|
|
||||||||||
عيادة مشاكل الأطفال لطرح الأسئلة الخاصة بمشاكل الأطـفـال الـنـفـسـية ويقتصر الرد على المشكلات من المختصين النفسيين والتربويين |
|
أدوات الموضوع |
18-10-2004, 01:37 AM | #1 | |||
عضو جديد
|
انا وابوة نضربه ضرب مبرح ساعدونا
السلام عليكم ورحمة الله وبركاته
الى الاساتذه الافاضل ارجو مساعدتي في مشكلتي ابني الله يهديه شاطر في رفع الضغط عندي انا وابوة اي شي يسويه غلط في غلط سبحان الله لحوح لحوح لحوح الى ابعد درجه ومع ذلك ما يحصل اللي يبغى واذا سالتني وش يبغى اقول ما فيه شي في الدنيا ما يبغاه اي شي يشوفه عند زملاءه او قرايبنا لازم نجيبه له يحس انه من حقه علينا انا نجيبه غصب وطبعا مع الرفض هو يلح واخر شي نضطر انا نضربه وكل شي كوم والمدرسه كوم كل يوم يبغى يغيب وما يروح الا بالضرب والله اني ارحمه واقعد اصيح اذا ضربته وجهه يضيق الصدر المشكله ان جسمه ضئييل مرة ونحيف عمرة عشر سنوات في رابع ابتدائي واللي يشوفه يقول عمره ست سنوات وانا مضيق صدري حجمه مرة اخاف ان عنده مشاكل في الهرمونات وزياده على كذا عنده روماتيزم بدا من تقريبا سنتين عنده مواعيد وكشوفات والكل يقول طبيعي حجمه بس ما ادري محتاره انا ما ابغى نضربه قولو لي وش اسوي عشان اقنعه هو طيب من جوا بس سريع التاثر ومطيع بس لحوح انا احس العيب فيني عشان هو بكري ما عرفت اربيه وما قدرت افهمه ما يقتنع برأييي ابد ودايما يفشلني بالعصيان عند الناس وابوه الله يهديه ما يحاول يتقرب له ولا يتكلم معه ابد ولا ياخذه معه للطلعات قولو لي وش اسوي انا تعبانه نفسيا منه وخايفه انه يضيع مني واخاف يجي اليوم اللي يطلع فيه من البيت من كثر التهزيء والضرب والاهانه ساعدونيييي الله يجزاكم خير ولا تتاخرون في الرد. على فكرة هذي اول مشاركه لي وما اشتركت الا عشانه . المصدر: نفساني
|
|||
|
21-10-2004, 11:58 PM | #3 |
عـضو أسـاسـي
|
صباح الخير يا وطنـي .. صباح الخير يا جـدتي .. أختي الفاضلـة / نانا8 * في البدء الضرب المبرح لطفلك ذو العاشرة لا علاج له إلا إيقاف ضربكِ ، أختي انقشي في داخلك التالي من حيث الضرب ..... (( أضربوهم عليها لعشر .... وضربا غير مبرح ، ولا يمس الوجه ..... هذا لأهم ركن في ديننا ... الصلاة ، وما عداها يبقى شيء آخر ...... )). * أختي أنتِ ، وأبوه في تعاملكم أشبه بالقطار الذي يسير في مسار واحد وداخل قضبان الحديد ..... حتى وإن تعددت محاولاتكم ، وأساليبكم ، فغيروا سير القطار ...... بمراجعــة المختص .. * أختي ما تصفينه من سلوك أبنك سهل إيقافه ، وتعديله إذا تغيرت معاملتكم ، وإذا اتفقي ووالده على قواعد ثابتة ، وإذا عرفت ما يثيره ، وما يريده ، مع صبر ، وقبول بالتحسن الإيجابي البسيط ..... وهذا يعني حاجتكم ، مع الطفل إلى إرشادات ، وتوصيات مع المختص النفسي . * أختي عليك التواصل مع المدرسة ، والكتابة للمرشد الطلابي ، وإن كنت من سكان الرياض أو أي مدينــة في المملكة بها وحدة لمشاكل الطلاب فأتمنى أن تحيل المدرسة الطفل إلى تلك الوحدة فهي مجانية ، ولجميع الطلاب من التمهيدي إلى طالب الجامعــة ، والمعلم .. أو إن كنت قادرة على مراجعة عيادة خاصة فلا تترددي في الذهاب إلى عيادة ميدي كير في الرياض . ربي يوفقك ، وتري ما يريحك من سلوك أبنكِ . |
|
22-10-2004, 11:44 PM | #4 |
عضو جديد
|
الاستاذ القحطاني ما قصرت الله يجزاك خير فعلا احنا محتاجين اخصائي واحنا في الرياض
المشكله ان ابوة ما قتنع بالفكرة هو يمكن ان الولد يحاول لفت الانتباه بالتصرفات هذي لان عندنا بعده عيال بس هو اللي متعبنا الله يهديه اخر مشكله من مشاكله شعره حلقناه نمرة وزعل وقعد يصيح قال ما ني رايح للمدرسه العيال بيضحكون علي بغيب لين يطول شعري والا جيبو لي باروكه وش اقوله اخاف ابوة يضربه اذا ما راح طيب العيب فينا والا في الولد هو في مدرسه خاصه وكل الالعاب موفرينها له مع ذلك تمردة يزيد خصوصا اذا قابل عيال ناس قرايبنا اولاد اكبر منه في المتوسط اولى وثاني برضو احب اقول لك ان عنده مشكله اللي هي التبول الليلي والتبرز الا ارادي يعني يوسخ ملابسه الداخليه على خفيف. |
|
19-12-2004, 10:14 AM | #5 |
عـضو أسـاسـي
|
أختي الفاضلـــة ..
الأخوة يختلفون عن بعضهم وفقا لمبدأ الفروق الفردية والمقارنة أحيانا لا تغير شيء ، وكون أخوتك طيبين أو متفوقين أو صالحين فليس بالضرورة يكون الجميع بنفس السلوك ، والتصرفات والشخصية .. كل طفل له شخصيته ، وأهتماماته ، وقدراته ، وظروفه .. أختي مادام أبنك ذكيا فتأكدي أن ما تصفه من تصرفات عائد لتعاملكم ، وأسلوبكم معه ، وبالنسبة لتبوله وتبرزه إذا أنتفى أي بعد عضوي فهو عائد لنفسيته ، وحالته .. أختي لا تيأسي في أقناع والده وخاصة لو رأيت أن سلوكياته السلبية تزداد أو تأخذ أشكالا جديدة ، وأقنعي والده بالأتصال الهاتفي للهاتف الإرشادي لن يخسر شيء وهو قادر على ذلك من مكتبه الخاص . ربي يوفقك ويسعدك بأبنك . |
|
21-12-2004, 11:06 PM | #6 |
عضو جديد
|
السلام عليكم الاستاذ القحطاني اشكرك على تجاوبك معي والله يجزاك خير
اذا حصل تطورات راح ابلغك ان شاالله اخر التطورات او المشكله الاخيره قال لي في الليل قوميني لصلاة الفجر قلت ان شاالله بس راحت على نومه ولما جا وقت المدرسه رفض يروح لاني ما قومته طبعا ابوه قال ما عليش يا حبيبي بكرة انا اقومك اليوم روح المدرسه وبكرة يصير خير لكن الولد معند رفض يروح وقال للسواق اللي بيوديه للمدرسه روح انا بغيب (قدام ابوه) عناد بس عاد اللي صار كالمعتاد انضرب ضرب مبرح وراح للمدرسه متاخر وزعل ابوه عليه لين اليوم طبعا الكلام هذا من يوم الاثنين الى اليوم ما تصالحو وكل شي محروم منه لا طلعات ولا العاب ولا كلام مع ابوه انا نفسيتي زفت زفت زفت ما ادري وش اسوي وطبعا عياده نفسيه مرفوضه حتى بالتلفون احيانا يا دكتور او دايما الوم نفسي في حالته ما عرف اتصرف معه وما اقدر استحمله مع انه مطيع جدا لي ولابوه يركض لتنفيذ الاوامر بس ما نستحمله على عناده وطلباته اللي ما تخلص ابغى اصير معه ام مثاليه ابغى اعطبه حنان اكثر نفسي ابوه يتكلم معه ويتفاهمون ويتصالحون بس شلون انا اكتب لك يادكتور وانا ابكي عليه ارحمه على اني امه احس لو امه وحده ثانيه بيصير احسن . على فكره هو متفوق في الدراسه ما شاء الله طالع لابوه . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|