أقرب الناس تتخلى عنك بعز تعبك ..(فضفضه)💔

أقرب الناس تتخلى عنك بعز تعبك ..(فضفضه)💔

اقرب الناس مايصدق تعبك ...ولا يهتم فيك ويتخلى عنك بعز التعب..


صعبه وقويه علينا احنا النفسيين نلقى الاهمال من الناس الي حولنا ..
دايما يقولون تتوهمين موسوسه ..دلع... فسقانه...

بالله ليش تعاقبوني عشان انا تعبانه ..هالتعب من ربي ...مالي ذنب فيه😔

سامحوني اذا كلامي مخربط ...بس قبل شوي حصلت كلام صدمني من اقرب الناس لي💔💔


💔💔💔💔💔💔💔💔💔💔💔💔💔

المصدر: نفساني

حاولي انك تكتمي وماتقولي اش فيكي الا لطبيبك النفسي واستغفري كثير وسبحي كثير

والله تصييييير
عشان كذا نجي هنا نفضفض ونتكلم
لأن محد حاس فينا و بتعبنا
يقولون وهم و دلع
ولا لقينا اهتمام و رعايه
الله المستعان ليتهم يجربون بس

اااااااه

تخلوا عنا الناس

لدرجة مالقى احد افضفض له

يارب اجبر كسري

الله المستعان كثيييير تحصل لي ولا بعضهم تشكين عليه ولايرد عليك يسكت عنك
او يغير السالفه
لكن الحمد لله على كل شي
الشكوى لغير الله مذله

واقسم بالله صادقة انا كنت تجيني نوبات هلع وكتمة واحس بموت ويقولون لي موسوس نفسية شكله مجنون فعلا ما في احد يتفهمك فنحاول نفضفض بهل المنتدى

انا كذلك نفس الشعور والاحساس مع مرور ست سنوات من وسواس الموت والمرض احس الكل لا يبالي ولا يهتم إذا شرحت لهم معاناتي أو جاتني حالة هلع الله المستعان

والله يا اختي مر علي شهرين لين نص رمضان وانا
بتعب وسواس و ماخليت احد ببيتي يحس فيني،
الا انتو هون اكتب معكم وفضفض والحمدلله مو ناقصني مواقف يذكروني فيها دايم وانا اعرف انهم بيحبوني لكن ما يعرفون لما يذكروني فيها ارجع اتذكرها واتعب انا ما اصدق اتخلص من شي فليش اتذكر شي راح واقف من ثاني عنده،
لكن الحمدلله والشكرلله الي رزقنا بهالمنتدى ونحن اسره واحده وحالنا من بعض جميعا فيه .الله يشفيكي ويعافيكي آمين

حبيبتي حتى لو حسو فيكي وشعرو هم ايش بايدهم يسوون
مو هم بيدهم شفائك
كمان حتى لو تخلو عنك العالم كله لاتنسين ان ربك معاك
يسمع ويرأ وعالم وعارف باللي يصير لك
فاني ادعي ان ربي يغنيكي عن العالمين وانك ماتحتاجي لاي احد وتذكري ( لاتحزن ان الله معنا)
هذي الايه تخفف عنك كثير باذن الله

اللي مايسمعك ومايفهمك لاتشتكين له ابدا الشكوى لله