يا جماعة.........ضاق الحال، وأظلمت الدنيا

اخ سعيد السعيد هل تستخدم السبرالكس بشكل متواصل يعني هل انت منتظم عليه

وكم سنه ونت على العلاج

اختي مطمئنه اتمنى انك تركزي في الكلام الي بقوله لك الحين..لانك باذن الله راح تستخدمين الدواء بعد الكلام الي بقوله لك وبتتحسن حالتك باذن الله ..شوفي اختي الكريمه لازم تاخذين الدواء لانه العلاج الاول بعد مشيئة الله عزل وجل..ومثل ما قلتلك تخيلي لو شخص يعاني من ارتفاع ضغط الدم وقعد طول عمره ما يستخدم الدواء كيف بيكون وضعه؟ اكيد بيعاني و يتعب كل يوم لكن لما يستخدم الدواء خلاص بتتحسن حالته وبيتشافى

وبنسبه لفوبيا الادويه فانتي قلتيها اختي انها مجرد فوبيا..ولما نقول فوبيا يعني مجرد افكار وسواسيه قهريه ومبالغ فيها وغير منطقيه ابدا..فلازم دائما تطردين هذه الافكار وتقنعين نفسك بالافكار المنطقيه والسلميه

عشان تطردين هذه الفوبيا تذكري واعرفي ان هذه الادويه تستخدم من اكثر من 30 و 40 سنه وانها مرخصه من منظمة الصحه العالميه و وزارة الصحه في كل البلدان وانه مئات الملايين من الناس يستخدمونها يوميا وكلهم شعروا بتحسن من هذه الادويه واستفادوا منها..وايضا بعض اطباء التغذيه يوصفون دواء بروزاك لعشرات الالاف من الناس لانه يخفف الوزن ويمنع الشراهه للاكل..وايضا اطباء التناسليه يصفون السيروكسات و السيبراليكس للرجال المتزوجين الي يعانون من سرعة القذف لانه يعالج هذه المشكله.. فهذه الادويه امنه لدرجة انه اطباء اخرين يستخدمونها لمشاكل اخرى غير القلق والاكتئاب وغيرها.. تذكري هذه الاشياء عشان تروح منك الفكره السلبيه عن الدواء.. وتسير عندك الفكره الايجابيه الصحيحه والسليمه عن الدواء

بس أخوي أنا سمعت أنه مع الوقت.......لازم الواحد يزيد الجرعة لأن الجسم يتعود على الدواء........فهل أضطريت لذلك؟؟؟؟

بنسبه للدواء العادي مثل سيروكسات او سبراليكس لا الواحد مع الوقت ما يحتاج يزيد الجرعه عشان يحصل على نتيحه افضل وهو ما يسبب تعود..الادويه هذه الواحد يصل الى الجرعه العلاجيه ولو يستمر عليها مدى الحياه ما يحتاج يزود الجرعه

بنسبه للحبه المهدئه نعم ممكن يحصل هذا الشي مع الاستخدام المبالغ فيه..يعني مثلا لو واحد استخدم زانكس حبتين يوميا كل حبه واحد ملي جرام لمدة شهر كامل بشكل متواصل بعد الشهر هذا الحبتين راح يقل مفعولها فلازم يرفعها الا 3 حبات عشان يحس بمفعولها..ولكن مثل ما قلت لك هذا الامر ما يصير الا مع الاستخدام المبالغ فيه..ولما نقول استخدام مبالغ يعني جرعات عاليه و وقت طويل

لكن مثلا لو شخص استخدم حبه وحده او نص حبه يوميا لمدة اسبوع هنا ما يحتاج انه يزيد الجرعه يوميا عشان يحصل على المفعول المناسب..لان الجرعه بسيطه والوقت القليل

وعلى سبيل المثال ربع ملي جرام من الحبه المهدئه زانكس لو تناولها الشخص يوميا لمدة سنين طويله لا يمكن ان تسبب تعود او ادمان باذن الله لان الجرعه نفسها قليله وبسيطه جدا وهذا الكلام قاله الدكتور عبد العليم على موقع استشارات اسلام ويب وايضا اكده لي الطبيب الي اراجع عنده

لعلي أحاول أقنع نفسي لو اخذ مهدئ بس......الله يعين

ما يصلح تستخدمين المهدئ لوحده فقط... لان المهدئ يستمر مفعوله ليوم واحد فقط وما يصلح يستخدم يوميا لمدة طويله مثل شهور او سنين..المهدئ يكون عند الضروره فقط... والدواء الرئيسي هو الي تستخدمينه يوميا لانه يعالج المشكله من جذورها باذن الله



وانا الان باقولك افضل الادويه وطريقة تناولها والبدء فيها وهي نفس الطريقه الي ذكرها لي الطبيب الي اراجع عنده

افضل الادويه هي السيروكسات و السيبرالكيس

وتبدئين في تناول الدواء بالطريقه التاليه :

الاسبوع الاول نص حبه يوميا
الاسبوع الثاني حبه يوميا
الاسبوع الثالث حبه ونص يوميا
الاسبوع الرابع حبتين يوميا..وتستمرين عليها على طول

وفي نفس الوقت لما تبدئين باستخدام الدواء المعالج تستخدمين زاناكس "ربع ملي جرام" الحبه المهدئه بشكل التالي

الاسبوع الاول حبه في النهار حبه في الليل
الاسبوع الثاني حبه وحده في الليل
الاسبوع الثالث حبه وحده في الليل كل يومين

وبعدين تستخدمينه عند الضروره فقط

وهذه هي طريقة استخدام الدواء الي ذكرها لي الطبيب الي اتعالج عنده وهي طريقه ممتازه بحيث الواحد ما يحس باي اعراض جانبيه عند بداية تناول الدواء واذا حس باعراض فهي بتكون بسيطه باذن الله... فتوكلي على الله وروحي الان لطبيب عشان يكتب لك الدواء والحبه المهدئه .. وملاحظه مهمه اذا لاحظتي ان الطبيب سيئ او غير مبالي او ما رضي يكتبلك مهدئ اتركيه ولا تضيعين وقتك معاه وشوفي طبيب اخر لانه في اطباء سيئين الواحد ما يحصل عندهم اي نتيحه... واذا كنتي من الرياض بقولك اسم الطبيب الي اراجع عنده عشان تروحين له

اخ سعيد السعيد هل تستخدم السبرالكس بشكل متواصل يعني هل انت منتظم عليه

وكم سنه ونت على العلاج

اخوي هاوي انا استخدم السيبراليكس من سنه وحده تقريبا ..بشكل متواصل وانا منتظم عليه.. وانا بدات بالعلاج بالادويه من 10 سنوات واستخدم السيروكسات والبروزاك والسيبراليكس.. ولاحظت ان افضلهم هو السيروكسات ثم سيبراليكس ثم بروزاك

وانا قطعت العلاج لفتره معينه زمان وبعدها انتكست حالتي وتعبت اكثر بسبب قطعي لدواء..وبعدها قررت اني ما اترك الدواء ابدا واذا حسيت باي تحسن ممكن اني اقلل الجرعه ولكن ما اترك او اقطع الدواء بشكل نهائي

اخوي / سعييد ، انت تكلمت عن تجربتك وتكلمت ايضا بناء على اراء الأطباء وانا احترم رأيك وتحكيمك لنفسك ومراعاتها مع هذا النوع من الادوية ، ولكن يأخي ، في مثل يقوول ( أصابعك ماهي سوى ) ، وفيه ناس ، يعجبهم الشعور الذي يفعله هذا الدواء ، وانا ماختلف معك بتاتا انه علاج فعال وعند اللزوم وأنا ارى بل واتمنى ان تستخدمه اختي ( مطمئنه ) فهو العلاج الاول والفعال لاضطرابات القلق الحاده، خاصة نوبات الهلع او الذعر المستمر ،ومن ثم الرهاب ايضآ، ولا يجب استخدامه اطلاقاً دون اشراف طبي، فهذا العلاج بالذات هو الذي يسبب الادمان بشكل سريع، لانه من الادوية المهدئة سريعة المفعول. ويعتبر الزانكس الدواء الاول المهدىء عند اللزوم، وكانوا يسمونه قبل ( الفاليوم )، لانتشار استعماله بين الناس، واستخدام الزانكس على المدى البعيد ضار بالمريض مثل ماقلت انت ، حيث يتعود عليه ويصبح التوقف عنه امرا صعبا. ومن اعراض الزانكس مثل بقية المهدئات الصغرى الاخرى وهو تأثيره على الذاكرهـ فقط لكثرة استعماله، وكذلك يحتاج الشخص لأن يزيد الجرعة مع الوقت لان الجسسم سوف يطلب زيادة الجرعات اذا استعمل الدواء استعمالا خآطيء ، واعيييد واكرر ، يأمطمئنه ارجووووووك استعملي هذا الدواء فأنا ارى انك محتاجة اليه حاجة ماسسه ، واظن اخوي سعيييد شايف كذا كماان ، وانا من عندي ، اشتريه وارسلة لك فيدكس ، والشهرر الاول علي والشهر الثاني على سعيييد خلاص ، يالله استانسي وفليهااا ..

يقول الله سبحانه وتعالى الابذكر الله تطمئن القلوب والله ياجماعه احسن شي اضافة الا كلام الاخ رائد اذا قدرتي تسوي رياضة المشي ايضا عليك باذكار الصباح والمساء ممكن تسمعيها على الكاست وانتي رايحة على الجامعة وتقولي مع الشيخ الاذكار او تقرينها كل صبح متى ماوصلتي الدوام قراء ة جزء من القران وتصلي الصلاة وتسجدي وتدعين لله واذا قدرتي تصلي السنن يكون احسن اذا ماقدرتي ممكن تصلي كم ركعة يعني مثلا لو ركعتين قبل ماتنامين صدقيني ان شالله راح تحسين بالفرق بتحسين ان الله معاج عليك بالدعاء بالدعاء بالدعاء

أخوي السعيد...الله يسعدك دنيا وأخره..... كلامك مقنع جداً......أتذكر من سنين أول مرة كنت باخذ فيها دواء....أبوي ما عجبه الوضع ......وصراحه خوفني من آثاره لأن وحده من عماتي أنتكست من الأدوية النفسية، عشان كذا كل ما جيت باخذ دواء أتذكرها وأتذكر حالها من الأدوية أبطل، وهذا حالي من سنين أروح الدكتور ويصرف لي دواء ويقنعني، واجيب الدواء وأجلس أقرأ التعليمات والآثار الجانبية وأسوي بحث عنه وبعد كل ذا أشيل الفكرة ...أخاف وأهون، أخر مرة بعد ما طقت كبدي من الحال اللي وصلته.......قلت خلاص.......أخذ حبوب لويصير إللي يصير........ورحت الاستشاري وصرف لي سبيرالكس وفافرين....بس قعدت اسوي بحث وصراحة خوفتني الآثار الجانبية للدواء......وأختي يارب أرجوك.....الله يسلم عمرها......عندها خبرة في ذا الموضوع........فقالت لي ما أدخل نفسي في ذي المتاهة
وصراحة أنا وحدة موسوسة بالحيل ولا أقدر أتحمل الآثار الجانبية للدواء

أخوي الرائد الله يسلمك ما تقصر........بس اللي يقرا كلامك يقول هذي عندها مشاكل مادية.....الموضوع مو كذا أبداً..........الدواء موجود بس المشكلة الخوف اللي مسيطر على حياتي كلها
شكرأ لكم جميعاً وماقصرتوا

اولا مطمئنه ، حنا ماعلينا من كلام الناس ، انتي في منتدى ومحد بعارفك ، يامطمئنه الله يهدييك فهمتيني غلط ، أنا يوم قلت ( اشتريه ورسله لك فيدكس ) قصدي احسب ان ماعندك احد يساعدك في البييت ، وضروفك ماتسمح او ماتبين احد يدري انك تستخدمييين علاج نفسي ، يامطمئنه ياغاليه على قلوبنا ، والله العظييم يوم قريت كلامك قبل شوي ، عررفت انك ضايعه ، اصحي يابنت من اللي انتي فيه ، وش اللي تقرين الاعراض الجانبيه وتسوين بحث وووو ، انا مريت في حالتك ،وكلنا تقريبا نمر بحالتك ويمكن خوفنا اشد ،بالله قولي للدكتور انا اخاف من الاعراض اللي كاتبينها ، شوفي وش يقووول لك ، انا الدكتور يوم قلت له خايف من الاعراض المكتوبه مثلك ،قال: يكون في علمك مافي شي اسمه اعراض جانبيه، كل الحكايه ، ان بعض الناس يحسون بهذه الاعراض نتيجة عسر هظم بسيط او قلة في النوم والارهاق الزائد ، او عدم الاكل واخذ العلاج على الجوع والاعراض غير خطره وترى السخونه اشد منها خطر ، بس اقول في نفسي لازم اتشجع واخذ الدواء ولا على كذا ماني متعافي نهائياا لاني اخوف نفسي بنفسي ، تلقين العلاج مايسبب لك اعراض بس انتي اللي تلعبين على نفسسك وتحسسين نفسك بالاعراض ، وبعدين تعالي الحين انتي عاجبك حالك الحيين ، صدقيني يامطمئنه وررب البيت اللي خلقني وخلقك ان حالتك الحيين اشد وطأه من لما تاخذين العلاج ، والله العظيم رااح تحسسين بالفرق اذا استخدمتي العلاج ، بعدين اقولك شيء ، العلاج اذا مانفعك مارااح يضررك نهائياا وماله اي اعراض مخيفة بالعكس ، من اول استخدام رااح يريحك ويرح بالك اللي اشغلتية ، يامطمئنه رغم حكمتك وأيمانك ونصائحك اللي فادتنا اكثرر ولا فادتك ، ارى ان الشيطان لقى عليك دررب ، لاتستسلمييين له يامطمئنه تكفييييين ، هو اللي مايبيييك تتعالجيين ، يبي يشوفك في هالحاله لين تتردين وانتي الخسراانه يامطمئنه اررررررررررررجوووووووك رجااااااء خااااص ، ماهو عشاني والله عشانك ، وأن لنفسسكٍ علييييكي حق ، اكرميها ، اعتني بهاا ، يامطمئنه اسئل الله القدير ان يمن عليك بالتوكل عليهـ واخذ العلاااااااااج ، وانتي اللي راح تجيين هنا ان شاء الله وتكتبين لناا عن الفروق ، وأذكررك رااح تقررين كلامك هذاا بعد اخذ الدواء والتحسن ، ورااح تستغربين من كلااامك اللي قلتيييه ، ياااارب ياااارب اشفي مطمئنه يارررب ، وسخر لها الدواء ، شفاءآ لها من جميييع امراضها ياعزززيز ، اللهم امييييين ..

رائد يسلم عمرك........ماقصرت أبد
والله ودي ودي......... بس للأسف اخاف من الحبوب ........وأخاف أني أكون جنيت على نفسي.......واثرت على صحتي........وعلى وزني.........وعلى شعوري...........وغيره من الأعراض الجانبية المخيفة في نظري

ما ادري...........أوقات اقول خلاص أخذ دواء واللي فيها فيها...........وأوقات أقول لا أصبر وأتعالج بالرقية

والله محتـــــــــــــــــــــــــــاره

الله يكتب لنا مافيه الخير..........

شكراً لك على اهتمامك ودعواتك الصادقة.........وجزاك الله عني وعن اخوانك كل خير

مطمئنة والله من الدلع الززايد ، بطلي دلع يابنت الحلااااااااال، ليتني والله اخوتس أقسسم بالله لاحطها لك في الشاهي ، وتجي العافيييييه ، بعدين تقدرين تقوولين لي ولو رؤس اقلااام وبدون تفاصيل واهم الاعراض التي تعانينها الان اللي بحد ذاتها مسببة لك الضيقة ومنغصه عليك حيياتك ، ويامطمئنة والله ياعندي لك قصص واقعيه ومؤثره وحصلت لاقرب الناس لي واحبهم وهي امي وخالتي ايضآ، ومبشره سوف تخفف عنك آلآمك وتقوي ايماانك بس خليهاااا بوكره اوكيييه ، انا بنآم الحيين وراي درااسسه ، ادعي لي بالتوووفيق ، وأتمنى لكم جميعااا نوماا هادئااا ..

ونووم العوافي مقدما ، وتصبحون على خييير، في امـااان اللـّـه ..

والله ما الومك اختي مطمئنه... تعرفين انا كيف استخدمت الدواء؟ قبل 10 سنين لما بدا عندي القلق ونوبات الهلع الطبيب صرفلي دواء اسمه سبرام و مهدئ زانكس وشرح لي طريقة استخدامهم وكل الدوائين كانت روشتتهم بالانقليزي يعني ما فهمت ولا كمله واستخدمتها بدون ما ابحث عنها في النت والحمدالله حسيت بتحسن

تعرفين لو كان روشتة الادويه باللغه العربيه ولو بحثت عنها في النت وش كان بيصير؟ كان ما استخدمتها ابدا من شدة الخوف والوسوسه وكان الى هذا اليوم وانا تعبان وما استخدم اي دواء

شوفي اختي احنا ناس حساسين زياده عن اللزوم والكلام السلبي بذات دائما يأثر فينا..عشان كذا البحث والتقصي المبالغ فيه الي قاعدين نسويه بيتعبنا اكثر... انا من بدات ابحث في النت عن القلق والهلع والادويه وبذات من سجلت في هذا المنتدى وصرت اقرا كثير من المشاركات السلبيه بصراحه حالتي انتكست وصرت موسوس ومتشائم ومحبط... لاننا ناس حساسين وموسوسين والتعمق والبحث في هذه المواضيع يتعبنا اكثر

حتى الطبيب الي اراجع عنده قلتله اني ادخل منتدى واقرا مشاركات عن الامراض وافكر فيها دائما..فقلي لا تقرا اي شي يتعلق بنوبات الهلع والامراض اطلاقا لانك بتتعب اكثر وتوسوس اكثر

وبغيت اضيف شي اختي مطمئنه... انا لما استخدمت دواء السيروكسات الي كتبه لي الطبيب بعد فتره كان من الاعراض الجانبيه المكتوبه في الروشته "القلق" ..فانا استغربت قلت لدكتور كيف دواء سيروكسات الي يعالج القلق يكون من اعراضه الجانبيه القلق؟؟؟؟؟؟؟

فشرحلي ان هذا العرض اذا حصل فهو يكون في اول اسبوعين فقط لا غير ويمكن علاجه بالحبه المهدئه الي تستخدمها في اول اسبوعين فقط

فروشتة الدواء في بعض الاعراض الجانبية المكتوبه احنا ممكن نكون فاهمينها غلط لانها مو واضحه زين والطبيب يفهمها اكثر منا

وايضا مثل ما هو معروف ان الاعراض الجانبية الي في الروشته هي اعراض احتماليه يعني مش بضروره انها تحصل لاي شخص يستخدم الدواء..وكثير من الناس الي يستخدمون الدواء ما يحسون باي اعراض جانبيه..وبعضهم يحسون باعراض جانبيه بسيطه مثل الغثيان

انتي وش فيكي بالضبط اختي المطمئنة شنو مشكلتك

أختي الوردة الحبيبة........يسلم عمرك على طيبك وذوق كلامتك
وكنت أتمنى إني ما أطيح من عينك وتشوفين كل اللي طلعنها هنا..........المشتكى لله أختي .......وخلق الإنسان ضعيفا

الفاضلة أوركيد
جزاك الله خير على ما نصحت فيه........يا أختي ما خلينا شئ ........حتى الرياضة جربنها............. وبالنسبة للصلاة والدعاء........فعلاً أختي مايشرح الصدر ويجلب الطمأنينة غير الصلاة والدعاء........

أخوي رائد.... لك كل الشكر....لو الدعوى دلع........سطرت روحي كم كف........وأخذت الدواء غصب...........بس المشكلة مو كذا أخوي....... الحمدلله على كل حال ما خلينا نوع من أنواع الفوبيا إلا عانينا منه

أخوي السعيد.......الله يسلمك.........والله كلامك درر..... وتصدق كأني بديت أقتنع......بس أنا عارفة روحي في اللحظة الأخيرة بتراجع........وأخوي لو الدعوى أعراض جانبية عضوية..كان أتحمل ونقول ما يخالف.......بس اللي يخوف إضطرابات الشعور وغيره........ما ودي أكون سلبية وأخوف غيري

أختي مريم.........والله ما أدري وش المشكلة بالظبط.........لو هي مشكلة وحده كان ركزنا عليها وحليناها


لكم مني أصدق الدعاء.........وبارك الله في ماتفضلتم به..........حفظكم المولى أينما كنتم

توكلي على الله يا اختي

الله يفرج همك ياااااارب

وبعدين اضيفي الايميل اللي قلت لك مدري وين راح ردي

ترى ايميل للمساااااااعده من شخص عنده تجربه وتشافى

مااعرف ليه ينحذف ردي؟؟

انا مو حاطه ايميلي الشخصي او ايميل ناس يلعبون

ناس تبي تساعد فقط وله خبره بالعلاج السلوكي

بس تتكلمين انتي بترتاحين



مطمئنه طلعي كل اللي بقلبك كل مشاكلك اللي ماتقدرين تقولينها لااحد

صدقيني الفضفضه تريح