زواج السعوديه من غير السعودي ( الأجنبي ).

المشاركة الأصلية كتبت بواسطة طآل انتظآري

انا كانت مشكلتي صك قرابه و عمري و قدمت اﻻستثناء و اترفض
ورحنا للشرقيه وقدمنا من عندهم المعامله ب اﻻستثناء فقط
ورجعولي هياا بحجة مافي قرابه من الدرجه اﻻولى وانهم اتقاضو عن العمر
زي كدا قال الموظف لخطيبي وقلو ﻻزم تسوي صك اثبات قرابه من المحكمه
وراح للمحكمه ومعاه شهود ومزكيين وردوهم قالولهم ﻻزم خطاب من الشرطه
واعتقد ابو صاحب خطيبي هوا اللي جاب لنا اﻻمر وحيحولو المعامله لمكه
يارب تتيسر ومايعقدوها لياا والله حرام كدا

امييييييييييييييين يارب
ربي يسهل عليك ويتمم لك باذن الله
تفائلي بالخير ستجديه باذن الله
وربي مع عبده وما راح يضيعه
ابددددددددددددددددددن

المشاركة الأصلية كتبت بواسطة اجمل انثى

يعني ممكن تترفض زي اللي قبل انا كنت مفكرة اني خلصت اصلا انا عادي اتعودت انها تترفض المشكله هو يقولي يلا نروح البحرين نعقد ونرجع وانا رافضه لو اترفضت راح افسخ الخطوبه موا حابه اسافر برا عشان اعقد احسها موا حلوة الحركه لو في نصيب ابعقد هنا لو مافي الله يعوضنا

لا باذن الله ما تترفض
كوني متفائلة .. الدعاء يصنع المعجزات
وما خاب اللي توكل على الله
اجتهدي وابذلي جهدك
ادعي ربك في الايام هذه الفاضلة
ح تشوفي الفرج من الله .. مافي شيء صعب عليه
هو اللي قدر وكتب لنا هذا الوضع للاختبار والابتلاء
وهو نفسه اللي ح يفرجها علينا .. ويحقق لنا ما نريد

اخوي شوكلاط صح كلامك راحت مكتب الوكيل باجراء توقيع سمو الامير بسالك كم تقعد هناك وبعدها وين تروح انا اسفه كثرت عليك الاسئلة بس الله يوفقك كلامك يريح الله يسهل علينا وعلى جميع المسلمين يارب

داليا الله يسعدك ابسالك يعني ان شاءالله على طول بعد المباحث ان شاءالله تتحول للمحكمه او لسه باقي شي

زهرة ي قلبي انا مافهمتك اول احسب تقصدي انتي تروحي المباحث ادا عريسك الطرف السعودي زي ماقالت الاخت دالياء ياخدو بصماتو بعدها تروح لشرطة والتحليل مو الاصل الصورة انا الاصل عندو ومن الشرطة للامارة والامارة وفي الامارة تعدي على ادارات لمن مكتب الوكيل ادا وقع تتحول للمحكمة ماوقع يحولوها لشرطة يايقولولك نقص اوراق ياحفضت وتابعيها برقم القيد الي حيعطو خطيبك على موقع الامارة اودقي عليهم من رقم الامارة يحولوكي قسم النساء تتابعيها الله يسهلك ي قلبي
اخوي شوكلاط انا الاستثناء رجعو المعاملة نفسها من الشرطة ودحين هيا في الصادر العام بعد العيد حدق ان شاءالله اشوف وين يحولوها الله يسهل للجميع يارب

اايوا راحله هوا الطرف السعودي يعني الموعدهوا الي يروح يبصم موانا وبعدها فين تروح المعامله خلاص الحمدلله حللنا وتصدقت اوراقي ولان ماعندي رقم المعامله ونفسي اطمن واعرف ايش الي باقي
امين يارب الله يسهلي ويسهل للجميع ياررررررب بحق هدي الايام

المشاركة الأصلية كتبت بواسطة اميره محمد

اخوي شوكلاط صح كلامك راحت مكتب الوكيل باجراء توقيع سمو الامير بسالك كم تقعد هناك وبعدها وين تروح انا اسفه كثرت عليك الاسئلة بس الله يوفقك كلامك يريح الله يسهل علينا وعلى جميع المسلمين يارب

اذا توقعت تروح الصادر العام ومنها للمحكمة
بسألك كم عمرك ؟ وانتي اي طرف ؟
والطرف الاجنبي من مواليد السعودية او لا
الله يوفقك اختي ويسهل عليك يارب وبشرينا ايش يصير معاك

امين يارب الله يسمع منك حبيبتي انفاله ويكتبلك الخير يارب وتتحول على المحكمة وارتاح لي سبعه شهور الحمدالله على كل حال الله يبشرنا يارب بحق هذي الايام الكريمه. انا الطرف السعودي وعمري 30 وخطيبي من مواليد السعوديه ادعيلي انها تتحول المحكمه الله يسعدك

زهرة زي ماقلت لك خطيبك هوا الي يبصم وبعدها يودي كل الاوراق وصورة من التحاليل لشرطة والشرطة تحولها للامارة والامارة تعطيكم رقم قيد تتابعو منه لمن توصل ادارة الصادر العام وبعدها تتحول ياالمحكمة لو موقعة او لشرطة لونقص في الاوراق او حفظ انا معاملتي مشيت كدا وفي الامارة عادت على كدا ادارة وتابعنها لمن الصادر العام تحولت لشرطة لمن راجع الشرطة قالوله حفظت لانها لم تستوفي الشروط معنو كل شي ماشي على شروطهم وبعدها كلم خويه في الامارة دخلو عالوكيل الوكيل كتب ورقة ارسلها لشرطة ورجعت تاني للامارة وعدت من ادارة الوكالة المساعدة للحقوق لادارة القضايا والمطالبات الخاصة ورجعت للوكالة تاني وبعدها للقضايا ودحينه هيا في الصادر العام بيوم قبل مايجزو بعد العيد باذن الله حتابعها ان شاءالله هالمره تتحول للمحكمة يارب

الله يسعدك يارب راحله وان شاءالله ربي يسهلها على الجميع
وسامحيني طفشتك باسالتي

عزيزاتي سارة ماجد
شذى الورود
انفالة
شذى خياط

طمنوني ايش سار معاكم لانو وضعي يشبه وضعكم
ومن وقت حفظت المعاملة ماسوينا ولاشي

يااارب يسر لي امري وارزقني من واسع فضلك
والجميع يااارب

المشاركة الأصلية كتبت بواسطة داليا عبدالعزيز

الشرطة ترسل ملفك للمحكمة وفيه كل بياناتك وكمان من جهتك أنت لازم يكون عندك ورقة التحليل وتاخذيها معاك المحكمة وما يكون منتهي وكمان يكون معاك برنت من الاحوال واذا كنت مطلقة لازم تجيبي صك الطلاق الاصل عشان ياخذوه ..

طيب انتي في تحاليلك انو حامل للأنيميا مشتها لك المحكمة ولا كيف لأنو انا نفس وضعك
وبسالك اللي دخل عالامير اخوك او أبوك ينفع أوكل احد من خارج العيله يخش عالامير وممكن الخاطب يخش او يرفضوا لأنو غير سعودي

زهرة حبيتي خدي راحتك افا عليك نحنا هنا نفيد بعض واي سؤال امريني ي قلبي

الله يسعدك ياراحله وييسر امرك يارب من جد المنتدى هدا ريحني وطني كثير صرت احس انو في احد زي وحاسس فيا الله يسعد الجميع يارب

المشاركة الأصلية كتبت بواسطة اميره محمد

امين يارب الله يسمع منك حبيبتي انفاله ويكتبلك الخير يارب وتتحول على المحكمة وارتاح لي سبعه شهور الحمدالله على كل حال الله يبشرنا يارب بحق هذي الايام الكريمه. انا الطرف السعودي وعمري 30 وخطيبي من مواليد السعوديه ادعيلي انها تتحول المحكمه الله يسعدك

ان شاء الله باذن الله بتتحول للمحكمه
هما الحين مشددين عالعمر لازم 30 وفوق
الله يوفقك ويفرح قلبك يارررب