|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
11-06-2017, 07:54 AM | #1 | |||
عضـو مُـبـدع
|
ابي مساعدتكم ورايكم
السلام عليكم بدخل بالموضوع على طول
من بدت الاجازه وبدا رمضان وانا نوبات الهلع تجيني اغلب اليوم يمكن ساعه او ساعتين بس تروح وترجع نفسيتي تعبت طول اليوم خايفه ومتوتره والوسواس عندي زااايد والقلق والخوف واليوم كنت طالعه السوق يجيني وسواس ان لازم اخاف ليش ماخفت خصوصا اني كنت لحالي وانا امشي احس اني بطيح وخفت ابي اتمسك والمكان الي كنت امشي فيه واسع وامشي بالنص وخفت اطيح على وجهي جاني قلق بشكل كبييير انا اعرف هذي مو دوخه حقيقيه بس تعبت من الاوهام والوسواس نجي للكلام المهم الحين انا صارلي 10 ايام تقريبا فيني زكام وكحه وبلغم الله يعزكم واليوم كنت اشوف مسلسل مع اختي وقالتلي شي على اللي شفناه ان الي فيهم مرض السرطان بعد كل كلمه ياخذون نفس العميق والله لو تشوفون كيف خفت ولين الحين افكر لاني اخذ نفس عميق لما اتوتر عشان اصير زينه ولما اتوتر يجيني ضيق تنفس ويدي تعرق واحس بدوخه الحين انا بصيح مااعرف ايش اسوي مع العلم انا ما اخذ ادويه الخوف عندي زايد بشكل كبيييرر والله لو اقول لكم على ايش اخاف تضحكون علي وتقولون مو صاحيه طول اليوم متوتره وخايفه بدون سبب او اسباب سخيفه والوساوس ماتوقف من مخي والله اني دايما اكلم نفسي واقول لنفسي انتي ضعيفه انتي جبانه عشان احس على نفسي واترك هالوساوس بس مافي فايده واللله لان بكل مره اتجاهل فيها احس احد يقولي انتي تجاهلتي لان هالمره هي الصدق والي قبل وسواس فاخاف واصير اهتم وافكر تعبت واللله وخصوصا من بعد كلام اختي اليوم مو ناقصه والله ساعدوني تكفون ابي حلول سلوكيه او اشياء طبيعيه مابي ادويه ما اخذ ادويه المصدر: نفساني
|
|||
|
11-06-2017, 08:14 AM | #2 |
عضـو مُـبـدع
|
انا الحين اعاني من كحه مصحوبه ببلغم وشويه زكام
بس من بعد كلام اختي خايفه وموسوسه ان يكون مرض خطير تعبت ايش اسوي ساعدوني اسفه على الكلام الي بقوله بس يمكن احد خبير بهذا المجال ويفيدني البلغم اللي يجيني لونه ابيض شفاف |
|
11-06-2017, 08:51 AM | #3 |
عضو نشط
|
اختي عادي البلغم واكييييد يجيك مع الزكام بسبب افرازات الخشم والتهابها طنشيييييي ولاتفكرين فيه بس مشكلتك انك حساسه حيل وتحتسين من اي كلمه ولا اذا احد غيرك مافيه شي مايفكر بالكلام اللي قالته اختك وهو معاه بلغم بس لاتوسوسين واذا جتك الفكره تجاهليها لان الشيطان يبي يخوفك منها
|
|
11-06-2017, 10:58 AM | #4 |
عضو نشط
|
اول شي تطمني انتي بين اكثر من مئة شخص مثلك اكثر من مئة شخص مرت عليهم كل هالافكار فا لا تخافين احنا مانفتي من جيبنا نفتي من تجارب سنوات من نفس مشاكلك وازيد انا بالنسبه لي الطريقة الي نفعت معاي اني احط نفسي بالامر الواقعة اوك ممكن فعلا الشي الي خايف منه يصير او يطلع صدق طيب وبعدين ؟ لأني طفشت يقعد طول عمري كذا مثلا؟ نصيحه ن ي لك طنشي بكل مااوتيتي من قوة وترى انتي كذا ممكن توصلين نفسك لمراحل صعبه ترى الي فيك بسيط فا نحري الشر وطنشي ودايما انشغلي وغيري جو ولا تخلين الخوف يمنعك عن اي شي وماعليك شر ان شاء الله
|
|
11-06-2017, 02:39 PM | #6 |
عضو نشط
|
طيب ياخوي ماهو كل شي لازم علاج نفسي !!! في شي علاج سلوكي اكثر الاعظاء هنا ياخذون علاجات لهم 4 او 5 سنيين والي الحين يتشكون واللي يقول ابي اغير العلاج واللي العلاج مافاده الادويه ماتعالج المرض نفسه تهدي هذا اللي اشوفه واقرا بين الاعظاء اللي يبي يغير علاجه ومافاده العلاج النفسي لو يفيد ويحل المشكله ماتحصل اخد يتشكى وهو يستعمل ادويه يعني ونا خوك اشوف العلاج السلوكي حلووو وافضل من الادويه الكيمايه اللي تعود عليها المخ يعني لاتقفلها بوجه المريض وتحطمه وتقول مالك الا الادويه في ناس ماتبي تستعمل العلاجات وفي ناس ماشا الله تشافو بدون علاجات وبسبب تغير افكارهم وخوفهم وتطنيشهم وربي يوفقك
|
|
11-06-2017, 03:32 PM | #7 | |
مشرف ملتقى الهلع
أنا معك ...
|
اقتباس:
هذي خلل في كيمياء المخ ولله الحمد اخذت علاج وتشافيت لازم تقتنع بالعلاج اخوي عبدالله فالله ماخلق داء الا له دواء ففي حالات قويه صعب جدا العلاج السلوكي ينفع لحاله |
|
|
11-06-2017, 03:34 PM | #8 |
مشرف ملتقى الهلع
أنا معك ...
|
اختي الورده البنفسجيه
اول خطوه للعلاج هو تقبل التعب لازم تعرفين ان كل الاخاسيس اللي فيك سببها القلق النفسي بالنسبه لحالتك وقوتها العلاج السلوكي ماراح ينفع نصيحتي لك اعرضي نفسك على دكتور ووقفي معاناتك ودايم رددي قل لن يصيبنا الا ماكتب الله لنا |
|
11-06-2017, 03:43 PM | #9 |
عـضو أسـاسـي
|
حالتك قريبه مره مني
كانك تتكلمين عني الي فيك قلق ونوبات هلع الدكتوره شخصتني كذا وانا قلت لها نفس كلامك اذا ماتبين علاج دوائي استخدمي العلاج السلوكي وادخلي باليوتيوب تمارين الاسترخاء وطبقيها |
|
11-06-2017, 04:35 PM | #10 |
عضو نشط
|
طيب. اخوي واللي ترد عليهم وهم يستعملون الادويه كم سنه ليش ماتشافو !!! مااستجابت الادويه بجسمهم ؟؟؟ انت لونك متعافي كليا ماالقاك جالس بالمنتدى هنا اكيد ببتشوف وتعيش حياتك بعيد عن المشاكل بس اتوقع مااستجبت للعلاج كليا ولحد الحين تعاني بس في شي اشيا تسبب التعب مثل الجرثومه والالتهابات والقالون العصبي ونقص الفيتامين د. يعني شوف الامراض هذي عالجها قبل استعمالك لادويه ماهو اصدم المريض وهو جاي يدور حل ويدور كلام زين يريحه مشكله واقوله علاجك الادويه وواسكرها بوجه المسكين هنا بعض الاعضاء يصرف علاج من جيبه ويقول استخدم العلاج الفلاني واستخدم كذا في منتدى الخبير النفسي ماشا الله واجد اللي تشافو على يده بعد الله بدون علاجات مجرد خطوات حطها لهم واتبعوها وتشافو الله يشافي الجميع ان شا الله
|
|
11-06-2017, 05:40 PM | #11 |
V I P
الصلع غزا رأسي
|
تنويه: الدوخه حقيقيه ولكنها ليست مرض بل احد اعراض القلق لذا يجب الاقتناع انها حقيقيه
تنويه 2 : هناك فرق بين السرطان و مرض ذات الرئه واختك اخطأت بموضوع السرطان لذا يرجى عدم سماع اعراض مرض من احد ثم تطبقها على نفسك لتقتنع انك ستموت نحن دائما نقول فحص الاعراض عند الاطباء فإن كانت عضوية ك الدوخه فعالجها وان كانت نفسيه فاقبل بها بعد ذلك يجب عليك ان تقبل بأن اعراضك الجسديه هي من القلق وعند حصولها خاطب نفسك وقل نعم لقد بدأ الصداع وهو من القلق ليس بسبب مرض ، التنفس عندي يضيق نعم انها احد اعراض القلق وليست مشاكل تنفسيه ....الخ اذا اصبح القلق عائق كبير و يردعك عن ممارسة حياتك الطبيعيه كالعمل ، وامور المنزل الروتينيه ، والحياه الاجتماعيه فهنا نقول اصبح الدواء مهما لحالتك لذا انت من يحدد |
|
11-06-2017, 08:42 PM | #12 | |
مشرف ملتقى الهلع
أنا معك ...
|
اقتباس:
وجودي هنا لمساعدة الناس لاني حاس بمعاناتهم انتي يااخ عبدالله خايف من الادويه وتبي تقنع نفسك علشان ماتستخدمها انت حر لكن المحزن في الموضوع الوقت الهائل اللي يضيع منك والالم العظيم اللي تعيشه الله يعين كل من يعاني ولا قرر العلاج |
|
|
11-06-2017, 09:03 PM | #13 |
عضـو مُـبـدع
|
اختي الكريمة انت لديك الى جانب نوبات الهلع بداية بسيطة لرهاب الخروج من المنزل و هو يكون غالبامصاحب للنوبات.
اريدك ان تتاكدي تماما و قطعا بدون ادنى ذرة شك انه قلق لا غير لا مرض و لا اي شيء اخر .و تعتقدي انه من الشيطان و كذبه .و بالتالي لا تهتمي ابدا و ستتحسن الحالة بما انها في البداية .و كلما كان يقينك قوي بهذا ستتحسنين بسرعة .اذا لم يفيدك هذا فابحثي عن علاج سواء سلوكي او دواىي داىما البداية اسهل و اقل انتكاسا رجاءا لا تتركي الوقت يمر هكذا .و بالشفاء |
|
11-06-2017, 11:03 PM | #14 |
عضـو مُـبـدع
|
شكرا لردودكم كلكم وبالنسبه لموضوع الدواء كل واحد طبيب نفسه
ويعرف جسمه وهو ايش يحتاج بالنسبه للاخ الي قال انا ماكانت تجيني افكار. سلبيه وفجاه جاني الهلع هنا يمكن نقول انك بحاجه الدواء لكن انا من يوم ماكنت صغيره وعندي خوف وقلق هذا شي من يوم ماكنت صغيره وانا معروفه بالعايله كذا وكبرت وزاد ومن كم سنه جاني خوف شديد من الخروج من المنزل وكنت اعااني واخاف من ركوب السياره لكن امي كانت تعرف حالي وتغصبني اطلع وكنت اضغط نفسب لين ما الحمدلله تشافيت ودايما اذا ركبت السياره اشغل نفسي اسولف اسوي اي شي عشان ماتسيطر علي الافكار وبالنسبه للاخ الي قال العلاج الدوائي مايفيد اذا هو ماغير افكاره من الداخل اتفق 1000٪ فاللي بوصله لكم ان كل واحد طبيب نفسه ويعرف هو يحتاج ايش انا وحده مريت بايام مايعلم فيها الا ربي عانيت بس اتحمل وولا اتقبل اخذ ادويه ومواد كيميائيه بجسمي انا حتى البنادول مااخذه الا بالحالات المستعصيه موخوف وولا وسواس بس عندي قناعه اني باذن الله بتشافى اذا غيرت افكاري سلوكيا واحنا هنا بالمنتدى المفروض نتعاون اننا نتشافى باحسن الطرق وهي انها نغير افكارنا السلبيه الي سيطرت علينا ونتخلص منها مو كل شي ينحل بالادويه واحنا قدها م شاءالله انا تلاحظون اني اختفي من المنتدى ومااجي الا بالاجازات ليش؟؟ لان بالجامعه وايام الدراسه يصير ماعندي وقت اني التفت لهذي الافكار التافهه صرت اكره الاجازه لاني اعاني من فراغ وملل وبس تجي الاجازه تزيد عندي الوساوس وهذا شي معروف انها تجي بوقت الفراغ فاهم شي اهم شي نبدا فيه مانترك ولا فراغ بيومنا سوو اي شي واشغلو نفسكم اليوم كله عشان تجون نهايه اليوم نعسانين وبس تبون تنامون تنامون وانتو مرتاحين ولا نترك ابدا مجال للوساوس خلونا كلنا نسوي كذا وبتشوفون النتيجه ان شاءالله |
|
11-06-2017, 11:42 PM | #15 |
عضـو مُـبـدع
|
وردة حبيبتي ماتعانين منه قلق وافكار وسواسية ليس أكثر،ولعلمك القلق والوسواس والاكتئاب يزيد مع وجود الانفلونزا،والبلغم عادي مع الزكام ولكن انتي تركزين في كل تغير يحدث وحتى لو بسيط وتبقين تدورين بنفس الدائرة،تجاهلي اي فكرة وسواسية وانشغلي مع اهلك وباي شئ يلهيكي عن هذه الافكار.
سلوكيا علاجك الاقتناع انك تعانين قلق ونوبات هلع ليس مرض او شئ خطير،وتطنيش وتجاهل اي فكرة وعدم التحاور والنقاش معها،ومواجهة كل ماتخافينه ولو بالتدريج |
التعديل الأخير تم بواسطة راجية الشفاء ; 11-06-2017 الساعة 11:47 PM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|