مدونـــ الخأأصة ـتــي ~~

قال بعض السلف : خلق الله الملائكة عقولاً بلا شهوة ، وخلق البهائم شهوة بلا عقول، وخلق ابن آدم وركب فيه العقل والشهوة ، فمن غلب عقله شهوته التحق بالملائكة ، ومن غلبت شهوته عقله التحق بالبهائم .

يا ابو يوسف هالايام حلمت انك تقول انتي انسانة ما طيباش وكتعايرني وكنقولك ياك بغيتي نلبس الخمار هانا هالبسو كتقولي لا انت مامطيباش وكتشوف فيا نضرة ناقصا

سبحان الله انا مقلق منك هذا صحيح و الحلم دليل على ذلك عرفتي علاش انا مقلق منك لحقااااش انتي مريضه و مبغيتيش داوي راسك انا قلت ليك الحل هو الرقيه لحقاش حاس عندك مرض روحي راه كنعتبرك بحال اختي و كنبغي ليك مصلحتك

انا راه بحالك ثمان سنوات و كل مره كيتزاد عليا لحال مصاب كون لقيت لي قولي ديك ساعه دير الرقيه مكنتش عارفه شنو هي الرقية و الله مبتكش تمشي سنوات حياتك هكاك خصوصا هاد المرحلة

يااااااه سبحان الله
شكرا بزاف اخي
ممكن العين والحسد تابعيني انا الحاجة اللي متاترة على حياتي اكتر انني حساسة بزاف
ما كنبغيش نوري حتى واحد انني حساسة ولكن فساع كنتاتر باي حاجة ولو صغيرة وما كتستاهلش
قالي الدكتور رعد انه يرسلي دواء ولكن انا مزال ما فكرتش واش الدواء هو اللي ييناسب حالتي ولا الرقية الشرعية ولا هما بجوج

نقوليك حاجه ختي وردة متسرعيش تاخدي دووا و تندمي فكري مزيان و تصوري كتاخدي دوواء واش غيبقا يصيفتو ليك ديماا و و و شحال من حاجه خاصكي تعرفي بعد الاصل ديال المرض ديالك سيري عند شيواحد راقي ولا رقي راسك براسك و غادي تعرفي واش عندك مرض روحي و لا نفسي واخا انا الرقية راه شفاء لكل الامراض بفضل الله
انا كان عندي اكتئاب و وسواس الموت و المرض و الجنون و اختلال الانيه و بفضل الرقيه و شرب الماء المرقي و الاغتسال به بريت و تحسنت حالتي مزيااااااان مهم متسرعيش اختي

والله الى عندك الحق اخي ابو يوسف شكرا بزاف ندير رقة شرعية وصافي


وسبحان الله على هدك الحلمة ههه غريبة

سبحان الله
اوى واظبي على الرقية نقوليك حاجه ساهله ديريهاا
جيبي المسك ياك عارفاه و جيبي سدر راه كيتابع عند العطاار وخدي سبع من ورقات السدر دقيهوم مزيان و جيبي سطل ديال المااء و حطي فيك المسك مدقوق داك لي ريحتوو زوينه و السدر مدقوق و خلطيهوم و قراي على المااء ايات الرقية الشرعيه و بقاي تغسلي منو لمده ثلاث ايام انا هكا كندير و الله الى تحسنت النفسيه ديالي

السلام عليكم اخي ابو يوسف

سامحني على الازعاج

اخي بغيت نقولك بانني سمعت الرقية الشرعية ماشي هادك اللي عطيتيني ولكن وحدة اخرى لانها ما بغاتش تخدم ليا
على كل حال ما حسيت بوالو
غير كنت كنسمع لها وجاني البكا وصافي

يمكن ما رانيش مريضة روحيا

على كل حال واحد المرة كنت فبيت بوحدي وسديت عيوني وفمي وودني بيدي وبديت كنقرا سورة ناس والفلق وقل هو لله احد تلاتة مرات وحسيت بالخوف كبير حتى عيطت لام ديالي تنعس حدايا
وما قديتش نكمل

المهم انا بعد المرات كناخد كاس تالما وكنقرا عليه سورة البقرة كل تلاتة الصفحات كنشرب تلاتة قطرات الماء ومن بعد كنحس بشويا

و عليكم السلام ورحمة الله وبركاته
اختي وردة راه ماشي بالضروره ثاثري في البلاصه مع الوقت غادي تاثري
خاصكي داوومي عليها
بخصوص كتقراي على الماء مزيان هكاك داومي
بالنسبة الخوفو البكااء راه من الاعراض المرض الروووحي

خوا ابو يوسف شكرا بزاف بغيت نعاود ليك على واحد الحاجة وقعات لي يمكن الى عاودتها لك هتقول علا حمقا قبيلات بقيت ساهية مع المراة وانا نشوف راسي ولكن شعري طالع لسما بحال شعر تالولد

ماشي هكداك كنت ولكن بدا كتوهم ليا كنت ماشطا شعر ومن موراها قلت مع راسي ياكما عيانا وفيا نعاس دخلت ودوشت كنت كندوش وانا خافة بزاف

ما عمري خفت فنهار ولكن ماعرفتش اخويا شنو كوقع ليا
ياكما بغيت نحماق ولا راني حمقة

متاكدة باني طبيعية ولكن هتشي بدا معايا مورا الرقية الشرعية

اوى راه الرقية بدات كتعطي المفعول ديالهاا راه عادي
انا نيت فاش كندير رقيه كنبقا نخاااف و كنحلم و راسي كيدرني
محمقا ماوالوو غي داومي و يكون خيرر

وشنو كيعني هتشي واش انا مسحورة ولا فيا عين ولا شنو

الله اعلم ميمكنش نعرف انتي غتعرفي مع الايات اللي تتعبين معها كثيرااا
ماشي مهم تعرفي شنو المهم عندك مرض روحي

شكرا اخي ابو يوسف كتير على المساعدات اللي قدمتي ليا شكرا