|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
19-04-2008, 02:51 PM | #1 | |||
عضو جديد
|
بحاجه لرد سريع ؟؟
السلام عليكم .. بصراحه ما ادري ولا اعرف شلون ابدا مشكلتي ... مشكلتي لازم يكون لها حل بيدي انا
صارلي يومين مونايمه من صدمتي انا احب واحد وحبنا يوصل لي حد الجنون ... حبنا يضرب فيه المثل بقوته واخلاصه وصدقه وتحدينا للدنيا والزمن من دون اطاله ....... صار خلاف جدا بسيط وانا تضايقت اشويه منه بس اهو من حبه لي مايقدر يتحمل لحضة تغير مني من كلام او اسلوب ! لان بالنسبه له انا عمره وحياته كلها ، اذا صار شي بيني وبينه كأن الدنيا راح تنتهي اذا ما كنت راضيه عليه بالنسبه له .. الى درجه صرت اخاف على نفسي لا اصير مريضه او لا سمح الله يصير فيني شي واهو يتضايق ويحاتي يوسوس ويتعب نفسيا !! صرت اخاف عليه اكثر من ما اخاف مني نفسي عشان لاتنتلف اعصابه .. المشكله ان عصب لاول مره عصبيه موطبيعيه وكسر التليفون وانا اكلمه عشاني متضايقه منه ، ولحسن الحظ عنده تليفونين ، قلت له انا ماراح اتفاهم بالتليفون ! خمس دقايق وانا عندك قالي اوكي .. مناطقنا قريبه من بعض وبالفعل ماطولت بوصولي له .. وصلت عند باب البيت وكان ناطرني برا ، قاعد على الرصيف .. وصعد السياره وقفت عند مواقف مطعم ونتكلم وانا كنت حيييييييييييل متنرفزه بسبة تصرفه الهستيري على سبب تافه.. كانت دموعي موراضيه توقف .. تأثر كثير بدموعي ، مستحيل يرضى اكون متضايقه منه او تنزل دمعه من دموعي لأي سبب كان .... فجأه هستر ضحك ، انا تنرفزت زياده بس كنت عارفه ضحكه كان قاصد فيه تهدأتي ... المهم عصبت وقلتله خلاص بردك البيت وحركت السياره بسرعه وكنت ماشيه سرعه موطبيعيه .. بدون سابق انذار مسك ايدي بقوه وبشده حيل يقولي ليش تبين ترديني البيت ؟ انا احبج ، انا ابيج ، ما ابي اخليج ، الله يخليج لاتخليني بروحي ليش ترديني البيت ؟؟.. ماتحملت الموقف ووقفت السياره بعد ماكنت ماشيه بسرعه .. التفت عليه وقلتله : انا ما قلت ما ابيك انا احبك وما اتضايق منك ... الطاااااااامه الكبرى بلحظه وثانيه فجأه التصق في الباب وكان خايف مني حيييييييييييل بشكل مو طبيعي خايف .. ومايتكلم بس كان يأشر لي احرك السياره !!!!! انا من صدمتي قمت ابجي اترجاه الله يخليك تكلم ليش تأشر بيدك قول شي .. وأناديه باسمه كنت ابي اهديه .. احط ايدي على راسه يخاف مني ... تكور عند الباب مايبيني احوشه !! خايف مني لدرجه مو طبيعيه .. من الخوف يعض اصابعه .. ايده الثنتين يعضهم بقوه وانا امسك ايده انزلها اقوله حبيبي لا تعض ايدك طلعها .. بس خايف بشكل مو طبيعي... كان عندي دبله في السياره ، طلعتها له قلتله شنو هذا ؟؟؟ مايتكلم كان يشوف الخاتم بتحديق ... كنت بعطيه الخاتم وخاف لمن مديت ايدي ... فتحت له ايدي اقوله ماعندي شي ليش خايف مني ؟؟؟ يشوف حركة ايدي من دون مايتكلم ويأشر خايف .. حطيت الخاتم بحضنه عشان ما المسه واهو خايف مني ،، خاف من الخاتم .. بعلبة المناديل يحرك الخاتم لمن طاح من حضنه .... رن تليفونه خاف منه وحذفه عالارض ويرفس التليفون بقوه... انا طلعت تليفوني كنت ابي اتصل بأخوه خذاه مني !! كان يبي ينزل من السياره ! حط ايده عالباب يبي يبطله قلت لا خلاص راح احرك بس تكلم قول شي الله يخليك لاتسكت ليش تأشر ماتتكلم !! ... صدمته كانت حيل قويه بعمري ماتوقعتها ، بس الحمدلله نطق وقال مافيني شي .. روحي البحر ..... كان صوت جدا خافت وبصوت خفيييييف مكسور ...... قلت ان شاء الله ، الحمدلله تكلم ، حركت السياره وانا اسوق كنت ابجي عليه .. كان يشوفني بنظره غريبه .. مارفع عينه مني .. عطاني علبة الكلينكس ( المناديل ) امسح دموعي ورد مكانه .. ماكان راضي احوشه نهائي .. لزق بالباب مايتكلم .. وصلنا البحر .. كنت بشيل اغراضي والشنطه ! شافني مسكتها خاف وسحبها مني بقوه .. كان يسمع اذا داخلها في شي او لأ .. يحرك الشنطه عند اذنه يسمع اذا فيها شي او لا.. لمن تطمن ان مافيها شي ردها لي ونزلنا عند البحر ... ماكان راضي يتكلم .. مسكت التليفون ارسل رساله لأخوه وبآخر لحظه شك بالموضوع وسحب التليفون قرا الرساله ،، حذف التليفون بعيد ليش كنت برسل لأخوه.. كنت باخذه ومارضى سحبني حيل عالارض اقعد يمه .. قلتله حبيبي اخاف احد من اهلي يدق خلني آخذ التليفون بس ماراح اسوي فيه شي ، باخذه واحطه بالجنطه جدامك ماراح ادز او ادق !! طالعني بنظره ان خلاص اوكي روحي اخذيه ... اخذته وقعدت يمه اكلمه مره ثانيه .. يقولي اسكت .. شوف البحر ... اقوله انا منو ؟؟ ليش تقولي اسكت وشوف ؟ (( كنت مستغربه ان انا بنت يعني لازم يقول سكتي او شوفي )) كان يعصب اذا شفته .. يبيني اشوف البحر وانتبه عالبحر مو له .. قلت اوكي ، صرفت نظري عنه وكنت اشوفه سرحان في البحر وبين نظراته كل اشوي يشوفني اذا كنت منتبهه معاه او مع البحر ؟ نظرات خوف مني كانت ، مع العلم ان مافي مره بعمرنا وحياتنا صار خلاف بينا أو احد فينا غلط على الثاني .. علاقتنا دامت سنين كلها حب بحب.... وانا اشوف البحر كان يسرح فيني .. يدقق بملامحي ويشوف كل شي فيني واذا لفيت شفته يعصب يقولي شوف البحر المهم .. فجــــأة كأن في شي وعاه ... غير مكانه ونقز ( طمر ) .. قالي احنا شلون وصلنا البحر ؟؟؟؟ ليش يبتيني البحر ؟؟ انا ابوي قايل لي اقعد مع الرجاجيل بالديوانيه ؟؟؟ ابوي مو موجود في البيت ، المفروض انا هناك .. رديني بسرعه لا يعصب ابوي ... بعدين استوعب ان احنا كنا عند المطعم شلون وصلنا البحر ؟؟ .. يقولي في شي غلط انا ما اذكر مسافة الطريج ليش ؟ .. انا كذبت عليه وقلت له ان انت اغمى عليك وفي شباب شالوك معاي عالبحر .. ؟؟ ما قلت له حالته اللي مر فيها ! يقولي شلون انا طحت !! مستحيل !! قلت ليش مافي مره غشيت من تعب او مرض ؟ قال امبلا اي صارت ، قلت خلاص شي طبيعي ؟؟ قال لا .. بس هذي اللحظات اللي مرت كان خايف مني مايذكرها نهائي !! .. رد على حالته الطبيعية بس من دون ما يذكر أي شي .. لمن رد على حالته .. انا كنت مستمره في البكاء .. مسح دموعي وقال لي حبيبتي ليش تبجين ؟؟ تبجين وحبيبج موجود ؟؟ انا زدت بقوه ابكي على حالته اللي مو مستوعب منها شي !!!!!!!؟؟؟؟ شنو صار فيه ؟؟ وهل هذه حاله طبيعيه ؟؟ مع العلم ان بآخر فتره صار ينسى كثير اشياء وبدأ يكره الدراسه وييأس من النجاح .. دايما يقول لي انا فاشل وانتي ماشاء الله عليج عكسي !! انا اقول له لا انت ذكي وتفكيرك دايما سليم ومنطقي وطموح وتفكيرك دايما يساعدك لكن ينقصك تركيز !! ........ مافي شخص يأثر فيه غيري !! مستحيل يسمع من اي شخص غيري !! ... بنفس اليوم اللي نسى اللي صار لنا باليل وانا اكلمه نام .. واهو نايم مرات يتكلم .. هذي المره واهو نايم كان يقولي لا اتطقيني ،، نتفاهم بالكلام !! كنت ارد عليه اقوله حبيبي انا ما اطقك ليش تخاف مني !! قال انزين لا اتطقيني لاتطقين وبدا يعلي صوته وصار يصرخ لين قعد من النوم واهو يصرخ لا تطقيني وانا اسمي عليه لين رد نام مره ثانيه ................. كثير مرات نقعد جلسات صراحه .. كنت اقول له في شي انا اسويه تخاف منه ؟؟ كان يقول لا بس دايما اتوقع منج طقه مفاجئه لمن تكونين معصبه !!! لأني اذا عصبت اتنرفز واااايد وما اقدر امسك اعصابي اهستر !! بس بعمري مامديت ايدي او تجرأت افكر !! واهو يدري في هالشي !! كان يقول متأكد انج ماتسوينها بس دايما اشك بلحظة غضب راح توصلني ظربه مفاجئه !! .. وكان يرد يقول ادري ماتسوينها لاني راح اكسر ايدج لو تسوينها وعارف ماتصير عندج هالجرأه !! اقول له عيل ليش تخاف مني ؟؟ يقول مادري بس اذا كنتي معصبه اخاف مع إني ضامن ومتأكد ماتسوينها !!!!!؟؟؟ شنو الحل ؟؟؟؟؟؟؟ ناسي كل اللي صار ولو بقول له راح يكذبني !!! قلت له عن الفتره اللي مايذكرها اغمى عليك وبس ؟؟ مصدق ان اغمى عليه !!؟؟ شنو اسوي ؟؟ اقدر اساعده بشي ؟؟ المصدر: نفساني
|
|||
|
24-04-2008, 07:53 AM | #3 |
عضـو مُـبـدع
|
قصه شيقه فعلآ إسمعي أختي هذا رأيي وأرجو أن تتقبليه بصدر
رحب ( طبعآ أخوك عضو ) 1- ذكريه ونفسك أولآ بالعوده إلى الله والتوبه عما مضى 2- إن كان ما بينكما حب حقيقي فتوجوه بعلاقه شرعيه يرتضيها الله ورسوله هذا ما عندي و السلام ختام . |
|
24-04-2008, 11:06 PM | #4 |
عضو جديد
|
جزاك الله خير اخوي .. اشكر لك ردك وتجاوبك بالموضوع .. هذا شي طبيعي راح يصير ان شاء الله .. لان تقدم لخطبتي وصار في مشكله صغيره خلت زواجنا يتأجل اشوي بس
لكن المشكله مو بزواجنا .. المشكله بحالته اللي تغيرت وردت بدقايق بس !!!! |
|
25-04-2008, 04:49 AM | #5 |
عضـو مُـبـدع
|
أختي نور الوجود أخوك ليبتون يتمنى لكما زواجآ سعيدآ في مستقبل
الأيام 926 عمومآ ما حصل لزوج المستقبل قدتكون حاله عابره ومضت وإن شاء الله لن تعود ولو حاولتي مراسلة الأخوه المختصين في المنتدى فستجدي لديهم الجواب الشافي . |
|
25-04-2008, 10:18 PM | #6 |
عضو جديد
|
قواك الله اخوي ليبتون وتسلم والله ماقصرت .. اشكر لك اهتمامك بالموضوع وجزاك الله خير .. واتمنى حالته تكون عابره وماتتكرر مثل ماتفضلت
|
|
26-04-2008, 03:25 PM | #7 |
عضـو مُـبـدع
|
[color=0000FF]أختي نور الوجود حتى تطمئني أكثر بأنها بإذن الله حاله عبره
سأقص عليك ما حدث لي قبل سنوات ووالله العظيم لا أقول إلا ما حصل. أختي الفاضله قبل سنوات قليله وفي إحدى الليالي شعرت بشئ غريب !! مجموعه من الكوابيس تداهمني وأتخيل وجود أشياء هي في الأساس غير موجوده !! أخوك ليبتون أجمع كل من شاهدني على ذلك الحال بأنني قد أصبت بالجنون ! ذهب بي أهلي للطبيب النفسي وأحضروا لي مشائخ وذهبت لمشائخ فمنهم من يقول عين وبعضهم يقول مس !! المهم إستمرت هذه الحاله معي شهر وأنا لا أعلم عن نفسي شيئآ !! وبعدها عدت لطبيعتي الأولى بفضل الله . أخبرني أهلي وأصدقائي بتصرفات كنت أقوم بها والله لا أتذكر منها شيئآ كأن أطارد حشرات غير موجوده وأصرخ في الأخرين بشكل جنوني ! فقلت في نفسي سبحان الله أنا كنت أعمل هكذا قالوا نعم وأكثر أيضآ . لكن الحمد لله ها أنا ذا إنسان طبيعي حببت أن أسرد لك هذه الحادثه لتعلمي أن ما أصابه قد يكون شئ عرضي وسيزول بإذن الله[/color] |
|
26-04-2008, 10:58 PM | #8 |
عضو جديد
|
الحمدلله ما استمرت معاك هالحاله .. الله يبعد عنك وعن جميع المسلمين كل سوء .. والله يطمنك ان شاء الله دنيا وآخره
احس هالحاله صارت له من ضغوط تفكير بس !! .. لكن انا خايفه يضغط على نفسه بالتفكير اكثر ويتكرر نفس الموقف ! من ناحيتي احاول اوفر كل سبل الراحه له ، وأبعد كل تفكير سلبي عنه وأبدله بشي ايجابي استشرت دكتوره نفسيه طمنتني لكن بنفس الوقت قالت احتمال تتكرر الحاله !! المشكله انا ماقلت له تصرفاته اللي صارت ! .. في باله ان اهو كان فاقد الوعي ومغمى عليه اوعيه على نفسه واقول له اللي صار ؟ او تصرفي صحيح ؟؟ ما ابين له واسكت ؟ .. ماعنده علم بتصرفاته !! ؟؟ |
|
27-04-2008, 12:42 PM | #9 |
عضـو مُـبـدع
|
حقيقه إن أردت رأيي فطالما هو عاد لطبيعته
فمن المستحسن ألا تذكريه بما حصل منه في غير وعي على العموم إنتي ذكرتيني بما حصل لي قبل سنوات وإلا الآن هناك أشياء فعلتها في تلك الحاله لم يقلها لي أهلي ولم أحاول أن ألح عليهم في السؤال عنها فما فات مات . وفقكي الله أختي |
|
28-04-2008, 07:47 AM | #10 |
عضو جديد
|
أتعبتك معاي اخوي .. تسلم والله ماقصرت .. الله يعطيك الصحه والعافيه ويوفقك يارب ... باخذ بنصيحتك ان شاء الله .. وجزاك الله خير
|
|
16-05-2009, 11:25 AM | #11 |
عضو فعال
|
حبيبتي ساعديه على تخطي هالمرحلة هاد ممكن يكون لانك حنونة معاه بس في لحظة كنت شديدة شوي ممكن انو رجعتلو احداث ماضية وهو صغير من الاهل كان كانو يعاقبوه بالضرب وهيك فديري بالك عليه وحذار ثم حذار ثم حذار انك في يوم بعد ما تتزوجو تعايري بهالحدث لانو عندها رح تنتهي علاقتكم للابد
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|