|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
01-02-2011, 09:39 PM | #3 |
عضو فعال
|
ان شاءالله ..
عمري 19 سنه .. وعمري 11 سنه تقريبا توفت امي الله يرحمها حزنت وتاثرت على فقدها لكن مشت الايام وكملت حياتي عادي لان تقريبا اغلب حياتي ماكانت امي موجوده لاني كنت صغيره وصار الوضع عادي .. بفترة المتوسط كانت تجيني حاله غريبه مثلا تنميل بجسمي وافكار غريبه مثلا امسك رجلي وتصير بارده وافكر اني بموت الحين وكذا وكانت تجيني الحاله هذي اذا كان عندي ضغط مثلا اختبارات او قصه محزنه سمعتها وتنتهي الحاله على طول ولا عاد افكر فيها .. وقبل 4 شهور تقريبا وهنا مشكلتي اللي بتكلم عنها .. انقلبت حياتي بيوم وليله حتى شخصيتي تغيرت وكل شي تغير بداية الموضوع كنت خارجه من البيت وكنت لوحدي وكانت عندي انفلونزا وفجأه كذا جتني كتمه وماقدرت اسيطر على نفسي وبعدها على طول رجعت البيت وصار بعدها عندي ضيقة صدر وابكي من دون سبب وكانت تجيني كتمه وخوف وتنميل وخفقان وتشنج بعض المرات وتجيني هالحاله يوميا تقريبا وكان وضعي بهذيك الفتره تعبانه بس كنت اطلع من البيت بس تطور الوضع وصرت اوجه صعوبه في الخروج بس كنت احاول لين خلاص صرت مااقدر وقفت دراستي علشان ارتاح وصار مجرد التفكير بس بالخروج يتعبني يعني مااطلع الا لموعد او شي ضروري ويكون المكان قريب واذا طلعت اتعب تعب فظيع واصير اراقب نفسي وتنفسي واصير على اعصابي لين ارجع البيت وغالبا تجيني تشنجات وكتمممه بالسياره .. هو التعب يجيني بالبيت وبرى البيت بس احس اني وانا بالبيت اقدر اسيطر على نفسي لين تنتهي النوبه وغير كذا احس بالامان .. ووضعي مع اهلي فالبدايه قالو يمكن عين وودوني لشيخ يقرى علي فتره وتحسنت بس المشكله نفسها ماتغيرت بس بعد فتره قالو لي اهلي خلاص مافيك شي لو هي عين كان راحت مع القرايه بس انتي تتوهمين يعني حطو كل اللوم علي وماصرو يساعدوني مثل اول هم يمكن يبون يشجعوني ويخلوني اعتمد على نفسي بس هم قاعدين يأثرون علي سلبيا وهم مايدرون .. وغير كذا صارت علاقاتي مع الناس غير عن اول مررره الحين مالي خلق حتى اكلم احد ولا احس ان احد حاس فيني فبداية تعبي رحت لعياده نفسيه ودخلت عند دكتوره مصريه كان اسلوبها في التعامل سيء جدا اول ماتكلمت على طول قالت نوبات هلع وكتبت ادويه حتى من دون ماتسمع وقلت لها ماابغى ادويه نفسي ساعديني بدونها انا لسى صغيره حرام قالت انتي موسوسه علشان كذا ماتبين تاخذين قلتلها خلاص بروح لاخصائيه ورحت جلسه وحده ومن يوم رجعت جاني تعب فظيع لاني احس اني اذا ركزت على المشكله تزيد واتعب اكثر .. هذي مشكلتي واذا فيه اي سؤال راح اجاوب عليه ان شاءالله ... الله يجزاكم خير اتمنى من كل قلبي مساعدتي باللي تقدرون عليه ومالكم الا دعاء صادق |
|
01-02-2011, 09:44 PM | #4 |
عضو فعال
|
ونسيت اذكر شي مهم اني اركز على تنفسي كثير وبالذات اذا طلعت مدري ليه اركز على تنفسي اذا
طلعت بالذات اخاف ينقطع او يصير شي وانا بعيده عن البيت .. حتى اذا رحت المستشفى اتعب بعد لاني احس ان البيت بس هو الامان .. وصرت اقول لو ان التنفس مثل القلب يعمل لحاله من دون تدخل مني كان صار وضعي عادي لان اللي يتعبني التنفس |
|
01-02-2011, 11:06 PM | #5 |
مستشار
|
أختي الكريمة:
هذه حالة اكتآب مصحوبة بقلق ووزادت الى رهاب اجتماعي. فلا هي وساوس ولا هلع أنصحك بعلاج فافرين 50 ملجم مساءا مدة 3 أيام ثم 100 ملجم مساءا مدة 5 أيام ثم 150 ملجم مساءا مدة 3 شهور على الأقل ولو سبب لك أرق خذيه أول ماتصحي من النوم وياليت تاخذي معاه فلوناكسول بجرعة 1 ملجم مساءا وستجدي نتائج طيبة بعد اسبوعين من الانتظام اليومي وتابعي معي بالمنتدي وخبريني أول بأول عن أي تعب وربي يكون بعونك |
|
01-02-2011, 11:31 PM | #6 |
عضو فعال
|
كيف رهاب اجتماعي انا ماعندي مشكله مع الناس ولا في التعامل معهم بس مشكلتي تجيني كتمه وزياده بضريات القلب وتنميل فجأه وبأي مكان وصرت اكره الخروج بسببها وعلشان هالحاله ضاق صدري على نفسي
|
|
01-02-2011, 11:43 PM | #7 |
عضو فعال
|
يعني مشكلتي بالاعراض اللي قلتها ومن هالاعراض صرت اكره الخروج بالسياره لانها تزيد علي بالذات وانا بالطريق بس اذا وصلت للمكان اللي ابروح له اهدى شوي بس على حسب المكان انا ارتاح اذا رحت لبيوت اكثر اما اماكن عامه او مستشفى او جامعه كلها اكون على اعصابي مو علشان الناس لا بس احس بالامان بالبيت
|
|
02-02-2011, 03:24 AM | #8 |
عضو فعال
|
وعندي استفسار ثاني يادكتور أنا سويت تحاليل وطلع عندي نقص فيتامين دال حاد قالي الدكتور انه المعدل الطبيعي 75 وانا 8 بس وقالي انه يسبب اكتئاب وأشياء ثانيه بس حتى لو أنا عارفه ان وضعي نفسي بحت ..حبيت أخذ رأيك هل ممكن يكون هذا سبب من الأسباب اللي ادت لمشكلتي وشكرااا جزيلا لك .
|
|
02-02-2011, 12:40 PM | #9 | |
مستشار
|
اختي الاكتآب والرهاب والهلع والقلق كلها متداخلة
وربما تكوني وصفتي كثيرا حالات أشبه بنوبات الهلع في البداية ولكن ماحدث لك مع الانفلونزا والذي ذكرتي انه منذ اربعت شهور: اقتباس:
وكون الموضوع تطور الى عدم الذهاب خارج البيت والتخوف من الاماكن التي في الخارج وعدم الاحساس بالأمان مع من لاتعرفينهم فهذه كلها تسمى مخاوف اجتماعية فأنتِ لاتخافي من مبنى المستشفى أو الجامعة أو الاماكن وانما الخوف اصبح مرتبط بالناس وربما تخافي ان تصيبك النوبة أمام الناس فيكون شكلك غير جيد أمامهم وهذا نوع من الخوف الاجتماعي عموما لا تفكري كثيرا هل هو خوف او هلع او قلق او اكتآب فالعلاج متقارب ويفيد لها كلها. فقط تحتاجي مضاد اكتآب من مجموعة معينة تعررف بـ ssri وتأخذي نوع لايسبب قلق وستكوني بخير فيتامين د يسبب نقص الكالسيوم والذي يسبب خمول وكسل وضيق بالصدر ودرجة من القلق وتشنجات في اليدين وتنميل حول الفم ولا بأس من أخذه من الصيدلية على صورة فيتامين د النشط المعروف بـ "ون الفا" مع كالسيوم ولا تزيدي عن الجرعة المقررة يوميا ولن يضرك بشيء بأمر الله ولكنه لايفسر كل ماتعانين منه وربما تحتاجي لتحليل الغدة الدرقية لأنها قد تسبب حالة قلق وخوف مشابهة لما تعانين منه |
|
|
02-02-2011, 04:49 PM | #10 |
عضو فعال
|
تكفوون
تكفون احتاج مساعده أبغى ايميل احد من المختصين هنا او اي وسيلة تواصل ا.ليلى الحمدان اذا تقدرين تعطيني ايميلك لاتبخلين علي الله يخليييييكم .
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|