نوبة هلع بعد هدنه استمرت شهوووور طويله

نوبة هلع بعد هدنه استمرت شهوووور طويله

مرحبااا كيفكم ... اليوم جاتني نوبة هلع قوووويه وعنيفه بس الحمدلله قدرت اتعامل معاها ومابينت شي كنت اتعشى مع زوجي مديت يدي ابي اكل ويجيني احساس فضيع اني بموت وحراره بجسمي والله يااخوان ولدي كان جالس بحضني شوي وارميه من الخوف بس الحمدلله عدت ع خير ... مااخليت زوجي يلاحظ ..بس الغريب ايش اللي رجعها ثقيلة الدم هذي DSSDDSDS

المصدر: نفساني

ما تشوفين شر اختي ام شجاع

أختي أم شجاع يمكن أنك تقولين كيف الشخص هذا يشخص حالتي بس من خلال ما أقوله الاعراض وراح اقولك اللي فيك وإذا ما كان تشخيصي لحالك صحيح والله ثم والله ما عاد اكتب بالمنتدى وأعتبري كل الكلام اللي كتبته في مواضيعي كلام فاضي .
وللمعلومية أنا ما نزل علي الوحي وقعدت اقول لكل واحد وش فيه لكن من واقع تجربه ومعاناة مريت فيها الى يومك هذا الله يأجرني عليها ويكفر عني سيأتي ويكشف بها ضري وضركل مسلم وتشخيصي لحالك :-

من الناحيه النفسيه
ما فيك الا العافيه ما شاء الله تبارك الله

ومن الناحيه الجسديه انتي تشكين من :-
1- التهاب في جدار المعده .
2- تهيج في القولون عصبي يسبب دوخه عدم اتزان عدم القدره على المشي سرعه بضربات القلب حرارة في الجسم الام في جميع الجسم لأن أكثر الاعصاب فيه وعلشان كذا اذا تهيج يلعب بالدماغ وتبدا الاشارات تضرب غلط مره كذا ومره كذا .

3- لا تاخذي فحص الجرثومة راح يقولون خوذي قولي انا ما احتاجه بما اني اباخذ منظار راح يبين اللتهاب اللي في جدار المعده بالمنظار ولا تقعدين طول عمرك كذا

و إذا اخذتي المنظاااااااااار لا تاخذينه الا عند دكتور شاطر معروف ولا تخلينه ياخذ عينه من المعده لأني مجربها متعبه جدا ً بس قولي له ابغاك تشوف فيني التهاب بالمعده او لا .

وسمعت يقولون فيه حبه كبسوله المنظار مثل الحبوب اللي نا كلها يبلعها الواحد وتصور البطن كله ما يحتاج منظار لأن ما كل دكتور شاااااطر بالمنظار بعضهم اعوذ بالله سواق شاحنه ما يدري وين الله حاطه وبعضهم ما شاء الله تبارك الله بس بنج اسنان تبلعينه ويسوي المنظار وأنا ما أفضل الواحد ياخذ بنج كامل لأنه احتمال يجرحك ولا تحسين فيه الا بعد ما تقومين من البنج لكن اذا كنتي صاحيه توجهينه . وفيه دكتوره ممتازة في مستفشى الحبيب يمدحونها استشاريه باطنيه على طريق الملك فهد بالرياض اتوقع انها مغربيه او تونسيه .

وأتمنى تشوفين ردودي في المواضيع اللي انا كاتبها في الملتقى هذا على الاشخاص ويوم فحصوا طلع كلامي صحيح وفي بعد ملتقى اصحاب الوسواس شوفي نفس الموضوع كاتبه وردي عليهم ويوم فحصوا تبين ان عندهم نفس المشكله .

ولا يضيق صدري انا
الا أنا نشكي من الآم والناس الا غصب هلع وسواس رهاب اكتآب
وفيه قصه حبيت اقولها لك جاني دكتور صديق لي يقولي انت وش انت خايف منه ومن شدة الآم اللي تجيني قلت خايف من الموت ومن عذاب الله قال كلنا نبي نموت الموت ما يخوف
ومن اليوم الثاني شفت الرجال طاير لصيدليه يوم جاء قلت له سلامات قال بي حساسيه ذبحتني قلت طيب عادي وش انت خايف منه قال ياخي بغيت اموت قلت ما شاء الله عليك حلال عليك وحرام علينا نشكي .

وأسأل الله العظيم رب العرش الكريم أنه يشفيني ويشفيك ويشفي كل مسلم

سلامتك ام شجاع دائما نوبه الهلع تاتي تقيله بعد غياب هههه لاتفكرين فيها وانسيها وعيشي وقتك ويومك

ماتشوفين شر يام شجاع انا ملاحظ حاجه مادري انتي تلاحظينه ولا انا اشوف فيه
علاقه بين المناخ والاعراض اللي فينا
يعني الخروج من فصل والدخول بفصل تزيد الاعراض عندي انتم مثلي ؟

مشكورين ع الردود والله يشفيكم جميعاااا ...اخوي ربي يحبك اسأل الله ان يحبك ربي ويحبب خلقه فيك ...انا صدق احس القولون عندي متعبني ونزل ووزني الفتره الاخيره واكلي مررره قليل مع اني ابذل مجهووود بالدوام ماادري ليه .. مااحس بجوع احس معدتي منفوخه ومليانه .. والله احس اني اذبل مع الايام ارهاق وشغل وولدي صغير يبي رعايه احس طااقه مااعندي

مشكلتنا جميع يا ام شجاع
صار لي فترة ارتحت من عدم الانتظام بالقلب والخفقان والتعب والدوار
ورجعت لي الالام من كم اسبوع
والاسبوع هذا تزايدت بالذات الدوخه..حتى انها صحتني من نومي امس وكاني بموت،ورحت الطواري،وانا بالطريق فكت وراحت الدوخه
الغريب ان المرض احيانا يجيني مع طاريه
لان عندي بعد اسبوع فحص سبب الدوخه عند استشاري قلب، صارت اغلب مشاكلي دوخه

واوجه كلامي للاخ ?ربي يحبك شتنصحني ،الدوخه هذي تخوف حتى صاحبي وهو طبيب عام سوداني حسيته قلق معي
بس الغريب ان عندي اسهال وغازات وثقل بالصدر ترافقت مع الانهاك والدوخه

أسأل الله العظيم رب العرش الكريم انه يشفيني ويشفيك وكل مسلم
الله يعين بس اخوي طبطب أنا ماني طبيب لكن والله أني مثلكم وأنا لي عدة سنوات اعاني من المعدة والقولون ومازلت اعاني الى يومك هذا احس بأشياء ما يعلمها الا هو ولا قلت لهم الكلام هذا اللي لأني احس باللي يقولون مو زي الدكتور يقرى لك من كتاب ويطبق على المريض والمثل يقول اسأل مجرب ولا تسأل طبيب
وأنا اقول اللي فيك قولون عصبي والله اعلم أسأل الله بمنه وكرمه أنه يشفيني ويشفيك وكل مسلم

اخوي ربي يحبك...اللهم امين
لكن المرض ليس من السهل تشخيصه..والاطباء احيانا قد يكونون غير مهتمين بالقدر الكافي,فغالبا يرون المريض مجرد رقم وفحوصات ولعل بعضهم لم يمرض في حياته كلها
اضافة للنقص الطبيعي في المعلومات..فالطبيب ليس عالما بكل شيء وهذه الامور من الصعب تشخيصها.......,والله ييسر لنا طبيب شاطر

لكن ايضا انت تجزم بأن هذا الامر مجرد التهاب معده..وهنا اشعر انك بالغت....خاصة انك لست مجرب, والدليل انك مازلت تعاني
فلو انك مرضت سنوات..ثم استعملت علاجا وشفيت تماما ولم يعاودك المرض فترة طويله ............فنعم تستطيع ان تتكلم عن تجربتك بثقه وسيستفيد الاخرون من تجربتك
لكن طالما انك مازلت تعاني..فأشعر انك استعجلت بجزمك
وبعد عدة اشهر سيتو جه تفكيرك لأمر آخر وهكذا

شفانا الله واياك
الامر متعب,والاطباء احتارو وقلقو معنا بدليل انهم يعطونا مواعيد لمزيد من الفحوصات,

وان كان الجانب النفسي له دور...وانا متأكد من ذلك
اما كيف فلا اعلم
اما لماذا تأكدت...فلان المرض(الجسدي من خفقان وانهاك وخمول وحتى عدم انتظام ضربات قلب وكتمه) تذهب احيانا بسبب طمأنينه او قوة عزم تأتي بشكل غامض
كما ان الاعراض او بعضها تعود ايضا بسبب امر نفسي,حتى لو بالعقل الباطن وبشكل غير محسوس

والمشكله ان الامر النفسي لايؤثر بشكل دايم وواضح, وهذه المشكله والتي تحيرنا,وايضا تقلقنا ان المشكله قد تكون جسديه وليس مجرد نفسيه

اخوي طبطب الاوان

الشي الأول :
لو تقرا كلامي انا قلت لك لي سنوات وأنا اعاني من المعده والقولون وليست ايام او اشهر وانا ما قلت الكلام هذا الا من واقع تجربه الى يومك هذا .

الشي الثاني :
أنا يوم شخصت عدة حالات ولو تشوف ردودي عليهم كلهم نفس الاعراض ونفس المشكله ولا جتهم الاعراض هذه الا عقب التهاب المعده والقولون لكن ما دروا الا يوم فحصوا وتأكدوا اتمنى تكون فهمتني .

الشي الثالث :
اخوي العزيز أنت بأمكانك تتأكد من كلامي من خلال الفحص عن طريق المنظار وش انت خاسر واذا ما طلع عندك شي قل ما عندي سالفه وبينا الاخوان اللي في المنتدى .

الشي الرابع :
اللي فيك اللتهاب بالمعده والقولون وبيني وبينك المنظار هو اللي يفصل بينا واذا طلع ما فيك شي والله اعتبر مواضيعي كلام فاضي .

الشي الخامس :
ابغى أسال أي واحد سواء زائر او عضو في المنتدى يشكي من المشاكل هذي نغزات ودوخه وكتمه وضيق بالصدر ووسواس و ورهاب صداع ورعشه وأكتاب وراح وفحص وما طلع عنده التهاب بالمعده والقولون ومستعد بأي شي تبغونه لكن بشرط مثل ما قلت اللي يشكي من الاعراض هذي يروح ويفحص بالمنظار واذا ما طلع كلامي صحيح اضرب بكلامي عرض الحائط وقل كلامي فاضي . واطالب انا مو انتم مراقب المنتدى انه يحذف مشاركاتي كلها اذا كان كلامي مو صحيح .

الشي السادس :
انا يوم اقول لكل شخص في مشكلته ابيله الخير ما ابي الاطباء النفسيين يلعبون عليه ويصروفون له علاجات هو بغنى عنها لأنه اذا طلعت فحوصات الدم سليمه قالوا مرض نفسي فهمت ومن غباهم انهم ما يطلبون من الشخص يفحص المعده والقولون لآن المعده والقولون محايطات بخلاياء عصبيه هي اللي تأثر على عمل الدماغ وتسبب الامور هذي.

الشي السابع :
انا ما أمنع ان الواحد ياخذ علاج نفسي بس لازم معه علاج للتهاب المعده والقولون حتى متى ما راح اللتهاب راحت كل الاعراض اللي يشكيها الشخص لكن اذا اخذ علاج نفسي راح يخلي الدماغ يرجع لطبيعته واللتهاب راح يزيد وبالحاله هذي اذا وقف العلاج ولا زايد اللتهاب في المعده والقولون والاعراض راح ترجع اشد من قبل ويروحون لم الطبيب النفسي يقولون يا دكتور زاد الالم عقب ما تركنا العلاج وهو يقول عادي هذي اعراض انسحابيه ما درى الله يسامحه انه ما عالج المشكله قاعد يكبرها بحيث انه قاعد يصرف علاج يرجع عمل الدماغ لطبيعته ولا صرف علاج للمشكله نفسها اللي مخليه الدماغ يضطرب وهي التهاب المعده والقولون اتمنى تكون فهمتني اخوي .

الشي الثامن :
ترانا اتفقنا انك تروح وتفحص بالمنظار للمعده والقولون وتبلغنا وش طلع فيك وتتأكد من صحة كلامي .

ولك فائق التحيه والاحترام ،،،،،

سلامتك ام شجاع حتى انا هالايام متلخبطه اموري خوف وضيقه ودوار ... ويصاحبه نغزات وانتفاخ وامساك بالقولون ... وانا مع اﻻخ ربي يحبك فعﻻ اذا هاج عندي القولون رجعت اﻻعراض عندي .... فيه مثل يقول المعدة بيت الداء ... حاسه كل مشاكلنا من الباطنيه ...

اخوي هادي فعلا انا مع تغير المواسم تزيد معي الحاله ماني عارفه وش السبب!!

بخصوص البطن والقولون علاجها سهل وهو :
الصيام .. حمية غذائية .. عسل "السمره أو السمر" .. الرياضة

بركز كثير على العسل .. والاخص منه عسل السمر لأنه هو المتخصص بالجهاز الهضمي
عكس السدر فهو متخصص للصدر والجسم بشكل عام , وانواع العسل الاخرى تختلف عن بعض
البعض يحسبون العسل واحد وياكل منه ولا يستفيد والسبب انه يجهل انواعه

الشيء الاخر لابد من وضع برنامج ديني ثابت بشكل يومي مثل :
(( صلاة الفجر - القران - الاذكار - الضحى - الظهر - العصر - صلة الرحم - حسن الخلق - الصدقة - المغرب - الاذكار - العشاء - الوتر ))

يا اخوان ويا اخوات الادوية نعمة من الله .. بس اذا ما صار معها تغيير سلوكي وهمة عالية مجرد ترك الدواء بترجع الاعراض مره ثانيه

إن الله لا يغير ما بقوم حتى يغيروا ما بأنفسهم

ربي يحبك.. والله حتى احنا نحبك
ونحب اللي امثالك يحبون الخير للناس ويبون يساعدونهم ويقدرون ظروفهم المشابهه لهم
وباذن الله راح اسوي فحص معده وقولون بالمنظار

بس انت قلت التهاب؟؟
هل في مرض اسمه التهاب معده؟؟.. لاني فعلا ماني عارف

وهل انت شخصيا سويت فحص معده وقولون.....؟... وش طلع عندك؟؟........ومانوع العلاج اللي وصفوه لك ومن متى..؟ وما قدر فايدتك منه..؟

.....------------.......

باكي الشعر
اليوم سأحاول اشتري عسل سمر.. بس ياليت تخبرنا عن تفاصيل الاستخدام

طريقة الاستخدام تختلف من شخص لشخص وكل الطرق صحيحة حتى لو اخترعت طريقة من عندك لأنه لم يثبت اكل العسل على الريق او قبل النوم او قبل الاكل او في اي وقت
كلها اجتهادات شخصية .. المهم ان العسل يكون اصلي

بعض الطرق :
ملعقة على الريق مع سبع حبات سوداء "حبة البركة" مع ماء زمزم + ملعقة قبل النوم مع ماء زمزم

او :
ثلاث ملاعق باليوم قبل الاكل بنص ساعه مع ماء زمزم

المهم تقرأ عليه "رقية شرعية" بنية الشفاء وعلى الماء ايضاً وكذلك تأكله بنية الشفاء

===

اذا قدرت تدبر غذاء الملكات مع السمر افضل وافضل
فيه فوائد عظيمه

اخوي العزيز العضو طبطب الآوان
سؤالك الأول :
تقول فيه مرض اسمه التهاب في المعده والقولون حاب اقولك كلمة التهاب تعتبر مرض مثل اذا قلت لك الواحد فيه التهاب اللوز او عندي التهاب في الاسنان يعني فيه التهاب اسمه التهاب اسنان ومشكله مسببه اللتهاب في الاسنان ولازم الواحد يعالجها اتمنى وصلت المعلومة .

سؤالك الثاني :
تقول سويت منظار
نعم سويت فحص بالمنظار للمعده والقولون وحاب اقولك ابحث عن دكتور شااااااااااااااااااااااااااااااااااااطر مو سواق شاحنه لأن فيه منظار اخذته عند دكتور تمنيت اني ما اخذته لعب فيني لعب والحمد لله قال راح ابنجك قلت لا ياخي حتى اذا جرحتني احس واعلمك قال مكيفك اقسم بالله لو يقولون تاخذ عنده منظار ونعطيك مليار ما اخذ وفيه دكتور والله ما اخذت عنده الا بنج اسنان بخه في الفم وقال ابلعه ولا حسيت فيه لذلك احرص على دكتور شااااااااااااااااااااااااااااااااااااااااااااااااط ر
ولا تخليه ياخذ عينه من المعده قل بس ابيك تشوف بالمنطار فيه التهاب او لا لأن العينه توجع صراحه تألمت منها .
وسمعت فيه كبسولة المنظار مثل الحبوب اللي يا كلها الشخص وتصور بطنه كله من المري الى نهاية القولون سمعت انها في مستشفى الحبيب تغنيك عن المنظار وبأمكانك تشوفها اكتب باليوتيوب كبسولة المنظار وراح تطلع لك .

سؤالك الثالث تقول وش طلع عندك

أنا كلامي هذا وش يتكلم عنه طبعاً التهاب المعده والقولون والاعراض اللي تحسون فيها اقسم بجلال الله اني احس فيها وراح تقول طيب يمكن الاعراض اللي عندك ما هي من المعده والقولون حاب اقولك من يوم اصبت بالتهاب المعده والقولون بدت الاعراض تجيني دوخه صداع عدم القدره على المشي الم بالقلب وجع بالظهر والرجلين واليد اليسار هلع وسواس الموت وأي شي يخطر في بالك كلها حقيقه بسبب اللتهاب المعده والقولون اللي اثرت على الاعصاب اللي تغذي الجسم والدماغ وشي لو اقعد اذكره راح تحمد ربك والله العظيم ما صبرني الا أن الدنيا جنة الكافر وسجن المؤمن ولا فيه نبي جاء للدنيا الا واصيب يعني منا بأفضل منهم وفيه ناس عندهم شي اشد منا أسأل الله العظيم رب العرش الكريم انه يشفينا ويشفيهم وكل مسلم والحمد لله لو الواحد يفكر يوم كان متعافي وش كان يطمح فيه اكيد يقول ابي قصر ويكون فيه احسن اثاث ولو يبي يمر على بيته الحقيقي اللي هو القبر ويسأل نفسه وش قدم لبيته الدائم القبر الآخره ماقدم شي ومن محبه الله انه بلاناء بالمرض لأنه يحبنا ويبنا نعمل للبيت الحقيقي علشان يجازينا خير الجزاء .

سؤالك الرابع تقول وش العلاج اللي اخذته واستفدت منه

ما ودي اضيق صدرك وصدور اخواني وخواتي لكن فيه ناس استفادت من العلاجات الطبيه وفيه ناس ما استفادت من العلاج لأن تركيبه جسم كل شخص تختلف عن الثاني:-
والناس انواع :
طبعا ً فيه ناس استخدموا جميع العلاجات ما استفادوا تدري ليه لأن اللي جاهم بعد إرادة الله يكون بسبب عين او سحر ويمكن تقول عين كيف انا اقولك ارجع بفكرك من أول ما حسيت بالألم هل كنت معزوم عند ناس او فيه احد دايم يوصفك بأي شي مو شرط في الآكل في شي مميز فيك سواء في عملك او اكلك او شكلك او سعة صدرك او ذكائك أوووووو
ومن تذكره حاول تاخذ الآثر منه تعزم الاشخاص اللي تشك انت فيهم ثم تبدا بعد فتره تقرا على ترقي نفسك وتقرا الورد والقران لأن العين تختلف فيه عين يبيلها وقت طويل وتروح لأنها ما تكون من الشخص تكون من القرين اللي في الشخص نفسه وبالنسبه للسحر تقرا على نفسك كل يوم حتى يزول وراح يزول بأذن الله وللعلم الورد والقرآن لازم يداوم عليه الشخص في جميع الحالات لأنه شفاء

- وفيه ناس استفادوا من العلاج على طول وعلاجات التهاب المعده معروفه وكل شخص يختلف عن الثاني يمكن واحد من العلاجات هذي يصلح معه وهي :
1- نكسيوم فيه جرعه عشرين وفيه اربعين على حسب شدة اللتهاب .
2- بنتازول فيه جرعه عشرين وفيه اربعين على حسب شدة اللتهاب .
3- ترابوزول فيه جرعة عشرين وفيه اربعين على حسب شدة اللتهاب .
4- باريت فيه جرعات ما ادري كم لكن على حسب الحالة .
لذلك فيه شخص يناسبه النكسيوم مثلاً يمشي معه وفيه ناس يمكن يمشي معه البنتازول ااااااااااااااااااااااااااااااااااااالخ.

اما التهاب القولون فيه انواع كثيره وما اذكر منها :
1- الدسبتالين 200
2- البنتازا او البنتاسا .
ولازم علاج نفسي مع علاجات اللتهابات هذي حتى يهدي الجسم ويخليه يعمل طبيعي كأن الشخص ما فيه شي ومن يوم يروح اللتهاب خلاص يترك العلاج النفسي لكن لو يستخدم العلاج النفسي الحاله ما راح يستفيد شي راح تزيد عليه الاعراض يعني اللي جاه نقص وزن بسبب القولون ياخذ سيروكسات 20 حتى يزود وزنه ويخلي الجسم يعوض العناصر اللي فقدها بسرعه واللي عنده زيادة بالوزن ياخذ ليبرالكس نص حبه اسبوع وبعد اسبوع حبه لمده معينه ثم يقطعه بالتدريج .

- وفيه ناس استفادة من الحميه وانا اقولك كل شخص يختلف عن الثاني أي شي تاكله وتحس انه يتعبك ابعد عنه وفيه اشياء معروفه تلعب بالبطن ولو تبحث بالنت راح تلقاها مكتوبه اللي هي اكلات المطاعم والفطاير والزيوت وشرب الدخان والبهارات الحارة واي شي فيه خمائر يزود عليك الحموضه والمشروبات الغازيه .

وسؤالك الخامس عن حالتي
انا أعاني من سنوات الى يومك هذا وأقسم بجلال الله اني بحاله ما يعلمها الا الله وكل مازادت علي الآم قعدت ادعي ربي يخفف الآم عني واللي ما جرب المعده والقولون يقول هذا عادي لكن لو يجرب يوم واحد والله ان يعرف ان الله حق تخيل جميع الاعراض تجيك دوخه وصاع وتنميل الم ظهر مرة يزيد نبض القلب ومره يقل ومره يسببلك الم بالقلب نفسه و الم باليد اليسار الم بالبطن وجع رجلين الم بين الكتوف ووووووو غيره لكن مثل ما قلت راحت البال والعافيه مو بالدنيا بالآخره اسأل الله انه يكشف بها ضري وضر كل مسلم اللهم آمين ومن فرج كربه عن مسلم كربة فرج الله كربة عنه في الآخره ويمكن تشوف اني اكتب ردود ي على الاخوان نفس الكلام اللي اكتبه الحين لأن فيه بعض المرضى لو تقول لها ما لك راس تصدق على طول فما بالك عاد اذا راح لم الدكتور اللي يتفلسف على بال ان عنده سالفه و يخليه يطلع من عنده بصيدليه كامله واخر شي يطلع المريض اسوء من قبل ما يخاف الله اهم شي الفلوس حسبي الله ونعم الوكيل عليهم ومشكلة المرضى معروفه اللي هي اللتهاب المعده والقولون بس عاد العلاج مثل ما قلت اللي تنفع مع الكثيرين .

و حاب اذكر قصه عن العسل بما ان اخوي العضو باكي الشعر ذكر العسل

وهي اني ذهبت عند شخص عنده مناحل يقول لي عليك بالعسل الاصلي الاصلي الاصلي الاصلي مو المغشوش اللي راح يزيد من الحالة يخلي حالك اسوأ ويقول ترا العسل أنواع فيه سدر وفيه طلح وفيه سمر وفيه برسيم وفيه زهور كل شخص وحسب جسمه فيه ناس من يوم يا كلون عسل السدر يتأثرون و يتعبهم وهذا يدل على انه ما يناسبهم يعني المفروض انك تشوف العسل اللي ما يتأثر منه جسمك ويتعبك ويقول لي لا تصدق أي واحد الا واحد تعرفه او واحد تشوف المناحل عنده.

وهذا كلام اخوي العضو باكي الشعر
بعض الطرق :
ملعقة على الريق مع سبع حبات سوداء "حبة البركة" مع ماء زمزم + ملعقة قبل النوم مع ماء زمزم

او :
ثلاث ملاعق عسل باليوم قبل الاكل بنص ساعه مع ماء زمزم
واستخدام زيت الزيتون الاصلي

المهم تقرأ عليه "رقية شرعية" بنية الشفاء وعلى الماء ايضاً وكذلك تأكله بنية الشفاء


وأحب اذكر للإخوان الكلام هذا يعني ماراح ارجع وأعيد الكلام مو والله تغلي لا والله تعبت من كثر ما اعيده وأتمنى أي شخص عنده أي استفسار يرجع لمواضيعي والحوار اللي اكتبه للأشخاص صدقوني راح يلقى الجواب الله يشفيني وياكم وكل مسلم اللهم آمين .