حملة تقبل في الكويت

حملة تقبل في الكويت

سلام عليكم ورحمة الله وبركاتة

معاكم سارة اليوم انا حيل مستانسة فحبيت أكلمكم عن حملة تقبل وهي حملة لتوعية بالصحة النفسية في الكويت طبعا شنو هدف هالحملة هدفها انا توزع بروشورات واتسوي ندوات وجذي عن الأمراض النفسية الشهيرة من مثل القلق الاكتئاب ثنائي القطب الفصام واتعلم الناس عنها واتسوي ندوات في المجمعات وجذي المهم انا حضرت لهم في بداية مرضي كنت ابي اعرف شنو مرض الاكتئاب وكان مقدم الدورة محمد السويدان ابن الداعية المشهور طارق السويدان المهم قعد يمدح بمريض الاكتئاب وان الاكتئاب مرض سهل علاجة وان العباقرة صار فيهم اكتئاب وذكر اسمائهم المهم انا تشجعت منه حيل .. وانصح من في الكويت يتابع الحملة وتر هذا اكاونتهم في تويتر وانستقرام (Taqabal_kw) وقبل لا اختم في قصة قالها الدكتور محمد السويدان تبجي صراحة قال وحدة من المرضي عندي واهي رايحة اتقدم اجازتها عشان تتعالج من المرض النفسي جان زميلتها في العمل يقولون وخروا عنها هذي مو صاحية 😔 شي محزن وجود النظرة السلبية للمريض النفسي وبس

المصدر: نفساني

هي كذا اصلا المريض النفسي بمجتنعنا يفكرونه واحد اهبل ويمشي والسبب يعود الا انه اي خبر بالجرايد يقولون مريض نفسي اقتحم بنك، مريض نفسي يمشي عريان بالشارع، مريض نفسي قتل ابوه، مريض نفسي عمل كذا وكذا وكذا

وهذا بحد ذاته خلا الناس ما تبي تكلم مريض نفسي وبنفس الوقت خلت المريضين نفسيا ما يعترفون انهم مرضى نفسيين ... اي شي ولكن لا احد يقول عني مريض نفسي


شكرا لك اختنا وياليت زي كذا ندوات تصير عندنا

حلو الواحد يثقف نفسه الله يعيطهم العافية

المشاركة الأصلية كتبت بواسطة ماندوزا

هي كذا اصلا المريض النفسي بمجتنعنا يفكرونه واحد اهبل ويمشي والسبب يعود الا انه اي خبر بالجرايد يقولون مريض نفسي اقتحم بنك، مريض نفسي يمشي عريان بالشارع، مريض نفسي قتل ابوه، مريض نفسي عمل كذا وكذا وكذا

وهذا بحد ذاته خلا الناس ما تبي تكلم مريض نفسي وبنفس الوقت خلت المريضين نفسيا ما يعترفون انهم مرضى نفسيين ... اي شي ولكن لا احد يقول عني مريض نفسي


شكرا لك اختنا وياليت زي كذا ندوات تصير عندنا

هههههههههههههههههه صراحة ضحكتني مشكلة عاد الأمراض النفسية ونظرة الناس لها علي العموم انا ما يهمني رأي الناس فيني اهم شي رأي انا بنفسي وبس.

المشاركة الأصلية كتبت بواسطة الانسة سعادة

هههههههههههههههههه صراحة ضحكتني مشكلة عاد الأمراض النفسية ونظرة الناس لها علي العموم انا ما يهمني رأي الناس فيني اهم شي رأي انا بنفسي وبس.

ما احد مهتم برأي الناس

بس احنا للاسف واقعين بمكان وعايشين فيه بهالشكل وحقوقنا الانسانيه والاحترام كله مفقود ف تشوفي كل شخص مخبي على الناس مرضه

لما شركتي عرفت اني مريض نفسي قبل تتعلق وظيفتي قالو لزميلي يعني هذا خطر نخاف برمي نفسه بالماكينه


بالله وش رايك ،، تخلف قسم بالله

المشاركة الأصلية كتبت بواسطة ماندوزا

ما احد مهتم برأي الناس

بس احنا للاسف واقعين بمكان وعايشين فيه بهالشكل وحقوقنا الانسانيه والاحترام كله مفقود ف تشوفي كل شخص مخبي على الناس مرضه

لما شركتي عرفت اني مريض نفسي قبل تتعلق وظيفتي قالو لزميلي يعني هذا خطر نخاف برمي نفسه بالماكينه


بالله وش رايك ،، تخلف قسم بالله

لا انا قصدي مو الشركة تدري قصدي اهلي والمقربين وبس مو كل الناس

المشاركة الأصلية كتبت بواسطة الانسة سعادة

لا انا قصدي مو الشركة تدري قصدي اهلي والمقربين وبس مو كل الناس

انا كنت مضطر

عملت كل شي عشان ما اتعلق وارسلت تقرير بوضعي النفسي ،، هالحين مكتوب اضطراب القلق ورهاب الساح وهلع يقولون يرمي نفسه يعني عكس مرضي اصلا ،،، بس لانه من الصحه النفسيه وقرؤا نفسيه خلاص اتوماتيك جا ببالهم ما يكتب بالجرايد اليوميه ان اي احد يعمل اي شي يقولون مريض نفسي

الله يرحمنا برحمته

المشاركة الأصلية كتبت بواسطة ماندوزا

انا كنت مضطر

عملت كل شي عشان ما اتعلق وارسلت تقرير بوضعي النفسي ،، هالحين مكتوب اضطراب القلق ورهاب الساح وهلع يقولون يرمي نفسه يعني عكس مرضي اصلا ،،، بس لانه من الصحه النفسيه وقرؤا نفسيه خلاص اتوماتيك جا ببالهم ما يكتب بالجرايد اليوميه ان اي احد يعمل اي شي يقولون مريض نفسي

الله يرحمنا برحمته

الله يعينك اتمني اني ما انحط مكانك وبس

البعض يعتبر أننا مرضى نفسيين لأن ماعدن دين ولا إيمان ولا نصلي.
يشعر المريض أنه ساقط من عين الناس فتأذى
طبعا هذا غير صحيح

المشاركة الأصلية كتبت بواسطة الإحسان

البعض يعتبر أننا مرضى نفسيين لأن ماعدن دين ولا إيمان ولا نصلي.
يشعر المريض أنه ساقط من عين الناس فتأذى
طبعا هذا غير صحيح

بالطقاق كلام الناس ما يهمني

مشكوره على الاكاونت بتابعه ان شاء الله

انا من الناس اللي صارلي موقف شبيه لمن صار تقرير عندي من الطب النفسي زملائي وزميلاتي انصدموا مع انهم أطباء وطبيبات .. فعلا مجتمعنا محتاج توعيه

المشاركة الأصلية كتبت بواسطة رواية روح

مشكوره على الاكاونت بتابعه ان شاء الله

انا من الناس اللي صارلي موقف شبيه لمن صار تقرير عندي من الطب النفسي زملائي وزميلاتي انصدموا مع انهم أطباء وطبيبات .. فعلا مجتمعنا محتاج توعيه

بالضبط السالفة سالفة توعية وبس