توهم المرض

توهم المرض

توهم المرض -

العنوان واضح انا اخترته عشان نوضح حقيقةة مانعاني منه ولأن كثير يعاني منه واولهم انآ ): - يعني اللي عنده موقف وكان يتوقع انه مصاب بمرض معين وبعد الفحوصاتت اككتشف انه ........> مجرد وهم - مو شرط قصتك اي قصه او اي معلومه عن هالمرض يقولنا عليه ونستفيد منهه - لان بعض الناس اصبح اسير الوهم والمرض واحنا نوضح حقيقة الوهم اللي نعيشهه فمرض الوهم مرض نفسي خبيث ، والإنسان إذا تسلطت عليه الأوهام ، من الصعب الخروج منها ، والإنسان في حياته لايخلو من أوهام تعتريه ، بل إن حياة بعض الناس في كثير من الأمور أوهام في أوهام ، بل يصل الحد إلى أن يكون تأثير الأوهام أكبر .
- اتمنى الكل يشاركني - ولكم جزيل الشكر.

قصـــــــــــــتي. ~
بدأت معاناتي مع هالمرض قــبل سنتين الحين السنه الثالثه وانا كنت اظن معي مرض خطير خاصه انتفخت عندي الغدد اللمفاويه وكنت بحاله يرثى لها - لدرجه شريت مرايا عشان اراقب التغيرات اللي تحصل واي تغير يوجهي كنت اقول تطور المرض لكن العجيب في امري ان معي فوبيا من المستشفيات يعني لو فييني اللي فيني مااروح ابد لهاااا بسبب خوفي - كنت اداوم وانا حالتي حاله كنت اطالع ف اللي حولي واودعهم حتى صديقاتي لاحظو عليا التغير لان كنت انسانه مرحه بمعنى الكلمه والضحكه ماكانت تغيب ع وجهي لاكن دوام الحال من المححال - بدات اشوف تغيرات ع جسمي بقع حمراء انتشرت بجسمي لكن كنت كتومه مااحب اشتكي بنفس الوقت وبّدات اوسوس ب الامراض الشينه وقلت هالبقع سرطان ف الدم او الجلد!! شفتو وين وصلت!!!!!! وبدا تجيني دوخه واحس بتعب وخمول فقدت طعم الحياهه فقدت الراحه - لين وحده من صديقاتي حاولت تعرف وش فيني تقول مايصير اشوفك تذبلي قدامي واسكت بعد محاولات قلت لها وجزاها الله خير طلعت من عندي وكانت تبحث عن هالشي لين حصلت ف النت حالات مثلي وعرفت مرضي وكلمتني وقالت لي ان اعاني من توهم المرض لكن ماكنت مقتنعه لان احس ب اعراض حقيقيه واشوفها بعيني كيف اصدق انه وهم!!!! قالت لي روحي المستشفى وبتعرفي اذا وهم ولا حقيقه اقنعتني رغم فيني خووووووووووف!!!! لكن رحت سويت تحاليل قال لي ان عندي نقص في بعض الفيتامينات عشان كذا طلع لي بقع وانتفاخ الغده اللمفاويه كان بسبب التهاب ف الأذن والحلق لكن بعضها تطول زي ماحصل لي سنين وانا عايشه ب هالوهم لكن الله فرجهااا عليا وانقذني من هالوهم اللي اتعبننننننننننننننني الحمدلله - والحين انتظر قصصكم واسفه ع االأطاله.

المصدر: نفساني

موضوعك رائع وقصتك مؤثره
انا تقريبا مثلك او مشابه لك
كنت اتخيل أشياء واتوهم أشياء
كانت تطلع لي حبوب صغيرررررره جدا في يدي
وكانت تألم وماكنت اخليها لازم اشيلها
كنت احسبه شيطان "بسم الله" وكنت اتخيل أشياء اعوذ بالله منها
من كثر ما ابحث واقرا في تجارب البنات واصدق كلام النت
للأسف الناس عندنا وبالأخص الحريم يحبون يكبروووون الأمور مره ويبالغون بكل حاجه
كانت اختي تعاني نفس الشي واشد و كشفت على نفسها طلع نقص حااد جدا في فيتامين د
تعالجت وحسنت غذاءها ونومها و غيرت تفكيرها وصارت بخير الحمدلله
بعدين اقتنعت و رحت حللت وطلع بالفعل نقص فيتامينات وفقر دم
بس مادري ليه للحين اتوهم و اوسوس واخاف واقلق -_-
الصراحه طفشت الناس مني من كثر ما اشتكي وانغلقت على نفسي وحصرت تفكيري بعد ماكنت طموحه و اجتماعيه
واهلي كمان يشتكون مني لدرجة ما صار لي دور ولا كلمة لأني دايما حابسه نفسي ومنعزله عنهم و أتحسس وازعل من أي شي :/

الله اشفي الجميع

مشكورين الله يسعدكم انتم بس اللي عبرتوني وتفاعلتو معي الله يرفع قدركم ويجزاكم الفردوس

المشاركة الأصلية كتبت بواسطة روفه

مشكورين الله يسعدكم انتم بس اللي عبرتوني وتفاعلتو معي الله يرفع قدركم ويجزاكم الفردوس

وياك يااارب