أنا .... و..جدتي ...و ....المول
time15 الخميس الظهر اتصلت فيني خالتي وهي غنوجة مثلي يعني بعمري وقال وش رايك نروح المول good أكيد ماعندي مانع لبست عياتي وركبت مع السايق ومريت بيت جدتي ...ونزلت أسلم على جدتي ..لآنها لوتدري اني عند الباب وما تزلت أسلم والله تغسل شراعي:37_f:..دخلت لقيت جدتي جالسة طبعا رحبت فيني..وقالت وش عندكم بالسوق أحد يروح ألحين والطير مايطير من الحر ((والله صادقة)) قلت لها السوق تغير مو على أيامك مسكر وماتحسين بالحر .. ومن باب المزح..قلت وش رايك تروح معانا((والله كنت امزح)):37_f:..الهم ماصدقت خبر ليست العباة ((فديتها وفديت عباتها))وطلعنا..وخالتي معصبة تقول ادري بأمي بتوهقنا .. دخلنا المول وركبنا السلم المتحرك والله ركبناها بالغصب ومن سؤ الحظ كان قدام جدتي بنات لابسين تتنانير الظاهر مغلطين ولابسين تنانير خواتهم الصغار..انجنت جدتي وهي تقول يالله بسترك يالله بسترك..عيب يا بنات يلي تسونه وهم مادروا عنها ... طلعنا الدور الأول ودخلنا محل عطور فرنسية ((وياحبي للعطور)) وجلست جدتي على الكرسي وانا اشوف عيون جدتي تدور بالمحل وهي تناظر صور الإعلانات ..صور جريئة وايد...انجنت وقالت نادي لي المسؤول قلت لها يا جدتي ...هو محل أبونا ..بنشتري وبنطلع ..ابد لازم تسوي يلي في راسها ..جاها المسؤول لبناني شمحوط...خير يا حجة شو بدك...قالت انت ماتستحي حاط صور بنات ما تخاف من الله والله البركة ماتدخل محلك ..هذا جزانا فتحنا لكم بلادنا..والله لو ماتشيلهم بتصل على الشرطة ((عاشت جدتي)).. وانا خالتي ساكتين وناظرها ...:33_f: وأنا اتأمل الموقف قلت بخاطر لو فية شباب مثلك جدتي واعين ماصار هذا حالنا ...المهم بعد ماخلصت كل يلي عندها طلعنا من المحل ..وقلت لها وش رايك نتغدى .. ناظرتي وقالت أنا اتغدى بمطاعم ..انا بنت قبايل ..هذا مبدأ جدتي ...رجعنا البيت طبعأ خالتي معصبة بس أنا وايد سعيدة وتغديت عندها ((فديتها وفديت غداها))
وقبل الختام ....ودب أعرف من المسؤول عن الواقع يلي نعيشة ... طيبية الشعب .. أو طمع المسؤولين.....اللهم احفظ بلادنا خاصة وسائر بلاد المسلمين .... قولوا أمين
|