الى البرفسور العزيز اخوي عبدالله السبيعي . المحترم

الى البرفسور العزيز اخوي عبدالله السبيعي . المحترم

مساء الخير دكتور


انا ماودي اخذ من وقتك كثير لاني عارف انك مشغول بس تحملني شوي

وساعدني

بصراحه انا اعالج من 3 سنوات تقريبا والحمد لله على كل حال


اما الاعراض التي اعاني منها:

1 _ حزن دائم

2 _ قلق ....... + عصبية شديدة لدرجة بعض الاحيان احس ان عروقي طلعت مع

من العصبيه يعني العصبيه تهاجمني لاتفه الاسباب

3_ عدم الرغبه في الخروج والجلوس الدائم مع الناس مو عشان عندي رهاب

ولااستحي انا وجهي وجه بن فهره بس اجلس معهم ساعه ويصيبني ملل بسرعه

4_متوتر في اغلب الاحيان


استخدمت ادويه وعلاجات كثيره حتى اني اعتقدت ماعاد بق ادويه

على سبيل المثال :

سيروكسات , ريميرون , سيبرام , ليودميل , دوجمتيل , سيرزون , ايروريكس

طبعاً انا استخدمت العلاجات هاذي كل واحد على حده وكانت تاخذ معي وقت ودايم اقول لنفسي لازم اعطي العلاج وقت عشان يثبت وجوده بس صراحه

ماعندك احد ماعدا اللهم سيروكسات:rolleyes: :rolleyes: ريحني شوي

فكلمت الدكتور الي اعالج عنده مع اني بديت افقد الثقه فيه 3 سنين انا وياه

وماعنده الا تجارب فيني :( :(

اخر علاج وخلطه صراحه سويناه مع بعض انا اقترحت عليه وهو اعتمد

العلاجات الاخيره الي بتبدا من بكره هي:

1_ سروكسات حبتين مساء
2_ بوسبار وهذا هو العلاج الجديد الي عرضه علي وقال انه بيفيدني بجرعة
مبدايه حبه يوميا ثم بعد فتره قصيره حبتان ثم ثلاث حبات في اليوم .
3_ ليودميل حبه 50 جرام في اليوم.

فطلبي ورجأي منك يابروفسور :
1_ مارأيك في العلاجات هل هي مناسبه لحالتي وهل جرعاته ممتازه لاني بديت امل لاتؤخذني بس ابي رايك بكل صراحه علشان اقدر اوصل لعلاج وتركيبه
وجرعه ممتازه تفيدني بعد هالحوسه ؟

2_ بالنسبه للبوسبار متى افضل وقت استخدمه فيه لان الدكتور ماقالي وقت

محدد قال لي حبه في اليوم وبعد تقريبا ثلاث ايام حبتين وبعدها ثلاث حبات بدون تحديد وقت هل الافضل اني اكله مع السروكسات والليودميل دفعه وحده
في الليل احس اني ابطيح لو كلتها كلها سوى او اكلها الصبح بعد الفطور
بس اخاف تخملني خاصة اني موضف ودوام صعب شوي اتمنى انك ترتب لي
وقت العلاج اليومي بحيث انه يصير يناسب لي واقدر استفيد منه اكثر .

وفي النهايه ادعو لك يادكتور عبدالله من القلب ان ينعم الله عليك بالصحه والعافيه ويمتعك دنيا واخره .


اخوك الصغير
عبدالرحمن:1:

المصدر: نفساني

جزاك الله خير يا أخوي عبد الرحمن و الله لا يهينك و لا يقل مقامك:
أخي أنا ما أحب الخلطات أبداً و لكن بما أنك جربت السريوكسات و تحسنت عليه شوي فقد يكون من الأجدى الرجوع له و يزيادة جرعته فقط ولا بيوسبار و لا لوديوميل و لا خرابيط. هكذا ترعف فائدة الدواء إن أعطى فاشدة و تعرف مشكلاته إن سبب مشكلات. لكن الخلطة فعلاً حوسه.

الدكتور لا أعتقد أنه يخضعك لتجاربه و لكن لعدم وضوح الرؤية بالنسبة له و لطبيعة التخصص أحياناً يدعو الأمر إلى قدر من التجربة و الخطأ.

لا تستعجل و توكل على الله و تابعنا بأخبارك و الله يوفقك و السلام.