اريد رد يهدئ من خوفي0

اريد رد يهدئ من خوفي0

السلام عليكم ورحمة الله وبركاته
اولا يشرفني ان انضم الي هذا المنتدي واتمني ان القي النصيحه لاي مشكله قد اواجها ولا استحي ان اشكو واطلب المساعده فيها0
مشكلتي اني اتعرفت علي شاب محترم جدا واخلاقه عاليه ونيته حسنه وطالب ايدي ومتفهم جدا ولاننا في فتره تعارف جه في يوم وسالني اذا كنت اعرف حد قبله ولا لا وخصوصا اني انهيت دراستي وبشتغل يعني مش صغيره اني اكون مريه بتجربه او موضوع علي الاقل احترت اقله ولا لا بس معرفتش اخبي عليه وقلتله اني كنت اعرف شاب ايام الكليه في السنه الاخيره والموضوع ما كملش شهور بيننا واني كنت متحفظه في التعارف والموضوع بالنسبالي مالهوش الاهميه انه يذكر حتي وطبعا ماحكتش تفاصيل بس في الاخر عرف ان في حد بالرغم انه مش حب المهم انه طلع انسان متفهم جدا وقالي ان الموضوع ده عمره ما هياثر علينا ولا عمره هيزعله مني وانه مش من حقه يحاسبني علي حاجه قبل ما اعرفه قدام مش هتاثر عليه ولا علي علاقتنا بعد كده علي الرغم من انه عاش قصه حب يمكن لسنين وانتهي منه وحكالي بصراحه عنه 0المشكله دلوقتي مش هوه المشكله عندي انا انا لما عرفته بجد كنت اتمني انه يبقي اول انسان في حياتي ولما عرفت انه كان بيحب قبلي انسانه رغم انه انتهي بقيت اغير عليه حتي من ذكرياته معاها رغم انه بيحاول ما يجبش سيرتها قدامي وانا بحاول ما افتحش الموضوع ده معاه تاني عشان انا ما افكرش بطريقه سلبيه 0وبصراحه ده الي خلاني معرفش اخبي عنه او سبب من الاسباب انه كان صريح معايا مع اني عارفه ان الموضوع مختلف بين الراجل والمراه0 عارفه اني كنت صريحه معاه في الموضوع ده وقلتله ياريت تحترم صراحتي وما نفتحش الموضوع ده تاني ونقفله عشانه هوه مش عشاني بس عارفه ان مش ده اللي هيحصل بس انا الي عامله مشكله كوني اني عارفه انه كان في حد قبله شيئ بيعذبني وخايفه اكون غلط لما قلتله بصراحه بس معرفتش اخبي الموضوع وكاني مش عايزه اخبي عنه حاجه وابتدي صفحه جديده في حياتي مع انسان انا بحمد ربنا اني اتعرفت عليه ايا كانت النتيجه والحمد لله ان ربنا عوضني بيه خير بس انا خايفه من غير ما اقصد اني اخسره مع انه انسان متفهم جدا وقدرين والحمد لله اننا نلاقي لغه حوار بينا يعني ممكن نتكلم في اي موضوع ونشتكي لبعض مننا من غير ما يكون في حساسيه واتفقنا علي الصراحه من الاوزل وان مافيش حد يخبي عن التاني حاجه ولو كان حاجه تافهه بس الموضوع ده بالنسبالي مدايقني ولما بفكر فيه بتعب اكتر مش عارفه انا فعلا كان المفروض ما قلش علي الموضوع بس في الوقت نفسه معرفتش اخبي عنه او اخدعه ومش عايزه يعرف بالصدفه خفت من رده فعله بعدين ممكن يقولي انتي خبيتي عني رغم اني سالتك ويبتدي الشك عنده ولا كان المفروض اقله بصراحه عشان ما اكونش شيله في قلبي موضوع تعبني كتير وحسيه انه حمل عليا واكون صريحه زي ما اتفقنا0 الموضوع اتقفل بيننا ومش بتكلم فيه بس زي ما قلت المشكله عندي انا 0
انا عارفه ان المشكله دي كتير غيري بيمرو بيها بس خايفه اكون انا الي مكبره الموضوع زياده عن اللزوم بس خوفي عليه وحرصي اني ابدا صفحه جديده مخليني افكر كده0
انا اسفه علي اطالتي وارجو ان اجد الرد الذي يهدئ من خوفي وقلقي انا اتردد اعرض المشكله بس كان لازم اتكلم وخصوصا اني عارفه ان الموضوع في سريه تامه لللاعضاء وده الي شجعني ابعت الرساله 0
ولكم جزيل الشكر والاحترام والتقدير

المصدر: نفساني