|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
13-02-2012, 03:35 PM
|
#31 | ||
|
عضو نشط
|
مرحبا .. فيه نوعين وهن بالوجه بس اسمه mgo ووهن بكل عضلة بالجسم اسمه mg هذا اللي أعرفه !! أنا سويت عملية إزالة لغدة الثايموما بعام 2000 فتح صدر :( وماأدري وش أسم الفحص والله وماأعرف إلا إنهم سووا تخطيط كهربائي للعضل وتحليل الإستيل كولين وراح لألمانيا لأن المختبر الوحيد بالعالم هناك ومنه جاء التشخيص والميستنون ماشي معاي وماقد جاني نكسة قوية مررررة وإن جات تكون نفسية ههههههه يكون قبلها ضغط وزعل !! الوهن يتأثر كذا وأطيح عليهم يمكن مرتين أو ثلاث خلال 14 سنة الحمد لله مو كثير الله يديمها نعم ويرفع عني عاجلاً غير آجل يا رب .. -- فيه شغلات كثيررر تمنع أمي تعتمد على غيري يمكن أولها خوفها يتضايقون منها ويزعلون مثل غيرهم هذا سبب وأنا وتعاملي معاها سبب يعني نحنا نكون كلنا متواجدين أنا اللي أنتبه لكل شيء منهم !! في حين أخواني متواجدين طيب ليه مايكون بالهم مع والديني ؟؟ !! هذا البرود في التعامل مخلي أمي وأبوي مايمونون عليهم لما أقول لها نروح مكان تقول لا نثقل عليهم لا مشغولين لا ولا ولا !! مع إن أخواني اللي معانا كويسين مررة مادياً ومعنوياً ومايرفضون لها طلب لوجينا للحق الله يخليهم ويهديهم يمكن يجي ببالك إن أمي وأبوي ظلمة أو تعاملهم مو تمام مع أخواني عشان كذا فيه كم واحد زعلانين لا والله الله يجزاهم الجنة أكرمونا وربونا في وقت كانت أحوال أبوي صعبة مرة لكن اللئيم يتمرد وولو شعلوا له أصابعهم برضو ملامين ولو تعرف نوعية مشاكلنا أقل ماأسميها لعب أطفال مافي عاقل بتشغله لكن أبليس حاضر الله يهديهم ويردهم لنا بخير ناجحين بأعمالهم وعوايلهم وحياتهم مريحة على قول أمي حتى ماصاعوا مثل الشباب هههههههه عشان يخربون علينا ههههههههههههه الله يخليها لي أحيان تتريق من وجعها ،، ونجاح أخواني وأخواتي بحياتهم دليل تربية صحيحة وإلا لا ؟؟ لكن الفشل في تعاملهم مع الوالدين وهي أكبر مصيبة .. دائماً أعزي أمي وأبوي إن كل واحد بالدنيا يقوم بالدور اللي ربي خلقه عشانه الأم والأب بواجبهم وفي المقابل الأولاد يعطونهم حقهم لكن فيه خلل الله أعلم وينه .. من كم يوم كنت أتريق أقول بنآخذ البرفيسور طارق الحبيب أخونا لمدة سنة ههههه قال لي أخوي والله ليعجز يحل مشاكلنا هههههه بيطلع مجنون من عندنا -- اقتباس:
لاتلومني ماأقدر كلهم متعودين مني ماقد قلت لا لهم أو لأخواني كل اللي يبونه أسويه شعور غريب يجبرني أنفذ حتى لو ضد رغباتي .. ولادتي غريبة ووضعي معاهم غريب والرزق اللي أنفتح على أبوي ورفعهم من الفقر إلى المتوسط بعد ولادتي !! كان غريب مرضي غريب وتوقيت مرضي أغرب ظروف المرض والتعالج والناس اللي أقابلهم كلها غريبة أحلامي وتخطيطي مع أخوي الغالي لمشاريعنا وشغلنا غريبة مابأقول إني ملاك ومنزلة لا !! بس فيه شيء غريب ماأعرفه .. يمكن ماتصدقني بس والله العظيم فيه شيء ماأقدر أشرحه وأنا أرتحت هنا وأنا أتكلم عشان كذا قلت هالشعور يتريقون عليّ إني مخاوية هههههههههه لأني أقول شغلات وتصير و أتوقع أمر ويحصل مو مخاوية ههه بس بداخلي أحاسيس كثيرة تخربطني أحيان كثيرة أضطر أكتبها وأفجرها بالورق عشان أعرف ماأحد بيصدقني لو أقولها !! قلت لهم مرة شغلة ببالي أخذوني طقطقة لدرجة ولد أختي سماني بالجوال بهالأسم !! أقسم لك بالله إني أشوف أول خطواتها الحين تصير !! من فترة لما قلت لأختي متخيلة تتم !! قالت لي بديت أصدقك !!<< تو الناس هههههههه ماأقدر أقولها ههههه عشان ماتتريق عليّ بعد وأعصب عليك << :D -- متأكدة يإذن الله إني بأشفى وهالشعور يزيد بقوة كل يوم حتى وأنا تعبانة رغم إني أعرف إن الوهن مايشفى منه لكن متأملة بالله خير كبير وبيكون لي عند ظني به تعالى لايعجزه أمر .. أعرف إن لي مستقبل حلو كثير ومتأكدة بتكون ذي كلها ذكرى بس أبي أتجاوزها وماتأثر بي وماتعيقني -- كالعادة أنفكيت ههههههه مع إن ودي أكتب بعد بس أنت تعبان :( .. شكراً لوقتك \ جزاك الله الجنة ومعافى يا رب أستودع الله كل ماكتبت .. |
||
|
|
|
14-02-2012, 09:05 PM
|
#34 | ||
|
مستشار
|
ليه مرعب أختي ؟ أنا قصدت العكس، وابغاكي تطمئني ع الآخر يمكن قصدك انك قلتي كلام كثير وكنتي تنتظري اني أعلق عليه بينما ردي جاء مختصر وغير مفيد خخخخ فعلا أنا لاحظت هذا لكن بصراحة كنت مشغول ولا لقيت شي عاجل أقوله طيب الحين نمسك الكلام حبة حبة: اقتباس:
آمين ربي يجزاكي الفردوس الأعلى يالله ان شاالله مايصير ردي الحين مرعب وان شاالله ترتاحي وتكتبي *_ 
|
||
|
|
|
14-02-2012, 10:08 PM
|
#35 | |
|
عضو نشط
|
مرحبا .. هههههههههههه عادي والله حبيت أمزح خخخ << كل شيء يرعبني ههههه أنا قلت لك أنت مشغول وأنا أسولف كثير !! طيب ممكن تعطيني أنواع الوهن لأن حتى الشعب بالتجمع هناك مايعرفونها !! -- الله يسلمك والله يجعل عدوي مايجربها لهالعملية .. -- أمي وأبوي .. عيالي الأيتام اللي برقبتي ههههه كذا أسميهم الله يخليهم لي .. والله العظيم إني من ضمن الخيارات أقول نتصل على فلان تروح معاك الشغالة لوحدكم وأخوي أختي وولدها أخوي وبنته شفت !! وربي محاولة والله العظيم والله العظيم .. ومو مرة مرات عديدة .. يمكن يأست !! ولاحظته أنت بأسلوبي .. على فكرة قلت لك يبوني أتزوج بس من لما أرفض أمي يطيح عن صدرها حمل لدرجة إننا لما نتشاور تقول لي بكيفك !! ماتعطيني رآي بس لما أرفض تجي تقول لي ليه ماوافقتِ ؟؟ مستقبلك وأطفال وووو وماتدري أنا فاهمتها !! في حين هي تبرر للناس بكسرة الخاطر اللي سبق وقلت لك عنها واللي توجعني لأني عارفة شيء غير !! ولأن وضعي معاهم غير لا بمرضي ولا بحالتهم فالأسباب كثيرة !! أضفها على الوجع الأول !! نظرات الناس وأهلي .. وعلى قولهم ماتحرق النار إلا واطيها .. بس نبي واحد متفرغ لنا و يسكن معانا عشان هم يتطمنون وأقدر أراعيهم ههههههههه -- ننجي للغرابة بغض النظر عن كل اللي سبق وقلته والله ماعمري فكرت إنها تميز !! ومن مدة بطلت أخلي أحد يلاحظ مو لأنهم يتريقون !! عشان ماأحد يشك بعقلي مثل مثالك على منيرة الآن !! إلا قلق إنك تحس باللي قدامك كذاب واللي قدامك وش يفكر فيه ووش ناوي عليه من كلمتين أو من حركة !! تحس برعب من موقف ويصير !! تفكر بأمر وفجأة يجي شريط بكل شيء قدامك !! حتى لما أقول الله كريم وبتتعدل الأمور بكرة .. يستغربون وش تحسين ؟؟ خخخخ حتى تفاؤلي اللي هو مطلب ديني يخوفهم خخخخخ كنت لما تحمل وحدة من زوجات أخواني أقول لهم أحس بتجيب كذا ويجي !! مؤمنة تماماً بما يعلم مافي الأرحام إلا الله !! وبطلت أخمن الحين ههههه لما كنت طالبة كنت متفوقة مررررررررة كنت أقول للبنات أحس كذا وكذا بيجينا ويجينا !! كانوا يقولون لي من توقعاتك تحلين كويس وإلا ماتذاكرين هههه والله كنت أذاكر وماأعتمد التخمين ههههه يآخذون كتبي المحددة يذاكرونها هههههههه وش يجيني ؟؟ وش اسمه ذا ؟؟ شعور مرعب ومقلق ويوتر ويسوي كل شيء مو حلو ههههههههههه أحس براكين متفجرة بداخلي وزحمة أفكار تتصادم بفكري كلام كثير أكتبه لو ماأكتبه بيتريقون عليّ بماإني بأقوله خخخخ جدتي كانت تعالج وهم ناسبيني لها عشان كذا !! لما يبكي طفل وأحضنه وأقرآ عليه يسكت !! حتى لو موجوع وينام !! على طول يجيبون سيرتها الله يرحمها !! كانت مع عيال أخواني بس يمكن لأني أحبهم ويقولون شعور الحب ينتقل بالحضن بإنتظار المستشفى صارت لطفلين يجون ركض عليّ وماأعرفهم ويسكتون !! لدرجة عجوز قالت لأمي اللي يحبونه الصغار قلبه أبيض وسخي !! ويحبه ربه !! من لما قالتها لي يمكن من وقت طويل وأنا أفكر بكلمتها !! أسبق كلامي دايماً بأحس كذا \ بداخلي كذا عشان ماأحد يظن ههههههه ومع ذلك يتريقون وأخذ الشغلة مزح أصلاً والله مافكرت إنها شيء بيكون له دور بحياتي !! لو بأحلم وبأتخيل هههههههههههه رحت وطي .. لو بأحلم وماأكون واقعية كان تناسيت الوهن وماأتعبتني حساسيتي من المشاكل بهالشكل .. يقولون دارس الرياضيات ذا خيال واسع ههههه يمكن يكون له دور مخي --- تبي تطقطق !! طيب أقول السالفة من قبل كم سنة كنت أقرآ رقم ثروة أحد ما بالمجلة فقلت لهم بيوم ما بتصير ثروتي وقلت رقم من خيالي !! كلهم ضحكوا من وين !! الصدفة كان بحسابي مثلها بس بالعشرات ههههههههههههههههههههههههه سماني ولد أختي بالرقم ذاته هههه اللي قلته لهم .. فرق بين حسابي ذيك السنة والحين !! يمكن ماوصلت للي قلته بس مع أخ مثل الغالي بتوصل أحلامي للواقع بإذن الكريم .. بيجي يوم إن شاء الله وأسوي مركز أبحاث للوهن !! وأشخّص وأعالج المرضى اللي مايقدرون وبأحاول ماأحد يمر بالمرمطة اللي مرينا بها أنا وأهلي بديتها بمنتدى يجمعنا من كل الوطن العربي !! يمكن أموت ماكملت وماوصلت والدنيا تخوني بس بداخلي حلم كبير من هالناحية ماأسعى له لأني ماأقدر لكن قانون جذب ههههه بيجيبه ربي إن شاء الله عش أحلامك تتحقق !! الأمل بالله هو الشعور الحلو اللي حتى بتعبي يقويني !! بس هالخوف والرعبة تفكني وأنا بخير !! الخوف من المسؤولية !! والخوف من إني أفشل ماأوفي هالمسؤولية بس .. -- هههههه أنفكيت !! أنت تعطي ثقة شكراً لك .. ربي يسعدك .. |
|
|
|
|
16-02-2012, 11:45 AM
|
#36 | |
|
عضو نشط
|
مرحبا .. أمس كنت أقول لأختي الدكتور رعد يقول في نوعين وهن وأنا ماأعرفها هههه قالت غريبة كل شيء تعرفينه أول ماعرفت طبيبي من 8 سنوات سألني وش دراستي ؟؟ قلت تربية قال حسبتك زميل ههههههه من كثر معلوماتي عن الوهن الغريب إن حتى أعراضي مختلفة عن مرضى كثير عرفتهم أحتاج أعرف النوعين وكيف تأثيرهم لو سمحت .. \ أو أنا بجد غير بالمرض وأعراضه والسبب زمزم والحبة السوداء أنا من 14 سنة ومن أول يوم مرضت ماأشرب إلا زمزم ولو شربت غيره بطني يألمني لما نطلع مكان وأشرب ماء صحي ماأنام من بطني لو يجي بالشاهي ماقلت لا هههههههه أحيان أشربه روقان بس مو عطش مثل القهوة والعصير حتى أحبه أكثر منها ماأدري ليه قلت المعلومة ههههه بس عشان تعرف سبب من أسباب تفاؤلي -- ممكن أعرف وش تحليلك لكل كلامي !! وش أعاني منه ؟؟ وش شخصيتي وش المشكلة ؟؟ ماأدري وش معناها علمياً بس أبي ملاحظاتك عن كل شيء .. -- شكراً لك |
|
|
|
|
21-02-2012, 12:47 AM
|
#38 | |
|
عضو نشط
|
http://www.nafsany.cc/vb/showthread.php?t=74753 ردودي بهالموضوع نوعية من اللي أقول حاسة تخليني أحس شيء غريب !! حتي مع الصغار لما بنت أخوي تسرد شغلة صارت معاها وأناقشها وأصيدها !! مخربة شيء وإلا مسوية جريمة خخخخخ أحيان أهاوشها أو أعدي لأن أمها أحيان تزعل عليّ لما أتدخل بالتربية خخخ وكثيرة المواقف اللي أما أناقش وأكبرها أو أعديها !! مع أخواني أو عيالهم أو صاحباتي .. استنتاجاتي ذي وش ؟؟ فطنة !! ولغة جسد خخخخخ أقسم بالله هالإستنتاجات تتعبني وربي تتعبني -- لما كنت بالكلية أستاذة علم النفس درستني 3 كورسات علم نفس مرة سوت لنا إختبار ولما رجعت لنا الورقة كانت كاتبه على كل ورقة صفة تتميز بها الطالبة كانت كاتبه على ورقتي الهاديه .. أنا ماأسجل بالمنتديات إلا بهالأسم وحقوق التصاميم كلها كذا يمكن لامستني وعرفت طبعي بس أحب هالصفة فيني رغم كل الإزعاج اللي أشوف حالي فيه هههههه -- انتظر عودتك أكيد وأبي تحليل لكل الصفحات مين أنا ؟؟ مين ساره ؟؟ وش خلفه هدوئي ؟؟ |
|
|
|
|
24-02-2012, 02:51 PM
|
#41 | |
|
عضو نشط
|
مرحبا .. بماإنك مارديت أنا أحتاج إجابة اليوم أربعين يوم أخذت السيربلاكس يعني بأتحسن ؟؟ -- المشكلة إن صار لي موقفين هدتني بالمرة الأربعاء الأكزيما ثارت على أمي ولي كم يوم أأجلها عشان وقت الدورة !! ورحت معاها لعيادة الجلدية لما خفيت المهم إننا طلعنا من البيت وأنا بخير ومافيني شيء أصلاً مو وقت تعب ومافيني نقطة وهن من دخلنا المستشفى تعبت !! ليه طيب ؟؟ صرت ماسكه كرسيها والفلبيني يدفها وجلست على أقرب كرسي ماقدرت أكمل ودخلنا ع العيادة حتى ماسألتها كثير الطبيبة تعرفنا قالت فيك شيء قلت المايستينا أتعبتني !! وطلعنا من عندها يمكن شغلنا كله ربع ساعة لما جينا طالعين ودانا الفلبيني مع طريق الطواريء عشان أقرب للمواقف طحت بالطواريء مو مشكلة طيحتي متخيل الرعب اللي نزل على أمي !! متخيل ربكة ولد أختي !! متخيل أن كل أحد يسأل وش فيها لأن أغلبية الممرضات والمراسلين يعرفوني !! فشللللةةةةةةةةةةةةةةةةةةةةةةة تمنيت الأرض تبلعني مو مهم كله قاسوا ضغطي نازل شوي خلوني أجلس لحد ماأستقريت راح ولد أختي يودي أمي السيارة وقال راجع لي لاتتحركين ماانتتظرت أستحيت يجي أحد ويسألني بعد وتوكلت على الله ومشيت وصلت للسيارة طلعتها غلط !! وأبتلشت الشكوى لله .. المهم سكر الباب ومشينا !! كنا بالمواقف والإسعاف ورانا جايب مريض والرجة اللي صارت تكفيني سنتين قدام ع الفشلة .. وجبتك ياعبد المعين !! أحس أمي تقوله .. أمي قبل نمشي يقولون لها تروح معاك فلانة وتروح فلانة معطينها خيارات كثيرة حلفت مايروح إلا أنا ورحت لما جينا البيت سألتني صرتِ تتعبين أكثر من أول ؟؟ بنضيع أنا وأبوك << متخيل هالجملة وربي صاعقة على رآسي أقسم بالله كرهت نفسي وحسيت الدنيا صغيرة قلت لها الله كريم شدة وتزول ماعليه بكرة أخف يمكن نكسة وهن والحمد لله قالت تروحين الطبيب ؟؟ قلت لا بأتنوم وهناك لو أطيح بالحمام ماأنتبهوا لي هنا أحسن عدى باقي اليوم تقريباً شبه عادي المغرب كان عندنا زوجات أخواني وعيالهم وأمي مو معاهم تطالعني بس الخميس عدى تمام مع إنهم ملاحظين تعبي بالليل تعشينا ماطبخت طبعاً !! وهنا مشكلة لأني لما أقول من برى كلهم يعرفون إني تعبانة خخخخ سهروا أخواني معانا لوقت متأخر عشان الخميس وأغلب عيالهم مو بالبيت لما مشوا قلت لها بأنام وشيكت على البيت كالعادة ونومت أهلي ونمت !! قبل الفجر صحيت وهنانة شوي وأخذت ميستنون وماتنشطت ليه ؟؟ رحت بأسوي فطور أبوي وطحت بالمطبخ !! جات الشغالة وسوت كل شيء لما ودته بالصالة شافتها أمي بالعادة الشغالة ماأصحيها بوقت الفجر أنا أسوي كل شيء أمي تأكدت إني تعبانة مرة وقلقت كثير عليّ وجيت توضيت وصليت وقلت لها لاتقول لأبوي يتضايق لما خلصت صلاة كان أبوي جاء بالعادة لما يجي أكون بالصالة وأسولف معاه وكذا اليوم فقدني !! طل ع غرفتي ساره وينك !! لقاني متربعة طايحة !! آخر حسي بنفسي لما جيت أقوم مخلصة صلاة ماحسيته إلا ماسك رآسي ويشهدني !! حسيت به وقلت أنا بخير ماعليه قمت بالقوة ونمت على سريري طبعاً هم ماناموا وكل شوي أحسهم يطلون تعب عليهم وضعهم اليوم كسروا خاطري فوق تعبي .. هذا ملخص مواقفي من الأربعاء !! اللي يصير معاي وأنا واقفة عيوني تغيب وماأسمع إلا دقات قلبي من أول لما أتعب أمشي لحد أي مكان وأجلس حتى لو نكون بالسوق أو مكان عام ليه الحين قلبي يدق بسرعة وأختنق عيوني يغيب عنها النظر وأتنفس بصعوبة وأطيح وش صاير بي !! تحاليلي كويسة والوهن يمكن نكسة نفسية كالعادة !! مخنوقة مرتبكة مآكله هواء ومو على بعضي مشتتة وأحتاج أتلم يسألوني وشلونك ؟؟ .. ماأقدر أرد وش أقول !! قلت بخير بس وهن شوي تضيع كلماتي وأبكي كل ماقلت لهم وهن أبكي لأني بس رميته ع الوهن بجد ماأعرف وش فيني أستودع الله كل ماكتبت شكراً إنك قريت الكلام قول لي أي شيء بأصدقك !! .. |
|
|
|
|
24-02-2012, 05:24 PM
|
#43 | ||
|
مستشار
|
اقتباس:
|
||
|
|
|
24-02-2012, 05:34 PM
|
#44 | ||
|
مستشار
|
اقتباس:
المشكلة النفسية اللي عندك اعتقد انها فوبيا من الفشل
ربما يفيدك العلاج الدوائي ولكن العلاج الفكري الغير دوائي هو العلاج الصحيح لحالتك والذي اعتقد انك قادرة على ممارسته بشكل ذاتي هناك موقع اسمه "معرفي" http://www.cbtarabia.com/ أعتقد أنه سيفيدك كثيرا |
||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
