باروكسيتين "سيروكسات " او "باروكسات" .. سؤال مهم ساعدوني

😂😂😂😂 الله يعين ويصبرنا ويشفينا عاجل غير اجل انا الهدف من التدوين علشان اهدي نفسي ومنها للافائدة ومستحمسه مره للنهايه العرض الله يعجل بها يارب

ويارب احد استخدم الباروكسات والله خايفه منه مره كل شوي يجني سؤال في بالي ليش الدكتور ما عطاني السيروسكات الاصلي ليش يعطيني التقليد هذا واحد ثاني سؤال خايفه انه يضر المعده والكبد او يضرني كا انثى هرمون الحليب الدورة الشهريه وايضا شايله هم الاعراض الانسجابيه انا انثى ما اتحمل

مبتلاه انا كنت مع صاحبتي يوم غير لها الدواء من فينيكس الى باروكسات اتوقع عشان السمنه واتوقع الدكتور مايسأل عن الحاله الماديه بزعمه يوفر لان باروكسات ارخص توقع مو متأكده .
تعرفي طريقتك بالتدوين خطوه حلوه واصلا العلاج السلوكي دايما ينصحون بالكتابه .. اكتبي اعراضك دايما وتساؤلاتك ومشاعرك وبعدين اقرأيها كأنها حاله ماتخصك ابدا راح تلاحظي ارتياح عشانك فرغتي كل المشاعر والافكار السلبيه

ايه وشي ثاني دوني كل تساؤلاتك ولما تروحي موعدك الجاي اسألي الدكتور عن كل شي عشان ترتاحي

الدكتور الي اروح له كانه محامي عن الباروكسات ما اقول الا الله يغينيا عنه بشفاء عاجل غير اجل وانا هدفي من العلاج ما ابي اكثر الجرعه وشي مساعد فقط

طيب قطرات ندا صديقتك كم لها وتستخدم الباروكسات وكم الجرعه

تستخدمه لها شهرين وجرعتها ٤٥ مل

يا عمري انا ١٠ و يا لله متحمله كيف هي والله يا قطرات ندا اليوم العرض الجديد بكاااااااء ولله الحمد وتقلب فالمزاج مو طبيعي ويالله يعين

صأصبر حتى يعجز الصبر عن صبري صأصبر وإنا طال بي الصبر

والله يامبتلاه انها الحين مروقه احسن مني وهي على جرعة ٤٥ ماشاء الله
بالبدايه تعبت مثل ماقلت لك بس الحين وضعها ممتاز

ما شاء الله الله يجعلها دايمه وقوليها تسلم عليك مبتلاه وتقولك انت بطله والله العظيم بعدها قولي ترا الباروكسات يفتح الشهيه 😂

انا كنت انسانه جدا قويه بالله صبرت على اشياء كثيييييره وكنت مرحه ومستشارة البيت والعمل وخوالي واعمامي وكنت ارقي التعبان و اكون معاه بعد الله الكل يقول انت كنت قوه لنا ودافع وحده من زميلاتي الله يرحمها كان معاها الكانسر والله تناديني وتقول تعالي انت طاقه ايجابيه وقبل سنتين جاني اكتئاب حاااد مره والحمدلله طلعت منه من غير حبة دواء وسبحان الله لما صار معاي هالعارض ضعت تشتت احترت خوف ٢٤ ساعه سبحانه له حكمته فيني ويا حلو حكمته جل جلاله

اليوم العرض الي احس فيه قمت على نبضات قلب سريعه وثقل فالصدر مع تحركات زي الرجفه الخفيفه خلف منطقة القلب وخلف الساق وجاني قبل شوي كانه بدايات نوبات الهلع هبة براد وكتمه فقط وزي العرق المشدود في نص الدماغ (السبت الجاي بكمل الشهر على الباروكسات ١٠ ملغ)

اخت قطرات ندا ما استغني عن دعمك لي بعد الله وينك

اتمنى تدخلين على الموضوعين الي سويته و مااستغني عن كلامك الحلو