تدرون شنو كنت اتمنــــــــــــــــى لاكن للاسف ماصار وصار العكس

المشاركة الأصلية كتبت بواسطة منتضر الفرحه

اه بس والله اليوم طلعت وشفت الناس الكل طالع والسيارات ملياانه وناس مبسوطين وضحك وانا قاعد اطالعهم بحزززن يهد جبال وحيد مسكين ماعندي احد

وحيد مسكين ماعندي احد حزين

بطل دراما ارجوك

مب دراما والله حقيقه. أنا ماعندي إخوان وابوي متوفي.

يعني اصارع الحياه لحالي. أنا متأكد بتم طول العمر كذا إلا إذا حصلت معجزه

المشاركة الأصلية كتبت بواسطة منتضر الفرحه

مب دراما والله حقيقه. أنا ماعندي إخوان وابوي متوفي.

يعني اصارع الحياه لحالي. أنا متأكد بتم طول العمر كذا إلا إذا حصلت معجزه

اول خطوة تخطيها عشان تتعالج هي انك ترتب افكارك

وقف مقارنات بينك وبين الي في مثل سنك لأن ظروفك تختلف عن ظروفهم فالمقارنة من البداية خطأ

انت مريت بأمور ما مروا فيها فالمقارنة ظالمة

لا تستعجل على نفسك توك شباب والعمر كله قدامك وكثير شباب في عمرك واكبر منك ماتزوجوا الا عشان يرتبون امورهم ويخططون

لمستقبلهم فلا تستعجل على نفسك لا تضغط على اعصابك كل تأخيرة وفيها خيرة ان شاء الله

حدد اهدافك وش الشي الي كاتم على انفاسك ومضيق صدرك الفكرة الي مكدرتك ماهي بالضبط ؟؟

حتى لو انصعقت بالكهرب وانت فيه شي مكدرك ماراح تطيب انت مشكلتك انك تحس انك ضااايع

ليه لان ماعندك وضيفة مو قادر تكون نفسك ابدا وابحث عن وظيفة

اعط نفسك ايحاء انك مسؤول وقادر وقوي وعصامي وستساعد نفسك بنفسك

كل ماشفت الناس تسولف مع بعض ومبسوطة لا تقااااااارن بينك وبينهم وترا انت من شدة حزنك تتخيل الناس مبسوطة بزيادة

ابدا كون لك صداقات اشترك في نادي رياضي وابدا بتكوين صداقات وامرح معهم في البداية ستشعر بصعوبة ذلك لكن

مع الوقت لن تستغني عنهم

فضفض في المنتدى كل ما سنحت لك الفرصة

ستشفى لكن ابدا بتغيير الافكار التعيسة في رأسك وتوقف من الآن عن المقارنة لأجل نفسك والله اقول هذا الكلام وانا متأكدة

انه بداية شفائك

كن بخير :)?

كلامك جميل الله يعطيك العافيه لأكن نسيتي ان الأفكار السلبيه. هي. من أسباب مرض الاكتئاب. أو من نتائج مرض الاكتئاب

يعني لو نشوف الناس الطبيعين. نشوف تفكيرهم سليم. لأكن أنا عشاني مكتئب جدا. أصلا أشوف كل شيء. سلبي

فالمشكله مو مني ياسارون المشكله من المرض.

إنا يأما حاولت اطلع واختلط ووووو بس مافي فائده المزاج ماهو مضبوط مافيه سعاده كله حزززن.

فأنا اعتبر نفسيه مظلوم وصحيه فنفس الوقت لأن أنا انسان لي حق اني أعيش الحياه مثلي مثل غيري.

والمصيبه ان الأدويه ماتجيب نتيجه يعني شسوي بالله عليك. إذا كان الطبيعي لصار مزاجه متعكر دقائق. ?????
??????<3.
قلبببب ?
الدنيا كيف المكتىب المسكين إلي طول الوقت مزاجه متعكر. شرايك بالكلام ياسارونه أنا أحس انه مقنع صراحه

طيب اخوي منتضر ممكن ترجع لورا شوي وتحكيلنا كيف انقلبت حياتك كذا ؟؟ يعني كيف كنت عايش قبل وايش تعتقد السبب اللي خلاك تمرض بالاكتئاب ممكن ؟؟

منتظر ياااا منتظر يامنتظر....... او اقول خليني ساكته افضل واكتفي بالدعا لك.

صراحه أنا زعلان أحس اني ضعيف يعني آتاثر بسرعه. مع اني قبل المرض كان مايهمني شيء
الآن لو اطلع برا وأشوف الناس مجتمعه ومبسوطه أحس بقهر وحزن كبير اني ليه مومثلهم وأرجع البيت مكسور. حزين.
قبل ماكنت كذا. كنت عايش ومومهتم في أحد. ودي يوم أصحى من النوم أشوف نفسي تغيرت المزاج فوق ومبسوط يووووه ياني بسويلكم عزيمه كبيره

اقم صلاتك تنعم بحياتك .

أخوي هذاهو المقياس أتمنى أن تعمله وتخبرني الدرجة
وأيضا سألتك سؤال في موضوع آخر هل تعاني من مشاكل في الذاكرة والتركيز


تعليمات الأداء:-
أقرأكل عباره ثم ضع علامة (x) بين القوسين بآخر الجملة التي تعبر بكل دقه عن حالتك أو مشاعرك الآن.

(1)
0 - مافي زعل - ضيق (حزن)
1-فيه شوية زعل - ضيق (حزن )
2- أنا زعلان طول الوقت وما أقدر أخلص من الزعل
3- من كثر الزعل مافيه راحه (فرح)

(2)
0- أنا متشجع /متشجعه للدنيا اللي قدامي
1- أحس بعدم رغبه للدنيا اللي قدامي
2- ما أحس عندي شي أنتظره بهالدنيا
3- أحس كل شي ماراح يتغير ولا يتحسن بالمستقبل

(3)
0- ما أحس بالفشل
1- أحس أني فشلت أكثر من غيري
2- أحس أن حياتي كانت أكثرها فشل
3- أحس أني فاشل / فاشله

(4)
0-أتمتع بالأشياء مثل العاده
1-ما أتمتع بالأشياء مثل الأول
2- ما أحصل متعه بالمره
3- أشعر بالملل من كل شي

(5)
0- ما أحس بالذنب (ما أتحسف)
1- مرات أتحسف
2- أتحسف واجد
3- أتحسف طوال الوقت

(6)
0- ما أحس أني أتعب
1- أحس أني يمكن راح أتعب
2- أهوجس (أتوقع ) أني أتعب
3- أحس أني أتعب

(7)
0- ما أحس بخيبه في نفسي
1- أنا خايب / خايبه
2- أنا نافر / نافره من روحي
3- أكره روحي (نفسي)

(8)
0- ما أحس أني أقل من أي واحد
1- ألوم نفسي على غلطاتي وضعفي
2- ألوم روحي دايم على غلطاتي
3- ألوم نفسي على كل شي صار

(9)
0- ماعندي أفكار بقتل روحي
1- مرات أفكر بقتل روحي بس ما أسويها
2- أحب لو أقتل روحي
3- أحب أقتل روحي لو يحصل لي

(10)
0- ما أبكي أكثر من العاده
1- أبكي ألحين أكثر من الأول
2- أنا أبكي ألحين بالمره
3- الأول كنت أقدر أبكي

(11)
0-مش منزعج / منزعجه أكثر من العادي
1- أتضايق بسهولة أكثر من الأول
2- أحس بالأنزعاج دائما ألحين (هالأيام)
3- ما أنزعج أبدا بالأشياء التي كانت تزعجني (مافي حس بالمره)

(12)
0- مابطلت أحب الناس (اتونس مع الناس)
1- قلت رغبتي بالناس عن الأول
2- أكثر الوقت أحب أن أبتعد عن الناس
3- أبغى أكون بروحي ولا أختلط بالناس

(13)
0- ألحين أسوي (أقرر) مشاريعي
1- صرت أؤجل قراراتي أكثر من قبل
2- أجد صعوبه بعمل قراراتي عن الأول
3- ماعندي خلق أسوي (أقرر) شيء أبدا

(14)
0- ما أحس أن شكلي أخس من الأول
1- أحس أن جمالي راح شويه وأني كبرت
2- أحس بتغير ثابت بشكلي جعلني غير جذاب
3- أحس أني قبيح الشكل

(15)
0- أقدر أشتغل مثل الأول
1- ينبغي لي قوه (جهد ) حتى أبتدي أسوي شيء
2- لازم أدفع نفسي بقوه على شان أسوي شي
3- ما أقدر أشتغل بالمره

(16)
0- أقدر أنام زين كالعاده
1- ما أقدر أنام مثل الأول
2- أقوم ساعه أو ساعتين أبكر من الأول وبصعوبه أنام ثاني
3-أقوم قبل الفجر وما أقدر أنام بالمره

(17)
0-ما أحس بالتعب أكثر من العاده
1- أتعب ألحين أكثر من الأول
2- أتعب بعد ما أسوي أي شي
3- تعبان/ تعبانه كثير وماأقدر أسوي شي بالمره

(18)
0- شهيتي عاديه (زينه)
1- شهيتي صارت أقل من الأول
2- شهيتي قلت كثير عن الأول
3- ماعندي شهيه للأكل (الزاد)

(19)
0- ماضعفت كثير هذه الأيام
1- ضعفت شويه (حوالي كيلوين)
2- ضعفت واجد (حوالي 5 كيلو)
3- خسيت بالمره ( أكثر من 7 كيلو)
* أنا اعمل رجيم

(20)
0- ماني خايف على صحتي- ما أفكر بالمرض طول الوقت
1- خايف من المشاكل اللي بجسمي مثل وجع الرأس أو البطن ألخ
2- من كثر ما أفكر بهذه الأوجاع صعب أسوي شي ثاني
3- خايف/خايفه وأفكر بالمرض طول الوقت مالي بال بأي شي ثاني

(21)
0- مالاحظت أي تغير في رغبتي الجنسيه
1- مالي رغبه بالجنس مثل الأول
2- رغبتي بالجنس قلت واجد
3- رغبتي للجنس معدومه بالمره

* طريقة تصحيح الأختبار:-
يعطى المفحوص الدرجه حسب أجابته مثلا أجاب على الفقره (0) يعطى صفر وإذا أجاب على الفقره رقم (1) يعطى واحد وهكذا تجمع درجات المقياسس ككل

*معايير المقياس:-
0 ـــ 9 لايوجد أكتئاب
10 ـــ 15 أكتئاب بسيط
16 ـــ 23 اكتئاب متوسط
24 ـــ 36 اكتئاب شديد
37 فأكثر اكتئاب شديدجدا

بالعكس الامراض النفسية اسهل وعلاجاتها كثيرة ومتنوعة ابتداءا من الدوية والابر والسلوكي وبالاضافة الى العلاج بالكهرباء والموجات المغناطيسية ..


اما السكري في الغالب يكون مزمن ويجب على المريض ان ياكل الحبوب او ابر الاونسولين الى الابد ..

اعتقد ان الفكرة وضحت

احمد ربك فدائما هناك من اسوء منك ..

انا محبط ومكتئب دائما ولكن يوجد في داخلي دائما نوع من التفاؤل ولكنة قليل ومع ذلك لا اسمح للاحباط بأن ياخذني بنسبه كاملة
..

بالتوفيق

،.................

والله ما عندي غير أني أقول الله يكون بعون كل إنسان منتضر الشفاء ونفسه يذوق طعم الفرحة

اخووي منتضر احكيلنا عن تجربتك وقصة مرضك اذا ممكن

حنين لو منتضر عنده ايميل على اساس يطرشه للاداره وانا آخذه من عندهم

ولو مايستوي مب مشكله

نيتي اساعده

بنت الظبي صاحب الشان هو الحوراني لو تبين شي قوليله بموضوع بالاقتراحات وتبادل الايميلات ماظنيت انه حل !