تعبانه حدي

الحمدلله على كل حال

مشكور اخي الشاكر انا لازم اتكلم هنا لاني اعتتبرها نوع من انواع الفضفضه يعني انا مااشكي ابدآ الا للخالق سبحانه لاكن مايمنع اني افضفض لكم وربي ارتاح

مشكور اخوي بندق مشكوره اختي ماوردي


بالنسبة لعملية ضرس العقل للاسف مانجحت لاني زرت طبيب آخر وقالي انه الطبيب الاول للاسف شكله لما كان يحاول يشيل الضرس كسره وماعرف يكمل وترك الباقي منه مع الجذور وخيط مكان الجرح وقال انه مشطب لمكان من الخياطات للاسف يعني معاملته كانت بعنف معاي ومع حالتي

لاكن الدكتور ماقدر يسوي اي حاجه لان الجرح ماالتأم وخدي متورم حتى فمي متقطع

عشان كذا الدكتور قال بعد العيد ان شاءالله راح يسوون عملية وراح يسون تخدير عام ويشيلون المتبقى منه وان شاءالله اموري تتحسن

ادعولي بالغوالي

الله يشفيك بحق خواتم شهر رمضان ويبارك لك عافيتك

اخوي بندق ودي اسالك انت وش كنت تحس لما كانت فيك الاضراس يعني الاعراض

ثاني شي انت رحت عند طبيب نفسي خذيت علاجات واذ اخذت علاجات ممكن اعرف نوعها

وهل تحسنت بعدها

آآآآسفة للاطالة وكثرة الاسئلة

ربي يشفيك ويعافيك ويعطيك الصحة والعافية والمسلمين اجمعين

انتظر الرد

المشاركة الأصلية كتبت بواسطة الشاكر

الله يشفيك بحق خواتم شهر رمضان ويبارك لك عافيتك

آآآآمين وياك وجميع المسلمين اجمعين يارب العالمين

إختي عذوب السلام عليكم ورحمة الله

الأعراض اللي كنت أحس فيها كثيرة أذكر منها 1_ ضيق التنفس 2_ خوف شديد ورغبة بالبكاء 3_تنميل بالرأس
3_شد عصبي عضلي أحس كأن عضلات جسمي مطبقة علي وخانقتني 4_ تنميل باللسان وخدور 5_ وخز أبر بالجسم كله آلام في الصدر من الناحية الشمال مع الذراع الشمال ساعات يأتي ناحية اليمين لكن الشمال أقوى ويكون معاه ضيق تنفس واختناق وماأقدر أسحب هواء لا من الأنف ولا من الفم مخنوق مكتوم وكنت أتخيل أمراض خبيثة أعوذ بالله
6 _ أحلام وكوابيس وأي حلم أفسره تفسير سئ وكان جو الأحلام غريب ويساعد على التشاؤم 7_ رجفة بالجسم يصاحبها إحساس غريب مصحوب بضيقة وخوف المشكلة إن الحاجات هذه في أول سنة ماكانت عبارة عن نوبة فقط
يمكن في البداية لكن بعدين صارت الأعراض مستمرة يعني ضيق تنفس طول الوقت كتمة طول الوقت نادرا ماتروح
في أول المشوار جاتني أعراض يمكن هي اللي يسمونها الشباب إختلال الآنية وهو عدم القدرة على التركيز في أصوات الناس وكلامهم وصعوبة الفهم والإستيعاب واحساس بسرعة كلامهم وعدم القدرة على التركيز بالصور وخصوصا شاشة التلفزيون أو الموبايل ومرة لما أخذت أول حبة سيبرالكس حسيت كأن واعي وغير واعي بنفس الوقت أو كأن في حلم داخل لعبة الزخارف اللي تتغير أشكالها كل ما لفيتيها أكمل باقي الأعراض أنا ماودي أتذكر لكن بعضها لازال موجود أو يمر يسلم كل فترة 8_ الإحساس بالضغط في الرأس وكأن راسي بالون منفوخ وممتلئ بالهواء وأذني أحس إنها مقفولة بالهواء ومرة حسيت كأن شئ يمشي بفكي الشمال وخفت لدرجة الهلع ويمكن لهعلاقة بضرس العقل لأنه بنفس الجهة الشمال وأكثر أعراض التوتر من الجهة الشمال

طبعا في أعراض كثيرة كارتفاع ضغط الدم المؤقت ولي معاه مشوار طويل وصلني للوسواس القهري بالضغط وقياسه وصداع توتري وثقل في اللسان والتلعثم في الكلام وأعراض غايبة عني حاليا وماني ذاكرها الله لايردها
كل هذا ذكرته علشان تشوفين إن اللي تمرين فيه مرينا فيه وأكثر وإن نفسي وأنا ماودي أختصر أدري أن الكلام والوصف الدقيق لمريض الهلع بالذات يريحه ويطمنه لأني مثلك دخلت هذا المنتدى بتيسير من الله سبحانه وارتحت خصوصا من الناس اللي يذكرون التفاصيل الدقيقة للأعراض يريحون ويرتاحون ماأطول عليك أنا رحت لطبيب نفسي وعكطاني علاج تريبتزول وزانكس وفلونكسول لمدة 6 أشهر وبعدين طلبت منه تغيير التريبتزول لانه مافي نتيجة تذكر
إلا انه ينوم الواحد مثل الميت طول الوقت نايم أو نعسان غيرلي الدواء وخلاه سيبرالكس وأول اسبوع حسيت باكتئاب
وتمنيت الموت لكن بعد الإسبوع أو 10 ايام حسيت بالنتيجة طبعا احسن من الاول بكثير لكن كل هذه الادوية تدوخ وتزيد الوزن انا حاليا بطلت الادوية النفسية واحاول اواجه لكن بعد ماخلعت الضرس الى اليوم ماجاتني نوبة الحمدلله
كل يوم يكلمني صاحبي اللي نصحني بخلع الضرس ويقول لي كم يوم وراح تشوف النتيجة احسن واحسن علشان جذي انا انصحك قبل الادوية والعلاج النفسي خلعي الاضراس ماراح تخسرين شئ اصلا لازم تخلعينهم وشوفي حالك بعد الجراحة لما يلتئم الجرح إن شاء الله ماتحتاجين لدواء نفسي ولاغيره وعندي سؤال ضرس العقل اللي فيه مشكلة عندك في أي ناحية الشمال ولا اليمين؟ وأرجو أن أكون جاوبتك على أسئلتك وسامحيني على الإطالة
تحياتي....

مشكور اخوي بندق تعبتك معاي والله واجاباتك شافيه وكافية


الله يتمم عليك الصحة والعافية

بصراحة انا موعدي عند الطبيب النفسي الثلاثاء الجاي لاكني متردده مرره وبعد كلامك شكلي بااجل الموعد لين اشيل الاضراس ونشوف ان شاءالله

انا عندي الضرسين في جهة الشمال فوق وتحت والي فوق مطمور مرره وجاي بالعرض هو الي حالته اصعب من الي تحت

وبصراحه كل التعب والالم تجيني بجهة اليسار كلها