|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
07-09-2009, 11:25 PM | #1 | |||
عضو جديد
|
دلوني علي الصواب لأنه تاه مني وبعد أووي
السلام عليكم ورحمة الله وبركاته
كل عام وإنتم بكل خير ورمضان كريم علي الجميع أنا اتكلمت معاكم قبل كده وموضوعي كنت طالبه فيه مساعدتكم والحمد لله قمتوا بالواجب جزاكم الله خير الدارين هدخل في مشكلتي علي طول ومستنية منكم نواجهوني بالتصحيح لأي خطأ مسيطر عليه أنا زي ماحكيت قبل كده مرتبطة بإنسان وأهله عارفين وفيه ناس من أهلي عارفين وكانت الظروف بتمنع انه يتقدملي لأنه مكنش كون نفسه صح لشقه وارتباط المهم ارتباطنا بنتواصل فيه نت وتليفون غير كده لا عشان متعداش الصح أنا بحبه جداااا وهو مالي عليه حياتي ... أنا اتخرجت من شهرين وقعدت ارتاح شوية في البيت الفتره دي هو ساب شغلهبسبب مرض والده الشديد فكان لازم يسيبه لأنه في محافظه تانية ورجع البيت جنب والده لفوا علي مستشفيات كتيره لمده شهرين لحد ماحالته النفسية تعبت جدا وبئه مشتت وتعبان ومتضايق من أقل شئ بسبب والده هو أخ لأربع بنات واحده منهم هتتجوز والباقي صغيرين بيعتبر نفسه مسئول عنهم جدا والده توفاه الله من أيام و من ساعتها وهو بيفكر في السفر بره مصر عشان يكون نفسه ويسد ديون والده ويطمن علي اخواته البنات لو حد جاله عريس منهم أو اي شئ ميحتاجوش لحد فكرة السفر بالنسبالي كارثة لأني بكرهها جدا وهو شايفها حل لأنه بيكون مربح اكتر من الشغل في بلدنا هنا للي معندوش واسطه ونفوذ سألته طيب وأنا قالي انه طبعا هيتقدملي قبل مايسافر اعترضت وقولتله هتتقدملي ازاي من غير ماتكون نفسك وعاوز تخطبني وتسافر وانا اكون هنا لوحدي ده مش هقبل بيه فضل يقولي لازم اكون جنبه ومعاه طب ياربي الحيرة مغلباني اهلي هيوافقوا ازاي اني اسكن في محافظه تانيه وان خطيبي ده هيسافر اساسا بره البلد وياعالم هيفضل بره واعيش معاه ولا هيرجع أنا مبقتش عارفة حاجه بقيت عصبية ومكتئبة جدا لأتفه الأشياء بتعصب وأعيط بقيت خايفه من بكره وكل اللي في دماغي اننا هنسيب بعض بجد تعبانة وحيرتي مموتاني مش عارفة اعمل ايه او اتصرف ازاي اصبر وافضل معاه ولا ابعد طب ابعد ازاي وانا بحبه بجد ومبفكرش في حياتي من غيره هو كملني في حاجات كتير وحسيت معاه بالراحة والحب بس الظروف مش مساعده نهائي أنا صح ولا غلط ؟ هل كده بهرب من المسئولية ؟ ولا كتر الهموم والتفكير تعبني؟ أنا سني 21 سنه ونص وهو اكبر مني ب 3 سنين بقيت بتضايق بسرعه عليه ولو حكي حجه عن الماضي او ذكرياته مع اي حد عرفه اقوله زي ماافترقت انت وفلانه زمان هيجي الوقت والظروف هتخليك تسيبني ليل ونهار مهمومه والله وبدعي ربنا كتير اوي بس لازم اتوكل علي الله بشكل صح واتصرف صح وادعي بصدق عشان ربنا يستجيب دعائي وانا مبتصرفش صح وبضيع كل شئ مني ياتري هفضل ضايعه كتير ولا اعمل ايه دلوني الله يباركلكم سلام عليكم المصدر: نفساني
|
|||
|
14-09-2009, 02:04 AM | #2 |
عضو جديد
|
الجديد المحير
سلام عليكم
بعد ماحكيت اللي أنا متاره فيه ظهرلي طريق جديد لزياده الحيره الإنسان اللي مرتبطه بيه ده كنا متفقين نستقر في مكان معين كويس وعاجبنا دلوقتي بعد وفاة والده مصمم انه صعب يسيب بلدهم عشان اخواته البنات وعلشان ينفع يستقر عنده ويجيب شقه وحطني في موضع اختيار وانا طبعا رفضت لأننا متفقناش علي كده وهو رد ان الظروف اتغيرت وانا رافضه اعيش في بلد مش في مدينه زي ما انا عايشه في القاهره وهو بيأكد اني لما اشوف المكان هرتاح وهتكون تمليك يعني مش هنصرف كتير ايجارات انا معرفش اعمل ايه ارفض واكون خسرته وابعد ويكون شكلي بتخلي عنه ولا اوافق وانا رافضه الفكره لحد ما اشوف بعيني ؟؟؟ |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|