محتاااااار ومصدوم ارجوكم ساعدوني ساعدوني أطلق والا لا

محتاااااار ومصدوم ارجوكم ساعدوني ساعدوني أطلق والا لا

بإختصار شديد جدا جدا جدا واقسم بالله ان اقول الحق
انا متزوج ولدي بنت عمرها 5 سنوات احب زوجتي وهي تحبني وتغار علي الحمدلله وضعي المادي جيد
الموضوع باختصار شديد قبل 2 سنتين كنت ذاهب لرحلة عمل ورجعت واخذت زوجتي وكنت اتصفح جوالها طبعا الرسائل والامكالمات الصادرة والواردة ممسوحة ذهبت لسجل المكالمات وجدت مكالمات بالساعة والنصف ساعة جن جنوني سألتها من هذا فبدت تقولي انها صديقتها صدقتها بالبداية وقلت لها طيب دقي بسمع صوتها قالت لا لان هذا جوال زوجها واخاف يرد علي ومستحية منه المهم كسرت الجوال وانا واياها شيل وحط وبالاخير قلت لها قولي لي منهو هذا وراح اسامحك واغفر لك فقالت انه شاب وسالتها ليه تسوين كذا قالت كنت طفشانه المهم تركتها الى بكره ووديتها لاهلها وقبل لاتنزل قالت لي انه الف بنت تتمناك ومن هالكلام , جا اليوم الي بعده ودقت امها وقالت تعال ابيك جيتها وحلفت لي بالله ان زوجتي الي كانت تكلمه صحيح انه ولد لكن يقلد صوت بنت وحتى قالت الام ان زوجتي جابت لها نفس الرقم وقالت لامها ان هذي وحده مسكينه واخطبي لها المهم اني حلفت الام وقالت انه هذي السالفة , رضيت على البنت ورجعتها ولكن الشك مازل يراودني في جميع تصرفاتها فقلت في نفسي يمكن البنت تكون صادقة والشيطان يحاول ان يفرقنا ولكن الي قاهرني اني سالتها وقلت لها ليش يا ام فلان يوم سالتك عن الاتصال الي صار في غيابي قلتي لي ان الي تكلمينه شاب مجنونة تبيعين شرفك كان قلتي لي السالفة الحقيقية ردت على وقالت اني كنت مرتبكة وتوقعت انك ماراح تصدق السالفة ومدري وش اقول وقالت انك يوم شكيت فيني انه شاب ووعدتني الي هو انا انك تسامحني قلت لك انه شاب , الشك مازال موجود قلت لها جيبي المصحف وحلفتها أيمان مغلظة وهي واضعة يدها على المصحف ان سالفتها صحيحة وانه فعلا ان الي تكلمه كان ولد يقلد صوت بنت وانه ماراح ترد ع رقم غريب ابدا ولا تكلم رجل اجنبي الا بحضوري وحلفت انها ماراح تسوي شي يغضبني من وراي ولاتخوني ودعت على نفسها ان الله يصيبها بأشد الامراض اذا سوت خلاف ذلك وان الله يفضحها لدرجة انها قالت الله يخلدني في نار جهنم ووالله لايحسن خاتمتي وووو ان كل كلامها صحيح وراح تنفذ الي قالته...

المهم مرت سنتين البنت حركاتها مريبة وتخليك دائما في شك في جميع اعمالها المهم رجعت من صلاة الفجر وقلت لها قوميني للدوام جتني وقالت لي انها ماراح تنام وراح تسهر حتى تقومني للدوام 7.30 قلت اوكي قمت 6.30 رحت لها للغرفة المجاورة وحصلت معها تلفون ثاني وجالسة تكلم شاب دخلت عليها وهي تضحك والله ماسويت لها شي في البداية انكرت ولا ارتبكت ابدا ولكن كشفتها بالجرم المشهود وقلت عطيني الجوال قامت وغبته داخل بنطلونها وانكرت الين اصريت انها تنزل بنطلونها وحصلت الجوال والله ماسويت لها شي ابدا سالتها ليش تسوين كذا قالت شبه منهاره وقالت انا عن نفسي مدري سويت كذا وقلت لها انتي انسانه خاينه وياويلك من الله سبحانه على حلوفك الكذابة .
خليتها بالبيت خذيت الجوال دقيت على اخوها قابلته وعلمته وش السالفة الي يقهر اني فتحت الجوال الي معه ولقيت رسايل لاكثر من شخص مو واحد .

صفاتها/
1 كذابة لدرجه كبيرة ولدرجة انك ماتحس انها تكذب
2 مخادعة غامضة
3 ماتفهم لما اقولها شي ماتنفذه ومهمله ببيتها وبزوجها لدرجة انها ماتتزين اذا جيت من الدوام مع اني اقولها وتحب الطلعات ولا تحب جلسة البيت
4 طيبه واذا زعلت عليها تتأثر
5 مؤدبة والي قاهرني ان ماعليها تصرفات صريحة تشك فيها لاكن عندها بعض التصرفات الي تؤدي للشك
6 مقصره بدينها وتعبت معها
7 غريبه غامضه

صفاتي/
1 طيب حنون رحوم على نياتي
2 حمقي
3 اعطيها الي تبيه وكنت بسفرها لكذا دولة خارج المملكة وبعد فترة بروح لدولة غربية
4 والله ماني مقصر معها بشي ولا اطلبها فوق طاقتها
5 محافظ على الصلاة


بس انا خايف من شي ولازم اعترف فيه اني اشاهد الافلام الاباحية وافعل العادة السرية وكم مره اقول بتوب لكن ارجع لها الشيئ ولي على هالوضع اكثر من سنة ونصف يعني من بعد السالفة الاولى مو لانها مقصره معي او شي واذا دقت علي بنت بالغلط ماعندي مشكلة اكون معها علاقة

افيدوني جزاكم الله خير

المصدر: نفساني

السلام عليكم ورحمة الله

أهلا بك أخي الكريم

يمكنكم التواصل معنا عن طريق البريد الإلكتروني

مع التحية ،،