|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
 |
|
|
أدوات الموضوع |
19-02-2015, 09:58 AM
|
#1 | ||||
|
عضو
|
نصيحتي لك ان كانك تبي العلاج بأذن الله
السلام عليكم ورحمه الله وبركاته
ترددت كثيرا اكتب هالموضوع بس والله ماحدني الا اني انسان عانيت وجربت مثل ماجربتوا بدت معي السالفه بجاثوم وتشنج وصرت افكر فيه واستلمتني الوساوس اكتئآب - تشجنجات - خوف - هلع - خفقان - غصه - احساس كأني بحلم ومثل الغمامه - الآم بالجسم - شعور بالموت .. الخ الكلام بدا معي قبل ثلاث سنوات ونص امي تبكي ابوي يبكي اخواني وخواتي كلن يشيلني لمطوع ويقرا علي وودوني احسن المستشفيات ومافيني شي !! سببت أزمه في العائله الكريمه كنت طالب هندسه واخر سنه وفصلت !! يعني مدري كيف اوصف شعوري لكم في لحظة ضعف واستسلام صرت اقول شلون بعيش وانا تعبان وخواف وفشلت في دراستي .. الخ في الاخير الدكاتره قرروا ان اللي فيني قلق وهلع نفسي وصرف لي الدكتور سيبرالكس 10 في لحظة ضعفي حطيت كل املي ان هالحبوب هي اللي بتعالجني وكنت على غلط كنت اكل الحبوب بس انا من داخلي ماني واثق اني انام لحالي اخاف يجيني شي وماعندي احد ما احب اطلع لحالي اخاف يجيني شي اخلي باب الغرفه مفتوح عشان اذا صار لي شي ينتبهون لي اهلي !! يعني مع العلاج كنت مستسلم لأفكاري =/ خطبت بعد فتره والله اني في وقت الملكه افكر لايجيني شي واتشنج واتفشل عند الناس !! << حتى في اللحظات الحلوه ناشب لي التفكير الغبي كنت ابي اسكن مع اهلي مابي اطلع برى البيت اخاف يجيني بشقتي انا وزوجتي لحالنا !! كأن اهلي هم اللي بيردون عني التعب او الافكار السوداء اللي في مخي بعد فتره الملكه كان اصعب قرار سويته اني ما اسوي حفل كبير واروح شهر عسل DSSDDSDS ماكنت افكر الا شلون بسافر برى .. يمكن اتعب .. يمكن يجيني شي .. من وين لي مطوع يقرا علي ... وافكار سوداء الله لايوريكم DSSDDSDS تم الزواج حمدلله سافرت وصار لي شي تدرون وشو !! انكسر بداخل حاجز الخوف صرت اسال نفسي وش صار الحين ..؟؟ مت ؟؟ تشجنجت .. صار شي !! قضيت لي 20 وقضيتها تجول في اوروبا من دوله لدوله ولا صار شي !! رجعت كانت معنويتي مرتفعه بس فيني على قولتهم تكه وخوف شوي . بعد فتره قررت اترك العلاج تركته 6 شهور وانتكست النكسه كانت وشو خوف وقلق وخفقان هبلت بنفسي وبزوجتي وبأهلي من جديد ورجعت للدواء ثاني مره :( brb التكمله في الرد الثاني المصدر: نفساني
|
||||
|
|
19-02-2015, 10:23 AM
|
#2 | |
|
عضو
|
back
بعد مارجعت للعلاج طبعا تعرفون في بدايه الايام يسبب بعض التعب والقلق فكنت اراسل دكاتره وابحث واقرا وكان علاجي بيد الخلق مره راسلت دكتوره قلت لها اني كذا وكذا وفيني خوف قالت لي (( وش خوفه .. ليه ماتصير رجال )) والله هالكلمه حركت فيني شعور مايعلمه الا الله حتى لو كانت الكلمه جارحه بس كانت تعرف ان اثرها بيكون ايجيابي علي صرت كل ماطلعت وحسيت بشي اقول لنفسي خلك رجال خلك رجال udjdudud لكن من الموقف هذا بحمد الله بدا علاجي اول شي سويته هو اني اواجه هالقلق اللي اخاف منه اسويه قدمت انا والمدام على البعثات وفصلت من دوامي وسافرت انا الحين في كندا لي سنه ونص اللهم لك الحمد خوف من السفر ما اخاف لاني كسرت هالحاجز خوف اني اجلس واطلع لحالي ما اخاف لاني عاندت وكسرت الحاجز احس بتعب وخفقان اعاند واكمل ولا افكر فيه اصلا احس بالام بجسمي وتنميل واني لو سويت شي بتشنج اعاند واروح للنادي واتمرن تركت الحبوب والله ثم والله مافيه غير التوكل على الله والمواجهه الواحد فينا يتعب بين اهله يقومون اهله يخوفونه ويطيرونه زياده انت محسود انت وانت وتحس انك بتموت وتتعلق باهلك تبيهم معك 24 ساعه والله يوم جيت هنا صرت افكر اقول اذا استسلمت من بيعطيني وجه اصلا هنا صرت اعاند الوساوس اقول ان شالله ما ارجع متفشل وخايب عشاني خفت والا عشان جاتي تنميل ولا خفقان !! كل شي تلاشى الحمدلله حتى لو حسيت بشي قسم بالله يا اني اتجاهله واكمل اللي قاعد اسويه لما صارت حياتي الحمدلله طبيعيه نصيحتي لكم واجه - عاند - صغر كل الامور السوداء وادعسها اذا انت حاس انك قاعد تشوف الموت مثل مايوسوس لك الشيطان ومادامها خاربه خاربه مابعد الموت شي قم وتحرك وعاند لانك راح تكسب ماراح تخسر حسيت انك حزين اضحك جسمك يوجعك فيك تنميل تمرن روح اطلع تمشى لاتنسدح وتفكر وتحسب انك بتموت غير حياتك قد ماتقدر لاتشتكي لاحد خاصه اهلك لانهم من خوفهم عليك بيخوفونك ويوهمونك من غير قصد لاتصير ناشب في مواضيع الاكتئاب والقلق الادويه صدقني دامك قريت كلامي لآخره .. دامك تمشي وتقوم .. دامك تتنفس ومافيك مرض عضوي علاجك بعد الله بيكون بيدك .. بعزمك .. وبعنادك واللي يخاف اقوله خلك رجال واستح على وجهك واللي تخاف بقول لها عيب عليك بتصيرين ام بعدين واطفالك بيحسون بالامان في حضنك دعواتكم لي بالتوفيق ., واتمنى والله من كل قلبي ان الواحد يتوكل على ربه ويعاند ابليس كونو بخير |
|
|
|
|
19-02-2015, 11:41 AM
|
#7 | |
|
عضـو مُـبـدع
|
الله يوفقك
طبعا اذا المرض نفسي فهذا الاصرار والتحدي علاج له100٪ واذا المرض جسدي فهذا الاصرار والتحدي علاج له50٪ والباقي علاج مادي |
|
|
|
|
19-02-2015, 02:52 PM
|
#8 | |
|
عضـو مُـبـدع
|
أخوي ميدو المدني أهنيك على اصرارك في مواجهة مرضك بس فيه حاجه أعتقد أنك ما بحثت أنت عنها بنفسك وهي اللي الى الآن ما بعد سويتها سؤالي بما أنك تشعر بالاعراض اللي أنت ذكرت وفحصت ولا طلع فيك شي أسألك بالله العظيم هل رحت وفحصت المعده والقولون عندك ولا طلع فيك اللتهاب طبعاً لا اخوي ميدو المدني أنت تدري أن 90% من اللي يشكون الاعراض هذي جميع الاطباء اتحدى أنهم يدرون عنها لأنهم ما جربوا الشي هذا وبالحالة هذي يقولون مرض نفسي شف وقدام مراقبين المنتدى والمشرفين والاعضاء والزوار أنا اقول اللي فيك اللتهاب بالمعده والقولون لأن سبحان الله اذا تأثرت المعده والقولون خلاص راح يضطرب الجسم كله تدري ليه . لأن أكثر الاعصاب موجوده في المعده والقولون وهم المسؤولين في توصيل الغذاء وهضم الغذاء عن طريق افراز الانزيمات الموجوده فيهم واللي تساعد في تغذية الهرمونات والدماغ واذا حصل اللتهاب فيهم حصل اللتهاب في الاعصاب وتبدا الاعراض اللي عندك تطلع بسبب نقص العناصر اللي المفروض تاصل للدماغ وتخليه يعمل بالشكل الصحيح . وراح ابسط الشي هذا بمثال بسيط حتى تعرف ليه الاعراض تجيك فجأة وتروح فجأة وابصم لك بالعشره أن جميع الاطباء ما يعرفون الشي هذا لأنهم فاشلين ولا قاموا وجمعوا اللي يشكون من نفس الحالات هذي وسألوهم ليه يحصل كذا . ارجع وابسط بمثال حتى تأكد من صحة كلامي شف الآن عندك جهاز تلفزيون ورسيفر وصحن الدش واضح وكلهم مربوطين في سلك راح اسألك سؤال لو اجيب السلك اللي يربط بينهم واجرحه هل الصوره تكون واضحه على التلفزيون او لا طبعاً راح تكون تطلع شوي وشوي تختفي لكن اذا كان السلك سليم راح تطلع الصورة واضحه على التلفزيون وطبق الكلام هذا على الانسان اذا كانت المعده والقولون فيهم اللتهاب راح تضر الاعصاب وراح تكون التغذيه سيئة للجسم والدماغ وراح تطلع الاعراض اللي انت تشعر فيها واذا كانت المعده والقولون سليمين ما راح تطلع الاعراض لأن التغذيه صارت سليمة ووصلت الدماغ بالشكل المطلوب . أتمنى تكون فهمت ووصلت لك الفكره يعني وبأختصار متى ما راح اللتهاب اللي في المعده والقولون راح ترجع طبيعي 100%100 . أسأل الله العظيم رب العرش الكريم يشفيني ويشفيك ويشفي كل مسلم |
|
|
التعديل الأخير تم بواسطة ربي يحبك ; 19-02-2015 الساعة 02:54 PM
|
|
19-02-2015, 03:17 PM
|
#9 | |
|
عضو نشط
|
اهنيك ياصديقي عى هذي القوة
هذا الي ابي أوصله للأعضاء علاج مافي علاج دامك خايف انسى انك تتعالج تبي تتعالج اصدم مخاوفك بقوتك وعزيمتك والله نص الأعضاء منسدحين في بيوتهم وقاعدين على اللاب ويطقطقون ويحطمون غيرهم وانا شخصياً ضد الحبوب وماخذيت حبه في حياتي وباللعكس وصلت لدرجة الرااااحة واعتقد بإذن الله اني شفيت منه بنسبة كبيرة وبسعى فالنسبة الأخرى |
|
|
|
|
19-02-2015, 10:50 PM
|
#11 | ||
|
عضو نشط
|
اقتباس:
صديقي المتفائل وبإذن الله دامك تحت رعية الله بتكون دوم متفائل وأهم سبب في تحسن حالتي هو التفائل سلاح قوي أخوي محمد كانت أعراضي هي نوبات الهلع مع الأعراض المصاحبة للنوبات مثل رعشة فالجسم مع غشاوة العين وصداع وضعف في العضلات ودقات قلب سريعة و ألام في الجسم وأكتأب وأضطرابات المعدة وغيرها من الأعراض القوية وكنت أخاف من الخروج لأي مكان بس ضغطت على نفسي وقلت لازم حل لهذي المشكله والحل المفروض يكون بأيدي ووضعت نفسي جدول وتعهدت اني التزم فيه وهو كالتالي : الألتزام بالأمور الدينية والأبتعاد مايغضب الله نسيان أمر المرض تماماً وفي حاله وجدت صعوبة أقول يا هلا بالنوبة تعالي قسم اني ماني بخايف منك وش يعني نوبه (الصراحة لها تأثير قوي ) كنت اخاف أطلع وقلت في نفسي بطلع والي فيها فيها وكنت كل يوم أروح لمكان وكل مرة ابعد وما اشوف لا العافية الرياضة اليومية مدة 50 دقيقة على الأقل مشي وكنت أسمع من التيلفون برنامج الوعد الحق لعمر عبدالكافي برنامج ديني جميل وفيه عبر أستخدم عشبة البابونج مرتين يومياً أحاول أشغل نفسي بأي شي سواء كتاب أو لعب بلاي ستيشن المهم ما افكر في المرض وأذكار الصباح والمساء والنوم وتوكل على الله في كل كبيرة وصغيرة وأحمد الله في كل كبيرة وصغيرة والله انه لها تأثير قوي فيني وتجي أيام انسى اني مريض ومرات تجي الاعراض بس بشكل خفيف وانا مستمر حتى يشفيني الله |
||
|
|
|
19-02-2015, 11:04 PM
|
#12 | |
|
عضـو مُـبـدع
|
يالربع المسأله ماهي بالبساطه اللي تتخيلون
مثلا اختلال نبض القلب والدوخه..لا اراكم تذكرونها...وهي اهم واخطر عرضين وهذا دليل ان المسألة ليست واحده عند الجميع ولو تشابهو بالخطوط العريضه كالخفقان واضطراب الهضم وربما يختلف العلاج والتشخيص...الله اعلم,اللي مكتوب بيصير |
|
|
|
|
20-02-2015, 11:03 AM
|
#13 | ||
|
عضو
|
اقتباس:
الله يبارك بعمرك يابوي والله مابك شي كم مره جتك نوبة هلع !! مت ؟؟ جاك شي ؟؟ صار شي .؟؟ هذا انت حمدلله حي ترزق اذا انت تخاف تبعد عن بيتكم 5 كيلو انا اقولك قص تذكره وسافر لحالك روح خذ عمره روح تمشى سو اي شي صدقني راح تشوف الخمسه كيلو اللي خايف تقطعها ولا شي لأنك مو كسرت حاجز الخوف انت تصير كذا قفزت قفزه كبيره جرب ايش راح تخسر ؟؟ دام النفسيه خربانه .. والحياه مالها طعم ..وش خايف تخسر !! خلك رجال والعن بليس وبتدعي لي |
||
|
|
|
20-02-2015, 11:05 AM
|
#14 | ||
|
عضو
|
اقتباس:
القولون ان فكرت فيه زاد عليك تجاهله يابوي |
||
|
|
|
20-02-2015, 11:22 AM
|
#15 | ||
|
عضو
|
اقتباس:
سويت منظار مرتين سويت اشعه مقطعيه سويت تحاليل وش تبي بس ماسويته رحت لاطباء اعصاب عشان الرعشات والنغزات انا اقولك ان قولوني مضروب ومجيم بعد udjdudud اذكر ذكتور مصري قال لي القولون عليك ان تتعايش مع المرض كل اللي قلته لي منطقي بس متى ما ركزت تفكيرك على الاعراض زادت او مثل مانقول ( تتوجس ) يعني تجلس تراقب نفسك تحس ان يدك تنبض تحس ان رجلك فيها شي يتحرك مو طبيعي لو جينا بالعقل ان جسم الانسان كله اعصاب وعروق .. الخ كل شي في جسمك جالس يتحرك ويشتغل بس اذا انت بتتوجس وتراقب راح تحس بكل شي وبتدخل بدوامه التفكير وهنا الشيطان يلقى عليك الفرصه ويجلس يوسوس فيك يوم قررت اسافر للدراسه امي كان ضايق صدرها خايفه اني اتعب قلت يمه ابي اروح ابي احس اني اقدر اعيش جيت هنا والله ما اخفي عليك تعبت وشفيت وتعبت وشفيت وتعبت وشفيت بس مافتحت فمي بكلمه لاشكيت لزوجتي لاني لو بينت اني تعبان راح اخرب كل شي بحياتي كنت انام والله بوقت النوم انواع العذاب جسمي كأن تجيه مثل الصدمه الكهربائيه وافز فزات قويه ولا ابين لها وكنت اعاند وانام واصحى من النوم ما ابي اذكر شي اروح للمعهد وارجع وانا متجاهل كل شي مره .. مرتين .. ثلاث مرات .. صارت الاعراض عادي حسيت اني عرفت اتجاهل الحمدلله كنت في السعوديه اذا جاني شي اعلم اهلي اهلي يخافون .. بعدين يبدا شغل القرايات والا انت فيك شي بعدين كل يوم والثاني تشوف نظرات اهلك يتعاطفون عليك وكل شي والا يجيك واحد ويضمك ويقولك الله يشفيك خلاص .. المخ يتبرمج انك تعبان وكل مالك تزود وتزود بس الى متى ؟؟ لعلمك 3 سنوات ماكنت اطلع مخيمات لاني اخاف يجيني شي في البر ومافيه مستشفى قريب رجعت اجازه للسعوديه صارت نومة البر عندي كني نايم في غرفتي ببيتنا انا اقولك كذا لاني باوصل للكل شي اللي تخاف منه وتحس بتجيك نوبه الهلع فيه .. اقولك سو اللي اعظم منه اللي تحس انك بتموت فيه لما تسوي اكبر مخاوفك .. راح تستحقر اصغر مخاوفك يارب وصلت الرساله ياغالين |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
