|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
20-06-2009, 07:12 PM | #1 | |||
عضو جديد
|
اعصابي تعبانه
السلام عليكم ورحمة الله وبركاته
وشلونكم ؟؟ راح ادخل بالموضوع علطول مريت بظروف اسريه صعبه للغايه دفعت ثمنها غالي من صحتي ودراستي ونفسيتي دخلت في دوامة الاكتئاب النفسي وصلت لمرحلة المزمن وصلت لمرحله قررت العلاج كنت مواظبه على جلساتي وبعد 3 جلسات تقهقرت وتراجعت عن الانضباط بحضورها كنت اروح كل شهر صرت كل 4 او 6 شهور واحيانا اكثر احب الدنيا والروحه والجيه والوناسه وكنت طموحه الى مالا نهايه وعلى قدرها انصدمت وتحطمت سرت ما اداني فكرة اني بقوم والبس واطلع برا البيت كسوووووووولاااااااااااااااااا وزهقانه لابعد درجه الحين انا احاول اتخطى المرحله وتخطيت الكثير ولله الحمد ومنها اني تقربت من اخواني الصغار الي بعد ادفعو ثمن مشاكلنا الاسريه الحمدلله في تقدم كبييييييييييييييييييييييييييييييير لكن في كم شغله ماني قادره اتخلص منهم لا مع نفسي ولا مع اخواني ولا مع اهلي امي مدمنة عصبيه وصراخ وكل يوم امراضها تزيد وقلبي ينطفي انا مدمنة قلق وعصبيه ووحده (خصوصا العبيه).. انادي اخواني يطالعون معاي التي في .. وكلها ربع ساعه واطفش منهم وبعد مدمنة كسل..حتى نظافتي الشخصيه قمت اهملها كثير اختي واخوي في الابتدائيه اخوي خياله كذااااااااااب جداااااااااااا في الاول ظنيته كذب وبس لكن اكتشفت انه يغير بالاحداث لما يقولها لي حتى لو احصلت قدامي وطول مانيب ساكته هو مستمر ويستطرد ماكني شايفه كل شي قدام عيني لييييييييييييييين يعطيني ذاك الصارووووووخ الي يخليني اقولللله الفقه بس والمشكله انه مشالله عليه عنده قدره على السرد مره من المراريييييير قلي عن شغله صارت في مدرسته عيشني بوهم لربع ساعه وعليها وانا تحمست .. وكل سؤال مني له جواب عنده مشالله ليييييييييييين قال كلمه خربببببببببب الروايه كل ابوها وعرفت انه ماعنده سالفه حاولت كثيررر اساعده .. وكلمت اخواني الي حواليه يتعاملون مع الامر برويه..بس مازالت المشكله اختي تعاني من وحده فظيعه وكسل وكره للدراسه وحساسيه مفرططططططه جدا ودايم علبالها انه محد يحبها ولا يبيها ودايم لحالها خصوصا انه ماعندها احد كبرها وانا حاولت المستحيل عشانها لكن ماعاد تنفع تدخلاتي بينها وبين اهلي خصوصا انه مشاكل كثييييييييير قامت تصير بسبة هالشي حاولت اقربها من اهلي ماقدرت بصراحه..ما الومها..حملناها فوق طاقتها النفسيه انا قدرت اكسبهم والمهم بحضني وافتح معاهم قناة جديده لكن للاسف زادت حمولي..وتعبت من الكل اعيش حياه اسريه نفسيه مفككككككه وقاعده احاول اغيرها والله يساعد ما احس باستقرار نفسي ابد ولا قادره ارجع امارس اي وظيفه خصوصا اني مازلت اعاني من الاعراض الي قلتها والاكتئاب بالذات وبسبته جلست سنين بالجامعه يالله تخرجت واضربت عن الزواج خصوصا اني ابي الاستقرار وبس مع شخص يفهمني ويحترمني وماعاد عندي رغبه اني اكون ام اخااااااااف من الامومه.. اخااف من الزواج والشراكه ما عندي ثقه بالرجال ابد واحس انهم مرضا انانيه وانه الزوج راح يحطم كل طموحاتي ويتحكم فيني علطول احس انه لو تزوجت انسان زين ومهما حبيته .. اخاف اجيب منه عيال .. اخاف يربطونا طول العمر من غير رغبتنا اهلي حاولي يزوجوني بكل الطرق ابد...مابي احس انه الزواج ورطه.. حتى عصبيتي ومزاجي المتقلب ماعادو يساعدوني افتح بيت او اربي اطفال وبنفس الوقت سرت اخاف من اني اظلم عيالي او زوجي معاي خصوصا اني احلم بتكوين اسره متفاهمه ومنفتحه وجوها هادي خصوصا انه واقع مجتمعي يفرض على المره تتحمل زوجها لمالانهايه سواء ماكانت راضيه او ماكانت تحبه وانا غير تماما..ومقدر على هالشي .. وهبت حياتي لشغلي واخواني لكن ارادتي ماتت مع اني كنت موظفه ناجحه الحمدلله .. وحزت على ثقة المسؤوولات والعميلات وكنت استلم مهام اكبر من درجتي الوظيفيه وابدع فيها الحمدلله مااستمريت بالعمل .. جديتي بالعمل اتعبتني خصوصا لما يتعلق الامر بسلوك لئيم معاي من موظفه معرف اتعامل بذكاء ودهاء .. كله اكون صريحه واتعب وهم بعد كان عندي عوائق اسريه .. نفسيتي كانت تزيد البعد يوم عن يوم بيننا المصدر: نفساني
|
|||
|
20-06-2009, 11:43 PM | #2 |
الرئيس
الرئيس
|
أختي الكريمه
لكي تحصلي على الإستشاره اللازمه ، يجب ترتيب افكارك ،،، ولا تخلطي بين مشاكلك ومشاكل اخوانك ،،،، ياريت تبدأي من جديد ، وتكتبي مشكلتك انت شخصيا التي تعاني منها ،،، ولا داعي لأخوانك بالبدايه ،،،، اسردي لنا ما تعانين منه انت شخصيا اولا ،،، مع ذكر العمر ، دراستك ، متى تخرجتي ، كم سنه عملتي ، متى تركتي العمل ،،،، بانتظار ترتيب افكارك ،،، |
|
28-06-2009, 07:51 AM | #3 | |
عضو جديد
|
اقتباس:
تفكيري مشتت..غير قادره على التركيز .. مدري اشلون ارتبلك افكاري .. سريعة الانفعال .. كثيرة النوم .. ملوله جدااااااااا .. غير قادرة على التكيف السريع خصوصا بالبيت اكره القيود .. ما ادخل بالزحمه ولا اتحمل المكان المقفول .. متنفسات اخواني ووناستهم بغرفتي وانا احب العزله وغرفتي هي المكان الوحيد الي ارتاح فيه والملم شتاتي فيه وقمت ما اتحمل وجودهم فيها .. خصوصا اني متعوده على الوحده وهالشي قام يعكس تعاملي معاهم .. سرت عصبيه عليهم زياده عن اللزوم ونكديه احيانا خصوصا انه قلبي ضعيف معاهم .. وممكن ارجع اقدم تنازلات تخليهم بصراع كل ماحاورت امي بأمرهم صارت مشكله ماعندي قدره على التعامل مع امي بصبر طويل خصوصا انها عصبيه جدا وعنيده بالرغم من طيب قلبها لكنها مازالت تعاني من رواسب ومشاكل الماضي..خصوصا انها مرت بمعاناة كثيره حاولت اتقرب لها واساعدها ماقدرت بكل بساطه >> اعيش حياه اسريه مفككه جدا من الناحيه النفسيه رغم وجودي مع عائلتي كلها ببيت واحد |
|
|
28-06-2009, 08:16 AM | #4 |
عضو جديد
|
عمري 31 ..
تدربت شهر وعملت اقل من 10 شهور واستقلت هالكلام من اكثر من سنتين .. مابعد تخرجت من الجامعه .. اوقف وارجع وهكذاااااا |
|
29-06-2009, 01:04 AM | #5 |
الرئيس
الرئيس
|
الأخت الكريمه
كنت أتمنى لو أنك تابعتي العلاج ،، من المؤكد أنك كنت ستتغلبين على الكثير من المعاناة التي تعانينها ،،،، سأعود إليك إن شاءالله غدا ، وستجدي ردي ،،، |
|
29-06-2009, 06:08 AM | #6 |
عضو جديد
|
اتمنى اكمل العلاج
لكن افقد اعصابي عند الدكتور وانفعل بالكلام واسير عصبيه وافكاري مشتته وكلماتي مبعثره وصوتي عالي وهالشي يخليني اتردد في الروحه مره ثانيه مع اني اعتذرت ووضحتله انه تصرف مايعجبني وخارج عن ارادتي لكن ماني قادره اتغلب عليه الشي الثاني اني اشعر بخمول من يوم احس اني بطلع من البيت مهما كان نوع المشوار واكتئب وماارتاح لين اكنسل المشوار خصوصا انه المواصلات نوعا ما صعبه عندي 3- انا ماني مداومه عالجلسات لكني مازلت مداومه على الادويه لي اكثر من سنه .. وان ماقدرت اكمل جلسات راح اكنسل الادويه .. خصوصا اني سبق دخلت بدوامة الادويه قبل 6 سنين وبالكاد تخلصت منها .. ومابي ارجعلها |
|
07-07-2009, 03:01 AM | #7 |
عضو جديد
|
اخوي حوراني..
وضحتلك اني اشعر بشلل نفسي اذا حاولت اطلع من البيت وارجع اكنسل المشوار سواء لظروف نفسيه او اكتئاب او معوقات اسريه من كم يوم رجعت للطبيب لكن للشديد القوي ويالله رحت..اسحب ارجولي تسحب لكن حصل العكس .. عجزت اتكلم حسيت بغصه وكان عندي عجز فظيع بالتعبير .. حسيت بتسارع افكار وتضخم بمخي وانطق كلمه واوقف عشر وعلى عكس العاده .. مشالله انطلق وما اعطي الطبيب فكه لكن قمت احس العكس كله يسأل وانا كله ملتزمه الصمت وعيني كله على تحف المكتب مقدر احط عيني بعينه وحسيت بلخبطه وقلة ثقه بالنفس مع العلم انه طبيب ممتاز وحليم واب فاضل للمريضه لكن ماشعرت بتجاوب كالعاده وعندي رغبه بالمواصله لكن ماعندي قدره على التعبير والتركيز ولا اعرف احطله اولويات علشان نتكلم فيها حاولت الكتابه فشلت .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|