مقهى الدردشة تفضلوا

[دفء]

صباح الخير وتصبحوا علي خير واشرب السحلب مكاني يا خالد مش عندي وقت اشوفك بعد الليل

[كيميائية سعودية]

رجاء تجهيز مايلي يوم وصولي لأرض المحروسه :

باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

[خالد عباس]

المشاركة الأصلية كتبت بواسطة كيميائية سعودية

رجاء تجهيز مايلي يوم وصولي لأرض المحروسه :
باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

هو عندك حلين يا اختي

اما اننا نقسم الطلبات دي لعدد من الوجبات

او اننا نحجز لك في مطعم تباتي فيه بدل الفندق
ههههههههههههههههههه
صراحه جوعتيني لما قرأت كلامك
مع تحفظ واحد على القلقاس لاني مش محبي القلقاس

نسيتي حاجات كتير
حاجات بيسموها في مصر حلويات بس مش الحلويات العادية
دي حلويات من نوع خاص
يا ترى تعرفيها

[دفء]

اه انا عارفاها هههههههههه وبعديننسيتي الفول لييييييييييييييه

خالد ازيك انا جيت ها شربت السحلب احاسب عليه ولا اطلب اتنين

[hafoz79]

المشاركة الأصلية كتبت بواسطة كيميائية سعودية

رجاء تجهيز مايلي يوم وصولي لأرض المحروسه :
باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

يا سلاااااااااااااااااااااااااام...هو ده الأكل ولا بلاش.
مصر برغم كل شىء فيها روح وطعم لكل حاجة ....أنا كده بدأت أشك إن مش خواطر بس هى المصرية لا دى كيميائية كمان مصرية أكيد .....واخد بالك يا خالد أنت ودفء من بطة راقدة على صينية بطاطس؟؟دى ما تطلعش غير من مصرى أرارى أو مصرية من على حق...

إنتى جبتى الكلام ده منين يا كيميائية؟؟ على العموم إحنا تحت أمرك وحاضرين بس أنتى عرفينى هاتروحى مصر إمتى.

[دفء]

و اخده بالي حفوظ طب ايه لاصباح ولا مسه ولا كلمه كويسه ماشيييييي واحد جنزبيل لحفوظ بسرعه والحساب عندي

[خالد عباس]

المشاركة الأصلية كتبت بواسطة دفء

اه انا عارفاها هههههههههه وبعديننسيتي الفول لييييييييييييييه
خالد ازيك انا جيت ها شربت السحلب احاسب عليه ولا اطلب اتنين

يادي النور يا دي النور


يا ست البنات انتي اطلبي اللي على مزاجك
و كله على النوته

طمنينا عن احوالك

[دفء]

عايشه و بس عشان لو ابتديت مش هتقفل والناس هتتلم علينا


المهم حضرتك شو لونك شو اخبارك شو الصحه شو الاولاد شو المنتدي شو الناس شو الدني

[hafoz79]

المشاركة الأصلية كتبت بواسطة دفء

و اخده بالي حفوظ طب ايه لاصباح ولا مسه ولا كلمه كويسه ماشيييييي واحد جنزبيل لحفوظ بسرعه والحساب عندي

صباح الفل والأنوار يا ست الكل ...وشكرا لذوقك وشكرا على الجنزبيل اللى فعلا محتاجه فى البرد ده......بس الولد الجرسون لسة ما جابش حاجة....عايزين نغير القهوة دى يا دفء......الخدمة سيئة


أنتى مصرية يا دفء ؟؟؟صح؟؟

[دفء]

هههههههههههههه فعلا القهوه لازمها شويه اصلاحات اولها صاحبها لازم يتغير (خالد باشا ) انا طلبت سحلب من يومين ومش وصل بالنوسبه للجنسيه فالدين لله ونفساني للجميه ايش فيك اخي حفوظ وايش بينك وبين المصريين هههههههههههه صبح تاته 2 في 3

[كيميائية سعودية]

والله انا سعودية اب عن جد عن ام ههههههههههه

عادي مصر بلد السعوديين التانية وكل صيف هم هناك

اما امتى لما اتحرر من الالتزامات

اما الاكلات دي قرتها في موقع مصري بصراحة

بعدين عندي صديقات من القاهرة والزقازيق عزيزات اوي ههههههه

بعدين يعني ايه اراري(اعتقد) اصلي صح

المهم الاكلات دي طعمة ولا ماتنفعش بالذات ملوخية بالارانب الله يديم النعمة ما اتصور اكلها



شكرا

[عروس النيل]

السلام عليكم
أنا جديده في مقهاكم ارجو الترحيب
كابتشينو تشيز كيك من فضلكم
من بيتبرع لي مجانا
ترى باكون زبونه دائمه كل من يدخل بيحصلني في وجهه حاطه رجل على رجل

[دفء]

اهلا بيكي علي فكره الحساب هنا علي اللنوته اطلبي براحتك بس الخدمه هتتاخر شويه اصل الميه قاطعه

[خالد عباس]

و الله الكلام كتير

بس معليش بقى نبدأ باعتراضاتكم على القهوة
من يومين جالنا ولاد ابو اسماعيل
و دول ناس و لا سمعنا عنهم قبل كده و لا حتى في طبق اليوم
لعبوا عشرتين طاولة و خربوا الدنيا خالص بعد خناقه

صباح الصباح و اللي جاي احلى من اللي راح

[خالد عباس]

المشاركة الأصلية كتبت بواسطة عروس النيل

السلام عليكم
أنا جديده في مقهاكم ارجو الترحيب
كابتشينو تشيز كيك من فضلكم
من بيتبرع لي مجانا
ترى باكون زبونه دائمه كل من يدخل بيحصلني في وجهه حاطه رجل على رجل

لالالالالالالالالالالالالالا

تشيز كيك ايه بس
احنا هنا في قهوة بلدي الواد القهوجي لو سمعك بتقولي له تشيز كيك ممكن يعمل فيها جنايه و يفتكر انك بتشتميه
انا هاجيب لك واحد حلبة حصا
مشروب حلو و مفيد جدا و صحي

بس المهم انتبهي من القطط اللي بتمشي تحت الكراسي عشان ما تتفاجأي