اخوي احمد عطالله

اخوي احمد عطالله

ياااخي قرأت مو ضوعك كلامك محبط للغايه .. انت كذاااا خليتنا نيأس من الحياه وماندور علاج ياااخي حرام عليك ... ماادري من وين جبت هالكلام واذا فرضا كلامك صحيح
.. الله رحيم بعباده يعني نجرب الموووت اكثر من عشرين مره بالسنه ياااخي قول شي يخلي الواحد عنده امل ... حسبي الله ونعم الوكيل

المصدر: نفساني

يعني كل اللي ماتو جت لهم نوبات هلع قبل !!!
ابوي مات ماجت له نوبات هلع !!
وبعدين علم كل شي عند الله وحده

اختي ام اشجاع طنشي الكلام اللي قريتيه
وخلي الامل بالله فقط هو وحده عالم الغيب


انا حقيقه اسجل خروج من المنتدى
لان قاربت اتخلص من الحاله وماعندي استعداد للاحباط من جديد

اختي أم شجاع ما قدامك الا العافيه ان شاء الله

مثل ما قلت لك والله اللي فيك اختي التهاب في جدار المعده وتهيج في القولون فقط

روحي اختي أم شجاع واقري ردي على موضوعك السابق زين وأنا مستعد لأي شي تتطلبونه مني اذا كان كلامي مو صحيح بس اتمنى تقرين ردي عليك زين اقسم بالله العظيم ان ما فيك الا اللي قلت لك روحي اقريه الحين ومستعد انا اعطيك أو اعطي أي شخص شخت حالته ولا طلع معه نفس اللي قلت له اللي يبيه أنا منا بمثل الناس اللي تخرص في تشخيص الواحد والله لو ما عندي علم بالشي ما اقوله لو على جثتي لكن اللي اعرف واثق منه اقوله .
وبأذن الله مشكلك سهله لا تخافين بس
وبالنسبه لموضوع اخوي احمد انا راد عليه اتمنى تكونين قريته ولك فائق التحيه والاحترام

اخونا احمد ردينا عليه بموضوعه..
هو يحب يتفلسف ويرص شوية كلام ليطلع بنظريات جديده,دون ان يعتمد على قواعد علميه, بل مجرد رص كلام
انا اعاني من هذه الحاله منذ 16-17سنه, ومع انها مازالت تخيفني, لارتباطها بالقلب مباشرة
الا ان الاعمار بيد الله
مازلت غير متأكد اهي حالة هلع, ام مشكله داخليه بالمعده والقولون كما يقول الاخ ربي يحبك, اومشكلة قلبيه كما يؤرقني ويقلقني
ولا استطيع الاطمئنان الا بعد الشفاء الكامل..ورحمة ربك قريب من المحسنين

اخوي طبطب الآوان

أنا مراهن على ان اللي عندك اللتهاب في المعده والقولون هاه رحت فحصت والا لا ومثل ما قلت لك ابحث عن دكتور شااااااااااااااااااااااااااطر ولاتخليه ياخذ عينه من المعده قل للدكتور بس ابغاك تشوف المعده فيها اللتهاب ولا تخليه ياخذ عينه من المعده تألم وبعد فتره خذ على القولون
ومتأكد انك راح تنظم للاشخاص اللي شخصتهم وطلع فيهم اللتهاب في المعده والقولون لكن ابيك تقولها انت بنفسك بعد ما تفحص


وثق تمام الثقه أي واحد يجيه نغزات قلب خفقان مفاجئ الم باليد اليسار مع حرارة دوخه الم بمنتصف الظهر وسواس الموت رهاب اكتآب الم وحرارة بالبطن وانتفاخ وامساك مزمن نوبات هلع رعشه نقص وزن زيادة حموضة بالمعده ووووووووووووووا كلهم عندهم اللتهاب في المعده والقولون
وكل الاخوان اللي في المنتدى 90% عندهم اللتهاب في المعده والقولون بس مشكلتهم انهم يفحصون الدم لكن اهم شي اللي هي المعده والقولون ما يفحصونه .

ومثل ما قلت لك
انا منتظر نتيجة فحصك علشان تشوف كلامي وتقول للأخوان ترى الرجال ما عنده سالفه اذا ما طلع تشخيصي لحالك صحيح

اخوي ربي يحبك ماااقدر اسوي منظار لاني اخاف منه انا ممرضه ومره امي عملت المنظار عندنا بالمستشفى انا كنت مع الدكتور اللي عملها للوالده والله بغت تموت

ما تشوفين شر اختي ام شجاع

أختي أم شجاع يمكن أنك تقولين كيف الشخص هذا يشخص حالتي بس من خلال ما أقوله الاعراض وراح اقولك اللي فيك وإذا ما كان تشخيصي لحالك صحيح والله ثم والله ما عاد اكتب بالمنتدى وأعتبري كل الكلام اللي كتبته في مواضيعي كلام فاضي .
وللمعلومية أنا ما نزل علي الوحي وقعدت اقول لكل واحد وش فيه لكن من واقع تجربه ومعاناة مريت فيها الى يومك هذا الله يأجرني عليها ويكفر عني سيأتي ويكشف بها ضري وضركل مسلم وتشخيصي لحالك :-

من الناحيه النفسيه
ما فيك الا العافيه ما شاء الله تبارك الله

ومن الناحيه الجسديه انتي تشكين من :-
1- التهاب في جدار المعده .
2- تهيج في القولون عصبي يسبب دوخه عدم اتزان عدم القدره على المشي سرعه بضربات القلب حرارة في الجسم الام في جميع الجسم لأن أكثر الاعصاب فيه وعلشان كذا اذا تهيج يلعب بالدماغ وتبدا الاشارات تضرب غلط مره كذا ومره كذا .

3- لا تاخذي فحص الجرثومة راح يقولون خوذي قولي انا ما احتاجه بما اني اباخذ منظار راح يبين اللتهاب اللي في جدار المعده بالمنظار ولا تقعدين طول عمرك كذا

و إذا اخذتي المنظاااااااااار لا تاخذينه الا عند دكتور شاطر معروف ولا تخلينه ياخذ عينه من المعده لأني مجربها متعبه جدا ً بس قولي له ابغاك تشوف فيني التهاب بالمعده او لا .

وسمعت يقولون فيه حبه كبسوله المنظار مثل الحبوب اللي نا كلها يبلعها الواحد وتصور البطن كله ما يحتاج منظار لأن ما كل دكتور شاااااطر بالمنظار بعضهم اعوذ بالله سواق شاحنه ما يدري وين الله حاطه وبعضهم ما شاء الله تبارك الله بس بنج اسنان تبلعينه ويسوي المنظار وأنا ما أفضل الواحد ياخذ بنج كامل لأنه احتمال يجرحك ولا تحسين فيه الا بعد ما تقومين من البنج لكن اذا كنتي صاحيه توجهينه . وفيه دكتوره ممتازة في مستفشى الحبيب يمدحونها استشاريه باطنيه على طريق الملك فهد بالرياض اتوقع انها مغربيه او تونسيه .

وأتمنى تشوفين ردودي في المواضيع اللي انا كاتبها في الملتقى هذا على الاشخاص ويوم فحصوا طلع كلامي صحيح وفي بعد ملتقى اصحاب الوسواس شوفي نفس الموضوع كاتبه وردي عليهم ويوم فحصوا تبين ان عندهم نفس المشكله .

ولا يضيق صدري انا
الا أنا نشكي من الآم والناس الا غصب هلع وسواس رهاب اكتآب
وفيه قصه حبيت اقولها لك جاني دكتور صديق لي يقولي انت وش انت خايف منه ومن شدة الآم اللي تجيني قلت خايف من الموت ومن عذاب الله قال كلنا نبي نموت الموت ما يخوف
ومن اليوم الثاني شفت الرجال طاير لصيدليه يوم جاء قلت له سلامات قال بي حساسيه ذبحتني قلت طيب عادي وش انت خايف منه قال ياخي بغيت اموت قلت ما شاء الله عليك حلال عليك وحرام علينا نشكي .

وأسأل الله العظيم رب العرش الكريم أنه يشفيني ويشفيك ويشفي كل مسلم

اختى هذا ردي لك في المره السابقة مثل ما قلت لك اقريه زين وطبقي كل كلمه قلتها حتى ما تقولين انت قلت كذا وانا سويت كذا وبأذن الله الامور اسهل مما تتوقعين

هههههههه اخونا احمد عطاالله شوي تحمس وبدأ يدخل الروح بالحالة
المرض هذا هداية من الله عز وجل اذا احب عبدة
تخيلوا معي قبل مرضنا كيف كان تقصيرنا في الدين !! والان كيف واقسم بالله ان هذا يغنيني من كل شي واني اكون كذا فالدنيا واكسب الاخرة
وفي النهاية مرض بسيط جداً اذا تعامل الشخص معاه بشكل ممتاز
أشكرك يارب انك فضلتني على عبادك
أشكرك يارب .. أشكرك يارب

المنظار بسيط واخذ العينه بسيط انا سويته زمان وبالعكس غير مؤلم نهائي وفعلا طلع عندي التهاب بالمعده
لكن ماهو شرط ان الامراض النفسيه بسبب الامراض الباطنيه

السلام عليكم يا اخوان / تبين لي ان كلامي غلط وغير صحيح وسأثبت لكم خطأئ

كلامك فيه شي من الصحيح
فعلا دايم يوجد هناك ارتباط قوي بين الباطنه والنفسيه
ولكن لاتعتبر. قاعده فهناك امراض نفسيه بدون اي مرض باطني
وهناك امراض باطنيه من دون اي مرض نفسي