تعبانه حدي

الأفكار والوساوس دى أنت سيادتك أللى صنعتيها بنفسك

بلاش نظلم الشيطان معانا فى كل حاجة

الشياطين مغلغلة دلوقتى ياأختى

وعلى العموم أللى أنت صنعتية بضعفك وغذتية بسلبيتك

دلوقتى أقدر أقولك أنت أللى تقدرى تنهية بقوتك وأرادتك ...

أنت سيد قرارك

فكرى من جديد يا عذووووووووب ........

ومتقوليش على شىء أنة مرض ....... وهوة ممكن ميكونش أكثر من حالة أنفعالية سيئة ....

فهمانى يا عذووووب ....؟؟؟

فهمت بس وربي تعبانه

احس راسي يالمني مرره وثقيل وصدري مكتوم مررره مو قادرة اوقف احس ببرد فضيع

ومعدتي مكان وربي موقادره اكل

هل كل هذا ن النفسيه ام فيني شي عضوي

لاتتركوني خايفه

احمد مطمئنه حسون

اطرافي زي الثلج


ليه فيني شي

تنصحوني اروح لطوارئ

شي طبيعي جداا ذي البرووده والله العظيم دائما اطرافي وبالاخص عشاان تصدقيني

في السااق وفي بطن الارجل عااادي جدا لاتقلق واصرفي عقلكي بفكره اخرى

اختي متى موعدك عند الطبيب النفسي؟؟


الافضل انك تروحي اليوم لا تتاخري لانك بتقعدين تعبانه وتعانين الين يجي موعدك..او اذا تقدرين روحي عند طبيب نفسي ثاني تدخلين عنده بدون موعد

واذا حسيني باي تعب اختي روحي الطوارئ على الاقل من باب الاحتياط

والله يشفيك اختي ويطمن قلبك ويسعدك في الدنيا والاخره

أزيك يا عذووووووووووب ..... كيف الحال ؟؟

عذوووووووووووب والله مافيك إلا العافية

أنا شكلي بكتب لك قصة معاناتي 8سنين وش هي الأضطرابات العضوية والنفسية اللي مريت فيها......عشان بس تشوفين كيف بدأت بمخاوف تطورت مع الوقت لحد ما وصلت لوضعي الآن

أختي وقفي..........وقفي أدري شئ صعب بس يا أختي إذا أي شئ وأي عرض بتهتمي له مع الوقت بيتطور الموضوع وما تقدرين تسيطرين على أفكارك وشعورك.........أعرفي إنه لو تجيك أعراض الجلطة الحين تراها من الهلع.......يعني إضطراب نفسي ........يعني وهم وإشارات عضوية كاذبة........بس من شدة الضغط النفسي......تكون الاعراض الجسمية هي المتنفس لهذا الضغط

لازم ضروري تروحين للطبيب النفسي اقنعي أهلك بأي طريقة

الله يشفيك ويشفيني وكل مريض

السلام عليكم

اخباركم اخواني اخواتي

انا تحسنت الحمدلله

لاكن طلع لي شي جديد

اضراس العقل المدفونه الي قبل تكلمت عنها


اول امس وامس اشتدالصداع نعي لدرجة ماتحملها ولما رحت وسويت اشاعة صارت الاضراس ضاغطه على الاعصاب وعلى جذور الاضراس الثانيه لانه زيادة على ماهي مطموره جايه بالعرض <<< يااربي انا ناقصه )؛

المهم وانا جازفت ودخلت على طبيب اسنان وشكله مايعرف شي قال الحين اسويلك العمليه

يارب انا من الصدمه والخوف ماقلت شي

و الغرفه مو مهييئه ولا شي لانه بيكون شق جراحي

وربي انها ساعتين ونص تعبت فيها تعب وفمي تقطع وتورم والمصيبه ماشاله كله آآآآآهــ تعبت وربي تعبت

فاتح فتحه كبيره داخل فمي لاني انا شفت الخياطه واصله لسقف الحلق الي نازل

شتنصحوني يااخواني اروح عند طبيب ثاني انا خايفه تصير لي مضاعفات لاني وربي ماقدر ابلع من شدة الالم



ادعولي من هم لهم


وعذروني بس ماعندي بعد الله غيركم اشكيلكم


انتظر الرد

مطمئنه ممكن تكتبيلي معاناتك من البدايه

اذا مافي تعب عليك حبيبتي

أختي عذووب أنتي في شهر رمضان المفروض تكوني قوية وتقوي إيمانك بالله عز وجل الأنسان المريض لو كان فيه شيء لا قدر الله خلال فترة بسيطة تدهور حالته الصحية ويكون طريح الفراش أو في المستشفيات في العناية تحت المراقبة دائماً كوني شوفي مرض غيرك يهون عليك مرضك والشكوى لغير الله مذله
زوري طبيب نفسي مش عيب أنك تروحي ولا أي حد راح يقول عليك مريضة نفسية الطب النفسي مثلة مثل أي طب يعني العلم تطور ومازال أمامك الكثير ليش يائسه توكلي على الله يمكن تكون حالتك خفيفة وتحتاجي الى علاج سلوكي

أسئل الله العظيم رب العرش العظيم أن يشفيك

السلام عليكم ...
الأخت الكريمة عذوب أنا من 10 أيام شلت ضرس العقل وتعبان حدي لدرجة ماأقدر أفتح حلقي ونزل وزني من قل الأكل
لمدة كم يوم تقريبا 4 الى 5 ايام لكن مشكلتي اني ابتديت احس كأن تحت لساني موس ولا دبوس ماأقدر على الكلام ولا أقدر على الأكل حطيت أصابعي ألمس مكان الألم لقيت كأن في ضرس حاد تحت لساني ورحت سويت فحص صداع موطبيعي والم بالبلعوم والفك الدكتور كشف علي طلع عظم الفك مكسور وشاق اللثة وقال لي يمكن الجراح اللي خلع الضرس كسر لك هذا العظم بس انا متأكد إني لامس هالعظم من قبل العملية وكنت أحسبه ضرس العقل ورحت للجراح وقال لي يمكن انا كسرته هذا شئ عادي بسيط قلت له انا متأكد إني لامس هذا البروز وكنت أحسبه ضرس العقل وسبحان الله قص الجزء البارز الحاد من العظم و نعمه بمبرد كهربائي وارتحت بثواني بس طبعا لما راح مفعول المخدر (البنج) قمت أرقص ولا سامية جمال من الألم لكن الحمدلله الكتافلام خفف المسائل
المهم راح تحسين ان شاء الله بفرق كبير أنا صاحبي اللي خلاني أسوي العملية لأنه سواها قبلي وشاف فرق كبير
للحين يقول لي بعد لما يمر عليك10 أيام بعد العملية راح تحس إنك عشت من جديد والأعراض بتنساها كأنك ماعشتها طبعا أنا أتمنى لكن سويت العملية تجربة ماني خسران شئ كم يوم ألم وأساسا لازم الضرس ينخلع لأنه مائل وممكن يضغط على الأعصاب وعلى الفك وصاحبي شجعني بأنه طاب من الأعراض اللي كانت ساجنته بالبيت وكرهته بحياته الحقيقة لاحظت شئ من سويت العملية وخصوصا بعد ما خفت اثار الخياطة والام الجرح حسيت كأني
رديت مثل قبل مايهمني أروح الطبيب وأطنش ومومهتم أروح أقيس الضغط ولا أروح الطوارئ في فرق الصداع تقريبا راح التنفس صار أحسن اللهم أدمها نعمة أهم شئ الخوف والوسواس تقريبا راح واذا فكرت بالمرض ولاجات فكرة بحكم السنتين اللي كان المرض الهاجس الوحيد فيه صراحة اذا جات الفكرة اقول ويعني خير إن شاء الله كل الناس تمرض وكل الناس بتموت صرت مثل قبل طبيعي إن شاء الله ماني متوهم ولا يكون ايحاء من صاحبي بس بصراحة هذا اللي حاسه الحين علما بأن صاحبي الى الان يقول ان اعراض الهلع راحت (صداع _ ضيقة _تشنج )لكن باقي عنده شوية من الخوف انا احس العكس الخوف هو اللي راح أسأل الله الثبات بفضل الشهر الكريم المهم إختي ياريت إن شاء الله تكتبين إحساسك بعد العملية في اختلاف أحسن ولا نفس الحالة واذا فيه شنو الاختلاف طبعا هذا بعد العملية باسبوع أو 10 أيام ولاتخافين من الام الفكوالجرح بأول الايام وعليك بالآيس كريم والماء والملح ثاني يوم
طبعا عطاك مضاد حيوي ومسكن للألم داومي عليهم وتهون بإذن الله أختي أانا قرأت موضوعك من الأول وشفت معاناتك وصدقيني مريت بكل اللي قلتيه لدرجة ماني مصدق أحد لا طبيب ولاقريب ولاعدو ولاحبيب عايش معاناة وألم وخوف وترقب للموت حتى النوم انحرمت منه في البداية واذا نمت الهلع لاحقني بالاحلام واعراض غريبة عجيبة
قلب مرض خطير جلطة كل شئ سئ فكرت فيه عيالي راح يتيتمون ماراح الحق على رمضان كتمه ضربة بالقلب أنا الطبيب لما قلت له عمري 39 قال لي إنت صغير وشباب انتي شنو راح يقول لك عمرك 26 يمكن يعطيك قرقاشة تلعبين فيها إختي لاتخافين كله وهم وادري ان مشكلتنا الام هذا الوهم وأحاسيسه البايخة بس تصبري وخلي ثقتك بالله كبيرة وماراح يصير إلا الخير بإذن السميع العليم الإخوان تفاعلوا معاك بشكل كبير ومهتمين لك لكن بعض الردود فيها ملاقة وشغل أفلام عماد حمدي ورشدي أباظة ولاتخافبن موبس أنتي مافهمتي أنا ضعت قلت يمكن دخلت منتدى ثاني لا تضييعين وقتك عليك بالرقية واتخاذ الاسباب الطبيب والعلاج وربك كريم آسف جدا للإطالة ورجاءا تكتبين اللي يحصل معاك وشعورك بعد الجراحة اذا كان فيه تطور ولا مافيه أسأل الله لك طول عمر وحسن عمل وسعادة في الدنيا والآخرة ولنا ولجميع الأخوان والأخوات.

تحياتي ...

ياخت عذوب توجهي الى الخالق بيده وحده الشفاء من كل داء عليك بالدعاء وكثرة السجود والاستغفار ولا تملي من الدعاء فان الله كريم