|
05-04-2012, 04:13 PM | #422 |
عضو
|
حبيت اعرض عليكم حالتي واخذ رائيكم
ببتدي من اول شي قبل سنه في الفصل الدراسي الثاني من الدراسه حسيت اني مو طبييعيه زكام وسخونه حتى اني كان مالي نفس اكل تغيبت عن المدرسه وضليت يومين كذا ماحد وداني المستشفى الا متأخر وبعدها رحت الدكتوره في البدايه عطتني علاج المتعارف عليه للمصابي بالبرد ويوم طلعت من المستشفى حسيت بدوخه وطحت على الارض ورجعوني وحطو عليي مغذي وقالت الدكتور عندي فقر دم وعطتني علاج وبعدها قمت اخاف من اني اروح المدرسه وتجيني دوخه وبديت اتغيب بعدها اعتدت على الامر ورجعت ودرست وخلصت وطبعا لاخفيكم امر اني كنت اخاف انقطع عن العلاج وتجيني وكنت بس يخلص العلاج اشتري وبعدها انقطعت عنه ابتدى العام الجديد وحسيت اني كارهه الدراسه بسبت ان القسم الي ادرس فيه راح يكون صعب عليي وان البنات الي معي راحو وحسيت بالوحده نوعا ما وقررت اخذ انقطاع عشان احول للقسم الثاني وارجع السنه الجايه بأحسن حاله بعد اخذ الانقطاع بديت افكر قبل لانام هل الشئ الي قمت به صحيح قمت الوم نفسي لو اني مكمله مع البنات وكنت اقول هذا اول شي في حياتي اسويه واندم عليه وكل ليله افكر شلون راح يكون رجوعي هل برتاح مع البنات وافكر بالمستقبل كثير وبعد قريب اجازة الفصل الاول كانت تجيني دوخه لدرجه اني ازحف اذا بروح غرفتي اخاف تجيني نفس الحاله الي قبل سنه وودوني المستشفى قالت الدكتوره نسبة دمي 11 بس اتغذى عدل وارجع طبيعيه ضليت اتغذى ولا حسيت بأي تغيير وبعد ملازمتي للسرير جتني انفلونزا وودني المستشفى قالو الدوخه سببها التهاب في الاذن الداخليه وعطاني علاج استمريت عليه ولا فاد وبالعكس جتني الام في اذني وماتحملت رحت المستشفى ثاني قالو نفس الكلام التهاب ومادري شنو وكل مستشفى يعطوني نفس العلاج وزياده عليه دواء ثاني ورحت لمستشفى ثاني قال عندي التهاب في الجيوب الانفيه واخر شي رحت لمستشفى لطبيب مختص وفحصني وسووا لي منظار في الاذن والجيوب وسووا لي تجربه على الدوخه يشوف اذا تجيني ولا لا قال لي مافيش شي وكل المستشفيات الثانيه ينصبو عليك وانا سويت لك كل شي ببلاش الي فيك انك خايفه وشكل فيك هلع اذا رجعت لك الاعراض روحي لطبيب اعصاب >< وطبعا رجعت البيت ماخليت بحث في النت الا وقريته عن الهلع والتوتر والقلق وحاولت قد مااقدر اني انسى وكنت اقرا قران بس للأسف جتني اعراض ثانيه الي فيني ثقل بالرأس والارجل ودوخه وعدم اتزان وخفقان واحيانا يجيني الم في اذني بسييط وماقدر اغطي راسي اذا بنام لاني احس انه مافي اكسجين وتزيد عليي الدوخه واحس راسي فيه شي وجاني يوم كله انسى واعيد نفس السؤال حبيت اسألكم تعتقدو حالتي تحتاج طبيب نفسي يعني كلام الدكتور صادق ؟؟ |
|
09-04-2012, 01:20 PM | #423 | |
عضـو مُـبـدع
|
اقتباس:
انتي ثقل برجولك شي طيب وطبيعي يمر علينا انا اللحين يمكن لي يومين احس خمول بكل جسمي وارهاق |
|
|
09-04-2012, 01:39 PM | #424 | |
عضـو مُـبـدع
|
اقتباس:
اهلين فيك اختي الغاليه بين اخوانك وبصراحة مشاء الله عليك شرحتي حالتك زين يعني وش الي تعانين منه اللحين تخافي من شي معين ! يعني تجيك ساعات نوبات خوف مو طبيعيه ! بقول لك اللحين اعراض نوبات الهلع : - 1- المخاوف من الموت أو من الأمراض الخطيرة ونحوها. 2- الوسوسة في بعض الأمور والتي تتعلق أيضًا بالموت أو المرض أو حصول الآفات ونحوها. 3- الشعور بالاكتئاب. 4- بعض الأعراض العضوية والتي قد تشعر بحدوثها لك كشعورك بازدياد معدل ضربات القلب أو اصفرار الوجه أو ضعف الشهية أو الأرق عند النوم أو نزول العرق منك في بعض المواقف أو الرجفة، وغيرها من الأعراض ومافيها شي لو رحتي لدكتور نفسي يشوف حالتك بما ان المستشفيات كلها قالوا مافيك شي والحمد لله والله يجعلك دوم بصحة وعافية اختي الفاضلة روحي لدكتور نفسي وان شاء الله يفيدك ( اسف على التاخر بالرد ل اسباب دراستي ) والله يوفقك .. |
|
|
21-04-2012, 01:48 PM | #426 |
عضـو مُـبـدع
|
بالعكس النتيجه حقت العلاج مره مرضيه يعني ممكن اقول لك حالتي تشافة نسبة 85% يعني حمد لله لو تقولي لي اللحين حياتي احسن من اول ابي اقول لك شي اكيد |
|
21-04-2012, 08:53 PM | #427 |
عضو نشط
|
السلام عليكم ورحمه الله وبركاته
اخواني بقول قصتي باختصار وحاولواااا تساعدوني الله يجزاكم الجنه قبل 8 سنوات اصابتني دوخه خفيفه مع احساس بعدم التوازن ذهبت لاطباء واخذت ادويه كثيره لكن الدوخه تعاودني من فتره لاخري اما الاحساس بعدم التوازن فاصبح يلازمني 24 ساعه كاني اجلس في دوامه او اجلس علي الماء مع ثقل بالراس وتعب وخمول المهم ان طول المده وكثره التفكير ادخلتني في عالم الهلع والخوف والرعب فاذا حسيت بالدوخه جاتني افكار المووووت والامراض الخطيره والعياذ بالله فاصاب بالخفقان والرعشه والتوتر والقلق والبروده في الجسم واحيان الحراره وتبدا الوساوس واخاف من المستشفي ومن الادويه ومن كل شئ والي الان وانا احاول التغلب علي الخوف ثم قررت ترتيب افكاري ومراجعه حياتي السابقه لابحث عن المشكله فوجدت الاتي : 1ـقبل المرض ب4 سنوات توفي زوجي وفقدت وظيفتي وبيتي وصديقاتي وعشت في عزله تقريبا سنتين كنت اعاني خلالها من القلق والتوتر بدون اعراض جسديه ولم اتناول ادويه مع عدم الاهتمام بالمظهر والاكل الصحي ثم خرجت من هذه العزله تدريجيا 2ـاذا اخذنا موضوع العين في الاعتبار ـفالعين حق كما تعلمون ـ فقد حضرت زواج قبل المرض بثلاثه ايام تقريبا ولا اذكر هل تحصنت ام لا 3ـ اذكر ايضا اني سقطت علي وجهي علي الدرج قبلها بشهر تقريبا 4ـ انتقلنا من البيت القديم الي بيتنا الحالي قبلها ب6 او 7 اشهر تقريبا مع ان حاله العائله كلها كان افضل في البيت القديم هذه ابرز الاحداث وان كنت متاكده ان هناك اشياء اخري لم تسعفني ذاكرتي لاتذكرها اخواني هل الدوخه هي سبب الهلع ؟ام ان التوتر والقلق هي سبب الدوخه ؟ ام انها دائره متصله ببعض ؟ الادويه التي استعملتها : في البدايه ادويه لعلاج الضعف العام وحبوب الحديد ومقويات وفيتامينات وادويه للاذن ابرزها بيتاسيرك ودواء نفسي واحد هو السيبراليكس مع العلم ان الادويه ادخلتني في دوامه الخوف من التاثيرات الجانبيه اخواني ساعدووووووني وادعوا لي بالشفااااء الله يشفييييكم عاجلا غير اجل ييسر لكم الخير حيث كنتم والسلام عليكم ورحمه الله وبركاته |
|
02-05-2012, 11:17 AM | #428 | |
عضـو مُـبـدع
|
اقتباس:
وعليكم السلام ورحمة الله وبركاته
اهلين فيك اختي الغالية في المنتدى وحياك الله بين اخوانك اختي الفاضلة اول شي الي تمري فيه عادي من خوف وقلق وضربات القلب وتفكير بالموت يعني لو تشوفي كل القصص الي بالموضوع شي طبيعي كلهم يمرون في حالة خوف وقلق وتفكير في الموت وهذا يعطل للانسان اشياء كثير في حياته يقول ليه اشتغل ليه ادرس معي اني راح اموت ؟ ويبدا معك مشوار الاكتئاب وكذا والحمد الله حالتك مو صعبة والحمد لله شوفي كل المواضيع الي في المنتدى كلهم يشكون في نفس االحال وانا كانت حياتي اول جحيم جدا من كل النواحي حتى اني كرهت الحياه ولا صرت احبها صرت اشوف الموت راحة لي ولا كان عندي امل مجرد 1% اني اكون بخير بس الحمد لله الامور عدة واللحين انا بخير بفضل الله لا تفقدي الامل وشوفي لك دكتور او دكتورة نفسية وان شاء الله نشوفك بخير وعافية يارب ( اسف على التاخر في الرد ) .. |
|
|
08-05-2012, 12:02 PM | #430 |
عضـو مُـبـدع
اَللّـهُمَّ اشْفِ كُلَّ مَريض،
|
هلا وغلا
انا كنت حالي حال اي بنت تحب الدنيا وتهتم بجمالها ولبسها وجسمها ولا مره بحياتي رحت المستشفىى اشتكي من اي مرض حتى زكام مايجيني وااايد ههههههه وفي يوم من الايام كنت طالعه مع اصدقائي ولما رجعت من العشا وانا اسووق السياره احس اني موقادره اتنفس ونفس الشي يبي يطلع مني قلت هاي روحي ودار راسي ودقات قلبي تسرعه ومااقدرت اسيطر على السياره وماشفت الاالسياره تدور و مااذكر شنو صار بس انه السياره اضربت في حديد الشارع والحمدلله ماصادني اي شي لاني كنتت مخففه السرررعه ولما رحت على المستشفئ قالي الدكتور هاذي اعراض الغده وسوويت تحليل وطلع عندي ارتفاع بالغده والحمدلله شهرين ورجعت طبيعيه وبعدين جت في نفسي افكار انه ليش صار جدي وشنو فيني وتغيرت شخصيتي واقوول هذي مو انا والدنيا تغيرت عندي وجاني عدم الاتزان وثقل في الراس وحتى لما اجي انام احس اني نايمه في سفينه الماي يوديني ويبيني وماكنت اقدر امشي او اوقف ورحت عملت تحاليل ورنين ممغناطيسي والخ وكل شي تمام وهذا الشي ماريحني وتميت افكر وفكر ليما وصلت الى توتر وهلع اول ضربه هلع هذي كانت معدتي بس لانه الشيً غريب عندي عشان جدي ووصلت لمرحله الهلع وحاليا اكتشفت عندي جرثوومه بالمعده |
|
08-05-2012, 05:00 PM | #431 |
عضـو مُـبـدع
ربى اشرح صدرى ونور دربي ki8ds4
|
اختي هلوووعه وفزوووعه ،،،
ابيج تجربين اللي انا جربته بعدين ترجعييين للدكتور النفسي انتي من اي دوله شكلج من الكويت صح ؟!؟ حسيت من طريقة كلااااامج شوفي حبيبتي روووحي دكتور جهاز هضمي وابتدائ كورس علاج جرثومة المعده واذ تاكدتي انج تشافيتي منها ومااارتحتي نفسياً ارجعي للطبيب النفسي واشربي ماااااي زمام والتزمي بالرقيه الشرعيه انا سنه كامله وانا اعاني وساكته محد يعلم بحالي الا ربي والناس ملاحظه علي بس كل اقولهم مافيني شي لان وزني نزل حيل وشعري طااااح وجهي ذبل من الخوف اللي فيني بشهر يناير اللي فات قلت حق زوووجي شي بسيط عن حالتي قال بدق علي شيخ يقرئ عليج والشيخ قريب لنا وصديق لزوووجي لما قاله فال اول شي خلها تفحص عن الجرثومه واذ طلعت سليمه اقرائ عليه قااال زوجي شكو هذا باللي اهي فيه قال ناس وااااجد يجوني اقراء عليهم ومايتحسنون ولما يفحصون عن الجرثومه يطلع فيهم وقاله عن واحد صاحبهم وووصل للانتحار بسبب هالموووضوع واخذوه ربعه غصب للطبيب وسوى له فحوصات طلع عنده جرثومه وبس تعالج منها رجع لطبيعته وماااخفي عليج انا في تحسن ربي لك الحمد الوسااااوس ماااازالت بس اخف والهلع رااااح ربي لك الحمد اذ تبين اي مساااعهد انا حااضره |
|
09-05-2012, 12:18 AM | #432 | |
عضـو مُـبـدع
اَللّـهُمَّ اشْفِ كُلَّ مَريض،
|
اقتباس:
اهلين يالغلا لاحبيبتي مو بكويتيه انا بحرينيه فديتج ليش انتي كوويتيه هههههه بيه كل هذا الهم شلتيه لحالج الله يساعدج والحمدلله انج قدرتين تسيطرين على المرض انا بحيره من امري موبعارفه شسووي خذيت موعد للباطنيه بس خايفه من حبووب مااقدر استحملها قريت وااايد تحارب ان المضاد الجرثوومه تعبهم انتي شررايج شنو الدوا الا فاادج وشررايج بالعسل وقشر الرمان عالى الريج مايهيج المعده لاني عندي حمووضه لدرجه الاكل ماينزل معدتي وااقف لي في بلعوومي ذبحني نسيت شي انا سوويت تحليل مراره بس عن طرريق الانراسوند قال الدكتور سليمه او لها تحليل ثااني او طرريقه ثاانيه لاني بعد اعاني من الام بمنطقه الصدر وخصوصا القفص الصدري مع التمارين يخفف الالم الف شكر لج يالغاليه |
|
|
09-05-2012, 08:18 AM | #433 |
عضـو مُـبـدع
ربى اشرح صدرى ونور دربي ki8ds4
|
اي عاااد احنا معااااكم نفس الطبع
حيااااج الله بالغاليه وين ماكنتي ،،، لاتخافين من علاااج الجرثومه بالبداااايه بيكون ثقيل عليج بس بعدين بتتعووودين وانا اخذت العلاج ع كورسين الكورس الاول كان خفيف ماحسيت الا بثقل بالمعده والكورس الثاني اول اسبوووع بس داااابخه بس الحمدالله بعدين تعودت عليه وارتحت ربي لك الحمد لاتتهاوووونين بالجرثومه لازم تكافحينها اول باااول بالنسبع حق الرمان والله ماجربته بس اللي اعرف 3 فص ثووم مع روووب علي الريق مدة اسبوع تقتل الجرثومه بس نصيحه روحي حق الدكتور واتكلى ع الله واخذي العلاااج الجرثومه تمص العااافيه تسحب كل الفيتامينات بالجسم انتي بالظبط من متي بدت حالتج ومتي رحتي لدكتور نفسي ؟!؟ |
|
09-05-2012, 08:23 AM | #434 |
عضـو مُـبـدع
ربى اشرح صدرى ونور دربي ki8ds4
|
طبعن علاج الجرثومه يكووون مضادات حيويه
الدكتور عطاني اومكسيل وكلاسد حبتين باليوم كل 12 ساعه مدة 14 يوم ومينيسك حبتين باليووووم قبل الريوووق والعشاء مدة شهر وحسيت برتياح حيل خصوصاً من الالم اللي بالقفص الصدري لان الدكتور قالي الالم هذا دليل ارتجاع مرئ والعلاج اللي تاخذينه يعالج الجرثومه والقرحه وارتجاع المرئ وعلي الله موعدي الاسبوع الجاي اعيد التحليل واشووف اذا راحت والا بعد ؟! والله كريم ان شاء الله |
|
09-05-2012, 08:40 PM | #435 |
عضـو مُـبـدع
اَللّـهُمَّ اشْفِ كُلَّ مَريض،
|
اهلين
الحمدلله على كل حال اليوم تعبت واايد فرحت الى اخصائي وشافني وايد تعبانه قالي احتمال مااتحمل الادويه لانج تعبانه والادويه بتعبج بس مافي حل غير جذي وقلت مومشكله بس اهم شي ان الاعراض تخف عليي ووصف لي Neomox حبه وحده الصبح وحبتين ليلا Klarilide نصف حبه الصبح وحبه ليلا Risek حبه مرتين في اليوم وهاي الكورس مدته اسبوعين وان شالله تختفي خوفني لما قال بتعبج مافتحت الادويه ههههههه خايفه بصراحه لاني تعبانه مااقدر حتى اوقف من الدووخه شلون مع هالادويه ههههههه كل ساعه اناظر فيهم ان شالله بتوكل عى الله وبكره ببتدي العلاج ادوعولي مشكوره يالغلا ماقصررتي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|