ماصرت اعرف

ماصرت اعرف

السلام عليكم
فعلًا ماعدت اعرف ايش فيني بالضبط!!!!تعبت
فيني الم مستمر دايما بالصدر ويزداد عند التحريك ويطلع اصوات
ومرات يجيني فجاة زي الكهربا وفيه لماحطيت لصقات من الصيدليه الحمدلله خف
بس هذا قبل كم يوم الحين رجعلي وفي شي جديد الم شديد في رجلي اليمنى في الفخذ بالتحديد
والله انا خايفه مااعرف ايش فيني للملاحظة بعض الاحيان الالم اللي في الصدر لما المسه يزيد!!
ايش فيني بالضبط؟؟؟؟ يارب تشافينا وتطول باعمارنا

المصدر: نفساني

المشاركة الأصلية كتبت بواسطة الوردة البنفسجية

السلام عليكم
فعلًا ماعدت اعرف ايش فيني بالضبط!!!!تعبت
فيني الم مستمر دايما بالصدر ويزداد عند التحريك ويطلع اصوات
ومرات يجيني فجاة زي الكهربا وفيه لماحطيت لصقات من الصيدليه الحمدلله خف
بس هذا قبل كم يوم الحين رجعلي وفي شي جديد الم شديد في رجلي اليمنى في الفخذ بالتحديد
والله انا خايفه مااعرف ايش فيني للملاحظة بعض الاحيان الالم اللي في الصدر لما المسه يزيد!!
ايش فيني بالضبط؟؟؟؟ يارب تشافينا وتطول باعمارنا

اختي الوردة البنفسجية
مدري انتي تقتنعين من كلامي او لا لاني والله ما ودي اتعب نفسي على الفاضي ابغى اعرف علشان إذا جيت اتكلم احس فيه ناس فاهمه وتدري وش ابقول لها إذا جاوبتي اختي لي رجعه على موضوعك

السلام عليكم ورحمة الله وبركاته ..

أختي الكريمة أنتي ما وصفتي مكان الألم في الصدر وأيضاً في الفخذ .. أما ألم الصدر فمن كلامك عرفت أنه ألم سطحي ، هل تعرضتي لإصابة في نفس المكان قبل فترة ؟ الألم مع تحريك الصدر عادة ما يكون في جدار الصدر وهو يحتمل وجود الألم كإلتهاب في مفاصل الاضلاع ، أو في العضلات وهذا يحدد سريرياً عندما تصفيه للطبيب ويرى مكان الألم .. أما ألم الفخذ فيجب أيضاً عليك تحديد مكان الألم ووصف الألم وهل ينتقل لمكان آخر ..

أنصحك أختي الكريمة بزيارة الطبيب والعرضين كلها بسيطة بإذن الله ..

ربي يحبك وعيسى الشهري شكرا لردودكم بإذن الله راح اقتنع بكلامك طبعا
وعيسى الشهري انا ماذكرت لان لوتشوف مواضيعي السابقه اعيد وازيد فالألم هذا فاحس
انكم حفظتوها الاعراض هههه بس راح اشرح
اكثر شي طبعًا مكان الظهر والصدر كيف يألم؟ هو يفرقع اكثر من الالم بشكل خيااالي
لما اضغط على القفص الصدري والفه لليمين اسمع اصوات وبعض الاحيان الم وبعض الاحيان
زي الكهربا نفسه ايضا على تحت الابط غالبا الايسر بس مثلا امس لا نفس الالم بس الجهه اليمين بس
المشكلة اغلب وصفي للحركات مااعرف كيف اوصل لكم المفهوم يعني لما احرك حتى ظهري من ورا لازم تطلع اصوات
حتى راسي حتى رقبتي فكي اغلب جسمي بس بدون الم اللي يألمني الصدر والظهر وزي ماذكرت في وضعيات بس
ولما حطيت اللصقات اللي من الصيدليه حطيتها على ظهري طبعا الالم راح ومرة فرحت ولاحظت انه تركز الالم على فوق كتفي الايسر
اساسا امي تقولي انتي فيك مصع ومرات تقولي ان من قلة الحركة انا احس انه مصع بس مااعرف كل مرة يتغير الالم وصف الالم
كأن احد ضاربني يعور للعلم ماتعرضت لضربه اوشي لاا مثلا اليوم حضرت دورة اربع ساعات على الكرسي اللهم بريك الصلاة مشيت فيه
تأذييت من القعدة احس كل شوي اسوي حركة معينه عشان يطلع الصوت وارتاح بعدها رحت لصالون اسوي شعري ولازم الف رقبتي لجهه وانزل راسي حسيت بالم فضييع بكتفي الايسر بس مااعرف هذا طبيعي للكل ولا بس انا لان القعدة كانت مومريحه والحيين تو اليوم يدي اليسرى بين
الابهام والسبابه من داخل احس بشي ثقيل او الم مااعرف ليش هو بالضبط بس نفسيتي تعبت كل مرة الالم بمكان غير وبعض الاحيان حتى راسي بس اللي اكثر الصدر والظهر هل هو فعلا مصع؟؟ وليش انا ارتحت للصقات الصيدلية مع ان اول ماكانت تجيبلي نتيجه وانا يمكن قريب
اسوي مساج هل راح يفيدني ولا يضرني ولا ماراح يسويلي شي؟؟ وصح بعد بعض الاحيان استخدم فكس ادهن منطقة الصدر يخف الالم بعد
بس الحين اكتب واحرك راسي من داخل اصوات فرقعه كل جسمي...ياليت يكون الحل بدون دكتور لان صعبه شوي

الحالة اذا صعبة عليك عند دكتور روحي لدكتورة ، والسالفة مثل ما قلت لك ممكن ف مفاصل الاضلاع ، وللعلم انا ما قرات المواضيع السابقة ، والسالفة مو صعبة لو تروحين المستشفى تكشفين افضل لك بمليون مرة من النت ، يمكن انا من وصفك قلت انه من مفاصل الاضلاع ، لكن لما تروحين المستشفى تطلع المشكلة ابسط .. فالكشف و الرؤية والفحص السريري افضل بملايين المرات من النت..

انا مااقصد دكتور رجال لا اقصد مستشفى عموما
موصعبه بس اهلي ماصارو يودوني لما كل يوم تشتكي محد راح يصدقك ويحس فيك
او بيقولون الم بسيط مااعرف بحاول بس انا بعد مااحس يستحق اكشف على شي لان بس هذي اعراضي

اختي تراي محاسب على كل كلمه اقولها ومسؤول عنها يعني ان لعبت عليك وين ابروح من اللي خالقني والله يالدنيا ما تسوى عندي شيء الا كان الطمع فيها طاعة الله ودعاء المسلمين وغيره يخلف الله .

اببين لك من خلال تشخيصي لحالك هل أنا انسان عندي علم او لا ونقول بسم الله

راح اقول المرض اللي فيك واعراضه وبالنسبة لطريقة العلاج إذا كان فيه وقت تكونين موجوده اتمنى تكتبين كم الساعه علشان اشوف وضعي يسمح او لا
لأن عندي ظروف خاصة وما راح اكون بالمنتدى ابكمل مع كذا شخص وما نبي الا الدعوه بظهر الغيب .

نوع المرض اللي فيك : اللتهاب في المعده وتهيج في القولون العصبي ( الصاعد في الجهه اليمنى ) وزيادة أملاح في الكلى .
الاعراض عندك التالي:
1- كثرة الغازات والإنتفاخات والامساك .
2- الم في جهة الجنب الايمن ممتد الى الرجل اليمنى .
3- الم في عظام الصدر وخلف الصدر بين الكتفين والم ممتد الى الرقبة مع الجهة اليسرى وإحدى جهات الراس احياناً.
4- الم في الصدر ممتد من تحت الابط في اليد اليسرى ونادر في اليد اليمنى يصل إلى الابهام والسبابه .
5- الم بين الخاصرة لوجود املاح في الكلى .
6- وجود طبقة بيضاء في اقصى اللسان .
7- الم في جهة القلب بسبب ضغط الغازات على الحجاب الحاجز .
8- الاحساس بطقطة بمنتصف عظام الصدرمع وجود الم وضيق فيها ( كأن شخصين يضغطون عظام الصدر) .
9- عندك ضعف عام في الوزن التغذيه .

هذي الاعراض اللي عندك وما علي من اي شي كتبتيه ولو تبي تلفين الدينا راح يقولون سليمه لكن لو تاخذين منظار راح يكون نفس الكلام اللي قلته لك الا في نقطة وحده تهيج القولون يمكن يتسبب للتهاب فيما بعد وبالنسبة للقلب والراس والامور الثانية بإذن الله ما فيك شيء ولو تفحصين رح يقولون نفس اللي قلته لك.

وعلشان نبدا العلاج لازم تقولين الكلام اللي قلته هل هو صحيح او لا علشان اللي يقراء الكلام هذا يستفيد بعد او اتوكل على الله وقولي ما عندك سالفه كان كلامي غلط
وإذا كان اللي انا ذاكر فيك لازم للمره المليون اقولك لازم تحديدين وقت وشوفي تراى ابستخدم نظام الكلية حرمان إذا ما حددتي وقت يعني ما راح اكمل باقي الامور وفيه اسئلة لازم امشي معك فيها علشان ابين الاخطاء اللي انتي سويتها .

ربي يكتب اجرك ويوفقك شكرا
اخوي انا ماعندي وقت محدد طول يومي على الجوال باي وقت افتح ماعدا وقت المدرسة لاني اداوم وممكن هالاسبوع عندي التزامات يعني افضل وقت تقريبا بين ال9 ال10 في الليل
بالنسبة للاعراض بجاوب على رقم اللي كتبته
1-ماعندي انتفاخ والغازات والامساك موكثيرة بس فيه بس موبشكل ملفت
2-الجنب الايمن قصدك كل جسمي من اليمين؟ لان لا فقط عضلات الصدر وتحت الابط في بعض الاحيان بالنسبه لالم الرجل
كان عرض اول مرة يجيني ويالمني بهذي الطريقة وخفت لكن قمت من النوم اختفى الحمدلله ان شاءالله مايجي من شر فانا ماراح اعتبره عرض لان كم ساعه كان بس
3-نعم بس مافي الم في الرقبة الحمدلله ففط الصدر ومن ورا والراس من فوق قريب من الجبهه والعين
4-نعم بس الم الابط سواء في الجهتين مايجي بشكل مستمر موكثير ولو جا على اليمنى او اليسرى او اثنينهم والم اللي بين السبابة والابهام هذا بعد عرض اول مرة يجيني ومااقدر اوصفه كألم لانه مايالمني بس احس انه مشدود او زي اللي ابي احركه اتمنى تكون فهمت قصدي بس ماهو الم
5-فعلا كان من زمان مزعجني الم اسفل الظهر ورحت سويت اشعه وشخصها على انها املاح او زي مايقولون "رمل" في الكلى وعطاني الطبيب ادوية والحمدلله راح الدواء الاول كان مضاد حيوي خلص والثاني اسمه رينالوف داخلها 60 كبسوله لين الحين استخدمها مع ان هاليومين ماالتزم مفروض 3 في اليوم مرات اخذ اثنين كذا وافكز اقطعه لان احس خلاص انتهى..
6-مالاحظت صراحه لاتخليني اوسوس واروح اشيك لساني ههههه بس مااعتقد
7-انا اعرف مكان القلب الالم موفي القلب بالتحديد جمبه في اليسار صحيح لكن من فوق او المنتصف او اليمين
وهو الم فعلا
8-الطقطقه مومقصره ماشاءالله بكل مكان في جسمي بس انا كتبت ان الطقطقه مايصحبها الم!! فهو صحيح فيه طقطقة بهذا المكان
وايضا فيه الم بس الالم يجي من الطقطقة اوبعدها اذا كذا قصدك ف لا
9-امم انا اشوف وزني متناسق مع ان البعض يقول اني ضعيفه وانا اكلي قليل فعلا وللعلم بعد انا نباتيه
بس مو ضعيفه لدرجه المرض اشوف وزني مثالي

اختي الوردة البنفسجية

نظرياً هل طلع كلامي صحيح او لا والا تبين الآن دليل عملي علشان تطمنين أكثر ثم اواصل الاسئلة بعد ما تتأكدين

مااعرف احكم انا بس واصل اسئلتك بس فيه شي حابه اقوله
انا صح قلت لك اني دايما على جوالي اوكي دايما داييما منزله راسي واحني ظهري ونص يومي اقضيه على الجوال موممكن يكون منه؟؟
وانا اكتب باليد اليسار فقط في الجوال.. والكل ملاحظ قعدتي انزل فيها راسي واضغط على عضلات صدري فمااعرف صراحه ممكن يكون هو السبب

المشاركة الأصلية كتبت بواسطة الوردة البنفسجية

مااعرف احكم انا بس واصل اسئلتك بس فيه شي حابه اقوله
انا صح قلت لك اني دايما على جوالي اوكي دايما داييما منزله راسي واحني ظهري ونص يومي اقضيه على الجوال موممكن يكون منه؟؟
وانا اكتب باليد اليسار فقط في الجوال.. والكل ملاحظ قعدتي انزل فيها راسي واضغط على عضلات صدري فمااعرف صراحه ممكن يكون هو السبب

تبين عاد الجد أختي الوردة البنفسجيه

الى الحين ما تعرفين تحكمين وتقولين اللي فيك من تنزيل راسك هههههههههه الله يهديك اختي انا ما اتكلم من فراغ تراي اعرف الفرق بين المرض النفسي والعضوي وما راح اقولك طبيعة عملي علشان تقتنعين لكن تغصبين الواحد على الكلام ابغاك تشوفين الرابط هذا موضوع بعنوان إلى ربي يحبك من اختي بكرا احلى طبقت الكلام اللي قلته لها وشوفي وش طلع فيها طلعت نتيجتها اليوم وبعد ما تقرين اللي في الرابط هذا كانك تبين اواصل معك في الاسئلة عادي بس اودي اختصر عليك الموضوع اترك مع الرابط وبعد المشاهده ردي علي
http://www.nafsany.cc/vb/showthread.php?t=105742