انا مريض عضوي ولا نفسي / ارجوا من المختصين الدخول

انا مريض عضوي ولا نفسي / ارجوا من المختصين الدخول

السلام عليكم ورحمة الله وبركاته

اخواني واخواتي بعد التحية
انا راح ادخل بالموضوع على طول...

أنا قبل اكثر من 4 اشهر جاني ارتفاع بالضغط بالعمل ودخلوني عنايه مركزه لأن بعد ماعطوني ابرة حقت الضغط فجأه جاني تسارع بالقلب وقالو ان السبب قلق وتوتر سوولي تحليل وتخطيط قلب وايكو كله سليم الحمدلله

الثانيه كانت قبل رمضان بإسبوعين تسارع بنبضات القلب وقالو نقص بوتاسيوم من كثر الإسهال الله يكرمكم والسبب قلق وتوتر سوولي تحليل وتخطيط قلب وايكو

انا بعدها وسوست وقلت اكيد فيني شي طبعاً عطوني دوا كونكور 5 مجم حق القلب ينضم النبض وبعدها بشهر خفض الجرعه الى 2,5 المهم انا صار بعدها يجيني نغز بالقلب وزي كذا واتعب لما امشي وحتى شغلي تركته طبعاً صرت اخاف اروح العمل

المهم بعد ماتركت العمل انا بعدها صار معي موضوع جديد وهو الدوخه المستمره كانت بدايتها اول ما اصحا من النوم وبعدها صارت طول الوقت
رحت مستشفى حكومي وقلت هذول هم الأفضل بإذن الله وسوولي تحليل دم وتخطيط قلب وايكو قالولي الحمدلله ماشاء الله تبارك الله القلب زي الفل بس برضوا عشان نتأكد راح نركبلك هولتر والموعد القادم حق الهولتر باقيله اسبوع ونص تقريباُ وانا الحين صارلي مع الدوخه وعدم التوازن اكثر من 20 يوم وزاد الموضوع بحيث صرت ماقدر امشي طبعاً الحين زاد اكثر اني احس بثقل الجهة اليسرى مع اني لما رحت المستشفى كنت احس بثقل بنصف الصدر واليد بعد لكن الحين لا على يسار الصدر واليد والحين زاد اكثر بحيث لو اني جيت امشي بس مسافه بسيطه احس بدوخه اكثر واحس بالثقل بصدر واليد ومدري هي وسوسه ولا وش لأن انا قرأت ان هالأعراض تصيب اللي عندهم امراض قلب
كلمت اليوم دكتور القلب اللي كنت اراجع معه قلتله انا ترا احس بكذا وكذا قالي عادي هذا تأثير الأدويه النفسيه قلتله لا بس انا ما اخذ اي علاج نفسي ومارحت طبيب نفسي لسه قالي لاتخاف مافيك شي ولازم تزور طبيب نفسي قلتله ترا سوولي تخطيط وايكو قبل اسبوع قالو مافيك شي قالي ايوه مافيك شي ان شاء الله وبس زي ماقلتلك زور طبيب نفسي ....

هل الدوخه والثقل مرض نفسي ولا وشو يرحم والديكم قولولي لأن انا من جد تعبت نفسياً بسبب هالموضوع لأن حتى بالبيت اهلي اقتنعو ان اي الم احس فيه نفسي !!!
ابي احد يقنعني بشي انا ماقد قرأت او سمعت ان مثل اعراضي ممكن تكون نفسيه

ولحد يكتب اشياء توسوس فيني وتخرعنا ترا موب ناقصن قسم بالله
اتمنى محد يرد الا الفاهم والمختص فقط رجااااااااءً ياجماعة الخير

اخوكم ابو تركي ؛ انا طبعاًُ موب متزوج بس احب هاللقب

المصدر: نفساني

اخى العزيز هون على نفسك ولا تقلق هذة كلها اعراض واجهتنى من زى قبل واحب اطمنك واقولك فعلا هذة ليست اعراض مرضية بلا اعراض نفسية وسببها التوتر والقلق النفسى اللى بسببهم بيحصل بلاوى واحنا مو عارفين
وفى شى اخر لازم الفت نظرك لية .... حاول تشوف حد يعمل لك رقية شرعية لان ممكن يكون مرض روحى سحر لا قدر الله
ودعائى لك بالشفاء

انا لما احد يرقيني ارتاح الحمدلله بس ثاني يوم ازيد..
ممكن تفهمني اكثر وانت كيف واجهة هالشي يابن الحلال خفف علي شوي انا ترا احس اني تعبت لأني شايل هالهم لوحدي واهلي بعد شايلينه بس تعب اهلي نفسياً شوي

و عليكم السلام ورحمة الله و بركاته اخ ابو تركي
مثل ماقريت يتبين انو مو مرض عضوي لانو جميع التحاليل سليمة و الحمد لله
يعني لحين اصابتك ياا روحية او نفسية
المهم ادخل على هذا الرابط و اكتب معاناتك و ان شاء الله بعد دخول الدكتور رعد راح يوافيك بالاجابه

http://www.nafsany.cc/vb/showthread.php?t=66959&page=24

وعلى فكره انا قالولي ان هذي عين, بس ياخي الحين صرت لما ارتقي ماحس بنفس الحراره اللي كنت احسها مثل اول
أول كنت لما اسمع الرقية احس بحرارة بالصدر الحين بس اسمع الرقية تهدء نفسي فقط والحمدلله لأن هذا كلام الله وفيه شفاء لكل مرض
بس انا اتوقع بعدين قلبت نفسي !!

اخوي استمع للرقية اول شئ او روح عند راقي شرعي هذه اول خطوه انصحك بهااا و لو عندك اصابه روحيه الراقي راح يقولك لو مافي شئ اعرض نفسك على طبيب نفسي و ان شاء الله

اسال الله ان يشفيك اخوي

اشكرك ياعزيزي على تفاعلك,, وانا مابقيت شيخ الا رحت له ولما احكيلهم قصتي يقولون هذي عين
طبعاً العلم عند الله, اول كانو يقولون عين بالعمل طيب تركنا العمل
انا ياجماعة الخير ماشاء الله تبارك الله كنت اجتماعي ولي احترامي والناس تعرفني بكل خير الحمدلله
انا الحين جالس اكتب وانا منسدح على السرير على نفس الوضعيه واخاف اتحرك لأن لو حركت يمين يسار يزيد علي التعب واحس بالثقل جهة القلب والله المستعان, انا اليوم قلت للوالد ودني المستشفى جيب سيارة اسعاف بس الحمدلله حاولت اهدي الأمور شوي والله لايحوجنا للمستشفيات ويشافينا يارب
انا صرت اخاف واقول لأهلي لايكون هذي جلطه او علامات جلطه لاسمح الله ... بس صارلي الآن اكثر من 20 يوم مع الدوخه !!! والله احترت في ناس تقول روح دكتور مخ واعصاب وفي ناس تقول اذن وحنجره
طيب وش دخلها بالقلب ذي كلها !!!

اخوي الحلم المنشود انتظر ردك!!!
انت كنت مثلي يعني تجيك الدوخه المستمره ولا وشو ؟؟
رد الله يعافيك خلنا نهدا شوي

ماشاء الله تبارك الرحمن اخوي
اقولك لك شئ انا اللي قاعد اكلمك لحين كنت بحالة يرثى لهاا كان عندي هلع و وساوس و اكتئاب و اختلال انية و قولون عصبي و رهاب كوكتيل امراض لكن بفضل الله و الحمد لله تحسنت كثير و قاعد امارس حياتي لكن ساعات بعاني من التعب الزايد و الخمول ماادري شو السبب يعني في الصباح الباكر الناس تفيق من النوم نشيطة انا افيق و كلي مكسر اروح الجامعه بس بالغصب هههه
انت شوف الدكتور رعد و يمكن يوجهك للطريق المستقيم هو يفهم اكثر شئ
ان شاء الله بس لاتقعد توسوس و تقول جلطة و مو جلطة مافيك الا العافية ان شاء الله و احمد رب العالمين لانك كشفت عند اطباء و طلعت النتائج سليمه انا و لا مره كشفت ههههه لانو اهلي مايدون بتعبي و هم من النوع المعقد ههه بيقولون اني بدلع عليهم و موسوس ههه
اسال الله العظيم رب العرش العظيم ان يشفيك

الله يشفيك اخوي

انا رحت غصب أقولك دخلت عناية مركزه مرتين

وانت قرأت عنك في احد المشاركات,, بس ياخي عليك بالقرآن مادام حالتك استقرت الحمدلله.. صدقني القرآن وبس
انا ياخي حتى لما اتكلم واجد صرت احس بتعب
وبعدين انت زرت طبيب نفسي ولا لأ ؟
انا جربت مره رحت على حسابي وشفت الدكتور قام يرمي خيط وخيط انسحبت
وقالولي روح مستشفى الأمل لأنه حكومي وافضل ويعطونك اللي تحتاج
لأن الخاص اللي رحتله كان بيعالجني بالأدوية فقط ومايبي يسويلي جلسات علاج سلوكي
انا متردد يابن الناس, انا من سكان الشرقية ولا اعرف هالمركز حق النفسيه اللي عندنا كويس ولا لأ

العتيبيه آمين ...

أخوي بغيت اسألك عن تجربتك كم جلست تاخذ بالعلاج لين حسيت بتحسن؟
لأن انا سمعت ان التحسن يجي من اول اسبوع تقريباً !!!

اخى انا سنتين كنت كل ساعة اقيس الضغط وكنت بنام واقوم احلم بية وفى الاخر اكتشفت انها اكبر خدعة وان كل دة نفسى المنشأ وبسبب الخوف الزائد والرعبة والرجفة والقلق والتوتر .... هل تتناول اى ادوية نفسية او مهدئات بجانب علاج الضغط لانى بصراحة حابب انصحك تجيب مهدىء تستخدمة هذة الايام لان القلق الزائد محتاج تهدئة وياريت لو تعرف تجيب زانكس

انا كل شوي اجلس احس نبضي واشوف كم وصل النبض يمكن هالشي ساعد التوتر والقلق الزايد
اتا ماستخدم اي دواء نفسي حالياً

بالتاكيد بس انت معذور واى حد مكانك هيمر بنفس الاحساس بس ارجوك حاول تتصدى لاى مخاوف او افكار سوداوية حاول وهتقدر باذن الله