زواج السعوديه من غير السعودي ( الأجنبي ).

المشاركة الأصلية كتبت بواسطة ميلانييستتا

شكرا حبيبي انك رديت
الرسالة تقول بس انها اتحولت للاتصالات الادارية برقم جديد غير الرقم القديم
لمن سالت المعقب ،قالي انها موافقة بس تاخد شوية وقت الين توصل المحكمة
قلي كمان انه يبغى تحاليل جديدة لانه القديمة اللي عنده انتهت قبل اسبوع

بس انا مستعجل ابغى اعرف كم تاخد وقت وتوصل المحكمة ، العقد حيكون بالرياض عشان يبغى يضمن فلوسه لاني قايله مابيحصل مني ريال الا وانا خارج من المحكمة.

أخوي الله يسعدك ويحقق لك مرادك بأذن لله

حبيت أسالك كم أتفقت مع المعقب ( بكم راح يخلصها لك )

بالنسبة للتحاليل حقك انها انتهت اذا عندك واسطه في المحكمة تمشي

الله يكتب لك كل خير بأذن لله

المشاركة الأصلية كتبت بواسطة لحظه تفائل

سااره اي معقب تقصدين؟
عاطف والا واحد ثاني

المشاركة الأصلية كتبت بواسطة لحظه تفائل

سلامتك سارونه ماتشوفي شر حتى انا هاليومين تعبانه من الانفلونزا ومافيه افكر بشي صراحه
اعطيت نفسي اجازه وكمان تعودت على خيبات الامل لكن الله كررررريم يااارب

اللي صار لخطيبك نفس اللي صار لخطيبي نفس الكلام ونفس الموقف قال له ميه بالميه حفظت
واحناماكنا نبغي منه غير اننا نشوف الاستثناء ايش مكتوب عليه بس المختلف ان احنا مشكلتنا التحاليل
كذاالشرطي من راسه قال اكيد حفظت ويلا انا مو فاضي لك حسبي الله عليهم
انا ابغى افهم الشرطه ايش دخلها في موضوع زواج ماني عارفه ليش
يلا ربي يكتب لنا الخير ويفرجها على الكل

امين يارب

مادري ايش دخل الشرطه الله يعين


لا مو عاطف مدري ايش اسمه خالد اتوقع

المشاركة الأصلية كتبت بواسطة يارب يسر امري

حسبي الله ونعم الوكيل
يعني ليش ماشاف ??????
هي استثناء مو معاملة يعني طبيعي ترجع الشرطة
مو معاملة عادية خرجت من الشرطة ورجعت تاني
زي الاخ ديدو لمن راح قالولو الشرطة احنا مانعرف انت تروح البحة الجنائي وتعرف

فليييش اتكلم من راسووو حسبي الله ونعم الوكيل

وحكاية مقدمتها قبل ال 30
انا مقدمتها من شوال 1434 وتحفظ في 6 1435
بحجة العمر

مع انو بيقولو العمر في رمضان للدفعه الجديدة

وهو كذب العمر نازل من اووول واطبق علينا
لانو اساسا جاي من الامارة
الشرطة مهي عارفة شي
طيب استثناءكم فين قدمتوه اصلا من البداية
الامارة ولا الداخليه ولا المحافظة ??


وربي يفرجها عليكي وعليا وعلى الجميع يااارب

والله مادري من فين قدموها اتوقع الداخليه

من جد حسبي الله ونعم والوكيل
انا معاملتي لها 3 سنين كل مره تترفض

المشاركة الأصلية كتبت بواسطة بك اكون

شوفي ياعسل اناالمعامله حقتي ايام ماكانت في الشرطه كنت اراجع بالتليفون من قسم الاتصالات الاداريه اعطيهم رقم المعامله او اسمك او اسم الخاطب واذا كنتي من جده هذا رقمهم 0126372255 تحويلتهم 296 او مكتب الزواج القسم النسائي هم يردون قسم الرجال مايرودون كلمي السنترال يحولك عليهم وادعيلي

تسلمي الله يفرج همك وهم كل المسلمين

المشاركة الأصلية كتبت بواسطة حكايه

حبايبي استودعتكم الله اللذي لاتضيع ودائعه
انا طالعه الحج وفي طريقي ل منئ ،،، الله يتقبل مني ومنكم صالح الاعمال
سامحوني جميعاآ اشوفكم ع خير

الله معاكي ياقلبي ربي يسهل عليكي وعلي اخوي حجتكم
ان شاء السنه القادمه ربي يكتب لي حجه مع خطيبي باذن الله
ربي يسهل على الحجاج حجهم ويعدي الحج هذا على خير نفس الاعوام السابقه

المشاركة الأصلية كتبت بواسطة شوكلاط

اجراء طبيعي
وبعدها راح تروح القضايا للصادر في حال انها من جد راح تروح الداخلية
بس لو قلتي لنا هل خطيبك عربي مقيم يحمل شهادة ميلاد ؟
اذا كان كذا ما راح تروح الداخلية الا اذا في سبب اخر بس نظاميا ما تروح
راح تروح من الوكالة المساعدة للحقوق لمكتب الوكيل

اما لو ما كان عربي او ما كان حامل لشهادة ميلاد سعوديه
راح تروح الداخلية

طبعا في كلا الحالتين
اذا مستوفين للشروط العادية المعروفه العمر والتحاليل
وماعندكم اي نقص في الاوراق
ولا اذا في نقص او لا قدر الله غير مستوفين الشروط تروح الصادر وتعاد للشرطة


باذن الله مستوفين وتواصل المعاملة سيرها الطبيعي
بالتوفيق

السلام عليكم ورحمة الله اسعد الله صباحك
اشكر جداً تعاونك وردك
خطيبي مصري مقيم ماهو من مواليد السعودية
وحسب ما خبروني في الامارة ان اوراقنا كاملة وبالنسبة التحاليل مافي اي مشاكل الحمدلله والاثنين فوق 30سنة وسبق لنا الزواج

أفيدوني اخوتي كم المفروض تبقى في الامارة وكم في الداخلية؟
و كيف اقدر اعرف الإجراء المتبع في كل مرحلة انا اشوف الكل يكتب اسم الادارة و الإجراء
انا فقط يظهر عندي تحت التنفيذ و منها الإدارات فقط مايظهر الاجراء
شكرًا جزيلا على مجهودك معانا
كتب الله لك من الخير كله
و اسعد الله صباحك

المشاركة الأصلية كتبت بواسطة حكايه

حبايبي استودعتكم الله اللذي لاتضيع ودائعه
انا طالعه الحج وفي طريقي ل منئ ،،، الله يتقبل مني ومنكم صالح الاعمال
سامحوني جميعاآ اشوفكم ع خير

تقبل الله
اسأل الله ان ييسر لك ويتقبل منك و ًترجعي سالمة مغفورة الذنوب مرضية النفس

المشاركة الأصلية كتبت بواسطة الفواحه

ولاااايف الله يعطيكي العافيه قولي لي كيف قدمتو وانتو من اهل جدة
الله ييسر لك امورك

عادي ي قلبي بابتي راح هناك وقدم ووقت التحاليل رحنا حللنا هناك وقدمت على اساس اني من الحفر والخاطب من سكان جده وطلبو شهود ع السكن وجبنا ناس نعرفهم من هناك شهدو وختم العمده وخلاص مره تتسهل بسم اهم شي تشوفو احد يعرفكن هناك يشهد انكم من سكان الحفر

المشاركة الأصلية كتبت بواسطة حكايه

حبايبي استودعتكم الله اللذي لاتضيع ودائعه
انا طالعه الحج وفي طريقي ل منئ ،،، الله يتقبل مني ومنكم صالح الاعمال
سامحوني جميعاآ اشوفكم ع خير

تقبل الله...

المشاركة الأصلية كتبت بواسطة ديدو

أيوه هوا دا نفس السؤال وايش الاوراق اللي طلبوها منكم

طلبو مننا صور للخاطب وصور اقامتو وجواز السفر وتعريف ب الراتب وبرنت ليا وصور ليا والتحاليل وبصمات الخاطب دا الي فاكرتو بس يجمعو الاوراق كلها ويرسلوها لامارة الشرقيه وربي مررره وبس دعواتكم

السلام عليكم ورحمة الله وبركاته

أسعد الله صباحكم جميعا بكل خير

وربي يحقق أمانينا في العشر الفضيلة يااااارب

أخواني أخواتي الله يسعدكم جميعا حابب أستفسر على شغله

الأستثناء حقي تحول من الإمارة لشرطة منطقة مكه المكرمه
معاملتي الاولى الي حفظت في جده
مو المفروض الاستثناء يتحول لشرطة جده ؟؟؟؟؟؟؟
لأَنِّي اتصلت على شرطة جده ورد علي واحد وقلتله ابي استفسر على معامله محوله
عندكم قالي من وين جايه قلتله من الإمارة الى شرطة منطقة مكه المكرمه
قالي طيب احنا شرطة جده قال اتصل على شرطة مكه واستفسر منهم
واتصلت على شرطة مكه رد علي حق الاستعلام وقالي بحولك عليهم بس ما ادري هم مداومين ولا لا وفعلا حولني عليهم
بس للأسف محد رد علي أكيد مأجزين ..!!!!!!
السؤال ليش حولو معاملتي لمكه وهي أساسا من جده..؟؟؟؟؟؟؟؟؟
ياليت تفيدوني الله يسعدكم ........

لا اله الا انت سبحاااانك أني كنت من الظالمين

حكاية ربي يتقبل منك
ادعيلنااااا الله يسعدك

يااااا رب تفرج علينا وعلى جميع المسلمين وتسهل امورنا اجمعين

المشاركة الأصلية كتبت بواسطة عززيز

السلام عليكم ورحمة الله وبركاته

أسعد الله صباحكم جميعا بكل خير

وربي يحقق أمانينا في العشر الفضيلة يااااارب

أخواني أخواتي الله يسعدكم جميعا حابب أستفسر على شغله

الأستثناء حقي تحول من الإمارة لشرطة منطقة مكه المكرمه
معاملتي الاولى الي حفظت في جده
مو المفروض الاستثناء يتحول لشرطة جده ؟؟؟؟؟؟؟
لأَنِّي اتصلت على شرطة جده ورد علي واحد وقلتله ابي استفسر على معامله محوله
عندكم قالي من وين جايه قلتله من الإمارة الى شرطة منطقة مكه المكرمه
قالي طيب احنا شرطة جده قال اتصل على شرطة مكه واستفسر منهم
واتصلت على شرطة مكه رد علي حق الاستعلام وقالي بحولك عليهم بس ما ادري هم مداومين ولا لا وفعلا حولني عليهم
بس للأسف محد رد علي أكيد مأجزين ..!!!!!!
السؤال ليش حولو معاملتي لمكه وهي أساسا من جده..؟؟؟؟؟؟؟؟؟
ياليت تفيدوني الله يسعدكم ........

لا اله الا انت سبحاااانك أني كنت من الظالمين

وعليكم السلام ورحمة الله وبركاته
ان شاء الله يفيدوك الأخوة والإخوات و اسأل الله ان ييسر امر الجميع
اخي فقط بقولك شي انا كنت مثلك شاكة على مداومين او لا
اقصد الامارة والشرطة لانه لما كنت أراجع قالوا مرابطين
الامارة الى امس عادي اكلمهم يردوا فبالتالي اظن الشرطة نفس الشي مداومين
لذلك جرب مرة ثانية يمكن كانوا مشغولين او خرجوا من المكتب

المشاركة الأصلية كتبت بواسطة شوكلاط

اجراء طبيعي
وبعدها راح تروح القضايا للصادر في حال انها من جد راح تروح الداخلية
بس لو قلتي لنا هل خطيبك عربي مقيم يحمل شهادة ميلاد ؟
اذا كان كذا ما راح تروح الداخلية الا اذا في سبب اخر بس نظاميا ما تروح
راح تروح من الوكالة المساعدة للحقوق لمكتب الوكيل

اما لو ما كان عربي او ما كان حامل لشهادة ميلاد سعوديه
راح تروح الداخلية

طبعا في كلا الحالتين
اذا مستوفين للشروط العادية المعروفه العمر والتحاليل
وماعندكم اي نقص في الاوراق
ولا اذا في نقص او لا قدر الله غير مستوفين الشروط تروح الصادر وتعاد للشرطة


باذن الله مستوفين وتواصل المعاملة سيرها الطبيعي
بالتوفيق

صباح الخيرات
فعلا الان شيكت اتحولت الصادر العام
شكرًا جزيلا
تركت لحضرتك رد مسبقا وانتظر ان تفيدني ان أمكن
مع وافر شكري

شيكت علي معاملتي الان
رقم القيد:؟؟؟؟؟؟؟؟
تاريخ القيد:29/11/1435هـ
حالة القيد:مغلق
رقم الوارد:135601
جهة الوارد:وزارة الداخلية
رقم الصادر:؟؟؟؟؟؟؟؟
تاريخ الصادر:08/12/1435هـ
جهة الصادر:محافظة حفر الباطن
اللي ابي اعرفه الحين وين تروووووووح ،هي كان في اماره الشرقيه يعني تروح اماره الحفرصح كلللامي