يوميات المكتئبين تعال نسولف

المشاركة الأصلية كتبت بواسطة قطرات الندا

لوليتا بقولك معلومه عشان ترتاحي المرأه طالما تجيها الدوره الشهريه لايمكن تجيها جلطات ابدا هذي حكمه من الله سبحانه ومجرد ماتنقطع الدوره يبدأةالدحتور يعمل الفحوصات الضروريه للمرأه طبعا فيه حالات نادره تجيهم جلطات لكن بعوامل مساعده مثل الدهون الثلاثيه المرتفه ارتفاع حاد او ارتفاع ضغط الدم المزمن او الكوليسترول اللي تجاوز ارتفاع الى ارتفاعات مخيفه فقط لاغير .
اما انتي بسم الله عليك توك عامله تحاليل ولسا صغيره وتجيك الدوره يعني ماعليك خوف ان شاء الله
انطلقي بسعاده وحبي الحياه 🤗

والله اول مره ادري بهالمعلومه منك نستفيد
الحياه ماعاد تنحب ياقطرات مو حلوه زي لما كان ابوي عايش الله يرحمه
كمان من كثر المصايب اللي تصير والقصص الواحد صار كاره نفسه
نقول ان شاء الله انها تزين ويغير الله حالنا لاحسن حال ياااارب

الله يسعدك ياقطرات
منكثر ماتحاولي تطمنيني وتريحيني
بس لاتخافي خلاص انا تعودت وصار مايهمني
اي عارض يجي اطنش وكل شوي احط عذر له
مثلا اقول هذا من قلة النوم او هذا من قله الاكل
او يمكن هذا نقص فتيامين او كالسيوم
وهكذا كل شوي احط عله عشان اخفف على نفسي
والحمدلله مرتاحه الله يريحنا وينجينا يارب

ايوا عشان هرمونين عند المرأه البروجيسترون والاستروجين هذولي الهرمونين يمنعو تخثر الدم والجلطات وهم المكون الاساسي لعملية الطمث الشهري .
حبيبتي لاتضيعي شبابك بالحزن ابدا خذي هالنصيحه من امرأه اكملت عامها الخمسين صدقيني كل ألم بالدنيا ينتهي فقط انظري لجمال المستقبل وطنشي كل السلبيات لأنك طنشتي او فكرتي ماراح تغيري شي ابدا فعيشي الحياه بسعاده غصب عن خشم الظروف والمصايب

* لـولـيـتـا * معجب بهذا

ويسعد قلبك لوليتا حبيبتي ماسويت شي والله

* لـولـيـتـا * معجب بهذا

المشاركة الأصلية كتبت بواسطة قطرات الندا

ايوا عشان هرمونين عند المرأه البروجيسترون والاستروجين هذولي الهرمونين يمنعو تخثر الدم والجلطات وهم المكون الاساسي لعملية الطمث الشهري .
حبيبتي لاتضيعي شبابك بالحزن ابدا خذي هالنصيحه من امرأه اكملت عامها الخمسين صدقيني كل ألم بالدنيا ينتهي فقط انظري لجمال المستقبل وطنشي كل السلبيات لأنك طنشتي او فكرتي ماراح تغيري شي ابدا فعيشي الحياه بسعاده غصب عن خشم الظروف والمصايب

ايوه هذي القناعه اللي وصلت لها
انه مهما فكرت وخفت ووسوست ماراح اقدر اسوي شي
كل شي بيد ربي وليش اصلا اخاف واوسوس وانا مافيني الا العافيه
وليش استبق الاحداث وليش يائسه من الحياه وجلست بيني وبين نفسي وجدت اني قاعده تحت خبث افكار الشيطان
وجات ببالي الايه اللي تقول( انما النجوى من الشيطان ليحزن الذين آمنو وليس بضارهم شيئا الا باذن الله )
ارتحت بعدها وزال كل شي وجاني تبلد الان

المشاركة الأصلية كتبت بواسطة قطرات الندا

ويسعد قلبك لوليتا حبيبتي ماسويت شي والله

انتي تشوفي انك ماسويتي شي
وانتي العكس دايم كلامك يريح ويهدأي
الله يريحك دنيا واخره

https://

السلام عليكم

اسعد الله كل اوقاتكم اخواني اخواتي الكرام و الكريمات

راح أرد عليكم بخصوص عمل الإنسان في مكان يعج بالحالات الصعبة و ضربت الممرض مثل حتى اقرب الصورة

أنا بغيت أوضح شعوري اللي امرضني و اللي غصب عني

من زمان و انا ما يعذبني غير شيئين : تعرض الأطفال و الحيوانات للألم

عندي فوبيا من ذا الموضوع ، اتعذب و اتعب نفسيا و فكريا لو سمعت او شفت طفل او حيوان تعرض لاذى و اتمنى وقتها اني اخذت الاذى عنه

يعني انا ما اخاف على نفسي و لا أخشى الموت زي ما البعض فهم و لا اقعد اراقب نفسي و نبضي

بالعكس أشوف الموت راحة بس أكون قبلها أطمئنيت على وضع الوالدة و اخواني و اولادي بالتبني

مع ان الوالدة الله يبصرها بما ينفع توقف في صف اخوي الصغير في الغلط و في كل ما يضره و تشجعه مع إنه أمانة و رعية لأنه ما يحسن التصرف بسبب قصوره الذهني و كل يوم في مشاكل
ما تبغى أحد يقول له على الخطأ لا ، و هو مو لاقي أحد يمنعه و قاعد يتمادى و هذا الشي مقلقني كثير ، لا تبغى تكون مسؤولة و لا تبغاني أتدخل امرضوني على مرضي و الله المستعان
و كل ما شاورت أحد من اللي حولي قالوا كل همها ما تبغى أحد ينازعها دورها كربة منزل و مكانتها مهما كانت خطورة الموقف و هي فعلا كذلك الله يهديها . و غياب الحزم يبي يدمر كل شي

مع إنها حاطة حيلها الله يحفظها في تحميلي مسؤولية كل شي بالبيت، من ادارة و عناية و نظافة و صيانة و جلب تموينات و مباشرة الفواتير و الذهاب بهم للمستشفيات تقريبا كل شي و هذا واجب الا فيما يخص أخوي الصغير

السفينة ما لها ربان و لا تبي تقودها و لا تخلي غيرها يقود ، صار اخوي ما عاد يميز الصح من الغلط و قصوره الذهني الله يعافيه زاده

مشكلتي الاولى اللي تخص عذابي و قلقي يوم اسمع او أشوف ان طفل او حيوان يتألم منعتني حتى من الخروج

عندي قناعة ان العاقل البالغ حتى لو تعذب عذابه يبي يكون تمحيص لذنوبه و رفعة في درجاته

لكن استغفر الله العظيم وش ذنب طفل او حيوان يتألم و يشوف العذاب و هو حتى ذهنه مو مستوعب اللي قاعد يصير

جلست فترة طويلة ابحث عن مستقبلات الألم و عتبة الالم في المواقع العربية و الأجنبية و ما زلت أبحث عشان اعرف و احس مقدار الالم اللي يتعرضوا له هؤلاء الضعاف

و ماني عارفة كيف أوضح للطبيبة النفسية او حتى اقلها ذا الشي


اما بالنسبة للراي اللي يقول ان مباشرة الالام و رؤية المصابين باستمرار تخفف القلق و الخوف و الحزن انا بالنسبة لي تزيد، لأني ألاحظ كل ما مرضوا اولادي بالتبني اخاف و اقلق اكثر و يصيبني الأرق و اخاف الباقي يمرضون مع انهم معظم الأيام مرضى و الحمدلله على كل حال

المشكلة إن صديقتي المقربة هي اللي لاحظت و لفتت نظري إن الوالدة الله يحفظها حاطة على راسي مسؤولية كل شي لدرجة الشي تبغاه فوري الآن أروح أجيبه او أسويه بغض النظر عن أي شي إلا فيما يخص تربية أخوي الصغير و يا ليت هذا الشي يصب في مصلحته أو تتولى هي زمام الإصلاح

لا يمكن مع منتهى الأسف كله لأجل تبي تحس إن هي ربة البيت و تكسرني و تخليه ما عاد يسوي حساب لأحد، مع إنه بالتشجيع و الترغيب و المكافآت يمشي حاله و يتعدل فترة لكن يوم ما يلقى مساعدة منها ينتكس

المشكلة تشجعه و تردد ذي الجملة قدامه كثير تقول : اذا انا ما يسمع كلامي تبغيه يسمع كلامك، زي اللي مستكثرة علي إني أكون مسؤوله عن تقويمه، بينما كل الأعمال اللي ممكن يقوم بها العمالة توكل إلي و لازم تنفذ فوريا و الا اكون من المغضوب عليهم .

لو ما كانت في حياتي جدتي الله يرحمها و اخوي الكبير مريض الفصام كان يمديني حلفت ان كل الخلايق كذا استغفر الله العظيم من كل ذنب عظيم

حتى مريض الفصام ذاك ما قست عليه الدنيا و الأهل الا لانه طيب و ما ارتاحوا لين افصموه و حسبنا الله و نعم الوكيل

صباح الخير عليكم
طبعا انا ماقدرت انام بعد اللي صار لي
لاحول ولاقوة الا بالله
..................
عيون ماشاء الله عندك اولاد بالتبني؟؟
مافيه شي اسمه وش ذنب والا ليش ربي يعذبه حرام
الله يولد الانسان ويكتب هل يبقى سعيد او شقى
يعذب من يشاء ويرحم من يشاء وكله له اجر
وربي له حكمة من اي شي سواء خير او شر يحصل
واذا تتعبي وقلبك مايتحمل حاولي تبعدي عن الاشياء هذي
عيشي حياتك الانسان يعيش مره وحده بس

صارت امنية حياتي أعيش انا و اخوي وجه الخير و اولادي بالتبني في بيت واحد و خل الدرعا ترعى لأني تعبت و هو كمان تعب من المشاكل

راح ارمز لأخوي الكبير الحبيب مريض الفصام بوجه الخير و اخوي الصغير بوجه المشاكل

اولادي بالتبني بسوسي اللي انقذتهم صغار في سن الرضاعة و ارضعتهم لين كبروا و اصحاب الاحتياجات الخاصة منهم خلاص صاروا قطعة مني حتى لو فيه منهم يترددون للشارع اذا ربي أراد انقل مكان هم قبلي بحيل الله و قوته

بالنسبه للوالده ياعيون هم كذا الامهات
دايم يوقفو بصف اولادهم ضد البنات غلطان والا مو غلطان
اصلا مايشوفو اغلاط اولادهم لازم تشوفه صح ومعاه حق
واذا تكلمتي وقلتي شي تحملك الغلط وتسكتك وتقول عيب هذا اخوك
انا امي تختلف عن ابوي بالمرررره مع انها حبوبه وطيبه بس مو مثل ابوي
ابوي حنيته علينا كانت اكثر الله يرحمه فانتي اطيعي امك واصبري
عاد مالنا حيله الا نطيعهم لان هم جنتنا وربي يخليهم لنا ويحفظهم من كل شر

دارية قلبي حتى عذاب من لا يعقل أكيد لحكمة أنا بفكري القاصر اجهلها لكن اتألم كثير بشكل ما تتخيلين و استحضر و استعرض مراحل عذابهم و المهم بالتفصيل و اقعد أتخيل اني مكانهم و قد ايش تعذبوا و اتمنى وقتها اكون مكانهم و اخذ الالم عنهم للممات

و ما راح يفيد التساؤل ليش يصير معاهم كذا لأنها حكمة الإله مدبر الكون سبحانه لكني اتعذب كثير ودي أرتاح

بس هذا لولو عنده قصور ذهني متوسط، هو صحيح شاب و طوله قرب للمترين ماشاء الله تبارك الله لكن تفكيره ما يتجاوز طفل ابو سبع سنين، يخوف مندفع بشكل يجيب الشلل، يماشي اي احد، يبلع اي شي يقدم له، يتصرف بدون تفكير، يعني رعية، انا كل رعبي يسحب بيوم في يده من يسطو علينا ماهي بعيدة عليه و ربي ميتة قلق
وش ذنبنا كلنا نروح غلطة بسبب من لا يحسن التصرف