حياتى بتنهار

حياتى بتنهار

السلام عليكم ورحمه الله

انا بجد تعبانه ف حياتى مع زوجى بقالى 4 سنين مش حاسه بالراحه ولا بفرح زوجى عصبى كتير وانا كمان عصبيه بس بنفعل لما تكون ف مشكله مش طول الوقت ولا على اى شئ لكن هو بينفعل بسرعه عليا وعلى بنتى عمرها 3 سنوات ..كتير بنتفق ونتفاهم ونرجع تانى للصفر ويرجع يقولى انا عملتلك اللى انتى عاوزاه اللى هو اللى اتفق معايا عليه قبل كده واحنا ساعتها بنكون بنتناقش ونوصل لنقطه تفاهم بنا بالتراضى يعنى ما بكون فرضىه رايى بس بحاول اقنعه وهو بيقتنع بالاسباب ويقولى عندك حق .. انا من اسبوع جلست مع دكتورنفسى كنت منهاره وكنا ف مشكله والدكتور الله يجازيه خير قعد يسمعنى ساعه ونص وقالى ده مش تخصصه اللى بينى وبين زوجى المشاكل دى محتاج ليونه ف التعامل مع بعضيكم ودى مشاكل زوجيه بتحصل ف اى بيت بس محتاجين توسعوا صدركم وتكبروا دماغكم ويكون المواضيع بينكم بالتفاهم والتراضى يومها جوزى قالى كلام صعب اوى وكان بيقاوح معايا وبيعند معايا وتانى يوم اتغير 360 درجه جه قالى حقك عليا انا اسف انا مش عارف مالى انا متوتر وانسى كل كلمه قولتها انا كنت وحش معاكى سمحينى متفكريش ف الكلام اللى قولته ليكى اعتبرى شيطان وراح لحاله وروقى وعاوزك تفرفشى وقولتله الحمد لله حصل خير ومعداش 4 ايام ملحقتش ارتاح من المشكله اللى فاتت وعلطول كده بقالى اربع سنين مفيش شهر عدى علينا على خير ديما مشاكل كل يومين او كل اسبوع على حسب وبقيت مخنوقه وما قادره اتحمل الاول كنت ما بقول لحد على مشاكلى مع زوجى دلوقتى الغريب بقوله وبقيت كتير مخنوقه وممكن اقعد ساكته لدرجه اى حد بيشوفنى يقولى انتى هاديه اوى مبتتكلميش ليه .. لما بيكون عندى مشكله بحب ابعد واكون لوحدى وممكن اقعد ما باكل باليومين انا عايشه خارج مصر ودلوقتى بابا قالى لازم تنزلى انا مبقتش قادر اتحمل اللى انتى فيه وطلما جوزك مش قادر يحتويكى ويحتوى بيته انا هقدر احتويكى انتى وولادك وابوكى عايش ولازم تنزلى محتاجك جمبى انا هيشيلك فوق راسى وكل طلباتك هجيبهالك انتى وعيالك بس حققي ليا امنيتى وانزلى عاوز اشوفكم انا مبقاش عندى اراده ومبقتش عارفه اقول ايه لاهلى ولا شايفه من جوزك الحاجه اللى بيها اقدر اقول احنا هنكون كويسين لان بقول كده كتير وبنرجع تانى ونفس الاخطاء مبقتش عارفه اعمل ايه وبقيت كتير مهمومه وبحس ان هيحصل مشكله اليوم الفلانى واحنا خارجين وفعلا بتحصل بقيت بتوقع الحاجه قبل حدوثها وفعلا بتحصل بتوقع انى لو اتكلمت مع زوجى ف موضوع ما حتى لو موضوع عادى بتوقع ان الليله مش هتعدى على خير وفعلا بيحصل مبقاش عندى ثقه ف جوزى وكتير بيكون ف مواقف بيحس منها بانى مش واثقه انى هيعمل اللى بيوعدنى بيه ويزعل منى يقولى خلى عندك ثقه فيا طلما وعدتك خلاص واقوله ماشى ويرجع اللى وعدنى بيه ما يحصل بيحصل العكس مبقتش عارفه اعمل ايه ف حياتى

المصدر: نفساني