الحريم والرهاب

حطيت يدك ع الجرح

الرهاب بذره ينبت منها الهلع والاكتئاب وارى انه ابو الامراض النفسيه والدماغيه

يضعف الذاكره والتركيز والانجاز

لا اعلم سبب هذا المرض الذي لا يشعر فيه الا من اصابه

اخخخخخخ من وجدت نفسي عالدنيا وهو فيني

ماذقت لا طعم طفوله ولا شباب والله يستر من المستقبل

تحس انك متصلب زي الاله مامنك فايده وماتقدر تشارك احد بشي ولا تشعر بسعادة الا بمضض

الحمدلله تزوجت ومشت الامور على مايرام بفضل الله ثم المهدئات لكن المصيبه عند انقطاعها نكسه مو طبيعيه تشعر انك تائه داخل نفسك ..

تعبنا ومدري كيف نلحق على باقي الحياه .. هناك ضيقه عجيب في القلب وتعب جسدي

الشكوى لله ان شاء الله تطهير ذنوب

والحياه حياة الاخره

صحيح ان الرهاب عند النساء اهون من الرجال ع الاقل الحرمه بطبعها خجوله

ومحد يدقق وراها بس المصيبه فالرجال لان الرجال المحبوب عند الناس هو

الرجال الجريئ واللي عنده شخصيه قويه ويعرف يتصرف في كل المواقف

والخجل مايصلح للرجال ابدا ويثبت ان الشخصيه ضعيفه (على نياته)

وهذا مايعجب الناس ولاكن برضه ياثر حتى على الحرمه خصوصا اللي متزوجه

تعرفون شخصية الرهابي مايرتاح لاي شخص يمكن زوجها يطلع من النوع الجريئ جدا

وماترتاح معاه

كلامك سليم جدا

أولاً .. الرهاب عذاب للجميع رجال ونساء

لكن أشد عذاب في الرجال لأن الرجل من صفاته القوة والرجولة وقوة الشخصية ومن طبيعة عملة لازم من المواجهة

أما المرأة فأخف عليها شوي لأن من خصائصها الحياء والخجل < صحيح الرهاب غير الخجل والحياء لكن لما يشوفون واحدة ساكتة وما تتكلم

يقولوا خجلانة ومستحية ويطوفونها عادي .. وشي ثاني ممكن تقعد ببيتها وما تطلع وإذا في طلعات قليلة ومقدور عليها

أنا مشكلتي أحب الطلعات واللمات جدا والإختلاط لكن الرهاب يمنعني والحمد لله على كل حال

صارت لي سالفه تضحك وتكسر الخاطر وتعصب بالواحد, رحت ازور ولد عمي بالمستشفى وقلت فرصه الصبح ماحد عنده اسلمه ، طقيت الباب وصوت فلان موجود قال ادخل ادخل مافيه احد، يوم دخلت شفت سواد وبياض وغتر وشمغ ونقابات وبراقع، جتني غشاوه ودخت وسمع قلبي يدق بذني، ادخل ماعندك الا عماتك وخالاتك ، طبعا العمه والخاله وبناتهن والاخوان. بدت المسرحيه، راس خشمي قام ينقط عرق..... صرت انا سوبر ستار كلهم يطالعون والفنجان يترعدد ، الغرفه كانت قمته قبل ما ادخل اشتغلن عندي الحساسات كبيت العرق قبل لا اوصل للمريض بلمح البصر بديت تصبب عرق، وجاني تصلب الرقبه والوجه لانه انت مدنق راسك وتدري انه اغلبهم يراقبونك، اذا جيت ارفع راسي او ابي التفت ترتعد رقبتي وجهي يصير فيه يباس لا حول ولا قوة الا بالله...... فوق هذا عصب علي عمي كبير بالسن بنفس الموقف ليش وشعلمك ذبحك الحيا....... لاأأأأأ ماهو وقته..... الوكاد صرت دجاجه صقعه طرما اسمع النقد الاذع في نفس الموقف اللي للحين احسوه حلم صارله 18 سنه. انا نفسي كسرت خاطر نفسي وانا طالع من الغرفه صكت فيني الدنيا امشي دايخه وحزين لابعد الحدود ..... ليش غصبا عني والله مو بكيفي حسيت انه انا اضحوكه .... ادري اللي بالغرفه كلهم تعاطفو معي بعد مارحت وطلعت..... يالله كنت فعلن مسكين ..... لو واحد منكم كان شافني راح يخمن ويبكي...... الحمدالله على كل الحال ( وعسى ان تكره شياء وهو خيرا لكم وعسى ان تحبو شياء وهو شرًٌ لكم)