|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
12-05-2007, 05:11 PM
|
#1 | ||||
|
عضـو مُـبـدع
|
المستشارة نجلاء محفوظ ......... ارجوكي !!!!!
بسم الله الرحمن الرحيم
اشكر اول شي المستشارة نجلاء محفوظ على كلماتها اللذيذة المليئة بالشطة في بعض الردود ههههههه والمليئة بالحكمة في البعض الاخر والمطعمة بالاخلاص في كل الاحيان ..... وابدا انا مشكلتي من عندي انا قد اكون احب الكلام المرتب الجميل وياسرني بسهولة الاسلوب الراقي في التعامل .... ولا احب الكلام الملخبط والكلمات التي تجرح يعني من الاخير حساس شوية للكلمات واعلم ان الكمال لله وحده ، وعندي من الذنوب ما يندى له الجبين ، واحس بالاسى نحوها جدا .... مررت بتجارب صعبة جدا في الحياة ، يمكن على قدي لكنها هدت حيلي ..... عشت في بيئة عنصرية بطريقة مقرفة ، وفي بيت صارم جدا جدا ، وعلشان كذا احترم الناس حتى يحترموني واللي ما يحترمني اطلعه من الاجندة واحطه على الرف الين ما يستوي هههههههههه المهم راودني الشيطان عن نفسي حتى اتزوج ، قلي تكمل دينك وهو ناي يخليني اخلع المهم الحمد لله احب الدعابة لا احد يزعل ....... ما قلت لكم ذنوب يندى لها الجبين استغفر الله واتوب اليه .... المهم من الله علي بالزواج وبالخلفة وجبنا ولي العهد الله يحفظه وسميته باسم النبي صلى الله عليه وسلم تكفيرا للذنوب واملا انه يكون احسن مني والحمد لله ثم الحمد لله ثم الف الحمد لله ..... المشكلة امه كل شويه احطها على الرف الين ما تستوي وتصير صالحة للافتراس الادمي خخخخخخخ بدينا من بعد الزواج بكم شهر حصل الحمل الاول والحمد لله ولكن اختبارات الحمل تقول ما فيه حمل قلنا خير ان شاء الله بعد شهرين من الحمل المزعوم هههههههههه قلت اسال امي كيف الحل التحليل ليس ايجابياا والدلائل تقول حمل وقلت بيني وبين نفسي ( فاسئلوا اهل الذكر ان كنتم لا تعلمون ) ... المهم قالت امي الله اعلم يا وليدي ......... كلمت المدام اني سالت ست الحبايب وافتت بعدم العلم .... المهم جن جنونها على افشائي للسر المصون .. اذ كيف اكلم امي ان عندنا شي محتمل في الطريق ولم يثبت بالدليل القاطع والبرهان الساطع .... وبعدين قالت لي يا فرحتك فالح ...... طبعا في ذلك الوقت لم اكن امزح والكلام جد ..... فاحسست بامتعاض واسى لاني جرحت بعيار طائش .... انا اعتقد اني لم اجرحها بسؤال اهل الذكر .... المهم لذت بالصمت واوقفت الارسال وسكتم بكتم هههههههههه سالتني ايش فيك لا يكوووون علشان قلت لك يافرحتك فالح وانا معصبة .... هذا بدل ما تعتذر بدل ما تشوف اني صغير عقل .... كان ردي ان الاحترام يسبق الحب دائما .... واذا بدينا نلبخ الكلام مع بعض رايح نفقد الاحترام واذا فقدنا الاحترام ابقى سلم لي على الحب .... المهم اتصالحنا وبعد مدة نزلت شوية سوائل قلت يمكن طبيعي رحنا للدكتور حق الصحة قال كمية بسيطة عادي ...... وبعد مدة ثانية صار ما لم يكن بالحسبان سقط الحمل والحمد لله على كل حال وصرت انا المسؤل الاول والمباشر عن سقوط الحمل لاهمالي وعدم مبالاتي وبخلي الغير مبرر حيث ان المستشفيات الخاصة عندهم اساليب لمنع سقوط الاجنة بطريقة امنه ومريحة عملية ربط المهم قلت لها يمكن رزق الله ما كتبه لنا والا رحمنا من شر محتمل .... يعني لو جاء ولد عنده مشاكل وراثية كبيرة تخلف والا نا قص شي كان نشوف الويل لكن الله ستر وسقوطه خير ... لان الله هو اللي كتب والحمد لله على كل حال ..... صارت بعدين كل شوية تلحن لي نغمة على نفس الوتر ...... انت السبب انت السبب وانا احس بالذنب واستغفر الله ونرجع ونعيد انت السبب انت السبب المهم كل شوية تلبيخة جديدة مرة فلان على الاقل مو بخلان على بيته .... اسمعي يا جارة انت كذاب مرة اخرى ....... كذاب كذاب كذاب ..... والله استحي من هذا الكلام لكن افضفض ما عندي لك فطور في رمضان الا تمرة وماء ...... شهر العسل مو فلة - يعني مو حلو - انا استمتعت مع خالتي اكثر منك ..... فلان عنده وفلان عنده ..... فلان جاب لحرمته وفلان جاب ..... ابغى اتوظف حتى لو بعشرة ريال ..... فلانة من يوم ما تزوجت وهي ما تطبخ ولا تسوي شي .... فلانة من يوم ما حملت ولا حطت يداها في شي ..... زوجها مدلعها ..... تعالي شوفيه يسجل فلم كرتون - اللي هوا انا - ......... لساعه طفل ........ كلام بالصراحة يجرحني واتزاعل معاها علشانه اكلمها نتفق في الليل وفي النهار تقولي انا حرمة وغيرت رايي خخخخخخخخخخخخخ ليش اهلك يعاملونني اقل من الناس ما يطبخون لي ويكنسون لي الشقة انا ماني اقل من احد .... انا حملت وقمت بشغلي كامل ..... غيري ما يسوي شي ..... اقول يا بنت الناس قولي الحمد لله غيرك يتمنى ربع عيشتك ما يلاقونها ..... الله لا يغير لنا حال ...... طبعا مسوي اني ملاك .... لكني والله بشر واغلط ولكني اعتذر وارجع ....... الين ما قرفت وحطيتها على الرف الين ما تستوي.......... اصدقاء الين ما نرجع ازواج ....ما اعرف هذه الطريقة صح والا لا ارجع من العمل حيلي مهدود والاقيها تبكي ليه ؟؟؟؟؟ البوية مبقعة .... نبغى سيراميك ...... نغير المجلس ...... ما عندنا ساعة حائط ( بيتنا ثلاث غرف فيه ستة او سبعة ساعات ) ...... اعطني حريتي ابغى جوال ...... الجوال هذا ما يغني ؟؟؟؟؟ خخخخخخخخخخخخخ وهات يا بكى وبريالين نكد وهم واوقية زعل ...... والبوية مرة اخرى ..... ثم انت تكلم بنات في الانتر نت .... وتلفونك مشغول على طول والحقيقة اني مع سوق الاسهم احمر اخضر ...... الخ او اكتب في منتدى نفساني في نادي نوبات الهلع ...... او اكتب مثل هنا او اشوف منتديات المال او ابحث عن معلومة هنا او هناك يعني افك عن نفسي شوية ...... اطالع على التلفزيون تقولي ليش تطالع على البنات انا كمان رايحة اطالع على الرجال ... اقوم ازعل انا ويا الله ...... يا بنت الحلال استحي ..... الرجل يحب يكون رجل بالثقة ..... كمان انا كل يوم اكلم اصحابي واطلع كل اسبوعين والا كل شهر واذا راحت عند اهلها ابقى العب بذيلي واتعشى مع اصحابي خخخخخخخخخخخخخخخ بالصرحة شي يجيب البكاء ..... اذا غاب القط العب يا فار ههههههههههه وانا كنت شندرلا في بيت اهلي ..... ولا اسوي اي شي ورقيقة وكل حاجة واوامري مطاعة والان انت تبغى حرمة بالريموت كونترول والحياة مشاركة في كل شي لازم اناقش واحاور ..... ويا عين صبي ...... المهم تسوي اللي في راسها واذا انا قلت لا تجيب اللي تبغاه من عند اهلها كهدية وانا استحي واسكت ولكن الين متى ؟؟؟؟ ما اظن اني بخيل جدا يمكن بخيل شوية في الشي اللي ما له داعي الكمالي طبعا الله رزقنا ولد والحمد لله ....... تجرب عليه كل اللي يقوله الناس من خلطات ونكهات وخلافه واذا قلت انا شي يصير غلط وممكن يتعب الولد مع انه ولدي انا مش ولد الناس .... وتخربط له الين يا يطرش يا يجي له امساك يا غازات مسكين يا ولدي ..... طبعا انا ما اراقب ولكن اذا شفت الولد تعبان اقول لها ايش اكلتيه تقول ولا شي وبعد التحقيق تقول اكلته رز وبطاطس وسيريلاك ....... الخ اقول وقفي كل شي غير الحليب تماما وحليب خفيف كمان الين ما تعدي الازمة وبعدين شوية شوية تقول لي طيب وبعدين اكتشف ادوات الجريمة في المطبخ ما قلت لك غير الحليب لا ..... تقول لا يجيله سوء تغذية ..... مسكين يا ولدي ... فلانة تقول وكل الناس يقولون..... يا بنت الحلال حرام الولد امانة والله خلق الحليب غذاء كامل له .... وانا مش بخلان على ولدي ولكن ؟؟؟؟؟؟؟ تقول لي الناس يقولون وتلبيخ وتلبيخ الين انا ما زهقت وفاض بي الكيل وحطيتها على الرف الين ما تستوي لي عودة بعد الكلام الكثير هذا المهم الحين لنا سنتين كل شوية نتشاكل الين ما خبت جذوة الحب ...... المصدر: نفساني
|
||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
