الخوف من الموت اتعبني

كيف بيدي انا احس اني مو مريض احس صدق بموت

يآ آخي وربي كله وسواس وجاني اعظم منك الف حمد وشكر احتسب الاجر لله
والله العظيم مافيك شي
انت مت الحين ؟؟؟ جاك شي ؟؟
لييييه تخرب على نفسك انت جالس وتشوف اصحابك واهلك طالعين داخلين مبسوطين
وماتدري يمكن يومهم قبل يومك بس هم عايشين حياتهم ...
بعد الشر عنك وعنهم وعن الجميع
يمكن تعيش 100 سنة ماتدري ااخي .؟
والله العظيم وسواس وماالومك تراه جاني لكن ابحث بمواضيعي وردودي وان شالله تستفيد ..
اهم شي لاجاك ابليس يوسوس لك ابتسم واضحك لانه مايعلم الغيب ومايدري وش يدور ببالك
واشغل نفسك وراح تشوف ومصيرك تجي ترد وتقولي كلامك صحيح ..
اللي فيك كربه وهم ادعي الله انه يفرجه فقط ..
الحمدلله انت بخير ومافيك اي شي ان شالله ..

الله يجزاك خير اختي

نصيحة من مجربة مرت بما مررت به
لدرجة كنت ادخل هنا واقرا واقول بنفسي لا انا غير عنهم انا احسس احساس هذا مو وسواس
وكرررهت كل شي حتى الطلعه اطلع بس مالها طعم اببببببببد الاحساس مطوقني 24 ساعه
ومع هذا لازلت اقرا المواضيع هنا وتحمسست وتوكلت على ربي
قلت دامي توكلت على ربي ماراح اخيب باذن الله

ولزمت الاستغفار والصدقة وارقي نفسي بالصباح والليل
وبالبداية مع اني استغفر واردد التسبيح الا ان الفكرة ببالي ماقدر افكر بشي ثاني غير احساس الموت وكل مره احمس نفسي واقول دامي توكلت على ربي ماراح اخيب باذن ربي
ومع الاستغفار اصلي الوتر بالليل واقرا سورة البقرة في 4 ركعات واحيانا اقراها بعد الصلاة
وادعي ربي من كل قلبي
وحتى اذا ضقت وحسيت نفسي بصيح اروح اصلي وادعي ربي وانا ابكي من الضيقة وادعي وانا واثقه بالاجابه وان ربي ماراح يردني ان شاء الله
والحممممممممممممممممممدلله والشكر والله اسبوع تقريبا وانا الحين بحال افضل وراح عني هالاحساس بنسبة كبيرة وفرررررق بين حالي الحين وحالي الاسبوع اللي فات ماشاء الله والحمدلله رب العالمين

مشاء الله اختي الله يتممها عليك .. لا تنسيني من دعاىك

يالله ما اصعب الاحساس الفضيع ... كل ما قبلت احد جديد قلت ايييه اكيد بعد كم يوم بيقولون مات .. وبيتذكرني وبيحزن علي ... ااه تدرون وش الي تعب اكثر انك تقول انا ما فيني وسوسا انا فيني احساس وشعور حقيقي با الموت .. دعواتكم والله اني كل ما شفت والدي ودي انفجر من البكاء اقول بودعكم ... والله اني فقت لذه الدنيا ...

يا اسير التعب السلام عليكم

حط هذي المعلومه براسك يقولون ان الانسان يشعر بنفسه قبل لا يموت بأربعين يوم
وانت الان لك شهرين اي يعني ستين يوم والاربعين يوم راحت وجاء فوقها عشرين يوم اطمئن
ولا تقلق اخي والله اني احبك يعني مثلا لا قدر الله ومت وين يتروح بتروح عن رب رحيم عغفور احن عليك من امك
يا حبيبي لا تقلق كلنا معك نواسيك في هذه الصفحه

بالمناسبه انت من اي بلد وشكرا

انا من السعوديه ومن الرياض با التحديد

أخي
أنا اعاني
من وسواس الخوف من الموت
انا قصتي بدأت منذ وفاة جدي ومعايشتي لتطورات مرضه وتلاها ألم في معدتي ومنذ ذلك الحين وانا اعاني ومنذ 7 شهور تقريبا
كل شيء اربطه بالموت


نصيحة ولك أنت تجربها من اخت مجربه انا خفيت عن قبل الشهور الأول
وعن تجربه حاول حاول حاول أن لاتكون حبيس المكان لوحدك أخرج واختلط بالناس قد لاتشعر بتحسن من أول مرا ولكن حتما ستعشر بالفارق مع تكرار المحاوله
سترى بام عينك كيف ان اللناس يعيشون حياة طبيعية جدا
ستطرح على نفسك أسئلة نتيجة لما رأيت
من هو الطبيعي أنت ام هم
هل انت من سيموت فقط بعد عمر طويل ان شاء الله ؟لذا انت خائف
لماذا هم يعيشون حياتهم ويستمتعون ويتزوجون وووو وبلا خوف مبالغ ولا وسوسة ؟ألن يموتوا أيضا ؟
أدع الله بأن يطيل عمرك على طاعته
وأحسن الظن بالله الله أرحم بك من نفسك وأرحم من امك لنفسك
أقرأ سورة البقرة كامله يوميا فإن أخذها بركة وتركها حسرة ولا تستطيعها البطلة كما قال الرسول الحبيب جرب وسترى الفرق عن تجربة
حلل فيتامين دال أنا اعاني من نقصه وبالتأكيد أسهم في متاعبي نفسيا وجسديا
تناول البابونج اليانسون العصفر التلبينه
فكلهابإذن الله كفيلة بالتخفيف من حدة الحزن والضيق والكدر

لاتذهب لفراشك إلا وانت خلاص مخلصه بطاريتك وبلغ منك النعاس مبلغه
أتصل بأصحابك تفقد أحوالهم أخرج الممشى
في كل مرا تحس ببداية خوف افتح جوالك وأطلع على مقاطع جميلة أو التلفاز أو أقرأ كتاب أو أو أو
تذكر أن كل ماتشعر به هو من الشيطان الرجيم يريد أن يحزن المؤمنين يعني طوال الشهرين كل يوم تقول اليوم بأموت واودع ولا مت الحمدلله ويش معنى الكلام هذا ؟
وكل ماتشعر به من أعراض ورعشه وصعوبة البلع مثلا وهذه احس بها حال أشتداد الخوف تذكر انها من فعل الشيطان
أن كنت تستمع لأاغا ني توقف فورا فهي تجلب ضيق الصدر وغضب الله
مقصر في صلواتك في الجماعة أيضا بادر بالصلاة في وقتها
كل حاجة أنت مقصر فيها بادر بإصلاحها والتوبه الى الله

أسأل الله أن يشفي مرضانا ومرضى المسلمين

ميتين الف شخص مثلك..
معناته ايش؟

السلام عليكم ورحمة الله وبركاته

اولاً اسئل الله العلي العظيم ان يشفيك ويطمن قلبك ..

اخوي والله ثم والله اني مثل حالتك سابقاً والان ولله الحمد تحسنت كثير وهذا بفضل الله ثم التطنيش والصدقه والدعاء .. اخوي انا مقدر وضعك و ان الامر صعب عليك بالبدايه وانا ما الومك بس انا اقول هالكلام بختصر لك قبل لاتتعب اكثر وتصير في دوامه تعب وقلق .. اللي ابيك تسويه يالغالي انك تطنش وتتوكل ع الله وتعيش حياتك الطبيعه يعني اغصب نفسك ع الطلعات واذا جاك هالاحساس او فكره مو زينه تعوذ من الشيطان واشغل نفسك في اي شي صدقني بتصير افضل من حالتك حالياً لاكن بالتدريج .

واذا تبي اساعدك او اشرح لك او تبي واحد تفضفض له تقدر تطلب ايميلي من الاداره بعد اذنهم طبعاً والله يشفيك <<قلت هالكلام حسب خبرتي قديماً في بداية مرضي ولانني سابقاً كنت ابي اي شخص يكون قريب مني وافضفض له :)

الله يعافييك وما قصرت ليت اقدر التواصل معك


دعواتكم لي

صحيح اخوي انا كمان عندي نقص حاد في فيتامين دال
ونقصه يسبب متاعب نفسية كثييرة
آنت حلل وشف وكمان حلل عن جرثومة المعدة ..


الله يطول بآعمارنا لطاعته .. والحمدلله على كل حال

انا مريت بنفس الحاله .. لكن العآقل بيدرك ان هذا كله من الشيطان لان الشيطان لقى هذا مدخل يوسوس لك فيه حاول تعوذ من ابليس وتدري كله وساوس وان الموت لو جاء ما يتاخر ولا يتقدم وعش يومك وانس همك واعرف ان القرب من الله هو افضل علاج وحاول تنسى كل شيء وانظرللحياه بالتفاؤل والفرح .. والله يشفي الجميع

حتى انا عندى إحساس خوف من الموت
بس هذا الإحساس موو يعنى وسواس
يعنى لو انسان يخاف من الله ومن الموت على طول وسواس

هذا الخوف يجيئ لما تعرفون
لان نحن سنموت والله سيحاسبنا على اعمالنا

فماذا فعلنا في الدنيا
فالخوف من الموت لجل ماذا فعلنا في الدنيا

موو اى واحد يخاف من الموت
كل واحد يحب الدنيا ويبى يعيش للدنيا فلما يخاف