معا للتخلص من اختلال الانية ..

المشاركة الأصلية كتبت بواسطة أميرة99

ياجماعه ليش هالاحباط واليأس خلكم متفائلين خصوصا اخي فهد ألاحظ انك مكتئب جداً وحزين وشايل الدنيا ع راسك بسطها ليش هالحزن ابيك تكون متفائل وتحط براسك انها بتزول بامر الله للا تقول فيني من عشر سنوات أنسى المده ولاتحسبها ترا من يزول القلق ويخف بيروح الاختلاال على طول

الله معانا وبأذن الله بنشفى وحالات كثير شفت منها ليش هالياس والتحطيم مشكلتنا نحب نشكي اكثر من ماندور على حل هذا السبب
علاجها هو التجاهل وااالانشغال والله احلف لكم انها مجرد افكار لعينه والأفكار تنتج عنها مشاعر هيه فكره وتسبب لنا شعور الغربه انا اذكر مره طلعت مع بنات واندمجنا بالسوالف وضحك ونقاش فجاه حسيت أني طبيعيه ميه بالميه لما انشغلت ومر الوقت بسرعه وماحسيت ولاكان فيني اختلال فتاكدت وقتها انها وساوس وافكار
استهدو بالله وارجع وأقول صح انها متتتتتتتتتتتتتعبه لكن مو خطيرررررررره بسيطه ومو مرض حتى عرض وقلق

طيب أختي وش الحل من تجربتك أنا الشعور كان يجيني من وأنا طفففلة كنت أقول أنا بأي لحظة بقوم من غيبوبة يعني كنت أحس إن حياتي مو واقع وإني إنسان ثاني في الحقيقة كانت تجيني على شكل نوبات أو تفير عابر وتروح ..
بس الحين كوني أتعالج من وسواس قهري وهلع واكتئاب صارت تجيني أيااام ورا بعض وإحساس قووووي جدااا يعني مو بس اختلال أنية إني أحس نفسي مو أنا وإني كأني آلة وأراقب نفسي لا بعد تبدل واقع أحس كل الي حولي مزيفين مو بشر فعليين والعالم كله مزيف أو كأني بحلم طول اليوم لدرجة هاليومين والله ثم والله ماعدت أفرق الحلم من الواقع أببببدا وهالشيء مخليني مشتتة وخاااايفة.. اليوم السيارة تمشي ومن كثر ماأنا حاسة بإني في حلم بغيت أفتح باب السيارة وأطب عشان أصحى من النوم لأن ماعاد فيه شيء حولي يوحي بالحقيقة أبد أحس الي حولي مافيه روح وماعاد عندي مشاعر ولا تواصل مع غيري ولا تركيز ومدري وش أسوي :( !!
لما تحسون كذا وش تسوون وهل فيه أحد زيي ماعاد يفرق بين الحلم والحقيقة !!! أنا حاسة هذي بداية الجنون !! عسى مافيني فصام :( !

حبيبتي كلي امل بالله اتمنى بالفعل تكوني مثل ماكتبتي وتخلي املك بالله وبس والله انا مافي شعور ما مر علي أبدا ولو اكتب لكم كل شعور مر علي بسبب هالاختلال ماراح انتهي لبكرا كل ماكتبتيه مر علي وأفظع من كذا بعد واحب أنبهك كل من فيهم اختلال وهلع يكون عندهم وسواس وخوف من الجنون والفصام فهذا شي طبيعي نكون خايفين من اي شي للي بوسعنا يكبر الامور يشوفها كبيرة ضخمه وهي بالأساس تافهه بسيطه لازم نعالج السبب الرئيس وهو القلق والتوتر سبب الخوف والهلع والهلع يؤدي للشعور بالاختلال والغربه عن الواقع لما يزول القلق يزول كل شي ان شاء الله سالت دكتور قلت له خائفه انجن مو حاسه بشي أبدا أبدا أبدا رد علي كذا : اختي الكريمة اضحكي وانبسطي لو كانت تسبب حالتك جنون كان سببت وانتهت

بروح اصلي واكتب لكم باقي الحوار

كلي امل الله يشفيك ويشفيني وجميع المسلمين
اقولها واكررها كانك تتكلمين عني تماما
فترات مافرق بين الواقع والحلم لانه بكل صراحه حلم الفرق بينهم حلم نوم وهذا حلم استيقاض
فيه دكتور محمد عبدالعليم في موقع اسلام ويب شخص حالتي وسواس قهري اهملته سبب لي عسر مزاج نتج عنه اختلال الانيه والحمد لله على كل حال كم سنه عندك انا 10 سنوات

أميرة : يادكتور مجنني الاختلال تاعبني
الدكتور : كل ماشعًرتي به اسالي نفسك ماهي الاشياء المحسوسه حولي تلمسيها استشعري الصوت ثم طمني نفسك ان شيئا خطيرا لن يحدث بإذن الله
أميرة : مشكلتي اول مايجيني الاختلال اقعد افكر بنجن الحين ماعاد أميز خلاص بيصير شي كارثي
الدكتور : تذكرين مرة طلبت منك تمثلين دور انك انجنيتي تمثيلك للدور سيخفف القلق كثيرا لانك ستعرفي على انه لن يحدث شي بإذن الله

هذا حواري معاه لما طلب امثل أني مجنونه اول مرة

أميرة : كل عام وانت بخير دكتور طول الوقت لغرفتي وماعندي اي نشاط اسويه والاختلال زايد هاليومين لدرجة كله جالسه لغرفتي وأخاف اخرج منها وماصرت اكل وتفكيري متركز بس أني راح افقد السيطرة وانجن وماعاد أدرك واميز هل هذا بسبب نوبات الهلع أخاف تستمر معي طول العمر

الدكتور : وانتي بالف خير اختي الكريمه لو فقدتي السيطرة ايش الاشيا الي تتوقعي راح تسويها أبغاك الان تتخيلي انك فقدتي السيطره وجنيتي يلا

أميرة : لو فقدت السيطرة بتخيل انه ماعاد أميز شي مابدرك العالم من حولي مابعرف نفسي ولا اهلي وراح أتصرف زي المجانين واتخيل نهايتي مستشفى الأعصاب اصلا تدري يادكتور وانا اكلمك شعور الاختلال ذابحني

الدكتور : الحين ابغاكي بسرعه تمثلي انك فقدتي السيطره وتتصرفي مثل المجانين مثل ماتقولين يلا معك ثلاث دقايق وردي علي

أميرة : هههههههههههههههههههههه طيب جالسه امثل < مثلت هنا الدور وكله اضحك بس

بعد ثلاث دقايق
اميره : مثلت يادكتور وبصراحه ماقدرت اكمل من الضحك احس أني تافهه وتخيلت احد يدخل علي ههههههههههههههههههه ومنظري يفطس ضحك

الدكتور : مممممممتاز ممممتاز هذا المطلوب الشعور الي انتي خائفه منه ماله حقيقه انتي خائفه من حاجه لن تحصل لك أبدا بامر الله لايوجد شي سيئ سيحدث ان شاء الله

أميرة : شكرًا دكتور الله يعطيك العافيه ارتحت الحين وطلعت برا غرفتي وانا بالمطبخ الحين وناويه أطبخ لي شي لذيذ
دكتور : الحمدلله الحمدلله ذكري نفسك دائماً ليس ثمة خطر هو خوف بس

اميره : ان شاء الله شكرًا دكتور
الدكتور : العفو في أمان الله اختي الكريمة
اميره : الله يحفظك مع السلامة



هذا حواري معاه بالكامل ومثل كلامه كتبته بالضبط واتمنى تستفيدو منه وناويه اكمل لكم باقي الحوارات بإذن الله لان تعبت من الكتابه ع الايباد ههههههههههههه متعب وسامحوني لو فيه خطا

المشاركة الأصلية كتبت بواسطة فهد الغريب

كلي امل الله يشفيك ويشفيني وجميع المسلمين
اقولها واكررها كانك تتكلمين عني تماما
فترات مافرق بين الواقع والحلم لانه بكل صراحه حلم الفرق بينهم حلم نوم وهذا حلم استيقاض
فيه دكتور محمد عبدالعليم في موقع اسلام ويب شخص حالتي وسواس قهري اهملته سبب لي عسر مزاج نتج عنه اختلال الانيه والحمد لله على كل حال كم سنه عندك انا 10 سنوات

اللهم آميييين أنا الحين أكتب والحالة معي مو راضية تفك وكان عندنا ضيوف وكنت مشتتة مرة مرة مرة وتفشلت عندهم من كثر ماأنا متشتتة
تجيني فترات بس أفكار وتجيني حالات فعلاااااااااااااااااا مافيه شيء حولي يوحي إنه حقيقة حلم 100% بس ماأقدر أصحى منه شعور مرررعب مدري وشلون أوصفه !
أنا من سنوات طوييييلة تجيني الحالة زي النوبات وتروح وماكنت عارفه وش هي , بس لي سنتين تقريبا وهي تشتد والفترة هذي بالذاااات واصلة اقصى حدودها شيء غرييييييييييب دوامة عجيبة جالسة أكتب الحين وأنا أسأل نفسي صح أنا أمل الي جالسة أكتب؟ هذي يديني أنا .. ياترا لو أسوي شيء جنوني بينقطع الحلم وبصحى؟ وين بكون فيه؟ بسريري؟ أو إني بغيبوبة من زمن وحياتي كلها وهم .. أشوف أختي تمشي أقول هذي أختي؟ هي تحس؟ طيب ليه هذي أختي؟ ماهي أختي وهي مو واقعية وذا مب بيتنا أنا مب أنا ... والله مدري كيف أوصل الي أحس فيه بس إني ميييييتة خووووووف وأبي أرجع أحس طبيعي وأفكر طبيعي .. بس أتخيل نهايتي إني بمستشفى مجانين لأني أحس إني على وشك الجنون .. حتى العصر نمت وصحيت ومحلمة حلم والحين أتذكر هو حلم ولا فعلا واقع والله إني أخلط الأمور بشكل فظيييع وماعاد أتذكر وش صار وش ماصار والطامة لما أروح مكان مزحوم زي مول أو جامعة أو زحمة طريق تشتد علي الحالة مرررررررررررررة وأحس الدنيا غريبة وماكني عشت فيها من قبل ومدري كيف الناس عايشة .. الي مهونها إن فيه أحد هنا يفهم وش الي أقصده لأن كلامي مخربط وماني عارفه أوصل .. حكيت لأختي مرة عن الي أحس به وتضحك تحسب إني أنكت وفعلا سويت شكلي أنكت لأنها حسستني إنه تفكير مجانين وسكتت والعبرة خانقتني .. أنا الحين أتمنى أستيقظ بأقرررررررب وقت قبل أن أنجن

متابعة لك أختي أميرة لاحرمك الله الأجر

اختي الحبيبة امل لاحظي انه أفكارك هي السبب في هالشعور مشاعرنا وأحاسيسنا بالغربه والاستغراب من كل شي بسبب أفكارنا يعني تجي فكره براسك من انا يوه مو حاسه بشي بنجن تتولد مشاعر نتيجه هالخوف والأفكار وبغالها نعيد نرتب أفكارنا ونستبدلها بافكار ايجابيه وطبعا يبغالنا وقت الين تخف وتزول نهائي لاتخافي اطمني اعرف أشخاص شخصيا تشافو منه ميه بالميه وصارو يضحكو على انفسهم بعد الرععععععععععب الي شافوه بالأخير اعتمدي على الله ولاتياسي يا امل قرات قصه لوحده عانت سنين وصلت الليل وقامت الصبح إنسانه ثانيه معافاة مافيها شي وترا هالعرض ككككككككثير يصابو فيه والأجانب ومشاهير حتى فتحت اليوتيوب ولقيت مقاطع بالهبل لها حتى تصيب طلاب المدارس اكثر شي عندهم لانها ناتجه من قلق شديد عادي لاتخافي وكثير شفت حالات شفو منها وحاطين تجاربهم اشغلي نفسك بالكتابه القراءة الرياضة القران العبادات او اي انشطه وخلك متفائلة دائماً واطمننننننننننننني ماراح تنجني مجرد افكار لعينه من الشيطان يبي يخرب مزاجك وووناستك نحن هنا اخوات وإخوان نعاون بعض تذكري فقط مو انتي لحالك ملاييييين فيهم نفسنا وانا اول ماصابتني فكرت انا الوحيده بالعالم طلعو ملاييين لاتقلقي خصوصا انه في زمن كله ضغوطات ومشاكل ماتخلصصصصص ف طبيعي وقرات مدري وين هنا او وين متذكر انه بأمريكا يعتبرو الي مايزور طبيب نفسي هذا بحد ذاته مريض شي عادي صارررررر بايامناا لاتخافي نحن معك وقبل كل شي الله سبحانه وتعالى معك ومعانه والله يشفينا جميعا

أنا أتابع عند طبيب نفسي وعلمته عن الحالة بس هو مركز ع علاج الوسواس والهلع أكثر مع إن الحالة مرررررعبة أكثر شيء !!
طيب أختي فيه أي وسيلة اتصال أقدر أتواصل فيه معاك الله يجزاك بالجنة ووالديك؟

اختي كلي امل ما تخافي انا كمان الحالة فيني من الطفولة وتخلصت منها بالتجاهل فهو افضل حل لها طبعا مع الدعاء والرقية وكثرة الاستغفار , هناك تجارب لاخوة تشافو منها بفضل الله ثم الادوية النفسية مضادات القلق والاكتئاب متل سيبرالكس بروزاك سيروكسات ما تخافي هي حالة تنتج عن القلق مو شي خطيير ابدا

الله يطمن قلوبكم ويمن عليكم بالعافية ..
أختي كلي أمل أنا جربت السيروكسات 3 أسابيع ورحت لطبيب جديد والحين يسحب مني السيروكسات تدريجيا ويعطيني أنافرانيل بدله عشان الوسواس القهري يعني بادية بالعلاج الدوائي الله ينفع به ..
مشكلة الأنافرانيل ينووووم نوم كأنك بغيبوبة ماعاد تحسين بالمحيط :/
الحمدلله صحيت من ساعة والاختلال أخف يارب لك الحمد ..
والحين بروح أسوي لي قهوة أروق عليها وأشوف دراستي لي فترة أراكم شغلي ماأسويه ..
اللهم لك الحمد على كل حال ..
أنتم أخباركم حبايبي؟

جمعة مباركه شخباركككككم لا تنسو الكهف والصلاة على النبي
اللهم صلي وسلم عليه

اختي امل الطبيب مو مطنش حالتك اقصد الاختلال الطبيب يعالج وهدفه يزيل السبب الاساسي الي هو القلق والهلع هم السبب في الاختلال فهو يركز عليهم لان من تتخلصي منهم تروح تختفي حالة الاختلال فهمتي بضرب لك مثال لو السقف يقطر ووسخ الارض بتروحي تنظفي الارض صح لكن المفروض نروح نقفل الفتحه الي بالسقف علشان مايدخل الماي اصلا ولانضطر ننظف يوميا فأنتي مثل الي تبي تنظف الارض وناسيه الفتحه الي فوق بالسقف ف حبيبتي لازم تتخلصي من السبب الاساسي القلق والهلع والاختلال وحده بيزول بإذن الله والحمدلله يارب دائماً مبسوطه روحي سوي قهوة وروقي وانبسطي وفرفشي وبالنسبة للتواصل ماعندي اي مانع أبدا لكن كيف نتواصل الادارة تمنع الايميلات لو بيوافقو نتواصل خاص حلو وماعندي اي مانع أبدا بالعكس هالشي يفرحني كثثثثثير

واحب اطمنكم أني اليوم الحمدلله خف الاختلال كككككككككككككككثير وتقريبا ماحس فيه حتى يا الله لك الحمد والشكر كيف حال البقيه واخي فهد

مثالك عالجرح أقنعني ماشاء الله مشروع معالجة نفسية _
الحمدلله رب العالمين إنا اليوم أحسن .. وأبد هذاني أتقهوا مع إن الطبيب نصحني أقلل كافيين عشان الهلع بس مايوسع صدري إلا القهوة
بالنسبة للتواصل والله مشكلة كان ودي أتواصل معاك بأي طريقة :(
أنت جامعية وبالرياض صح ؟ ولا خلصتي جامعة ؟
ومو مشكلة لو نتواصل هنا كل يوم لو تبغين نساعد بعض ونوسع صدور بعض ..
أختي عندي أمل وأخي فهد طمنونا عليكم ..

ههههههههههههه بإذن الله لما اشفى بصير معالجة نفسيه ايوا انا جامعيه ومن الامارات مو سعوديه ههههههههههههه لهجتي سعوديه لان لي صديقات كثير من السعوديه فاخذت من اللهجه شوي ياحبني لكم أظن اخي الشاكر مراقب او مساعد مراقب نشوف رأيه لو يسمح لنا نتواصل كيف يومك كان انا اليوم قلت أريح من المذاكرة دخلت المطبخ سويت معمول بالتمر وبعدها قرات قصص شغلت نفسي والحمدلله

حياك الله حبيابنا واهلنا والله ..
أنا حسيت بتحسن شوي وأهلي طلعو المول وراحو المطعم وأنا ماطلعت لأن بس أطلع تزود عندي الحالة ومااستفدنا المشكلة الحين بدا يرجع لي الشعور شوي بس أطنشه مو مشكلة وإذا حلم خل أعيشه وأستانس فيه ولا :) ؟
ياليت أخوي الشاكر والله يسمح لنا بأي وسيلة .. عندك kik ؟

بس سؤال تجيكم حالة زيي تعيشون بمنظور الشخص الثالث؟ بمعنى زي ألعاب الفيديو قيمز الي لما الشخصية ماتطلع بس تطلع يدينها عالشاشة تحسون كذا ؟
أدري شعور متخلفين اللهم لك الحمد هههههههههه
أنا علمت أختي بشعوري وحسيتها شكت إني مجنونة الله لايلومها :) صارت كلما شافتني شاردة تنط بوجهي تقول ترا مو حلم ههههههههههههه