مشكلة التركيز عند اخوي ! ساعدوني تكفون

مشكلة التركيز عند اخوي ! ساعدوني تكفون

السلام عليكم ورحمة الله وبركاته ,
انا عندي اخو عمره 11 سنه .. ولا عرفت وش اللي فيه .. حيرني ما اقدر اقول ان هو مختل عقلي تماما ولا اقدر اقول انه نص ونص ولا اقدر اقول ان عقله تام
فيه امور يعرفها ويفهمها وامور لا يصعب التعامل معه .. وفيه شغله ثانيه .. انه ما يعرف يتكلم كويس ولا يقدر يركب الكلمات مع بعض يعني يجيب كلمه ويحذف كلمه وبعض الحروف ما ينطقها كويس ..

بعطيكم مثالين بسيطين ! للامور اللي يفهمها والامور اللي ما يفهمها !!

1- لو اقوله مثلا .. يا فلان رح لولد عمي فلان وجب من عنده لاب توبي يروح لولد عمي ويجيبه ( طبعا اذا صار يقول لولد عمي عطني اللاب توب ما يفهمه لان الكلمات غير مرتبه وبعض الحروف ما ينطقها كويس )

2- يطلب مني طلب واقوله يا فلان الطلب هذا غالي ما معي فلوسه يقول لا روح للصرافه واخذ منها فلوس وجبه لي ولا بزعل اقوله الصرافه ما فيها فلوس يقول لا الصرافه فيها ..
هو يعتقد ان الصرافه ان فيها فلوس 24 ساعه كل ما طفرت يقول رح لها
( طبعا هو عمره 11 المفروض يعرف ان الصرافه جهاز الكتروني عباره عن تخزين رصيدك المالي فقط )

وما احد يفهم كلامه كويس الا حنا يا اهله , الناس الباقين يصعبون فهمه ..

وعلى فكره ترى وجهه ما فيه شي يعني لاحد يفكر ان منغولي او شي بالعكس ما شاء الله عليه جميل وما فيه شي فيه تقول شين يعني وسيم مره الله يحفظه , لكن الله يعطي وياخذ سبحانه

اللي عنده مثل هالحاله وتعالج او عنده خبره في هالامور او ارقام دكاتره كويسين بالرياض يساعدني الله يخليكم
واللي يبي يسال اكثر انا جاهز لاي سوال

المصدر: نفساني

السلام عليكم ورحمه الله وبعد اخي محمد يحتاج لك ان تذهب به اولا الى اخصائي نطق لمعرفه ان كان هنالك خلل في وضائف الكلام ثم يحتاج له ان تعرف مستوى الذكاء لديه ربما يعود السبب لذلك معكم الدكتور طارق الحبيب راس في هذا الشي ودمتم بود