الله يرحمه و حزنت عليه حزن شديد و معروف الحزن الشديد يضعف المناعة و تنشط الخلايا السرطانية ، معروف كل اجسامنا فيها خلايا سرطانية سبحان الله تضعف و تنشط ، المراد أن السرطان انتشر في كثير من أجزاء جسمها كل فترة تشيل جزء و كان عندها منه اطفال صغار ، و شالت الرحم و الصدر و اجزاء من بعض الأجهزة الأخرى ، و كانت في عز شبابها ، و قالوا ما بتعيش ، و الان ماشاءالله تبارك الله لا قوة الا بالله مزوجة عيالها و صارت جدة

ربي سبحانه على كل شئ قدير ، اذكر كل ما يشيلون منها جزء كانوا يقولون خلاص بتموت و الموت و الحياة بيده سبحانه

ربي يحسن خاتمته و خواتيمنا و خواتيم جميع المسلمين هذا اهم شي و الا الاعمار مجرد ارقام

اللهم آمين سبحان الله لا يعجزه شيء رب كل شيء طبيب من لا طبيب له

المشاركة الأصلية كتبت بواسطة عبق الذكريات

مشكور اخوي عالي ومشكوره اختي بسمه

الله كريم الله يشافي الجميع وهو وحده القادر

ان لله وان اليه راجعون

العفو يالغالي حبيبي أنت يا بو فايز

المشاركة الأصلية كتبت بواسطة حمال الأذية

سبحان الله.... يحي العظام وهي رميم.....

هلا حمّال الأذية

سبحانه و تعالى عز و جل

المشاركة الأصلية كتبت بواسطة حمال الأذية

جاه القضاء من بعد شهر الصياما..... صافي الجبين بثاني العيد مدفون..... اللهم ارحم من فقدناهم في هذا العيد..... اللهم ارحم موتي المؤمنين والمؤمنات يارب.....

اللهم آمين عسى خير يا رب وش القصة بالله قول ؟

المشاركة الأصلية كتبت بواسطة دجى القمر

‏صباحكم أمل بالله يتجدد يضيء قلوبكم الجميلة 🌹

هلا بدجى الغاليه

يآلله يا رب يسمع هالأصبوحة و يحققها

تسلمين يا قمر

المشاركة الأصلية كتبت بواسطة قطرات الندا

هلا وسهلا بالجميع
عيون ايه صاحبتي ووقفته قبل رمضان هو مايزيد الوزن ولا الشهيه بس تقول جاني تبلد لاحزن ولا فرح وغيرت دكتورها وعطاها برنتلكس وابتدت معاي بالضبط يعني تقريبا الحين شهرين ونص تقول اجمل مافي البرنتلكس هدوء الافكار وهذي صح انا اعيشها معد صار عندي حده بافكاري وردات فعلي نومي تحسن بس مايزيد عن ثمان ساعات عصبيتي خفت كثير انتهى الخوف تماما . صرت اطلع واسوق عادي .
صحيح احيانا يجيني ارق بس ما اهتم له ابد .
لكن برضو ارجع اقولك كل جسم يختلف عن الثاني .
اما القلق انا ماجاني من ضمن الاعراض الحانبيه بالايام الاولى اللي جاني دوخه وغثيان ووهن بجسمي بس .
الله يسخر لك الدواء اللي ينفعك ويناسبك يارب .
ابو نجلا موجوده والله كنا بالبحر صدنا سمك وشوينا الجو حلو والسما قمرا .. بشرنا عنك .
عبق الذكريات لاتحزن ولا تفكر اللي ربي كاتبه بيصير برك في والدك بيرفع عنك هموم الدنيا ومافيها انت بس قل يارب . الله يشفيه ويعافيه ولايوجعكم فيه

من :)

عسى دوم البحر خويكم و مونسكم

و الله أنسدح و أقوم أنسدح و أقوم
هواش بين الخمول و الكسل من طرف و المقاومة لكسب المعركة من طرف

المشاركة الأصلية كتبت بواسطة * لـولـيـتـا *

نسيت اصبح عليكم

صباح الخيييير

يا صباح و مساء الفل يالولو الغاليه

المشاركة الأصلية كتبت بواسطة محمد البدراني

صباح الخير


خاااالد الله يجبر مصابكم ويشفيه ويخليه لكم

ما ازيد على الجميع بس حاب اقولك الوالدة مصابه بالسرطان والحمدالله تشافت يا خالد اصبر وفرج الله قريب

-----------------------------------------------


الله يسعدكم جميع مشكورين على كل كلمة طيبة مباركة منكم اخواني واخواتي

العفو يا محمد ربي يبارك بعمرك يالغالي

المشاركة الأصلية كتبت بواسطة غيـمة فرح

ان تعاظم في نفسك شيء من شفاء ترجوه
فتذكر قول الله ( وماذلك على الله بعزيز)

يا رب

المشاركة الأصلية كتبت بواسطة عيون متفائلة

السلام عليكم

هلا بكم جميعا صدقاني الأوفياء

البدو يقولون ما مثل الصديق ؟

عندهم الصديق اي العضيد الملازم و هذي الكلمة عامة لكل من يصدق معك و يخلص لك و يعينك على نوائب الدهر

ممكن الصديق عندهم ابن او اخ او عم او خال

لكن احنا عندنا الصديق المفهوم العام و يكون نوع واحد

كانت جدتي الله يرحمها يوم نجتمع عندها انا و بناتها تقول هلا بصدقاني

حتى كلمة الصديق لاحظت عندهم انها تستخدم للجمع ، يوم تقول جدتي اليوم زارنا الصديق ، تقصد عيالها و بناتها

مفرداتهم عذاب صراحة بعد ما راحوا الله يرحمهم الجفاف غيم على حياتنا

حتى سلوكياتهم العاطفية تاخذ بالالباب ، طوال الوقت يعبرون عن مشاعرهم المتدفقة مثلا يوم اشوفهم يعبرون عن حبهم لعيالهم او اخواتهم او الصديقات و هم بنفس العمر يقبلون يدين و روس بعض في كل المواقف الانسانية ، مثلا في الفرح و الحزن مو بس عند اللقاء او الوداع ، نقاء مو طبيعي افتقده كثير

، ثم يقولون العرب جلوف

ودي ارد عليكم في ردود مستقلة بس استفضت في كلمة صدقاني اللي يوم ذكرتها هزتني و اثارت شجوني

تعبنا من الكبت اعوذ بالله

نصيحة امشوا و عبروا عن مشاعركم لاهلكم و احبابكم تبون ترتاحون

راجعة لكم بإذن الله

و ربي يرزقكم جميعا من الخير كله عاجله و اجله ما علمتم منه و ما جهلتم و يفرج كروبكم و يحقق أمانيكم

كلام رائع جدا كفيتي و وفيتي يالغاليه بسومه

اللهم ربنا زدنا علما و فقها و يقينا و ثباتا

المشاركة الأصلية كتبت بواسطة غيـمة فرح

انتم جميعا
اعتبركم افضل اخوة واخوات في العالم الافتراضي 🌹

يا لبى قلبك أيتها الأخت الغاليه جعل ربي يسلمك و يسعدك و يوفقك و يرزقك من حيث لا تحتسبين

المشاركة الأصلية كتبت بواسطة عيون متفائلة

*أمام وخطيب مسجد التقوى بعمان الاردن*
يعلق قائلاً

عجزت دول أوربا مجتمعة باستقبال 100 الف سوري
واكتفت ب 25 الف مع شروط تعجيزية ويتفاخرون بها بينما استقبلت السعودية 2.5 مليون شقيق سوري واستقبلت السعودية 2 مليون من اللاجئين البورميين المسلمين ولديها 450 الف مسجلين من الأشقاء الفلسطينين واستقبلت مليون من الائجين الصومالين واستقبلت وعدلت نظاماً من اشقائها اليمنيين ب 3 مليون لاجئ ولديها 3 مليون من اشقائهم المصرين يعملون بطلب الرزق ولديها 4 مليون عامل من باقي الدول العربية يطلبون الرزق الكريم وتدعم الائجين بالاردن وتركيا وغزة ولبنان وتدعم الجيش الحر وفصائل اسلامية بسوريا برغم الصعوبات والمؤامرات وتدعم مليون مركز دعوي حول العالم وتحت اشرافها 1500 مسجد في اوربا وحدها وتدير وتدعم اكثر 10 الاف مسجد بالدول العربية والإسلامية وتستقبل سنوي 30 مليون معتمر وحاج وتدعم الشرعية باليمن بالسلاح والمال والرجال وتدعم اقتصاد دول شقيقة مثل مصر والمغرب والاردن والسودان ولبنان واليمن

وبعد هذا كله يأتي الحاقدين والجهلة يقولون السعودية لم تخدم الإسلام ولم تعمل شيء يذكر !!

ووالله لانملك الا ان نقول اللهم اجعلة في ميزان حسنات الشعب السعودي وحكومتة لاننا لانملك ان نجازيهم بالدنيا الا بالدعاء والدفاع حتى الموت حماية لهذا الكيان الاسلامي الشامخ ف لله در هذا الكيان العملاق👌🏽🍀✊🏽🌴🌻

من حق الوطن علينا أن ننشر هذه الرساله التي توضح الحقيقه التي ينكرها أعداء الوطن

الله يديم الأمن و الأمان على الأمتين العربية و الإسلامية و يحفظ بلاد الحرمين من شر الحاقدين و الحاسدين و يرد كيدهم في نحورهم و ينصر جنودنا المغاوير و اليمن الحبيب و الشقيق على الحوثي المجوسي

المشاركة الأصلية كتبت بواسطة قطرات الندا

السلام عليكم يا اصدقائي الطيبين
شلونكم فردا فردا بشرونا عنكم .
الجو بادي يزين بالشرقيه الحمدلله .
الله يسعدكم جميع ويبدل احزانكم افراح ويشفيكم ويغير حالكم الى احسن حال انه ولي ذلك والقادر عليه .
عندي اضافه يابنات بخصوص الجلوكوفاج وهذا رأيي انه يلعب بالغدد لأنه ممكن يسبب هبوط مفاجيء بالسكر تكفون انتبهو .
يلعب في البنكرياس اللي يفرز الانسولين انا ملاحظه في الفتره الاخيره استعماله كثير بدون محاذير لكن اذا لابد من استخدامه اعملو تحليل دوري كل ٣ شهور لوظائف الكلى والبنكرياس والكبد .
اللي ماعنده بداية سكر غلط يستخدمه يابنات .
لتنظيم الهرمونات هناك ادويه كثير بدون ما اطرح اسماء تضبط عمل الهرمونات الانثويه بالجسم مثل هرمون الاستروجين والبروجيسترون .
السمنه احيانا فرط بافراز احد الغدد الصماء او بعض الادويه مثل الكورتيزون .
انتبهو الله يسعدكم

عليكم السلام يا الغاليه قطرات الندا

إي سهيل بوادره بدت تظهر
ما شا الله عليك أنتي و عبق الذكريات مشتاقين للجو الزين الله يحفظنا و أنتم و جميع آل نفساني و يجيب دعوات كل من دعا
غزيرة بالمعلومات يا قطرات الندا بسم الله عليك ما شا الله

المشاركة الأصلية كتبت بواسطة محمد البدراني

لا اله إلا الله محمد رسول الله

لا حول ولا قوة الا بالله العلي العظيم

توكلت على الحي القيوم وأتوب إليه

أستغفر آلله العلى العظيم

..................................

طاب مساكم

و مساك يالغالي أبو عبدالرحمن

https://

صباح الخير ال نفساني الكرام

اشكر الجميع كل الشكر لقطرات
ولوليتا وحمال الاسيه والبدراني
وغيمه فرح وعالي وبسمه والجميع

الله يسعدكم ويفرحكم ويشافيكم امين يارب
الحمدالله على كل حال

ظل امرأة معجب بهذا

السلام عليكم

ارحبي حبيبتي لولو رديت عليك

هلا بك قطرات

صادقة يالغالية لكن وجدوا إن الجلوكوفاج مو بس يسيطر على السكر في الدم و خاص بمرضى السكر، وجدوا انه ينظم هرمونات الجسم لذلك لازم ما يؤخذ غير بوصفة طبية و بعد التحاليل و الأشعة

انا بصراحة يوم كتبوه لي ارتحت من لخبطة الهرمونات الحمدلله على الرغم من أعراضه الهضمية المزعجة

جالسة اتأمل في قصيدة الشاعر نمر بن عدوان رحمه الله لقيت فيها كمية تشبيهات و صور بلاغية غزيرة تدل على خيال الشاعر الواسع

اول شي شبه نفسه بعد فراقه لزوجته رحمها الله بالموت بالصويب المطعون بين أضلاعه و ذاك المكان أصعب مكان و أكثر وجع يوم يتعرض للطعن فيه

و تارة شبه نفسه بالمديون لاعدائك، شي طبيعي ما راح يرحمونك الأعداء كيف أجل و الدين لوحده هم بالليل و ذل بالنهار
ثم شبه نفسه بالحمامة اللي حول ذكرها القناصين يرمون عليه رصاصهم، طبعا هلعه يوم يحاولون يقنصون المحبوب أكثر من هلعه لو يقنصونه و ليت على كذا، كذلك يسمع صوت اختراق رصاص القناصين جسد المحبوب و ما له حيلة في دفع الأذى عنه

ثم شبه نفسه بالناقة الخلوج اللي مضيعة ولدها صغير ما يحسن التصرف حتى يرجع لاحضانها

ثم شبه نفسه بالرضيع اللي افطموه عن حليب أمه غصب قبل يتم الأربعين يوم لأن أمه ماتت

و ما زالت الصور البلاغية مستمرة

هذا التوجد و العذاب و هو ما عاش مع زوجته رحمهما الله تعالى جميعا غير سبع سنين

الله على الوفاء

ثم أخذ يذكر بعضا من شمائلها اللي زودت ألم الفراق لأن لا صار المفارق طيب تبي تحزن على فراقه اكثر و حتى يغلق على اللائمين باب اللوم و الإلحاح عليه بالزواج من أخرى من باب لعله يتعزى عن فراقها بالاخرى

من مزاياها اللي فتتت قلبه إن ما أحد شكا منها ، و هذي تكفي ، تخيل شخص ما أحد قط شكا منه ، معناه جمع كل الخصال الحميدة لذلك حتى لو فقد شاعرنا عقله و رافق المجانين ما ينلام ، و بالله بعد كل ذا هل ممكن يجد مثلها ؟

انت يوم احد يسألك كيف تشوف فلان ؟ لو قلت له ما احد شكا منه تكفي ، بدال تقله تراه طيب و حبيب و يخاف ربه و كريم و و و

و اصعب حوار اللي دار بينه و بين صغاره يوم نشدهم عن سبب بكاءهم قالوا ايتام ، تعجب منهم و قال أنا اليتيم من بعدها ، بالرغم أنه ما عاش معها غير سبع سنين و لكنه يشوفها كأنها عام

الله لا يقهر احد في عزيز و غالي

بعدين استنتجت شي مهم في آخر الأبيات يوم اللائمون طلبوا منه الزواج من اخرى قعد يعدد الصفات السيئة في النساء الأخريات مع إنه أصلا ما جربهن و لا يدري عنهن ، يقول يخاف يطيح في خبلة ما تحسن التصرف و تتعبه أو قاسية بوجهين تعذب صغاره دليل على إحساسه بالمسؤولية تجاه صغاره و فرط حنانه أيضا و هذي النقطة قليل من يراعيها من الآباء ، كل همه يعف نفسه في أسرع وقت بغض النظر عن ايتامه الصغار و ما يتحرى الدقة في إختيار الزوجة الجديدة



استنتجت إن شخصين لا ثالث لهما ما يكررون تجربة الزواج

شخص طب في ملاك و فارقه غصب عنه ، لأنه خلاص شاهت في عيونه كل الناس و يكاد يقسم أن ليس له مثيل في الوجود فيزهد و يعزف

و شخص طاح في شيطان ذوقه الويل بالالوان و خلاه يكاد يقسم إن كل البشر شياطين فيزهد أيضا و يعزف

و في كلا الحالتين يبي يظلم نفسه و باقي البشر غصب عنه و بدون قصد

لأن مو كل البشر اقل في المزايا من محبوبه اللي يراه ملاك ،

و لا كل البشر شياطين مثل الشيطان اللي طب فيه و جرعه العلقم


أم سلمة رضي الله عنها يوم توفى ابو سلمة رضي الله عنه يوم أمرها الرسول صلى الله عليه وسلم بأن تدعو بهذا الدعاء : اللهم اؤجرني في مصيبتي و اخلفني خيرا منها انتفضت و قالت هل هناك أفضل من أبي سلمة ، ثم لما اقتنعت و رددت الدعاء تقبل الله منها و تزوجت مو خير من أبي سلمة فقط ، بل خير من وطئت قدماه الحصى عليه افضل الصلاة و اتم التسليم

و هذا الحديث الشريف علاج نفسي يعج بالأمل و يغص بالتفاؤل لكل من فقد عزيز ، ليس العزيز في صورة بشر بالضرورة ، ممكن مال ممكن صحة ممكن وطن ، اي عزيز ، ليس بعزيز على الكريم أن يخلفك خيرا مما فقدت في الدارين

والله يا ابو نجلا فقدنا شخص عزيز في أول يوم عيد تاركا أسرة وأبناء ثلاثة صغار..... الله يرحمه ويسكنه فسيح جناته ويلهم أهله الصبر والسلوان..... لم يكن عيدا سعيدا كالعادة.....

ظل امرأة معجب بهذا

﴿والله يعلم و أنتم لا تعلمون﴾
كل التأخيرات في حياتك هي لحكمة يعلمها الله،
سلم أمرك له وثق به وهو سبحانه سيعوضك خيراً.

صباح السعادة والرضا 🌷💗

هلا بالجميع فردا فردا
عيون حبيبتي اللع يكتب لك الخير فيما اخترتي ويجعل ادويتك سبب شفاىك وراحة بالك يارب .
ابو نجلا قعدت بالمستشفى مع الوالد الله يرحمه ٥ سنوات كل شي اسأل عنه صارو الدكاتره اصدقائي حتى طبيبات المناوبه يجون يتكون عندي بالغرفه لأن ابوي اغلب وقته بالعنايه المركزه شفت حالات انعاش وشفت مايسمى code blue وهذا معناه جرس انذار بالمستشفى واستدعاء كل الاطباء واخصائيين التنفس في حالات توقف القلب او التنفس . صرت اعرف اقرأ التحاليل كلها واعرف قراءة الانزيمات ووظائف الجسم . صحيح حلوه المعرفه لكنها تجيب الوسواس احيانا جهلك بالشي راحه لك .
الحياه تمشي بزينها وشينها رضيت بها او مارضيت كنت سعيد فيها او تعيس فرحان او حزين المهم الانسان لايظلم ولا يقطع رزق احد ولا ياكل مال يتيم وغير كذا ربك غفور رحيم . من مشيت على هالقاعده وانا عندي راحة ضمير عجيبه الحمدلله زينها وتزين وشينها وتشين .
ايام دورات تطوير الذات اقتنعت بقاعده وهي مثل ماترسل يعود اليك كل شي بالحياه تعتقد فيه وتؤمن فيه يحصل لك وانا قررت اعتقد اني بصحه ممتازه وحظ سعيد والقادم اجمل .
معليش ابو نجلا تفلسفت شوي بس وش اسوي اقلب راسي منا ومنا الصبح طويل ولا شغل ولا مشغله 😁😁😁

والله يابنات خوفتوني من الجلوكوفاج هذا
ناس تقول آمن ومايضر وناس تقول يؤخذ بوصفه طبيه
تعبت من التفكير والقلق من هالموضوع واحترت
والمشكله مو مرتاحه للدكتوره ذي الله يسامحها
يمكن اروح لها اخر الاسبوع مع اني متاكده ماراح استفيد منها زي المره اللي راحت بس يمكن اخليها تكتب لي ابره فيتامين د لان ظهري مره يعورني اذا اشتغلت وبوقف الجلوكوفاج الا مااتاكد وبسالها بس ماراح اقولها انا اخذت منه هههههه عشان لاتخاصمني

طرقت باب الرجاء والناس قد رقدو ... وبت أشكو إلى مولاي ما أجد

وقلت يا أملي في كل نائبة ……... يامن عليه لكشف الضر اعتمد

أشكــو اليك أمورا أنت تعلمـها ….. مـالي على حملـها صبر ولا جلـد

وقد بسطت يدي بالذل مبتهلا ……... إليك يا خير من مدت إليه يد

فلا تردناها يارب خائبة ………….. فبحر جودك يروي كل من يرد

سألوني ماذا تعلمت من السنين التي مضت ؟

تعلمت .. ان من لا خير فيه لأهله لا خير فيه للناس
تعلمت ان اقول الحمدلله .. على كل شي
تعلمت ان الحياة قد تنتهي .. بأي لحظة.. ونحن غافلون

تعلمت ان الكلمه الطيبه.. والنفس المطمئنة..
هي راس مال الطيب على هذه الدنيا
تعلمت ان الناس متفاوتون في نواياهم ..
وليس كل نية حسنة تصنع عمل صالح
وكم من مصلح سعى في الخير .. ولكنه اخطاء في الطريق
تعلمت ان الكلام شيء وماتعلمناه في المدارس شيء ..
والواقع شي اخر
تعلمت .. ان معظم الناس يسألون عنك ويتصلون بك اذا ثمة مصلحة
تربطهم بك وحين يتحصلون عليها يتنكرون لك

تعلمت .. ان السفر.. يخرج لك معادن الناس
تعلمت ان اسمع وارى .. من اهوال الناس واحوالهم
واردد .. الحمدلله على كل حال ..
تعلمت ان الثرثرة بتفخيم الأنا هي انعكاس .. لنفس خاوية فارغة

تعلمت ان اجود معادن النفوس .. هو الذهب
اذ حتى وهو في الوحل ! له بريق ويشع..

تعلمت ان اصحاب القبور.. لم ينالوا آمالهم .. ولم يحققوا امنياتهم
وكانت لهم مواعيد.. وشواغل .. قطعها الموت
وتعلمت ان ارسل ما يعجبني لكم

كثرت قهوه وصرت ملجلجة وش السواة 😑
ليت بسوق يفتح في الليل . واتقضى غريضات شويه بس

افرغ في الشراء ،، المشكله احيانا احيانا. مو دايم . يعني قليل. لما آصل البيت اكتشف ان عندي زيها
ان شاء الله اني طبيعيه لانه مو دايم 😑😑
انا عبارة عن كائن ليلي وش اسوي طيب
مفروض فيه محلات تفتح للكائنات الليليه